Open-air Би-2 FEST прайшоў у Бабруйску

Бабруйск стаў зусім іншым: як прайшоў open-air "Би-2" у родным горадзе

34
(абноўлена 10:06 07.07.2018)
Па некаторых ацэнках, на вялікі канцэрт "Би-2 FEST" у Бабруйск прыехалі каля 50 тысяч прыхільнікаў.

У Бабруйску прайшоў доўгачаканы вялікі open-air "Би-2 FEST", наведаць які мог любы ахвотны — уваход быў вольны.

Падчас інтэрв'ю фронтмэны групы "Би-2" прызналіся, што такім чынам зрабілі падарунак гораду, які мае вялікае значэнне ў іх лёсе. Шура тут нарадзіўся, а Лёва ўпершыню падышоў да мікрафону на сцэне.

Натоўп фанатаў

Вялікія open-air для бабруйскай зямлі не рэдкасць. У свой час тут зараджаўся фестываль "Рок за Баброў". Аднак цяперашняе свята бабруйчане вельмі чакалі. І галоўная таму прычына — група "Би-2", якую тут лічаць роднай і любяць усім сэрцам.

Для Шуры и Левы Бобруйск - родной город, здесь в 1988 году они создали Би-2
© Sputnik Егор Литвин
Для Шуры і Лёвы Бабруйск - родны горад, тут у 1988 годзе яны стварылі "Би-2"

Па некаторых ацэнак, у Бабруйск на свята павінны былі прыехаць да 50 тысяч турыстаў. Ужо за два тыдні ў мясцовых гасцініцах былі разабраны ўсе нумары. Раскупілі білеты і на прыгарадны транспарт.

Мясцовыя жыхары прызналіся, што ў дзень open-air Бабруйск змяніўся. Са спакойнага мястэчка ён ператварыўся ў мегаполіс. Напрыклад, бліжэй да выступлення групы "Би-2" на вуліцы Мінскай упершыню за апошні час утварыліся заторы.

Як і чакалі арганізатары, на канцэрце быў аншлаг. Першыя фанаты прыйшлі за тры гадзіны да канцэрту і чакалі, пакуль іх прапусцяць, а затым кінуліся бегчы да сцэны, каб заняць месца бліжэй.

Пляцоўка для канцэрту размяшчалася каля "Бабруйск-Арэны". Свабодная тэрыторыя каля яе дазволіла вырашыць праблему з паркоўкамі. Акрамя таго, для гасцей прадугледзелі вялікі фуд-корт, дзе можна было купіць стравы мексіканскай кухні, ежу, прыгатаваную на грылі, і многае іншае.

Тысячи поклонников приехали на большой open-air БИ-2 FEST из разных городов
© Sputnik Егор Литвин
Тысячы прыхільнікаў прыехалі на вялікі open-air "Би-2 FEST" з розных гарадоў

"Мы прадаем вугль-догі. Гэта каўбаска, булачка, прыгатаваныя на грылі. У Бабруйску працуем не ў першы раз. Вельмі чакаем на сцэне "Би-2". Хоць іх ужо бачылі, пакуль быў саундчэк", — распавялі прадаўцы.

На сонечным баку

Open-air быў падзелены на некалькі частак. Адкрывала свята мясцовая група "Солнечная сторона". Прадстаўляючы калектыў, Шура выйшаў на сцэну з яго заснавальнікам, сваім дзядзькам Міхасём Карасёвым. Фронтмэн "Би-2" крыху заблытаўся ў гадах стварэння "Солнечной стороны", што нядзіўна, па словах Карасёва, бо ён быў яшчэ дзіцем. Музыкі выканалі добра вядомыя хіты "Би-2" "Медленная звезда", "Дурочка", так бы мовіць, у першым чытанні.

На сцену, как и ожидали поклонники, вышел медведь – это такая фишка последних выступлений музыкантов
© Sputnik Егор Литвин
На сцэну, як і чакалі прыхільнікі, выйшаў мядзведзь - гэта такая фішка апошніх выступаў музыкаў

Таксама на сцэну падымаліся групы "Сети" (Расія), Midnight Faces (ЗША), Brainstorm (Латвія).

