Студэнты гістарычнага факультэта БДУ падчас археалагічнай практыкі

Рэшткі шкловытворчай мануфактуры XVIII стагоддзя знайшлі ў Ільі

80
(абноўлена 11:29 15.08.2018)
Акрамя гутнай печы, археолагі знайшлі інструменты шкловыдзімальнікаў і шмат рэшткаў прадукцыі мануфактуры.

МІНСК, 24 ліп – Sputnik. Шкловытворчая мануфактура XVIII стагоддзя, якая належала графам Салагубам, была знойдзена гісторыкамі БДУ ў аграгарадку Ілья Вілейскага раёна Мінскай вобласці, паведамілі Sputnik навукоўцы.

На месцы раскопак гісторыкі знайшлі рэшткі плавільнай печы, выкладзенай з гліны, цэглы і камянёў. У БДУ ўстанавілі, што ў XVIII стагоддзі ў Ільі выраблялі тару, сталовы і аптэчны посуд, а таксама ліставае аконнае шкло. Прадукцыя мануфактуры была розных адценняў зялёнага, ружовага, блакітнага і сіняга колераў. Выраблялі тут і крыштальны посуд.

На месцы раскопак гісторыкі знайшлі рэшткі плавільнай печы, выкладзенай з гліны, цэглы і камянёў
© Photo : прэс-служба БДУ
На месцы раскопак гісторыкі знайшлі рэшткі плавільнай печы, выкладзенай з гліны, цэглы і камянёў

"Добрая захаванасць гутнай печы Ільянскай мануфактуры дае падставы для адкрыцця  на гэтым месцы музея, паколькі мануфактура ў Ільі — адзіны шкловытворчы комплекс на тэрыторыі Беларусі, заснаваны ў першай палове XVIII стагоддзя, які праіснаваў да канца ХХ стагоддзя ў суседнім пасёлку Партызанскі, прайшоўшы ўсе этапы станаўлення і развіцця прамысловай вытворчасці", — пракаментавала знаходку Паліна Курловіч, выкладчык кафедры археалогіі і спецыяльных гістарычных дысцыплін БДУ, навуковы супрацоўнік Інстытута гісторыі НАН Беларусі.

Прадукцыя мануфактуры была розных адценняў зялёнага, ружовага, блакітнага і сіняга колераў
© Photo : прэс-служба БДУ
Прадукцыя мануфактуры была розных адценняў зялёнага, ружовага, блакітнага і сіняга колераў

Унікальнымі для айчыннай археалогіі з'яўляюцца знаходкі інструментаў шкловыдзімальнікаў, у ліку якіх выдзімальная трубка з рэшткамі зялёнага шкла на канцы, нож, мерная гірка, пры дапамозе якой маглі адмерваць колькасць рэчываў, якія дадавалі ў сыравіну пры вытворчасці шкла.

Інструменты шкловыдзімальнікаў: выдзімальная трубка, нож, мерная гірка
© Photo : прэс-служба БДУ
Інструменты шкловыдзімальнікаў: выдзімальная трубка, нож, мерная гірка

Археолагі таксама знайшлі шмат адходаў ад фармоўкі сасудаў і вялікую колькасць фрагментаў гатовай прадукцыі.  Акрамя таго, упершыню ў айчыннай навуцы былі знойдзеныя прадметы побыту, якія сведчаць пра паўсядзённае жыццё шкларобаў. Гэта трубка для тытуню, ключ ад скрыні, нацельны крыжык. Рэдкай знаходкай таксама з'яўляюцца фрагменты тканіны сіняга колеру, знойдзеныя побач з печчу.

Побытавыя прадметы, знойдзеныя на раскопках: трубка для тытуню, ключ ад скрыні, нацельны крыжык, іголкі, манеты
© Photo : прэс-служба БДУ
Побытавыя прадметы, знойдзеныя на раскопках: трубка для тытуню, ключ ад скрыні, нацельны крыжык, іголкі, манеты

"Аб наведванні мануфактуры жанчынамі кажуць тры іголкі і шпількі для замацавання тканіны жаночага галаўнога ўбору", — расказалі ў БДУ.

Навукоўцы мяркуюць, што, верагодна, жанчыны прыносілі ў майстэрню абеды, паколькі культурны пласт насычаны фрагментамі керамічнага посуду і косткамі.

Гута (мануфактура) у Ільі праіснавала да пачатку XIX стагоддзя і пазней была перанесена ў сучасную вёску Новая Гута. Датаванне помніка пацвярджаецца знойдзенымі тут манетамі Рэчы Паспалітай другой паловы XVII — сярэдзіны XVIII стагоддзя.

Рэшткі шклянога посуду
© Photo : прэс-служба БДУ
Рэшткі шклянога посуду

Раскопкі ў Ільі працягнуцца да 30 ліпеня. Акрамя выкладчыкаў і студэнтаў БДУ ў іх удзельнічаюць валанцёры, а таксама студэнты Вяцкага дзяржаўнага ўніверсітэта (г. Кіраў, Расія).

