Восеньскі салон-2018

Не толькі выстава: лекцыі і спектаклі чакаюць гасцей "Восеньскага салона"

39
(абноўлена 16:15 05.10.2018)
Арганізатары падрыхтавалі шмат цікавага для самых маленькіх аматараў мастацтва.

МІНСК, 5 кас — Sputnik. Насычаная адукацыйная праграма з удзелам беларускіх і міжнародных экспертаў прадугледжана падчас правядзення чацвёртага "Восеньскага салона з Белгазпрамбанкам" у Мінску.

Адукацыйны месяц распачнецца 10 кастрычніка з лекцыі кандыдата мастацтвазнаўства Вольгі Каваленка, якая распавядзе пра развіццё арт-рынку ад самага пачатку да сённяшніх дзён. Яна ж паведаміць пра ролю мастацкіх салонаў у сусветным мастацтве на лекцыі 24 кастрычніка.

12 кастрычніка госці Палаца мастацтваў змогуць паўдзельнічаць у размове пра дэвіянтнае мастацтва Беларусі разам з заснавальніцамі беларускага збору дэвіянтнага мастацтва Дар'яй Яскевіч і Кацярынай Савіцкай.

Таямніцы чарговага "Восеньскага салона" 31 кастрычніка на лекцыі будзе раскрываць куратар праекта Аляксандр Зіменка.

Адмысловую праграму арганізатары аднаго з галоўных выставачных праектаў сезона падрыхтавалі для маленькіх наведвальнікаў арт-праекта. 19, 26 і 27 кастрычніка, а таксама 3 лістапада лекцыі для іх правядзе навуковы супрацоўнік Нацыянальнага мастацкага музея Мікіта Моніч.

Акрамя лекцыі на пляцоўцы палаца мастацтваў  запланаваныя два спектаклі — "Кі, мой мілы, кі" і "Самы круглы ў свеце ложак". Першую пастаноўку, падрыхтаваную пры падрымцы музыкі Святланы Бень, прадставіць тэатр-студыя "Картонка". Гісторыя пра кіта, які быў аматарам падарожаў, не пакіне нікога абыякавым.

Тэатр-студыя "Konislon" пакажа пяць эцюдаў на вершы Ірыны Піваваравай аб зямлі як самым круглым і ўтульным у свеце ложку. Дзяцей чакаюць паэзія, гукі прыроды, класічная музыка і бабуліны калыханкі.

Саму выставу можна будзе наведаць з 5 кастрычніка па 4 лістапада.

39
Тэги:
лекцыя, спектакль, Восеньскі салон, Палац мастацтваў, Мінск
Генерал-лейтэнант Канстанцін Ракасоўскі на камандным пункце 16-й арміі, снежань 1941 года

Новая версія з'явілася ў гісторыі аб нараджэнні Ракасоўскага

34
(абноўлена 11:53 17.05.2021)
Сенсацыйная навіна аб тым, што маршал Перамогі нарадзіўся ў Целяханах, пачынае абрастаць падрабязнасцямі. Якія нюансы ў біяграфіі савецкага палкаводца яшчэ трэба будзе вывучыць, разбіраўся Sputnik.

Напярэдадні святкавання Дня Перамогі стала вядома, што ў архіве адшукалі метрычную кнігу, у якой чорным па белым напісана, што Канстанцін Ракасоўскі нарадзіўся ў 1889 годзе ў беларускіх Целяханах.

Здавалася, што інтрыга з месцам і годам нараджэння славутага ваеначальніка вырашылася раз і назаўжды, але, як часта бывае з сучаснымі адкрыццямі, гэтая гісторыя стала абрастаць падрабязнасцямі і цікавымі версіямі.

Унук маршала Канстанцін Ракасоўскі распавёў карэспандэнту Sputnik, што для яго запіс у метрычнай кнізе стаў адкрыццём, але яснасці з паходжаннем вядомага палкаводца не дадаў.