Музыкі Brainstorm прызналіся, што паспелі ў Бабруйску выкупацца ў рацэ. Горад ім спадабаўся.

"Мы ўчора ўвечары прыехалі. Быў такі добры цёплы вечар. Трава была пастрыжана — вельмі смачна пахла. Мы паглядзелі, якая вялікая сцэна, што ўсё вельмі якасна", — распавялі яны.

Мядзведзь на сцэне быў

Хэдлайнерам open-air стаў гурт "Би-2", які даў двухгадзінны канцэрт. На сцэну, як і чакалі прыхільнікі, выйшаў мядзведзь — гэта такая фішка апошніх выступаў музыкаў. А яшчэ прагучалі вядомыя хіты ў новай інтэрпрэтацыі, што суправаджалася светлавым шоу — гэта стала для бабруйчан вялікім сюрпрызам.

Некаторыя гледачы звярталі ўвагу на знешні выгляд музыкаў. Напрыклад, адзначылі, што Шура пастрыгся.

Когда-то очень давно в Бобруйске Лева впервые вышел на сцену
© Sputnik Егор Литвин
Калісьці вельмі даўно ў Бабруйску Лёва ўпершыню выйшаў на сцэну

Фэст — гэта падарунак для горада, які адыграў вялікую ролю ў лёсе групы, прызналіся журналістам Лёва і Шура.

"Бабруйск — горад, у якім я нарадзіўся. Бабруйск — гэта горад, у якім у 88-м годзе, калі не памыляюся, утварылася група "Би-2", — растлумачыў Шура.

"Бабруйск стаў для нас адпраўной кропкай. Я ў гэтым горадзе ў першы раз у сваім жыцці падышоў да мікрафону на сцэне", — дадаў Лёва.

Ніякіх цяжкасцяў у арганізацыі open-air не ўзнікла, прызналіся музыканты. Але ці будзе свята пастаянным ў Бабруйску, анансаваць не сталі.

"Ніякіх цяжкасцяў не было. У нас вельмі зладжаная каманда. Гэта ўсё мы зрабілі за паўтара месяца на вялікім энтузіязме", — адзначылі фронтмэны "Би-2".

34
Тэги:
музыка, Фестываль, Би-2 FEST, Бабруйск, Беларусь
Заслужаны артыст Беларусі Леанід Барткевіч

Памёр Леанід Барткевіч - саліст залатога складу "Песняроў"

53
(абноўлена 13:15 13.04.2021)
Пра смерць заслужанага артыста БССР Леаніда Барткевіча паведаміла Sputnik яго жонка. Яму быў 71 год.

МІНСК, 13 кра - Sputnik. Савецкі і беларускі эстрадны спявак Леанід Барткевіч быў салістам ВІА "Песняры" з 1970 па 1980 год, а таксама з 1999 па жнівень 2003 года.

Леанід Барткевіч належаў да плеяды музыкантаў, чый голас быў знаёмы мільёнам прыхільнікаў творчасці "Песняроў". Гэта ён выконваў "Александрыну", "Вераніку", "Белавежскую пушчу", "Бярозавы сок", "Купалінку".

Леанід Барткевіч нарадзіўся ў 1949 годзе ў Мінску. Музыкай пачаў захапляцца яшчэ ў дзяцінстве: быў салістам у хоры хлопчыкаў Палаца піянераў, граў на гітары, скончыў музычную школу па класе трубы.

Падчас вучобы ў архітэктурным тэхнікуме быў салістам мясцовага аркестра, а пасля - вакалістам ансамбля "Залатыя яблыкі".

Працаваў архітэктарам у "Белндігіпрасельбуд". Дарэчы, на аснове дыпломнага праекта Барткевіча быў пабудаваны мінскі кінатэатр "Кастрычнік".

