Як мылі помнік Янку Купалу

Як мылі помнік Янку Купалу напярэдадні яго дня нараджэння

71
(абноўлена 21:34 06.07.2018)
Дапамагалі мыць помнік рабяты з асаблівасцямі псіха-фізічнага развіцця.

МІНСК, 6 ліп — Sputnik. У парку імя Янкі Купалы напярэдадні дня нараджэння ўрачыста вымылі помнік песняру, перадае карэспандэнт Sputnik.

Дапамагалі ў гэтым рабяты з аддзялення дзённага знаходжання для інвалідаў Цэнтра сацыяльнага абслугоўвання насельніцтва Маскоўскага раёна. Перш за ўсё для іх правялі экскурсію па музеі Янкі Купалы, а пасля прапанавалі папрацаваць. Узброіўшыся сродкамі для мыцця, яны прыступілі да добраўпарадкавання пастамента.

Арганізатары акцыі запэўнілі, што ўвесь тыдзень рабяты чакалі паездкі.

Помогали мыть памятник ребята с особенностями развития
© Sputnik / Сергей Пушкин
Дапамагалі мыць помнік рабяты з асаблівасцямі развіцця

"Самі паглядзіце, яны ўсміхаюцца, а напярэдадні вучылі вершы, рыхтаваліся", — распавяла загадчыца аддзялення дзённага знаходжання для інвалідаў Цэнтра сацыяльнага абслугоўвання насельніцтва Маскоўскага раёна Вера Васільева.

Яна патлумачыла, што задзейнічаныя ў акцыі дзеці з-за інваліднасці не могуць быць працаўладкаваныя. І таму такая магчымасць сацыялізацыі для іх важная.

"Яны не могуць быць працаўладкаванымі з-за асаблівасцяў развіцця. А дзякуючы акцыі яны могуць адчуць сваю значнасць і паўдзельнічаць у жыцці горада. Бо акрамя майстэрняў пры цэнтры яны ніяк не занятыя", — патлумачыла Васільева.

Спярша ўдзельнікам акцыі далі магчымасць адчуць, што яны могуць працаваць і дапамагаць, а затым  падарылі шанец адчуць увагу. Хтосьці прачытаў вершы Купалы на камеру, а хтосьці проста выступіў у парку.

Напярэдадні рабятам апісалі план, падрабязна распавялі, што будзе адбывацца. Гэта важна, бо галоўнае — стварыць камфортныя ўмовы для ўдзельнікаў акцыі. Таму пры з'яўленні журналістаў яны не бянтэжыліся, а ўсміхаліся.

І сапраўды, каманда выглядала гатовай да працы і бадзёрай, нацягнула яркія жоўтыя пальчаткі, зняла купальскія вянкі і пачала працу.

Скептыкі, якія не бралі ў рукі губкі, а назіралі за працэсам збоку, заўважылі, што да мыцця помнік блішчаў высакароднай пацінай і што мыццё не пайшло яму на карысць, але іх супакоілі. Валанцёраў, якіх турбуе стан помнікаў, не так многа, таму праз некаторы час прыйдзецца зноў узброіцца вёдрамі.

Скептики отмечали, что мытье не пошло на пользу памятнику
© Sputnik / Сергей Пушкин
Скептыкі адзначалі, што мыццё не пайшло на карысць помніку

А пасля праведзенай работы памочнікі вярнуліся ў музей паэта, дзе працягнулі чытаць вершы і проста размаўляць адзін з адным. А каб атмасфера была цяплейшай, пасля працы ўдзельнікаў акцыі абяцалі не проста пачаставаць абедам, але і навучыць рыхтаваць традыцыйныя стравы нацыянальнай кухні, так што паэзія аб'ядноўвае нават ускосна, а яшчэ і выклікае прыхільнасць да працы.

71
Тэги:
дзень нараджэння, Янка Купала, Мінск, Беларусь
По теме
А хто там ідзе: знакаміты верш Купалы выйшаў у перакладзе на 101 мову свету
Янка Купала: таямніцы жыцця, кахання і смерці
Удзельніца са школы Viradouro на карнавале ў Рыа-дэ-Жанейра, Бразілія

Карнавал у Рыа адмянілі з-за пандэміі каронавіруса

6
(абноўлена 19:25 23.01.2021)
Раней бразільскія ўлады пераносілі карнавал на нявызначаны тэрмін і разлічвалі, што здолеюць правесці мерапрыемства пасля таго, як з'явіцца вакцына ад COVID-19.