Варшава або Целяханы

"Я ведаю са слоў маёй маці, што Канстанцін Ракасоўскі казаў ёй, што нарадзіўся 21 снежня 1896 года ў Варшаве. Дакументы, якія пацвярджаюць гэта, калі яны існуюць, пакуль нікім не знойдзены", - канстатаваў ён.

Родственники маршала Советского Союза Константина Рокоссовского: правнучка Ариадна, внук Константин и дочь Надежда (слева направо)
© Sputnik / Сергей Пятаков
Сваякі маршала Савецкага Саюза Канстанціна Ракасоўскага: праўнучка Арыядна, унук Канстанцін і дачка Надзея (злева направа)

Па версіі ўнука, у метрычнай кнізе запісана дата і месца нараджэння старэйшага брата ваеначальніка, які, відаць, памёр, калі быў зусім маленькім. Зараз для пацверджання гэтай версіі трэба шукаць запісы ў метрыках у Польшчы ці Беларусі аб смерці старэйшага брата Канстанціна Ракасоўскага.

Унук маршала ужо напісаў ліст у Нацыянальны гістарычны архіў Беларусі, дзе выклаў сваё бачанне сітуацыі. Беларускія архівісты ўжо вывучаюць усе магчымыя варыянты, вядуць даследаванні і абяцалі афіцыйна адказаць на зварот Канстанціна Ракасоўскага.

"Тое, што бацькі Ракасоўскага не былi (ці не заўсёды былі) тымі, кім ён сам пісаў у сваіх біяграфіях, мне даўно было ясна. У пасведчанні аб смерці бацькі Ракасоўскага напісана - прыватны афіцыяліст, што азначае, што ён быў наёмным кіраўніком якойсьці прыватнай уласнасці", - распавёў унук.

Усе дарогі вядуць у архівы

На яго думку, паколькі ў Целяханах не было і няма чыгункі, дзе мог бы працаваць Ксаверый Ракасоўскі, лагічна выказаць здагадку, што ён працаваў кіраўніком на шкляным заводзе Пуслоўскіх.

Запись о рождении Константина Рокоссовского в метрике
© Sputnik / Виктор Толочко
Запіс аб нараджэнні Канстанціна Ракасоўскага ў метрыцы

"У дакументах, знойдзеных у Беларусі, супадае і імя будучага маршала, і імёны бацькоў. Розніца ў даце нараджэння ў сем гадоў абвяргае ўсе цалкам. Таму я і высунуў гэтую версію", - растлумачыў Канстанцін Ракасоўскі.

Зараз беларускія архівісты шукаюць запісы аб магчымай смерці старэйшага брата ваеначальніка, але верагодна, гэта будзе не так проста. Бо па сямейных паданнях, Ракасоўскія шмат пераязджалі, і дзіця магло памерці ўжо ў Варшаве ці яшчэ ў якім-небудзь горадзе.

"Ён мог памерці дзіцем, а бацькі, калі ў іх нарадзіўся яшчэ адзін сын, назвалі яго ў гонар брата таксама Канстанцінам. Тады гэта было даволі распаўсюджана, што ў выпадку смерці дзіцяці наступнага называлі яго імем", - адзначыў ўнук.

Патрэбны дакументы з архіва

Праўда, Канстанцін Ракасоўскі прызнаецца, што яму нічога не вядома на самай справе пра старэйшага брата яго дзеда, таму што ў сям'і заўсёды гаварылі пра тое, што, апроч хлопчыка былі яшчэ дзве дзяўчынкі, але пра дзіця, якое магло памерці ў раннім узросце, не расказвалі нічога.

Зараз беларускія архівісты, паводле яго слоў, вывучаюць матэрыялы, каб высветліць як мага больш пра Антаніну Аўсяннікаву. Бо пра бацьку Ракасоўскага ў польскіх архівах ёсць звесткі, і яны вывучаны, а пра яго маці нічога няма.

"Пра тое, што яна пахавана ў Целяханах таксама дакументаў няма. Архівісты будуць іх шукаць і, магчыма, знойдуць іх", - спадзяецца унук маршала.