У 1970 годзе лёс звёў Барткевіча з Уладзімірам Мулявіным, які паклікаў таленавітага юнака выступаць у "Песнярах".

Праспяваўшы некалькі твораў, напісаных Мулявіным, Леанід быў прыняты ў склад легендарнай групы. З гэтага моманту пачалася яркая творчая біяграфія Барткевіча. З ансамблем Леанід пабываў на гастролях у ЗША. "Песняры" сталі першымі ўладальнікамі "Залатога дыска СССР".

Чаму Барткевіч сыходзіў з "Песняроў"

У 1980 годзе артыст паступіў у Расійскі інстытут тэатральнага мастацтва (ДІТІС) на курс эстраднага рэжысёра Іакіма Шароева. З-за вучобы Барткевіч вымушаны быў сысці з "Песняроў". У 1983 годзе ён стаў салістам Беларускага тэлебачання і радыё. У 1989 годзе разам з жонкай, алімпійскай чэмпіёнкай па спартыўнай гімнастыцы Вольгай Корбут і сынам Рычардам пераехаў у ЗША. Там ён пражыў амаль дзесяць гадоў.

Пасля вяртання ў Беларусь Леанід Барткевіч працаваў у ансамблі "Песняры" да самай смерці Уладзіміра Мулявіна.

Затым Барткевіч з некалькімі калегамі стварыў свой ансамбль з такой жа назвай. Ён перастаў існаваць у 2008 годзе, а ў 2009 артыст аб'яднаўся з музыкамі Анатолем Кашапаравым і Алегам Моўчанам ў новы ансамбль "Песняры".

За ўсю сваю кар'еру Леанід Барткевіч атрымаў нямала ўзнагарод. У 1973 годзе ён стаў лаўрэатам I прэміі Усесаюзнага конкурсу савецкай песні, у 1979 атрымаў званне заслужанага артыста Беларусі. Песняр не раз станавіўся лаўрэатам міжнародных фестываляў і конкурсаў.

25 траўня яму магло б споўніцца 72 гады.

Sputnik выказвае спачуванні родным і блізкім Леаніда Леанідавіча.

Чытайце таксама:

53
Тэги:
Беларусь, Sputnik, БССР, артыст, "Песняры", Леанід Барткевіч

Бразільцы будуюць яшчэ адну статую Хрыста - і яна будзе вышэй ранейшай

12
(абноўлена 16:52 12.04.2021)
  • Узвядзенне новай статуі Ісуса Хрыста ў бразільскім горадзе Энкантада
  • Праца над новай статуяй ідзе ўжо два гады
  • Новая статуя Хрыста будзе вышэй знакамітай статуі Хрыста-Збавіцеля ў Рыа-дэ-Жанейра
  • Кошт праекта - каля трохсот пяцідзесяці тысяч долараў
  • Вышыня статуі будзе складаць 43 м з пастаментам, размах рук - 36 м
  • Таксама плануецца ўстанавіць ліфт, які будзе дастаўляць турыстаў на назіральную пляцоўку на вышыні 40 м у раёне грудзей Хрыста
Новую статую Хрыста, якая будзе вышэй знакамітай статуі Хрыста-Збавіцеля ў Рыа-дэ-Жанейра, будуюць у горадзе Энкантада на поўдні Бразіліі.

Будаўнікі ўжо ўсталявалі галаву Збавіцеля - глядзіце цудоўныя фота грандыёзнай высотнай будоўлі на Sputnik Беларусь.

Праца над новай статуяй, якая будзе трэцяй па вышыні статуяй Хрыста ў свеце, ідзе ўжо два гады. Кошт праекта - каля трохсот пяцідзесяці тысяч долараў.

Вышыня статуі будзе складаць 43 м з пастаментам, размах рук - 36 м. Таксама плануецца ўстанавіць ліфт, які будзе дастаўляць турыстаў на назіральную пляцоўку на вышыні 40 м у раёне грудзей Хрыста.

Цікава, што самы высокі манумент Ісуса Хрыста пабудаваны ў Інданэзіі (52,55 м), другі па велічыні - у Польшчы (52,5 м).

