Кінахлапушка, архіўнае фота

"Матуліны закаткі": чорную камедыю на мове здымуць у Беларусі

31
(абноўлена 18:16 31.07.2018)
Над праектам працуе інтарнацыянальная каманда – фільм аб’яднаў Беларусь, Латвію, Расію і ЗША.

МІНСК, 31 ліп — Sputnik. Здымачная група кароткаметражнага фільма "Матуліны закаткі" сабрала неабходную суму грошай праз краудфандынгавую кампанію яшчэ да яе завяршэння.

Кароткаметражка распавядае аб сутыкненні дзвюх культур — амерыканскай і беларускай — праз знаёмства тэхасца Стыва з дзяўчынай Насцяй. Па сюжэце, амерыканец ляціць у Беларусь, каб забраць сваю каханую з сабой, але перш чым гэта зрабіць, павінен пазнаёміцца з будучай цешчай.

Ідэя фільма прыйшла да Вадзіма Дазморава, амерыканца з расійскімі каранямі, калі ён падарожнічаў па Беларусі. Аўтарства сцэнара належыць маладому таленавітаму сцэнарысту з Латвіі Андрэю Цімафееву.

"Мы хацім зрабіць тое, чаго не рабіў да нас ніхто ў Беларусі. Фільм будзе арыентаваны не толькі на беларускую, але і на замежную аўдыторыі, што зможа папулярызаваць нашу краіну і культуру на міжнародным рынку. Мы ставім сваёй мэтай будаўніцтва маста паміж кінематографам Беларусі і Галівудам дзякуючы нашаму амерыканскаму рэжысёру, чый фільм ужо чакаюць на буйнейшым жанравым кінафестывалі ў ЗША "Fantastic Fest", — паведамілі аўтары праекта.

Прэм'ера чорнай алегарычнай камедыі запланаваная на лістапад гэтага года.

31
Тэги:
кіно, Беларусь
Тэмы:
Лепшыя беларускія фільмы (22)
Каментары