МІНСК, 1 жні — Sputnik. Восьмы міжнародны фестываль тэатральнага мастацтва, які пройдзе ў Мінску з 20 верасня па 16 кастрычніка, абвясціў праграму, паведамілі арганізатары мерапрыемства.

Слоганам у гэтым годзе стане "Разгерметызацыя". Сярод краін-удзельнікаў — Беларусь, Южная Карэя, Францыя, Фінляндыя, Літва, Латвія, Польшча, Бельгія, Расія і В'етнам.

Буйнейшы тэатральны форум Беларусі традыцыйна складаецца з трох секцый: міжнародная праграма, шоукейс Belarus Open і адукацыйная платформа "Школа ТЕАРТа".

Belarus Open: ад "Рэвізора" да "С училища"

У гэтым годзе шоукейс складаецца з пастановак маладых рэжысёраў і прадстаўнікоў старэйшага тэатральнага пакалення.

Стартуе Belarus Open 20 верасня новай версіяй "Рэвізора" ў перакладзе на трасянку ад мастацкага кіраўніка Купалаўскага тэатра Мікалая Пінігіна і яго вучня Дзмітрыя Цішко.

© Sputnik / Виктор Толочко

Спектакль "Рэвізор" Купалаўскага тэатра

Яшчэ адну адаптацыю класічнай п'есы — "Mann ist mann" Бертольта Брэхта — прадставіць рэжысёр Анатоль Лялеўскі разам з Беларускім дзяржаўным тэатрам лялек.

Прыедуць на шоукейс і абласныя тэатры. 21 верасня Брэсцкі тэатр лялек пакажа "Новую зямлю" Якуба Коласа ў рэжысуры Аляксандра Янушкевіча, а 23 верасня Брэсцкі акадэмічны тэатр драмы — аўтарскі монаспектакль лідара гурта "Троіца" Івана Кірчука "Дорожка моя".

23 верасня на беларускую сцэну нечакана вернецца "Июль" з Магілёўскім абласным драматычным тэатрам.

Таксама ў гэтым годзе ў праграме дзве работы Яўгенія Карняга — "Сёстры Грайі" і "Бетон" — абодва спектаклі пакажуць 22 верасня.

Беларускі дзяржаўны маладзёжны тэатр разам з рэжысёрам Дзмітрыем Багаслаўскім, які па сумяшчальніцтве з'яўляецца акцёрам і аўтарам, прадставіць п'есу — лаурэата "Залатой Маскі" ў катэгорыі "Лепшая работа драматурга" — "Чалавек з Падольска".

Прайшлі ў Belarus Open і два незалежныя спектаклі ад "АРТ Карпарэйшн" — "С училища" і "Крестовый поход детей" па п'есах драматурга Андрэя Іванова.

© Photo : Игорь Чищеня

Спектакль "С училища" драматурга Андрэя Іванова

Міжнародная праграма: харэаграфія і палітычны трылер

Яшчэ адна сучасная адаптацыя п'есы Бертольта Брэхта — "Свадьба" — адкрые міжнародную праграму фестываля. Рэжысёр Оскарас Каршуновас прыехаў на беларускі тэатральны форум ужо ў пяты раз і 25-26 верасня пакажа свой спектакль на сцэне Рэспубліканскага тэатра беларускай драматургіі.

Яшчэ адзін пастаянны госць "ТЕАРТа" — Цімафей Кулябін — прывязе на форум пастаноўку "Три сестры" Навасібірскага дзяржаўнага акадэмічнага драматычнага тэатра "Красный факел". Спектакль аб'яднаў у сабе чорную камедыю, псіхалагічную драму і трылер. Усё гэта 6 і 7 кастрычніка на пляцоўцы Палаца культуры МАЗ.

Art Corporation

Сцэна са спектакля "Тры сястры" Новасібірскага тэатра

Для аматараў танцавальнага жанра міжнародны форум падрыхтаваў адразу тры харэаграфічныя спектаклі — "Даркнесс Пумбу" ад южнакарэйскага тэатра, "Czterdzieści" з Нарвегіі і "Жатву" з Расіі.

1 кастрычніка госці форума ўбачаць класічную гісторыю пра мушкецераў у некласічным выкананні — "Три мушкетера. К востоку от Вены" ў рэжысуры Вальтэрса Сіліса.

4 кастрычніка адбудзецца паказ спектакля — прызнання ў каханні да кінамастацтва "Просто киносъемка" легендарнага фінскага рэжысёра Крысціяна Смедса.

У ліку замежных гасцей тэатральнага форума таксама палітычны трылер "Арктика" з Бельгіі і спектакль "Сайгон", створаны ў кінапрадукцыі французскіх Нацыянальнага тэатра ў Страсбургу, Нацыянальнага тэатра Адэон, Афіньёнскага фестываля і В'етнама.

Закрыццё восьмага міжнароднага фестывалю адбудзецца 16 кастрычніка ў культурніцкай прасторы "ОК16", дзе разам збяруцца акцёры, прадзюсары, сцэнографы і рэжысёры.

МІНСК, 24 лют – Sputnik. Беларусы змогуць уехаць у Грузію з 1 сакавіка, пра гэта паведаміў прэм'ер Грузіі Іраклій Гарыбашвілі.

Уехаць можна пакуль што толькі паветраным шляхам - сухапутныя межы застаюцца зачыненымі для турыстаў. Абавязковая ўмова - наяўнасць з сабой адмоўнага ПЦР-тэста.

У Грузіі таксама здымаецца вялікая частка абмежаванняў, якія раней былі ўведзены з-за каронавіруса - за выключэннем каменданцкай гадзіны. Яна дзейнічае па ўсёй краіне з 21:00 да 05:00.

Адновяць работу рэстараны, якія знаходзяцца ў закрытых памяшканнях (за выключэннем выхадных дзён), хоць ім прыйдзецца выконваць шэраг умоў і рэкамендацый.

З 25 лютага ў краіне адновіць працу міжгародні транспарт і гасцініцы ў гарналыжных курортных гарадах. З 15 сакавіка адкрыюцца спартыўныя залы, тэатры, гандлёвыя цэнтры і рынкі, з 1 сакавіка зноў пачнуць працу дзіцячыя сады і ВНУ.

© Sputnik / Виктор Толочко

Белавія адновіць палёты яшчэ ў два расійскія аэрапорты

Нагадаем, што абмежаванні былі ўведзены ў краіне з-за пандэміі каронавіруса. Уехаць у яе маглі з ПЦР-тэстам толькі грамадзяне краін ЕС, ад астатніх патрабавалася прадаставіць даведку аб праходжанні поўнага курса вакцынацыі. Зараз спісак стаў больш: да іх, акрамя Беларусі, дадаліся Расія, Арменія, Азербайджан, Украіна і Казахстан.

За ўвесь перыяд пандэміі каронавіруса ў Грузіі былі зафіксаваны 269 438 выпадкаў заражэнняў, памерлі 3 463 чалавекі. Вакцынацыю ад каронавіруса ўлады плануюць пачаць у сакавіку.

Дзе ў Мінску можна здаць ПЦР-тэст для паездкі за межы рэспублікі - можна прачытаць тут.

Чытайце таксама:

• Белавія з 19 лютага пачынае выконваць рэйсы ў Дубай
• Не толькі Масква: Беларусь і Расія аднаўляюць авіязносіны
• У 2025 годзе Беларусь павінна наведаць у 2 разы больш турыстаў, чым у 2020-м