Валянцін Елізар'еў

Ён вяртаецца: як калектыў Вялікага тэатра сустрэў Валянціна Елізар'ева

47
(абноўлена 17:33 27.09.2018)
Новы мастацкі кіраўнік паабяцаў калектыву, што з творчасцю і мастацтвам у тэатры будзе ўсё ў парадку.

Гэтага вяртання сцены Вялікага тэатра чакалі амаль дзесяць гадоў — у 2009 годзе выбітны беларускі харэограф і народны артыст Беларусі Валянцін Елізар'еў сышоў з калектыву, адмовіўшыся ад прапановы стаць галоўным балетмайстарам. 27 верасня ён афіцыйна вярнуўся сюды на пасаду мастацкага кіраўніка.

У новым статусе на сцэну тэатра, куды ён упершыню трапіў у 26 гадоў па размеркаванні, Валянцін Елізар'еў падняўся ў суправаджэнні дырэктара Уладзіміра Грыдзюшкі і міністра культуры Юрыя Бондара.

"Напэўна, дзіўна для многіх, што я прызначаны мастацкім кіраўніком. Думаю, тут мае значэнне мой творчы вопыт: я не быў на прастоі гэтыя дзевяць гадоў і ставіў спектаклі ў многіх краінах свету", — звярнуўся да калектыву новы мастацкі кіраўнік Вялікага тэатра.

Валентин Елизарьев на сцене Большого театра
© Sputnik / Виктор Толочко
Валянцін Елізар"еў на сцэне Вялікага тэатра

Ён падкрэсліў сваю падзяку беларускаму прэзідэнту, які прызначыў яго на гэтую пасаду.

Перазагрузка Вялікага

Па словах міністра культуры, Елізар'еў сам прапанаваў свае паслугі Вялікаму тэатру.

"Валянцін Мікалаевіч увайшоў у гісторыю не тым, што быў самым маладым балетмайстарам Савецкага Саюза, а сваім непаўторным стылем, вобразамі, разнастайнасцю пластычных формаў і астатнім, што зрабіла наш балет вядомым ва ўсім свеце. Так атрымалася, што Валянцін Мікалаевіч адсутнічаў дзесяць гадоў, але, тым не менш, ён вяртаецца", — падкрэсліў Юрый Бондар.

Министр культуры поздравил Елизарьева с возвращением в Большой
© Sputnik / Виктор Толочко
Міністр культуры павіншаваў Елізар"ева з вяртаннем у Вялікі

Ён назваў вяртанне Елізар'ева гістарычнай падзеяй у жыцці галоўнага тэатра краіны і выказаў упэўненасць у тым, што мудрасць і вопыт харэографа дазволяць выбудаваць працу на новым якасным узроўні.

"Знакаваму рашэнню папярэднічала вялікая праца і шматлікія кансультацыі. Гучных праблем сёння ў тэатры няма. Ёсць штодзённая карпатлівая праца, новыя пастаноўкі, але ў той жа час існуюць пэўныя моманты, на якія мы звярнулі ўвагу і хацелі б удасканаліць", — дадаў міністр культуры.

З прыходам Елізар'ева тэатр чакае своеасаблівая перазагрузка: зменіцца структура кіравання творчай і адміністрацыйнай дзейнасцю тэатра.

"На мастацкага кіраўніка мы ўскладзем адказнасць за творчы ўзровень працы Вялікага, каардынацыю дзейнасці ўсіх структурных падраздзяленняў", — патлумачыў Бондар.

Валентин Елизарьев после поздравлений выступил перед коллективом театра
© Sputnik / Виктор Толочко
Валянцін Елізар"еў пасля віншаванняў выступіў перад калектывам тэатра

Канцэпцыю творчага развіцця тэатра на ўрачыстым сходзе было вырашана не абмяркоўваць. Гэтая тэма стане галоўнай на будучым пасяджэнні мастацкага савета тэатра пад кіраўніцтвам Елізар'ева.

З творчасцю ўсё будзе ў парадку

Новага мастацкага кіраўніка па традыцыі сустракалі кветкамі. Першы букет — ад міністра культуры. Быў сярод ўрачыстых віншаванняў і шыкоўны букет чырвоных ружаў, які, па словах гендырэктара тэатра Уладзіміра Грыдзюшкі, прывёз кіроўца з просьбай "не называць прозвішча адпраўшчыка".

