Прадзюсар тэатра Леанід Дзінэрштэйн

Асаблівыя дзеці прадставяць сваё бачанне Дастаеўскага ў Музычным тэатры

99
(абноўлена 15:02 05.10.2018)
Рабяты з аўтызмам выступяць на тэатральнай сцэне разам з дарослымі акцёрамі.

МІНСК, 5 кас — Sputnik. Прэм'ера ўнікальнага 3D-спектакля на беларускай мове, створанага па апавяданні Дастаеўскага "Хлопчык у Хрыста на ёлцы", адбудзецца ў Беларускім дзяржаўным музычным тэатры 8 кастрычніка. Акцёры Сямейнага інклюзіў-тэатра "І" прадставяць гледачам гісторыю "Аднойчы ў вялікім горадзе", распавёў сёння на прэс-канферэнцыі ў МПЦ Sputnik прадзюсар тэатра Леанід Дзінэрштэйн.

У аснове сюжэту — гісторыя хлопчыка, які перад Калядамі страціў бацькоў і застаўся адзін у вялікім горадзе. Маленькі жабрак нечакана трапляе на елку да Хрыста і анёлаў. І знаходзіць надзею для сваёй душы.

"Прэм'ера спектакля адбылася ў маі гэтага года, але на вялікай сцэне яго яшчэ не бачылі. Гэта гісторыя, якую дарослыя і дзеці расказваюць для дарослых і дзяцей. Раней мы нават не задумваліся аб тым, што дзецям трэба казаць пра такія сур'ёзныя рэчы, як жыццё, смерць або адзінота", — растлумачыў ён.

Асноўная частка трупы — гэта акцёры інклюзіў-тэатра "І", у тым ліку і восем дзяцей з аўтызмам і іх бацькі. На дадзены момант у гэтай тэатральнай студыі займаецца 80 чалавек, 22 з якіх — дзеці з аўтызмам.

Леанід Дзінэрштэйн падкрэсліў, што праект атрымаўся дзякуючы працы "магутнай пастановачнай групы".

"Няма ніякіх асаблівых дзяцей, з гэтымі рабятамі таксама цікава працаваць. Для іх няма ніякіх асаблівых роляў, усе роўныя", — падзяліўся сваімі ўражаннямі харэограф Дзяніс Дадзішкіліані.

Хореограф Денис Дадишкилиани
© Sputnik Ирина Петрович
Харэограф Дзяніс Дадзішкіліані

Галоўную ролю ў спектаклі выконвае сын беларускага рэжысёра Андрэя Курэйчыка Герман.

"Гэта абсалютна дарослы спектакль, на які можна прыйсці ўсёй сям'ёй. Не ў кожнай оперы можна ўбачыць такі тэхналагічны і мастацкі погляд. Па вопыце свайго сына магу сказаць, што ён атрымлівае велізарнае задавальненне ад узаемадзеяння з дзецьмі і дарослымі. Мне здаецца, што гэта неверагодна карысна і для яго таксама. Ён вучыцца сябраваць і разумець іншых людзей", — распавёў Андрэй Курэйчык.

Публіку чакае яркае відовішча — у пастаноўцы выкарыстоўваюцца аб'ёмныя 3D-праекцыі і іншыя тэхналагічныя рашэнні. У рэжысёра Сяргея Ісакава атрымалася стварыць сапраўды казачную пастаноўку.

Дарэчы, на мінулым тыдні адбылася прэм'ера яго дакументальнага фільма "Хто апошні?", дзе галоўныя ролі таксама выканалі акцёры інклюзіў-тэатра "І" — Кастусь, Міша, Улада і Макс. Дакументаліст у сваёй карціне распавёў пра тое, як гэты ўнікальны праект дапамагае дзецям з аўтызмам раскрываць свае таленты і дамагацца поспехаў не толькі на сцэне, але і ў жыцці.

99
Тэги:
тэатр, Беларускі дзяржаўны акадэмічны музычны тэатр, Беларусь
Зажынкі ў Жораўке 2019

Тэст: ці добра вы ведаеце беларускія фразеалагізмы?

4846
(абноўлена 17:19 06.08.2020)
Прайдзіце тэст Sputnik і даведайцеся, наколькі добра вы ведаеце фразеалагізмы на беларускай мове.

Кожная мова мае свой адметны склад устойлівых выразаў, якія яскрава характэрызуюць яе носьбітаў, іх побыт, звычкі і тое, як яны бачылі навакольны свет. Беларускія фразеалагізмы ўвабралі ў сябе трапныя параўнанні, якія часам здаюцца смешнымі, але заўсёды прыводзяць да роздумаў: як узнік той ці іншы выраз. Некаторыя фразеалагізмы траплялі ў гутарку со старонак літаратурных твораў, але большая іх частка – калектыўная творчасць народа, якая перадавалася з вуснаў у вусны на працягу пакаленняў.

Шмат фразеалагізмаў агульныя для ўсіх славянскіх народаў: напэўна, кожны зразумее, што значыць "вісець на валаску" або "Мамаева пабоішча". Вялікая колькасць выразаў трапіла ў беларускую мову з Бібліі – яны амаль слова ў слова перакладаюць лацінскі або грэчаскі тэкст. Але ёсць у беларускага народа і своеасаблівыя, адметныя фразеалагізмы, якія часам могуць не толькі выклікаць неўразуменне, але і здзівіць сваёй вобразнасцю. Прайдзіце тэст, каб даведацца, ці добра вы ведаеце беларускую фразеалогію або ці здольныя адгадаць, што значыць той ці іншы незнаёмы выраз.