Чытайце таксама:

12
  • Узвядзенне новай статуі Ісуса Хрыста ў бразільскім горадзе Энкантада
    © AFP 2020 / Silvio Avila

    Узвядзенне новай статуі Ісуса Хрыста ў бразільскім горадзе Энкантада.

  • Праца над новай статуяй ідзе ўжо два гады
    © AFP 2020 / Silvio Avila

    Праца над новай статуяй ідзе ўжо два гады.

  • Новая статуя Хрыста будзе вышэй знакамітай статуі Хрыста-Збавіцеля ў Рыа-дэ-Жанейра
    © AFP 2020 / Silvio Avila

    Новая статуя Хрыста будзе вышэй знакамітай статуі Хрыста-Збавіцеля ў Рыа-дэ-Жанейра.

  • Кошт праекта - каля трохсот пяцідзесяці тысяч долараў
    © AFP 2020 / Silvio Avila

    Кошт праекта - каля трохсот пяцідзесяці тысяч долараў.

  • Вышыня статуі будзе складаць 43 м з пастаментам, размах рук - 36 м
    © AFP 2020 / Silvio Avila

    Вышыня статуі будзе складаць 43 м з пастаментам, размах рук - 36 м.

  • Таксама плануецца ўстанавіць ліфт, які будзе дастаўляць турыстаў на назіральную пляцоўку на вышыні 40 м у раёне грудзей Хрыста
    © AFP 2020 / Silvio Avila

    Таксама плануецца ўстанавіць ліфт, які будзе дастаўляць турыстаў на назіральную пляцоўку на вышыні 40 м у раёне грудзей Хрыста.

Тэги:
Бразілія, Энкантада, горад, Рыа-дэ-Жанейра, статуя Хрыста, статуя
Які сёння дзень: 14 красавіка

Які сёння дзень: 14 красавіка 2021 года

0
(абноўлена 19:18 13.04.2021)
Гэты дзень з'яўляецца сто чацвёртым па грыгарыянскім календары, да канца года застаўся 261 дзень.

Якія падзеі адбыліся 14 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 14 красавіка

  • У 1432 годзе пачаталося валадарства Жыгімонта Кейстутавіча, вялікага князя літоўскага, які доўгі час не ўсімі часткамі ВКЛ прызнаваўся за законнага валадара.
  • У 1923 годзе ў Вільні скончыўся з’езд педагогаў беларускіх гімназій.
  • У 1988 годзе ў Варшаве адбыўся заснавальніцкі сход Беларускага аб'яднання студэнтаў.

Хто нарадзіўся 14 красавіка

  • 1853 год: Уладзімір Завітневіч, беларускі археолаг і гісторык.
  • 1880 год: Язэп Дыла, беларускі пісьменнік і культурны дзеяч.
  • 1885 год: Сымон Рак-Міхайлоўскі, беларускі публіцыст, грамадскі і палітычны дзеяч.
  • 1910 год: Алесь Пруднікаў, беларускі паэт.
  • 1920 год: Аляксей Карпюк, беларускі пісьменнік, грамадскі дзеяч.

Таксама сёння нарадзіліся рускі пісьменнік Дзянiс Фанвізін і літоўскі кінарэжысёр Вітаўтас Жалакявічус.

14 красавіка ў народным календары

У гэты дзень праваслаўная Царква шануе памяць святога цудатвораца Еўфімія Суздальскага, святога Аўрамія Балгарскага, Уладзімірскага цудатворца, а таксама святую Марыю Егіпецкую ("Марья – зажги снега"). Сонца ў гэты дзень на ўсю моц пачынае свяціць і гуляць блікамі на снезе і ў ручаях.

Па гэтым дні можна даведацца, якое надвор'е будзе летам. Так, калі 14 красавіка сонечна, лета таксама будзе цёплым, а калі пахмурна і хмары нізка плывуць – вясна працягнецца доўга і будзе халоднай, а лета – кароткім.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей