Верагодна, гэта наканечник ножан мяча

Навукоўцы БДУ даказалі, што славяне паходзяць з Палесся

651
(абноўлена 17:01 18.07.2018)
Археолагі знайшлі калекцыю дэталяў касцюма і ўпрыгожванняў канца II - IV стст. н.э., сярэбраную рымскую манету і прадмет, які нагадвае наканечнік ножан мяча.

МІНСК, 17 ліп – Sputnіk. Навукоўцы БДУ знайшлі паселішча старажытных славян канца II — першай паловы V стагоддзя н.э. каля вёскі Яскавічы Салігорскага раёна Мінскай вобласці, паведамілі Sputnіk у прэс-службе БДУ.

Гэтым самым яны яшчэ раз пацвердзілі гіпотэзу паходжання славян з тэрыторый Беларускага Палесся. Навуковае адкрыццё стала магчымым дзякуючы новым археалагічным знаходкам супрацоўнікаў і студэнтаў гістарычнага факультэта. Зараз на паселішчы Яскавічы адкрыты шэраг пабудоў і аб'ектаў.

Унікальнае навуковае адкрыццё стала магчымым дзякуючы новым археалагічным знаходкам супрацоўнікаў і студэнтаў гістарычнага факультэта
© Photo : прэс-служба БДУ
Унікальнае навуковае адкрыццё стала магчымым дзякуючы новым археалагічным знаходкам супрацоўнікаў і студэнтаў гістарычнага факультэта

Адкуль пайшлі славяне?

Навукоўцы спадзяюцца, што вывучэнне артэфактаў дазволіць адкрыць невядомыя старонкі этнагенезу славян, таму што нават да цяперашняга часу дакладна не ўстаноўлена і не вызначана тэрыторыя паходжання найбольш ранніх гістарычных славян і працэс іх фарміравання.

"Агульнапрызнанай найбольш ранняй археалагічнай культурай з'яўляецца пражская, якая належыць гістарычным славянам V-VII стагоддзяў. Раннія яе помнікі былі адкрыты на тэрыторыі Беларускага Палесся і Кіеўшчыны", — паведамілі ва ўніверсітэце.

Калекцыя дэталяў касцюма і ўпрыгожванняў канца II - IV стст. н.э. з выемчатымі эмалямі
© Photo : прэс-служба БДУ
Калекцыя дэталяў касцюма і ўпрыгожванняў канца II - IV стст. н.э. з выемчатымі эмалямі

Гіпотэза выхаду продкаў сучасных славян з зямель Беларускага Палесся існуе ў археалагічнай навуцы больш за 40 гадоў. Гэтую тэорыю падтрымліваюць шэраг вядучых спецыялістаў у галіне раннеславянскай археалогіі.

Сярэбраная манета рымскага імператара Комада
© Photo : прэс-служба БДУ
Сярэбраная манета рымскага імператара Комада

"Аднак Беларускае Палессе да цяперашняга часу застаецца практычна белай плямай на археалагічных картах III-IV стагоддзяў — эпохі, якая папярэднічала складанню славян і з'яўленню іх на старонках пісьмовых крыніц", — пракаментаваў адкрыццё кіраўнік археалагічных раскопак дацэнт кафедры археалогіі і спецыяльных гістарычных дысцыплін гістарычнага факультэта Вадзім Белявец.

Новыя знаходкі пацвердзілі гіпотэзу

На дадзены момант на паселішчы Яскавічы знойдзена калекцыя дэталяў касцюма і ўпрыгожванняў канца II — IV стст. н.э. з выемчатымі эмалямі, сярэбраная манета рымскага імператара Комада.

"Можна сцвярджаць, што тут дзейнічаў цэнтр па вытворчасці бронзавых упрыгожванняў і, магчыма, вялася здабыча і апрацоўка жалеза", — паведамілі ва ўніверсітэце.

На думку навукоўцаў, серыя знаходак сведчыць пра тое, што жыхары гэтага паселішча на працягу амаль 200 гадоў падтрымлівалі кантакты са сваімі паўднёвымі і заходнімі суседзямі — гістарычнымі готамі, якія ў гэты час жылі на тэрыторыі сучаснай Украіны і паўднёва-заходняй Беларусі.

Найбольш яркай знаходкай з'яўляецца бронзавы прадмет, які не мае аналагаў на тэрыторыі Усходняй і Цэнтральнай Еўропы. Ён упрыгожаны накладкай і, верагодна, з'яўляецца наканечнікам ножан мяча. Навукоўцы мяркуюць, што ён быў зроблены для шляхетнага ваяра і звязаны з мілітарнай культурай германскіх плямёнаў перыяду Вялікага перасялення народаў.

Жыхары гэтага паселішча на працягу амаль 200 гадоў падтрымлівалі кантакты са сваімі паўднёвымі і заходнімі суседзямі - гістарычнымі готамі
© Photo : прэс-служба БДУ
Жыхары гэтага паселішча на працягу амаль 200 гадоў падтрымлівалі кантакты са сваімі паўднёвымі і заходнімі суседзямі - гістарычнымі готамі

Па дадзеных археолагаў, гэта найбольш позняя знаходка, якая можа быць звязаная з вывучаемым помнікам і дае падставы для гіпотэзы пра тое, што паселішча ў Яскавічах магло загінуць паміж 400 — 460 гг. у выніку набегу дружыны воінаў, якія ўдзельнічалі ў бітвах на тэрыторыі Падунаўя ў эпоху заходу Рымскай імперыі.

"Вынікі раскопак у Яскавічах дазваляюць выказаць здагадку, што далейшыя археалагічныя даследаванні на Беларускім Палессі дазволяць выявіць і іншыя помнікі, якія адносяцца да эпохі заключнага этапу этнагенезу славян, і тэорыя аб тым, што прарадзімай сучасных славянскіх народаў было менавіта Палессе, атрымае новыя пацверджанні", — рэзюмаваў Вадзім Белявец.

651
Тэги:
Археалогія, Гістарычны факультэт БДУ, БДУ, Вадзім Белявец, Мінская вобласць, Беларусь
Тэмы:
Беларуская археалогія: самыя цікавыя знаходкі (39)
Выстава ў 2019 годзе

Як наведаць выставу Манэ Я Шышкін Я Малевіч" анлайн

17
(абноўлена 14:36 08.04.2020)
Аўтары праекта збіраюць грошы на стварэнне віртуальнай экскурсіі па самай народнай выставе беларускага мастацтва.

МІНСК, 8 кра - Sputnik. Арганізатары выставы "Я Манэ Я Шышкін Я Малевіч" плануюць зрабіць экспазіцыю даступнай у рэжыме анлайн. Зараз ідзе збор грошай на рэалізацыю праекта.

Выстава адкрылася ў Мінску ў чацвёрты раз, у ёй прынялі ўдзел 563 мастака. Унікальнасць праекта заключаецца ў тым, што прыняць у ім удзел можа любы жадаючы: не толькі прафесіяналы, але і аматары, і пачаткоўцы.

У гэтым годзе, як і ў многіх беларускіх ўстаноў культуры, у сувязі с пандэмія каронавіруса, выстава пакутуе ад недахопу наведвальнікаў. Менавіта таму і з’явіася ідэя стварыць віртуальную версію праекта.

"Мы вельмі хочам, каб выставы не прайшла незаўважанай і гатовыя стварыць віртуальную версію з мноствам інтэрактыўных магчымасцяў, паглядзець якую можна будзе ў любую кропцы свету"Я Манэ Я Шышкін Я Малевіч", - паведамілі арганізатары.

17
Тэги:
Мінск, "Я Манэ Я Шышкін Я Малевіч" (выстава)
Ахоўныя маскі

У Купалаўскім тэатры будуць шыць ахоўныя маскі

18
(абноўлена 09:43 07.04.2020)
Ахоўныя маскі для твару купалаўцы перададуць на патрэбы 10-й гарадской клінічнай бальніцы Мінска.

МІНСК, 7 кра - Sputnik. Пашывачны цэх Купалаўскага тэатра вырабіў 500 ахоўных масак для твару, паведамілі Sputnik у прэс-службе тэатра.

Дадзены праект атрымаў назву "Нетэатральная маска". У бліжэйшы час плануецца вырабіць яшчэ большую колькасць масак і перадаць іх на патрэбы 10-й гарадской клінічнай бальніцы Мінска.

Выраб масак арганізаваны за кошт па-за бюджэтных сродкаў тэатра і пры спонсарскай падтрымцы партнёраў тэатра. Усе жадаючыя – юрыдычныя асобы, гледачы і проста аматары тэатральнага мастацтва – могуць падтрымаць рэалізацыю гэтай ідэі пра ахвяраванні.

У прэс-службе распавялі, што падмурак для праекта стаў вопыт калег з іншых краін – Тэатра імя Наталлі Сац і Дзяржаўнага акадэмічнага тэатра танца з Казахстана, тэатра імя Юліюша Астэрвы з Польшчы, Опернага тэатра ў Бургасе з Балгарыі і іншых.

Чытайце таксама:

18
Тэги:
Купалаўскі тэатр, каронавірус
Тэмы:
Купалаўскі тэатр: гісторыя і сучаснасць
Жыхары Мінска ідуць па вуліцы ў ахоўных масках

У Мінску зацвердзілі план барацьбы з COVID-19. Што чакае жыхароў сталіцы?

6
(абноўлена 21:59 08.04.2020)
Сярод зацверджаных сталічнымі ўладамі мер - забарона на камандзіроўкі, адмена выстаў і патрабаванні да адлегласці ў 1,5 метра паміж наведвальнікамі кафэ.

