Старажытны арган загучаў у магілёўскім касцёле

© Sputnik / Мария ЗуеваАрган у магілёўскім касцёле падчас мантажу
Арган у магілёўскім касцёле падчас мантажу - Sputnik Беларусь
Падпісацца
Арган, дастаўлены ў Магілёў у лютым, пачалі манціраваць толькі напачатку лета: да гэтага інструмент "прывыкаў" да беларускіх кліматычных умоў.

МІНСК, 23 жні – Sputnik. Нідэрландскі 90-гадовы арган, які ў лютым прывезлі ў Магілёў, зманціравалі, і ўчора ён упершыню загучаў у сценах касцёла Успення Дзевы Марыі і Святога Станіслава, паведамляе "Магілёўская праўда".

Касцёл Успення Найсвяцейшай Панны Марыі і Святога Станіслава ў Магілёве - Sputnik Беларусь
У магілёўскім касцёле з'явіцца старадаўні арган з Эйндховена

Да апошняга часу ў касцёле карысталіся электронным арганам. Калісьці ў храме быў унікальны механічны інструмент з керамічнымі трубамі. Паводле звестак гісторыкаў,  такіх інструментаў у цэлым свеце было ў той час толькі чатыры: у Рыме, Варшаве, Мехіка і Магілёве. Але пасля ўстанаўлення ў Магілёве савецкай улады яго разабралі, і зараз невядома, дзе ён знаходзіцца.

90-гадовы арган аўтарства вядомага нідэрландскага майстра Леона Верс Хуэрэн дэ Хэйт Хусэна, дастаўлены ў Магілёў у лютым, пачалі манціраваць толькі на пачатку лета: да гэтага інструмент "прывыкаў" да беларускіх кліматычных умоў. 

© Sputnik / Мария ЗуеваТак выглядаў разабраны арган
Новый орган костела пока в разобранном виде - Sputnik Беларусь
Так выглядаў разабраны арган

Новы арган асвяціў апостальскі нунцый у Беларусі арцыбіскуп Габар Пінтэр, пасля чаго ў касцёле адбыўся канцэрт.

Стужка навiн
0