МІНСК, 25 сту – Sputnik. Штогадовы карнавал у Рыа-дэ-Жанейра, які павінен быў адбыцца ў лютым 2021, адмянілі, паведаміў мэр горада Эдуарду Паіс.

У верасні мінулага года стала вядома, што мерапрыемства адкладаецца. З-за пандэміі школы самбы не паспелі б падрыхтавацца да правядзення карнавалу-2021 у лютым ні фізічна, ні матэрыяльна.

Увосень арганізатары мерапрыемства выказвалі надзею на тое, што са з'яўленнем вакцыны ад каронавіруса, знакамітае шоу ўсё ж атрымаецца правесці летам.

"Я ніколі не хаваў сваёй страсці да карнавалу і выразнага бачання эканамічнай важнасці гэтай культурнай падзеі для нашага горада. Аднак цяпер няма сэнсу меркаваць, што мы зможам правесці карнавал у ліпені", - напісаў у сваім Twitter Паіс.

Падрыхтоўка, якую патрабуе шоў, на дадзены момант немагчыма, растлумачыў мэр і дадаў, што ў наступным годзе, пасля праходжання вакцынацыі, Рыа-дэ-Жанейро зможа "адсвяткаваць жыццё і нашу культуру з усёй інтэнсіўнасцю, якую заслугоўваем".

Карнавал у Рыа-дэ-Жанейра традыцыйна праводзіцца з пятніцы па аўторак перад Вялікім постам.

Бразілія стала адной з самых пацярпелых ад каронавіруса краін у свеце. Па апошніх дадзеных, захварэлі на COVID-19 больш за 8,6 мільёна жыхароў краіны, памерлі 214 тысяч чалавек. Краіна знаходзіцца на другім месцы ў свеце па колькасці смяротных зыходаў у хворых на каронавірус і на трэцім па колькасці заражэнняў.

Чытайце таксама:

6
Тэги:
Рыа-дэ-Жанейра, карнавал, каронавірус
Патэрна - падземны калідор у форце

Як выглядае абноўлены музей "Пяты форт" у Брэсце

5
(абноўлена 16:59 23.01.2021)
Работы па рэстаўрацыі і музеефікацыі праводзіліся з чэрвеня па снежань 2020 на сродкі Саюзнай дзяржавы Расіі і Беларусі.

БРЭСТ, 25 сту – Sputnik, Святлана Яцанюк. У Брэсце урачыста адкрыўся абноўлены музей Пяты форт - філіял мемарыяльнага комплексу "Брэсцкая крэпасць-герой".

Пятый форт - филиал мемориального комплекса Брестская крепость-герой
© Sputnik Светлана Яценюк
Пяты форт - філіял мемарыяльнага комплексу "Брэсцкая крэпасць-герой"

Падчас рэстаўрацыйных работ былі ачышчаны ад моху і бруду фасады казармы і гаржавы капанір. Сцены вычышчанага форта абаранілі спецыяльным кансервавальным складам, каб не разбуралася цэгла. Пра тое, што гэта Пяты форт, цяпер кажа і рымская лічба V на ўваходзе ў левай частцы гаржавой казармы.

Музей рассказывает и об участии крепости в Первой мировой войне
© Sputnik Светлана Яценюк
Музей распавядае і пра ўдзел крэпасці ў Першай сусветнай вайне

Акрамя рэстаўрацыі ў рамках праекта была створана новая экспазіцыя. Яна размясцілася ў гаржавой казарме і займае шэсць казематаў. Музей расказвае пра гісторыю фартыфікацыі на беларускіх землях, пра мадэрнізацыю Брэст-Літоўскай крэпасці, аб будаўніцтве фартоў і аб удзеле крэпасці ў Першай сусветнай вайне. Таксама ёсць залы з элементамі рэканструкцыі: яны наглядна паказваюць, як выглядалі памяшканні форта - жылыя казематы, канцылярыя, цэйхгаўз, умывальня.