МІНСК, 9 кра - Sputnik. План барацьбы з распаўсюджваннем каронавіруснай інфекцыі зацвердзілі ўлады Мінска, адпаведны дакумент апублікаваны Гарвыканкамам.

На фоне распаўсюджвання ў Беларусі каронавіруса COVID-19 органамі дзяржкіравання прымаюцца меры па мінімізацыі рызык заражэння сярод грамадзян. Так, план мерапрыемстваў зацвердзілі ў Менгарвыканкаме.

Улады Мінска прапануюць наступныя меры па барацьбе з каронавірусам:

  • Не дапускаць да працы супрацоўнікаў з прыкметамі рэспіраторных інфекцый;
  • Нарады, семінары і пасяджэння праводзіць з выкарыстаннем рэжымаў відэа- і аудыаканферэнцый, у камандзіроўкі работнікаў не адпраўляць;
  • У бібліятэках, музеях, галерэях і іншых культурных аб'ектах не праводзіць масавых мерапрыемстваў, працу чытальных залаў абмежаваць;
  • Адмяніць выставы, кірмашы і прэзентацыі;
  • Не пускаць старонніх у сацыяльныя ўстановы для пажылых;
  • Сацработнікам прыярытэтна дапамагаць пажылым, абавязкова - у сродках індывідуальнай абароны;
  • Дазволіць бацькам не пускаць дзяцей у дзіцячыя сады або школы;
  • У ВНУ, ССНУ і ПТА - абмежаваць правядзенне групавых заняткаў у аўдыторыях шляхам арганізацыі пераходу на навучанне з элементамі
  • дыстанцыйнага навучання, навучанне па iндывiдуальных графікам або іншымі метадамі;
  • Пакідаць студэнтаў па месцы навучання, каб яны не ездзілі па хатах;
  • Не пускаць у інтэрнаты старонніх і не ладзіць там мерапрыемстваў;
  • У гасцініцах усіх сяліць на максімальнай адлегласці адзін ад аднаго, мераць тэмпературу і ўдакладняць аб стане здароўя;
  • Перанесці планавае абслугоўванне жылфонду, наведванне кватэр рамонтнікамі, камунальнікамі і іншымі падобнымі службамі;
  • Рэгулярна праводзіць дэзінфекцыю ў дамах, праціраць ручкі пад'езда, поручні на лесвіцах і кнопкі ліфтаў;
  • У кафэ і рэстаранах рассаджваць наведвальнікаў у 1,5 метрах адзін ад аднаго, заказныя мерапрыемствы адмяніць;
  • Пасля 15:00 не менш гадзіны праводзіць дэзінфекцыю у грамадскім харчаванні;
  • Кантраляваць грамадзян, якія павінны знаходзіцца на самаізаляцыі;
  • Кантраляваць транспарт і іншыя грамадскія аб'екты на прадмет захавання прафілактычных мерапрыемстваў;
  • У храмах забяспечыць рэгулярнае мыццё і антысептыкі рук, правядзенне уборкі памяшканняў з выкарыстаннем дэзсродкаў, праветрыванне памяшканняў, дэзінфікуючую апрацоўку мэблі і дзвярных ручак, абразоў, да якіх прыкладаюцца прыхаджане, начыння і богаслужбовых сасудаў;
  • У кінатэатрах, тэатрах і на іншых такіх пляцоўках саджаць наведвальнікаў на адлегласць у 1,5 метра адзін ад аднаго;
  • У цырульнях, салонах прыгажосці і тату-салонах паміж кліентамі павінна быць не менш за пяць хвілін, супрацоўнікі абавязаны быць у масках;
  • Рэкамендаваць уладальнікам разгледзець пытанне аб далейшым функцыянаванні дыскатэк, начных клубаў, кальян, боўлінга, більярдных і камп'ютарных клубаў;
  • Усе арганізацыі, якія аказваюць паслугі насельніцтву, павінны правяраць тэмпературу работнікаў і не дазваляць выходзіць на змену тым, у каго яна падвышаная;
  • На працоўных месцах арганізаваць вільготную ўборку, працу сістэм вентыляцыі, абмежаванне колькасці працуючых і інтэрвал паміж зменамі, забараніць староннім прыходзіць у арганізацыі - акрамя рамонтнікаў і іншых работнікаў абслугоўвання, якія абавязаны быць у масках.
    Нагадаем, па дадзеных Міністэрства аховы здароўя Беларусі на сераду ў краіне зарэгістравана 1066 выпадкаў каронавіруса. Больш за палову з усіх выпадкаў прыпадаюць на Мінск.
6
Тэги:
Мінск, каронавірус, Беларусь
Тэмы:
Успышка каронавіруса з Уханя