80
Тэги:
Археалогія, Гістарычны факультэт БДУ, Беларусь
Тэмы:
Беларуская археалогія: самыя цікавыя знаходкі (39)
По теме
Навукоўцы БДУ даказалі, што славяне паходзяць з Палесся
Выстава ў 2019 годзе

Як наведаць выставу Манэ Я Шышкін Я Малевіч" анлайн

17
(абноўлена 14:36 08.04.2020)
Аўтары праекта збіраюць грошы на стварэнне віртуальнай экскурсіі па самай народнай выставе беларускага мастацтва.

МІНСК, 8 кра - Sputnik. Арганізатары выставы "Я Манэ Я Шышкін Я Малевіч" плануюць зрабіць экспазіцыю даступнай у рэжыме анлайн. Зараз ідзе збор грошай на рэалізацыю праекта.

Выстава адкрылася ў Мінску ў чацвёрты раз, у ёй прынялі ўдзел 563 мастака. Унікальнасць праекта заключаецца ў тым, што прыняць у ім удзел можа любы жадаючы: не толькі прафесіяналы, але і аматары, і пачаткоўцы.

У гэтым годзе, як і ў многіх беларускіх ўстаноў культуры, у сувязі с пандэмія каронавіруса, выстава пакутуе ад недахопу наведвальнікаў. Менавіта таму і з’явіася ідэя стварыць віртуальную версію праекта.

"Мы вельмі хочам, каб выставы не прайшла незаўважанай і гатовыя стварыць віртуальную версію з мноствам інтэрактыўных магчымасцяў, паглядзець якую можна будзе ў любую кропцы свету"Я Манэ Я Шышкін Я Малевіч", - паведамілі арганізатары.

17
Тэги:
Мінск, "Я Манэ Я Шышкін Я Малевіч" (выстава)
Ахоўныя маскі

У Купалаўскім тэатры будуць шыць ахоўныя маскі

18
(абноўлена 09:43 07.04.2020)
Ахоўныя маскі для твару купалаўцы перададуць на патрэбы 10-й гарадской клінічнай бальніцы Мінска.

МІНСК, 7 кра - Sputnik. Пашывачны цэх Купалаўскага тэатра вырабіў 500 ахоўных масак для твару, паведамілі Sputnik у прэс-службе тэатра.

Дадзены праект атрымаў назву "Нетэатральная маска". У бліжэйшы час плануецца вырабіць яшчэ большую колькасць масак і перадаць іх на патрэбы 10-й гарадской клінічнай бальніцы Мінска.

Выраб масак арганізаваны за кошт па-за бюджэтных сродкаў тэатра і пры спонсарскай падтрымцы партнёраў тэатра. Усе жадаючыя – юрыдычныя асобы, гледачы і проста аматары тэатральнага мастацтва – могуць падтрымаць рэалізацыю гэтай ідэі пра ахвяраванні.

У прэс-службе распавялі, што падмурак для праекта стаў вопыт калег з іншых краін – Тэатра імя Наталлі Сац і Дзяржаўнага акадэмічнага тэатра танца з Казахстана, тэатра імя Юліюша Астэрвы з Польшчы, Опернага тэатра ў Бургасе з Балгарыі і іншых.

Чытайце таксама:

18
Тэги:
Купалаўскі тэатр, каронавірус
Тэмы:
Купалаўскі тэатр: гісторыя і сучаснасць
Колькасць заражаных каронавірусам у Беларусі наблізілася да 1,5 тысяч

Колькасць заражаных каронавірусам у Беларусі наблізілася да 1,5 тысяч

6
На раніцу чацвярга ўсяго заражаных - 1486, з іх 139 паправіліся і 16 памерлі, астатнія знаходзяцца на лячэнні.

МІНСК, 9 кра - Sputnik. Колькасць інфіцыраваных каронавірусам у Беларусі наблізілася да 1,5 тысяч, сведчаць дадзеныя Міністэрства аховы здароўя на раніцу чацвярга.

Па дадзеных Міністэрства аховы здароўя Беларусі на шэсць раніцы чацвярга, у рэспубліцы праведзена каля 49 тысяч тэстаў.

Агульная ж колькасць інфіцыраваных да сённяшняй раніцы склала 1486. ​​З іх цяпер у бальніцах знаходзяцца 1331 пацыентаў. Паправіліся 139, памерлі - 16.

Больш за палову ўсіх выпадкаў (807, у тым ліку 6 смерцяў) прыпадаюць на Мінск. На Віцебскую вобласць прыпадаюць 406 інфіцыраваных, уключаючы 7 смерцяў. Далей ідзе Мінская вобласць: 157 заражаных, у тым ліку 3 смяротныя зыходы.

Паводле інфармацыі Міністэрства аховы здароўя на раніцу, у Гомельскай вобласці ўсяго зарэгістравана 36 выпадкаў, Магілёўскай - 35, Гродзенскай - 28, а Брэсцкай - 17. Пры гэтым, лічбы, якія прадстаўляюцца сёння самімі рэгіёнамі, некалькі вышэй - з-за розніцы ў часе збору Міністэрствам аховы здароўя статыстыкі.

6
Тэги:
каронавірус, Беларусь
Тэмы:
Успышка каронавіруса з Уханя