В рамках проекта была создана новая экспозиция
© Sputnik Светлана Яценюк
У рамках праекта была створана новая экспазіцыя

На адкрыццё Пятага форта прыбылі міністр культуры Беларусі Анатоль Маркевіч, прадстаўнікі гарадской улады, кіраўніцтва Мемарыяльнага комплексу "Брэсцкая крэпасць" і іншыя ганаровыя госці. Як распавёў загадчык музея Пяты форт Аляксандр Каркатадзе, за 20 гадоў існавання гэтага аб'екта ў якасці музея яго ў агульнай складанасці наведала крыху больш за 100 тысяч чалавек.

Заведующий филиалом Музей 5-й форт Александр Коркотадзе на фоне стены с римской цифрой V
© Sputnik Светлана Яценюк
Загадчык філіяла "Музей 5-ы форт" Аляксандр Каркатадзе на фоне сцяны з рымскай лічбай V

У мэра горада Аляксандра Рагачука ёсць надзея і мэта ў разы павялічыць наведванне гэтага аб'екта.

"Патэнцыял Пятага форта - не тыя 100 тысяч, якія за 20 гадоў тут пабывалі. Я вам гарантую 100 тысяч у год", - выказвае ён сваё меркаванне.

Мэр города рассчитывает на 100 тысяч посетителей в год
© Sputnik Светлана Яценюк
Мэр горада разлічвае на 100 тысяч наведвальнікаў у год

Мэр горада паабяцаў узяць на сябе абавязацельствы па добраўпарадкаванні прылеглай тэрыторыі. Ужо ідзе будаўніцтва дарогі да музея. І будзе наведзены парадак ля ўваходу. Таксама Аляксандр Сцяпанавіч адзначыў, што да музея ў будучыні пусцяць грамадскі транспарт, так як цяпер сюды даволі праблематычна дабрацца без машыны.

5
Тэги:
Брэсцкая крэпасць, Брэст
Тэмы:
Саюзная дзяржава Беларусі і Расіі
Кіраўнік IIHF Рэнэ Фазель, архіўны фотаздымак

Мінск абмяркоўвае з IIHF памер кампенсацыі за адменены ЧС

8
(абноўлена 13:56 25.01.2021)
Сусветны хакейны форум павінен быў прайсці ў траўні-чэрвені 2021-га ў Мінску і Рызе, аднак савет Міжнароднай федэрацыі хакея (IIHF) вырашыў перанесці матчы чэмпіянату з беларускай сталіцы.

МІНСК, 25 сту – Sputnik. Вядуцца перамовы з IIHF па пытаннях кампенсацыі за адменены чэмпіянат свету ў Мінску, паведамілі ў прэс-службе Федэрацыі хакея Беларусі (ФХБ).

"Зараз вядуцца перамовы з удзелам двух бакоў па пытанні кампенсацыі за адменены чэмпіянат свету ў Мінску", - сказалі Sputnik у прэс-службе ФХБ. Там дадалі, што да завяршэння перамоў ніякіх падрабязнасцей паведамляцца не будзе.

Што адбылося?

На мінулым тыдні стала вядома, што з Мінску быў перанесены чэмпіянат свету па хакеі. Гэта першынство павінна было прайсці з 26 траўня па 6 чэрвеня 2021 года ў Беларусі і Латвіі. Раней у Рызе выступілі супраць сумеснага турніру з-за палітычнага становішча ў Беларусі. Дзе ў выніку пройдзе ЧС па хакеі таксама пакуль невядома.

Цяпер турнір пройдзе ў альтэрнатыўным месцы ў тыя ж даты. Аб'ява аб новым месцы будзе зроблена ў бліжэйшыя дні.

Старшыня ФХБ Дзмітрый Баскаў раней заявіў, што беларусы ў сусветным форуме ўдзельнічаць будуць. "Мы вельмі паважаем працу спартсменаў, умеем яе шанаваць. Таму, напэўна, не маем маральнага права дзейнічаць, як нашы апаненты, забіраючы ў спартсменаў мару, а ў балельшчыкаў любімую каманду", - сказаў ён.

Чытайце таксама:

8
Тэги:
Хакей, Мінск, Чэмпіянат свету па хакеі 2021 года