Чытайце таксама:

4846
Тэги:
фразеалагізмы, тэст, Беларуская мова, Беларусь
Тэмы:
Вучым беларускую мову
Пераможцам анлайн-галасавання стала фатаграфія журналіста з Прымор'я Юрыя Сміцюка Востраў Урангеля

Фотаконкурс імя Сценіна абвясціў пераможцу анлайн-галасавання

19
(абноўлена 10:45 04.08.2020)
Пераможцаў ва ўсіх намінацыях і Гран-пры конкурсу памяці вядомага фотажурналіста, які загінуў пры выкананні абавязку, журы назаве ў верасні.

МІНСК, 4 жні - Sputnik. Лепшай працай міжнароднага конкурсу імя Андрэя Сценіна на думку інтэрнэт-карыстальнікаў стала адзінкавв фотаздымак журналіста з Прымор'я Юрыя Сміцюка "Востраў Урангеля". На ёй у "натуральным асяроддзі пражывання" захаваны навуковы супрацоўнік і інспектар аднайменнага запаведніка Павел Кулямееў.

Востраў Урангеля - самы паўночны запаведны востраў расійскай Арктыкі. Паўночны Ледавіты акіян дзеліць востраў 180 мерыдыянам практычна напалову, дзякуючы чаму ён знаходзіцца і ў Заходнім і ва Усходнім паўшар'ях нашай планеты. Наведванне запаведніка "Востраў Урангеля" абмежавана, але існуе каля 10 турыстычных маршрутаў летам і восенню. Прысутнасць турыстаў тут дапускаецца толькі ў суправаджэнні рэйнджараў. Яны сочаць за бяспекай турыстаў і, вядома, жывёл, якія насяляюць востраў.

У верасні конкурс імя Андрэя Сценіна абвесціць пераможцаў на сайце stenincontest.ru | stenincontest.com, тады ж у Маскве адкрыецца выстава яго лаўрэатаў. У планах конкурсу даць таксама старт традыцыйнаму роўд-шоу пераможцаў па гарадах свету да канца года.

Міжнародны конкурс фотажурналістыкі імя Андрэя Сценіна - штогадовы конкурс для маладых фотарэпарцёраў ад 18 да 33 гадоў. У 2020 годзе конкурс сабраў больш за 5000 работ з 75 краін свету. З моманту старту конкурсу ў 2014 годзе фотаработы яго пераможцаў выстаўляліся ў Маскве, Кейптаўне, Будапешце, Мадрыдзе, Нью-Дэлі, Мілане, Нью-Ёрку, Анкары, Буэнас-Айрэсе, і іншых гарадах свету. Прыём заявак стартуе штогод 22 снежня, у дзень нараджэння фотакарэспандэнта МІА "Россия сегодня" Андрэя Сценіна, які загінуў пры выкананні прафесійнага абавязку.

Міжнароднымі інфармацыйнымі партнёрамі конкурсу сталі: інфармацыйнае агенцтва і радыё Sputnik, інфармацыйнае агенцтва Askanews, медыяхолдынг Independent Media, інфармацыйнае агенцтва Notimex, агенцтва навінаў ANA, тэлеканал і партал RT, Shanghai United Media Group (SUMG), інтэрнэт-партал газеты China Daily, інтэрнэт- партал The Paper, медыясетка Al Mayadeen, інфармацыйнае агенцтва Prensa Latina, інфармацыйнае агенцтва News1, інтэрнэт-партал DBW, партал навінаў Brasil247. У статусе галіновых партнёраў конкурс падтрымліваюць: часопіс "National Geographic Расія", партал Russian Photo, партал Photo-study.ru, Фоташкола "Акадэмія фатаграфіі", інфармацыйны партал YOung JOurnalists, часопіс Fotoargenta, Клуб фотажурналістыкі Нью-Дэлі, часопіс Enfoque Visual, часопіс LF Magazine, міжнародная пляцоўка-партнёр - фестываль PhotON.

19
Тэги:
Міжнародны конкурс фотажурналістыкі імя Андрэя Сценіна
Медык у клініка-дыягнастычнай лабараторыі

Колькасць выпадкаў заражэння каронавірусам у Беларусі перавысіла 68,6 тысячы

1
(абноўлена 15:13 07.08.2020)
Паправіліся і выпісаныя 64 200 пацыентаў, у якіх раней быў пацверджаны дыягназ COVID-19.

МІНСК, 7 жні - Sputnik. Колькасць тых, хто захварэў на каронавірус у Беларусі перавысіла 68,6 тысячы чалавек, пра гэта паведамілі ў Міністэрстве аховы здароўя рэспублікі ў пятніцу.

"Зарэгістраваныя 68 тысяч 614 чалавек з станоўчым тэстам на COVID-19", - удакладнілі ў профільным ведамстве.

За суткі колькасць выпадкаў павялічылася на 111. Паправіліся і выпісаныя 64 тысячы 200 пацыентаў, у якіх раней быў пацверджаны дыягназ COVID-19, іх за мінулыя 24 гадзіны стала больш на 444.

"За ўвесь перыяд распаўсюджвання інфекцыі на тэрыторыі краіны памерлі 583 пацыента з шэрагам хранічных захворванняў з выяўленай каронавіруснай інфекцыяй", - праінфармавалі ў Міністэрстве аховы здароўя.

Так, колькасць смяротных выпадкаў ўзрасла на тры. Сумарна на тэрыторыі краіны праведзена больш за 1 мільён 353 тысяч тэстаў.

Чытайце таксама:

1
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19