Фестываль студэнцкіх тэатраў стартуе ў Мінску

© Sputnik / Виктор ТолочкоМіжнародны фестываль студэнцкіх тэатраў "Тэатральны куфар. БДУ-2016"
Міжнародны фестываль студэнцкіх тэатраў Тэатральны куфар. БДУ-2016 - Sputnik Беларусь
Падпісацца
"Тэатральны куфар" праходзіць у Беларускім дзяржаўным універсітэце ўжо ў 15-ы раз.

МІНСК, 17 вер — Sputnik. Міжнародны фестываль студэнцкіх тэатраў "Тэатральны куфар" адкрываецца ў панядзелак у Мінску, паведамілі Sputnik у прэс-службе Белдзяржуніверсітэта.

Дырэктар Міжнароднага фестывалю студэнцкіх і маладзёжных тэатраў Тэатральны куфар у Белдзяржуніверсітэце Кацярына Саладуха - Sputnik Беларусь
Радыё
Саладуха: фестываль "Тэатральны куфар" любяць за душэўную атмасферу

Пастаноўкі студэнцкіх тэатраў будуць паказваць у Мінску з 20 да 27 верасня, а афіцыйна "Тэатральны куфар" гэтага года стартуе ўжо ў панядзелак: першым мерапрыемствам фестывалю стане юбілейная фотавыстава.

Пятнаццаты фестываль студэнцкіх тэатраў збярэ ў Мінску 250 маладых тэатраў з 12 краін свету: Беларусі, Вялікабрытаніі, Грузіі, Ізраіля, Ірана, Латвіі, Літвы, Польшчы, Расіі, Сербіі, Узбекістана і Харватыі.

Усяго ў рамках фестывалю запланаваны паказ 22 пастановак, лепшыя назавуць гледачы — яны будуць галасаваць пасля праглядаў. Менавіта "народнае" галасаванне і вызначыць пераможцаў "Куфара-2018".

У праграме гэтага года — пастаноўкі па творах Уладзіміра Караткевіча, Яўгена Замяціна, Уільяма Шэкспіра, Святланы Алексіевіч, Франца Кафкі, Антона Чэхава, Сэмюэла Бэкета і іншых аўтараў.

"Тэатральны куфар" праходзіць у БДУ з 2004 года пад эгідай Міжнароднай асацыяцыі ўніверсітэцкіх тэатраў. За 15 гадоў гісторыі фестывалю ў ім прынялі ўдзел больш за паўтары сотні тэатраў з 65 краін свету.

Стужка навiн
0