Жыраф на сафары

Новы фільм па матывах нідэрландскай казкі пераклалі на беларускую мову

37
(абноўлена 18:36 21.08.2018)
Стужку "Мой сябар жырафа" пакажуць у 15 кінатэатрах Мінска напярэдадні новага навучальнага года.

МІНСК, 21 жні — Sputnik. Фільм рэжысёра Барбары Брэдэра (Нідэрланды) "Мой сябар жырафа" пакажуць у 15 кінатэатрах Мінска на беларускай мове напярэдадні новага навучальнага года, паведамілі арганізатары.

Гісторыя "Мой сябар жырафа" нідэрландскай казачніцы Ані Шмідт распавядае аб моцным сяброўстве звычайнага хлопчыка і жырафа па імені Раф, які ўмее размаўляць.

Галоўны герой фільма, Дзікечэ Дап — будучы першакласнік, які хоча пайсці ў школу разам са сваім сябрам жырафам, але дарослыя супраць гэтага.

Сеансы пройдуць у беларускай сталіцы з 30 жніўня па 12 верасня. З 30 жніўня да 5 верасня ўключна фільм будуць паказваць у кінатэатрах "Аўрора", "Беларусь", "Дом кіно", "Кіеў", "Мір", "Кастрычнік", "Піянер", "Ракета", "Салют", "Цэнтральны" і Falcon club,  а таксама ў кінатэатрах сеткі Silver Screen, уключаючы velcom cinema.

З 6 па 12 верасня фільм "Мой сябар жырафа" можна будзе ўбачыць у кінатэатрах "Аўрора", "Беларусь", "Кіеў", "Мір" і "Ракета". У кінатэатрах "Дом кіно" і "Піянер" апошнія сеансы стужкі пройдуць 8-9 верасня.

37
Тэги:
Беларуская мова, Мінск
По теме
Не толькі пра вайну: лепшыя беларускія фільмы апошніх гадоў
Як рыбка Поньё загаварыла па-беларуску
Гісторыя інжынера, які раней мітынгаваў, а цяпер агучвае фільмы на мове
Каментары