Букет от неизвестного поклонника творчества Елизарьева
© Sputnik / Виктор Толочко
Букет ад невядомага прыхільніка творчасці Елізар"ева

Дарэчы, не засталося без адказу і пытанне, якое сёння хвалюе многіх: генеральны дырэктар Вялікага тэатра Уладзімір Грыдзюшка будзе "займацца рашэннем сацыяльных пытанняў працоўнага калектыву, адміністрацыйнай і фінансавай дзейнасцю і маркетынгам".

Директор Большого Владимир Гридюшко
© Sputnik / Виктор Толочко
Дырэктар Вялікага Уладзімір Грыдзюшка

Ён, у сваю чаргу, распавёў, што дамовіўся працаваць з Валянцінам Елізар'евым разам, на аснове ўзаемапавагі, прыязнасці і паразумення.

"Іншага не дадзена. За намі тэатр, і трэба зрабіць усё, каб гледачы прыходзілі сюды і атрымлівалі задавальненне", — падкрэсліў Грыдзюшка.

Коллектив Большого театра
© Sputnik / Виктор Толочко
Калектыў Вялікага тэатра

У спісе будучых спраў Валянціна Елізар'ева — больш блізкае знаёмства з рэпертуарам тэатра і размова з калектывам у больш камернай абстаноўцы. А пакуль ён паабяцаў калегам і падначаленым, што з мастацтвам і творчасцю ў тэатры ўсё будзе ў парадку.

47
Тэги:
Вялікі тэатр оперы і балета РБ, Уладзімір Грыдзюшка, Юрый Бондар, Валянцін Елізар'еў, Беларусь
По теме
Міністр культуры Бондар: Елізар'еў вяртаецца
Елізар'еў: чакаю сустрэчы з калектывамі нашага Вялікага тэатра

Скульптар стварае творы мастацтва з металу ў стылі стымпанк - відэа

32
(абноўлена 16:00 16.01.2021)
Зварачны апарат, фантазія і залатыя рукі скульптара з Краснадара ператвараюць груду старых непатрэбных жалязяк з гаража ў творы мастацтва. Глядзіце на відэа, як аўтар стварае арт-аб'екты і дзе бярэ ідэі.

Скульптар Аляксей Кашанаў, вядомы таксама пад творчым псеўданімам "Панкрат", стварае творы мастацтва з металу ў стылі стымпанк з дапамогай самых простых інструментаў.

Аляксей у юнацтве захапляўся музыкай у жанры панк-рок, а стымпанк прыцягнуў яго спачатку з-за назвы. Пасля знаёмства з працамі ў гэтым стылі скульптар вырашыў стварыць нешта падобнае.

"Першае, што было зроблена ў гэтым кірунку, гэта такая рыбіна, там ужо балты былі, шасцерні, шрубы, калючы дрот, ланцугі. Мне спадабаўся вынік, і я вырашыў працягнуць рух у гэтым напрамку", - распавёў Аляксей.

Скульптар прызнаецца, што для працы выкарыстоўвае простыя інструменты: электразварку, балгарку, маску і малаток. А ідэі для новых твораў узнікаюць "сумбурна". Падштурхнуць аўтара да стварэння скульптуры можа радок з кнігі, куплет песні ці яркае перажыванне. І, як толькі з'яўляецца час, майстар рэалізуе задуманае.

У лістападзе 2020 года Аляксей Кашанаў прадставіў свае работы на персанальнай выставе, арганізаваць якую прапанавалі ў Краснадарскай краявой выставачнай зале выяўленчых мастацтваў. У 2020 годзе скульптар ужо выстаўляў там свае працы сумесна з Саюзам мастакоў авангарду. У снежні 2020 года Аляксей таксама прыняў удзел у сумеснай выставе ў музеі сучаснага мастацтва Эрарта ў Санкт-Пецярбургу.

Глядзіце таксама:

32
Тэги:
мастацтва, скульптура
Жыхары вёскі Пагост Гомельскай вобласці падчас абраду Шчодры вечар

"Шчодрык" у Пагосце: дзе каза рогам, там жыта стогам

78
(абноўлена 15:10 14.01.2021)
Беларускія традыцыі зімой выклікаюць асаблівую цікавасць і не пазбаўлены свайго аўтэнтычнага шарму. Як берагуць свае звычаі на Палессі, разбіраўся Sputnik.

МІНСК, 14 сту – Sputnik. Вёска Пагост - месца ўнікальнае, з аднаго боку бяжыць паўнаводная Прыпяць, з другога закалыхвае ціхая Сцвіга. Здаецца, сама прырода настройвае палешукоў на спрадвечны традыцыйны лад.

Зіма ў вёсцы - час адмысловы. Калі ўся гаспадарка дагледжана, а ўраджай у засеках, надыходзіць пара святаў.

У чым асаблівая разыначка Шчодрага вечара ў Пагосце, даведаўся карэспандэнт Sputnik Станіслаў Андросік.

Маленькі чалавек вялікай справы

Беларускае свята "Шчодрык" заўсёды адзначаюць з 13 на 14 студзеня. Шмат гадоў таму па сутнасці так святкавалі Новы год, але змена календароў адыграла свой злы жарт з датамі. Тады звычай на Палессі выстаяў, а што будзе праз пару гадоў, пакуль незразумела.

Жители деревни Погост Гомельской области во время обряда Щедрый вечер
© Sputnik / Виктор Толочко
"Шчодрык" заўсёды адзначаюць з 13 на 14 студзеня

У Пагосце і нават далёка за мяжой ведаюць Кацярыну Аляксееўну Панчэню, якая не проста дапамагла аднавяскоўцам зберагчы свае традыцыі, але і вывела іх на міжнародны ўзровень, аднак пра гэта пазней.

Жители деревни Погост Гомельской области во время обряда Щедрый вечер
© Sputnik / Виктор Толочко
Прыбірацца Кацярыне Аляксееўне дапамагае новае пакаленне культурных работнікаў

Кацярына Аляксееўна, як і шмат гадоў таму, абавязкова ідзе "шчадраваць". Нам яна прызнаецца, што робіць гэта з трох гадоў, а ёй ужо пераваліла за 80. Раней яна "шчадравала" і па наказе душы, і па працы. Мясцовы дом культуры знаходзіўся пад яе чулым кіраўніцтвам больш за 30 гадоў.

Зараз гады ўжо бяруць сваё, і прыбірацца ганаровай жыхарцы Жыткавіцкага раёна дапамагае новае пакаленне культурных работнікаў.

Неад'емнай часткай "Шчодрыка" застаюцца калядоўшчыкі, і тут Кацярына Аляксееўна выразна дае зразумець: "У нас радзіліся толькі на Шчодрык, а на Раство прыбіраліся калядным строем".

Жители деревни Погост Гомельской области во время обряда Щедрый вечер
© Sputnik / Виктор Толочко
На Каляды ходзяць пераапранутыя рознымі татэмнымі жывёламі і птушкамі - казой, мядзведзем, ваўком, буслом

Сярод ражаных лічацца Мядзведзь, Сарока, Цыганка, Бусел і, вядома, Каза, як галоўны персанаж.

Цікава, што ў іх ліку вы не ўбачыце ні аднаго дарослага, толькі дзяцей розных школьных узростаў.

Жители деревни Погост Гомельской области во время обряда Щедрый вечер
© Sputnik / Виктор Толочко
Дзеці з задавальненнем удзельнічаюць у абрадзе

Аказваецца, так "нашчадкам перадаем, каб не забываліся", патлумачыла Кацярына Аляксееўна. Раней па вёсцы сапраўдныя цягнікі з саней ездзілі "шчадраваць", а цяпер сабраўся толькі маленькі паравозік з дзетак і работніц культурнай сферы.

Жители деревни Погост Гомельской области во время обряда Щедрый вечер
© Sputnik / Виктор Толочко
Сярод ражаных абавязкова ёсць Бусел

Дзякуючы ім, у XXI стагоддзі можна ўбачыць, як беларусы сотні гадоў таму адзначалі надыход Новага года.

"Пячыце ладкі"

"Шчадрэц колісь звалі - Васілей, Стары Новы год. Гэтя ўжо другая куцця, таму што Раство - першая куцця. На Хрышчэнне будзе трэццяя куцця. Усе абрады ў нас звязаныя са збажыною", - уводзіць у курс справы Кацярына Аляксееўна.

А каб свята атрымалася, па яе словах, трэба прыгаворваць: "Пячыце ладкі, каб цяляты былі гладкі", "пячыце блінцы, каб дзеці былі, як жарабцы".

Па прызнанні самой жанчыны, "ніхто ў гэтя лезці зараз ня хоча, вось і перадаю ўсё Ірыне Торчык".

Жители деревни Погост Гомельской области во время обряда Щедрый вечер
© Sputnik / Виктор Толочко
Каб "Шчодрык" атрымаўся, трэба прыгаворваць: "пячыце ладкі, каб цяляты былі гладкі", "пячыце блінцы, каб дзеці былі, як жарабцы".

