Адбор на дзіцячае Еўрабачанне

Названыя фіналісты адбору на дзіцячае "Еўрабачанне 2018"

27
(абноўлена 09:48 07.07.2018)
Фінал нацыянальнага адбору пройдзе да 15 верасня, сам конкурс адбудзецца ў Мінску 25 лістапада.

МІНСК, 7 ліп — Sputnik. Фіналісты нацыянальнага адбору на дзіцячы конкурс песні "Еўрабачанне 2018" вызначаны па выніках праслухванняў прэтэндэнтаў у Белтэлерадыёкампаніі.

Удзельнічаць у адборы на дзіцячае "Еўрабачанне" сёлета захацелі больш за 60 маладых выканаўцаў і груп. Адбіралі фіналістаў прадстаўнікі прафесійнага журы, праслухоўвання прэтэндэнтаў адбыліся ў Белтэлерадыёкампаніі.

Па выніках праслухванняў прафесійнае журы вызначылася з фіналістамі адбору. Так, за пуцёўку на дзіцячае "Еўрабачанне" ад Беларусі ў бягучым годзе будуць змагацца:

 

  • Арцём Скораль (Ашмяны, Гродзенская вобласць), песня "Улыбнись"
  • Лізавета Мея (Жодзіна, Мінская вобласць), песня "Зорка"
  • Марыя Гулевіч (Мінск), песня "Остров Чикарум"
  • Даніэль Алекс Ястрэмскі (Мінск), песня "Time"
  • Ангеліна Ярашчук (Мінск), песня "Feeling Good"
  • Гурт "Мята" (Мінск), песня "Однажды"
  • Мікіта Бялько (Мінск), песня "Не предай"
  • Марыя Жыліна (Мінск), песня "Welcome To My Belarus"
  • Яраслаў Саколікаў (Мінск), песня "Мир на земле"
  • Вакальны гурт "Мonkey Tops" (Мінск), песня "На стиле"

 

Дата правядзення фіналу нацыянальнага адбору яшчэ не абвешчаная арганізатарамі. Прадстаўніка Беларусі на дзіцячым "Еўрабачанні 2018" будуць вызначаць як члены прафесійнага журы, так і тэлегледачы.

Дзіцячае "Еўрабачанне" адбудзецца 25 лістапада ў Мінску. Беларусь ужо актыўна рыхтуецца да правядзення маштабнага шоу — Белтэлерадыёкампанія знаходзіцца ў пастаянным кантакце з Еўрапейскім вяшчальным саюзам, ужо вызначана месца правядзення, а таксама слоган і лагатып конкурсу.

27
Тэги:
музыка, Дзіцячае Еўрабачанне, Беларусь
Каментары