МІНСК, 15 кас - Sputnik. Папірус з тэкстам з егіпецкай "Кнігі мёртвых" прадалі на аўкцыёне ў Манака за 1,35 мільёна еўра, у даўжыню папірус дасягае 17,4 метра, гаворыцца на сайце аўкцыёну Hotel des Ventes de Monte-Carlo.
Папірус датуецца 594 годам да нашай эры. Ён змяшчае пахавальныя тэксты, якія прынята было класці ў магілу. Такім чынам пахаванаму, як чакалася, можна дапамагчы справіцца са складанасцямі, якія чакаюць яго ў замагільным свеце.
Таксама ў чырвоных і чорных колерах на скрутку намаляваны суд Асірыса над душамі памерлых.
Папірус ў 60-х гадах набыў ананімны калекцыянер, і з таго часу ён перадаваўся яго спадчыннікам. Эксперты мяркуюць, што скрутак добра захаваўся.