А раней па вечарах у Пагосце на "Шчадрэц" усё прыгаворвалі і рыхтаваліся, цяпер і вёска ўжо не тая, таму што людзей у ёй амаль не засталося.

Кацярына Аляксееўна распавядае, што на свята было прынята рабіць запіскі: "Хто, што думае плахое мне, хай бярэ сабе і на першым полыме, як блінцы пякці, спальвалі".

На ўсю краіну адзін

Размовы з журналістамі - гэта адно, але і "шчадраваць" камусьці трэба. Разнамасная чарада весела выкатваецца на вуліцу. На "Шчодрык" трэба абавязкова спяваць гаспадарам хаты, куды прыходзяць калядоўшчыкі.

Жители деревни Погост Гомельской области во время обряда Щедрый вечер
© Sputnik / Виктор Толочко
Галоўная задача - зарадзіць энергіяй, каб у новым годзе і ўраджай быў, і гаспадарка квітнела

Галоўная іх задача - зарадзіць энергіяй, каб у новым годзе і ўраджай быў, і гаспадарка квітнела.

Для гэтага прыгаворваюць "дзе каза рогам, там жыта стогам", ад такой працы Каза хутка стамляецца і падае знясіленая проста ў снег.

Жители деревни Погост Гомельской области во время обряда Щедрый вечер
© Sputnik / Виктор Толочко
Калі Каза стамляецца і падае, гаспадары разумеюць: пара пачаставаць яе за старанні

Такі вось непразрысты намёк гаспадарам, што трэба шчодра пачаставаць за старанні. Лепш за ўсё для гэтага, вядома, падыходзіць сала, але ў вёсцы без лішніх размоў бяруць усё, што даюць.

Жители деревни Погост Гомельской области во время обряда Щедрый вечер
© Sputnik / Виктор Толочко
За песні і танцы гаспадары частуюць калядоўшчыкаў

Так паважная працэсія ходзіць ад двара да двара, пакуль не наступіць цемра, а торба не будзе набіта усялякімі пачастункамі даверху.

Пагост - вёска па-сапраўднаму ўнікальная, мясцовыя святы па заслугах ацанілі на самым высокім узроўні.

Жители деревни Погост Гомельской области во время обряда Щедрый вечер
© Sputnik / Виктор Толочко
Абавязковы атрыбут калядоўшчыкаў - Віфлеемская зорка

Звычай "Юраўскі карагод" атрымаў нават статус нематэрыяльнай гісторыка-культурнай каштоўнасці. Улады па тых часах выдзелілі казачныя 100 мільёнаў рублёў. Праўда, у Пагосце свайго "прыза" не дачакаліся і ўсе грошы роўным пластом разышліся па "культуры" Жыткавіцкага раёна.

Цяпер на чарзе грант ЮНЕСКА, і ў Пагосце перажываюць. Падтрымка мясцоваму Дому культуры павінна была прыйсці ў мінулым годзе, але пандэмія ўнесла свае праўкі ў чаканні палешукоў. Зараз у Пагосце чакаюць гэты грант, каб скласці печку і рыхтаваць пачастункі прама на вачах турыстаў, якія тонкім раўчуком ідуць на Палессе, каб пабачыць на свае вочы тое, чаго больш нідзе ўжо няма.

Жители деревни Погост Гомельской области во время обряда Щедрый вечер
© Sputnik / Виктор Толочко
Пагост - вёска па-сапраўднаму ўнікальная, мясцовыя святы па заслугах ацанілі на самым высокім узроўні

Замест эпілогу

У Доме культуры ўсё трымаецца на плячах Ірыны Іванаўны і Ірыны Ціханаўны, якія паціху збіраюць па хатах начынне, зробленае паляшукамі шмат гадоў таму. Тут можна ўбачыць і сапраўдныя кросны, палаці, лавы, і нават самаробны пратэз нагі.

Жители деревни Погост Гомельской области во время обряда Щедрый вечер
© Sputnik / Виктор Толочко
"Не пайду я, пойдуць людзі", - упэўнена Кацярына Аляксееўна

Жыццё, нягледзячы ні на што, б'е ў Пагосце ключом. Кацярына Аляксееўна не маркоціцца і, здаецца, зусім не перажывае, што будзе са "Шчодрыкам" у будучыні. На развітанне яна запэўнівае: "Не пайду я, пойдуць людзі".