У завяршэнне Канстанцін Ракасоўскі запэўніў, што ён "не трымаецца за Варшаву" і яму ўсё роўна, дзе на самай справе нарадзіўся яго дзед. Галоўнае, каб "гэта было пацверджана дакументамі".

"Знойдзеныя дакументы я пакуль не лічу пацвярджэннем таго, што гэта нарадзіўся менавіта ён", - падсумаваў унук легендарнага маршала.

Чытайце таксама:

  • Чаму Ракасоўскі мог хаваць сваё паходжанне, растлумачылі ў Нацархіве
  • Ракасоўскі - беларус? Устаноўлены новы факт у біяграфіі палкаводца
  • Парад 1945-га: як адзначылі Перамогу ў Вялікай Айчыннай на Чырвонай плошчы
34
Тэги:
біяграфія, Канстанцін Ракасоўскі, гісторыя, версія

"Ноч музеяў" на "Лініі Сталіна": рэканструкцыя бою Афганскай вайны відэа

12
(абноўлена 10:44 17.05.2021)
Рэканструктары паказалі эпізод захопу савецкіх спецыялістаў у Мазары-Шарыфе правінцыі Балх. Глядзіце на відэа, як гэта было.

Акцыю "Ноч музеяў" штогод адзначаюць у многіх краінах свету. Беларусь - не выключэнне. У гісторыка-культурным комплексе "Лінія Сталіна", да прыкладу, паказалі рэканструкцыю адной з баявых бітваў. На гэты раз - эпізод Афганскай вайны. Падзея 1983 году - захоп савецкіх спецыялістаў у Мазары-Шарыфе правінцыі Балх.

Эпізод пра тое, як савецкія спецыялісты, якія працавалі на хлебакамбінаце, вярталіся ў свой населены пункт на грузавіку і без якога-небудзь суправаджэння аховы, бо раней мяцежнікаў тут не было. Але вяртання дадому спецыялістаў так і не дачакаліся.

Зрэшты, на "Лініі Сталіна" у "Ноч музеяў" была не толькі рэканструкцыя з прымяненнем піратэхнікі і баявых машын. У праграму таксама ўвайшлі экспазіцыя "Наш браняпоезд", квэст па пошуку стралковай зброі, катанне на ваеннай тэхніцы. А завяршылася праграма святочным феерверкам.

Глядзіце таксама:

12
Тэги:
відэа, Гістарычная рэканструкцыя, Лінія Сталіна, Ноч музеяў
Яблыневы цвет у кроплях дажджу

Сіноптыкі: да сярэдзіны тыдня ў Беларусі адчувальна пахаладае

14
(абноўлена 18:00 17.05.2021)
Пахаладанне ў рэспубліку ў чацвер 20 траўня прынясе цыклон з Украіны - тэмпература паветра месцамі апусціцца да + 10°С.

МІНСК, 17 траўня - Sputnik. Адчувальнае пахаладанне чакаецца ў Беларусі да сярэдзіны гэтага тыдня, паведамілі ў Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.

Паводле інфармацыі сіноптыкаў, на аўторак у рэспубліцы абвешчаны жоўты ўзровень небяспекі з-за моцных дажджоў, якія суправаджаюцца навальніцамі, і туманаў. Пры гэтым днём будзе цёпла - да + 21°С, а на паўднёвым усходзе краіны - да + 23°С.

У сераду 19 траўня надвор'е істотна не зменіцца - яго па-ранейшаму будуць вызначаць атмасферныя франты: чакаюцца дажджы з навальніцамі, а днём паветра прагрэецца да + 19°С, на ўсходзе Беларусі - да + 22°С.

Умовы надвор'я пагоршацца ў чацвер 20 траўня: на тэрыторыю рэспублікі прыйдзе халодная частка цыклона з Украіны: зноў пройдуць дажджы, месцамі прагназуецца парывісты вецер, а дзённая тэмпература паветра будзе знаходзіцца ў межах ад +10 да + 17°С.

Чытайце таксама:

14
Тэги:
пахаладанне, Беларусь, сіноптыкі