78
Тэги:
Традыцыі і абрады, Шчадрэц, Палессе

Насельнікі заапарка ўзімку: страус, сава і альпака атрымліваюць асалоду ад снегу

0
(абноўлена 21:20 19.01.2021)
  • Страус у Маскоўскім заапарку
  • Ваўкі ў Маскоўскім заапарку
  • Палярная сава ў Маскоўскім заапарку
  • Качкі ў Маскоўскім заапарку
  • Яноты ў Маскоўскім заапарку
  • Альпака ў Маскоўскім заапарку
  • Воўк у Маскоўскім заапарку
  • Белая сава ў Маскоўскім заапарку
  • Хатні асёл у Маскоўскім заапарку
  • Рысь у Маскоўскім заапарку
  • Панда (бамбукавы мядзведзь) у Маскоўскім заапарку
  • Далёкаўсходні леапард у Маскоўскім заапарку
  • Рысь у Маскоўскім заапарку
  • Страус у Маскоўскім заапарку
  • Воўк у Маскоўскім заапарку
  • Даўгахвостая няясыць у Маскоўскім заапарку
  • Кустовы сабака ў Маскоўскім заапарку
  • Заходнесібірскі філін у Маскоўскім заапарку
  • Альпака ў Маскоўскім заапарку
Пухнатыя снежныя шматкі радуюць не толькі дзяцей і дарослых. Насельнікі заапарка таксама атрымліваюць асалоду ад беласнежнай зімы.

Глядзіце ў фотастужцы Sputnik, як адчуваюць сябе насельнікі Маскоўскага заапарка ў гэтыя зімовыя студзеньскія дні.

Наведвальнікаў заапарка чакаюць палярныя совы, белыя мядзведзі, рысі і ваўкі - усе яны ў прыродзе жывуць у шыротах з вельмі суровым кліматам. Зіма для іх - самы камфортны час.

Многія цеплалюбівыя жывёлы таксама нядрэнна пераносяць маскоўскую зіму. Нават тыя, хто нарадзіўся ў цёплых краінах, - леапарды, антылопы, страусы, дзікія кошкі - выходзяць зімой на шпацыр. Усе яны начуюць у цёплых вальерах, але раніцай абавязкова просяцца пагуляць.

Глядзіце таксама:

0
  • Страус у Маскоўскім заапарку
    © Sputnik / Maksim Blinov

    Страус цудоўна адчувае сябе пад снегам.

  • Ваўкі ў Маскоўскім заапарку
    © Sputnik / Maksim Blinov

    Ваўкі.

  • Палярная сава ў Маскоўскім заапарку
    © Sputnik / Максим Блинов

    Палярная сава.

  • Качкі ў Маскоўскім заапарку
    © Sputnik / Maksim Blinov

    Качкі ў Маскоўскім заапарку.

  • Яноты ў Маскоўскім заапарку
    © Sputnik / Maksim Blinov

    Яноты.

  • Альпака ў Маскоўскім заапарку
    © Sputnik / Максим Блинов

    Альпака.

  • Воўк у Маскоўскім заапарку
    © Sputnik / Максим Блинов

    Воўк.

  • Белая сава ў Маскоўскім заапарку
    © Sputnik / Maksim Blinov

    Белая сава.

  • Хатні асёл у Маскоўскім заапарку
    © Sputnik / Maksim Blinov

    Хатні асёл.

  • Рысь у Маскоўскім заапарку
    © Sputnik / Maksim Blinov

    Рысь.

  • Панда (бамбукавы мядзведзь) у Маскоўскім заапарку
    © Sputnik / Maksim Blinov

    Панда (бамбукавы мядзведзь).

  • Далёкаўсходні леапард у Маскоўскім заапарку
    © Sputnik / Maksim Blinov

    Далёкаўсходні леапард.

  • Рысь у Маскоўскім заапарку
    © Sputnik / Maksim Blinov

    Рысь.

  • Страус у Маскоўскім заапарку
    © Sputnik / Максим Блинов

    Страус.

  • Воўк у Маскоўскім заапарку
    © Sputnik / Максим Блинов

    Воўк.

  • Даўгахвостая няясыць у Маскоўскім заапарку
    © Sputnik / Maksim Blinov

    Даўгахвостая няясыць.

  • Кустовы сабака ў Маскоўскім заапарку
    © Sputnik / Максим Блинов

    Кустовы сабака.

  • Заходнесібірскі філін у Маскоўскім заапарку
    © Sputnik / Максим Блинов

    Заходнесібірскі філін.

  • Альпака ў Маскоўскім заапарку
    © Sputnik / Максим Блинов

    Альпака.

Тэги:
Маскоўскі заапарк, зіма