Кінафестываль Лістапад, архіўнае фота

Аўтары яшчэ адной карціны зняліся з удзелу ў "Лістападзе"

15
(абноўлена 09:10 01.11.2018)
Шэраг прадстаўнікоў кінасуполкі незадаволены тым, што ў камісію па адборы карцін для ўдзелу ў Нацыянальным конкурсе не ўвайшла дырэкцыя фестывалю.

МІНСК, 1 ліс - Sputnik. Аўтары карціны "Пляж/лес/тамбур" знялі свой фільм з Нацыянальнага конкурсу кінафестывалю "Лістапад", пра гэта яны паведамілі Sputnik у сераду.

Рэжысёр карціны Кірыл Галіцкі прызнаў, што сітуацыя няпростая, і здымачнай групе спатрэбіўся час, каб вызначыць для сябе прыдатную мадэль паводзінаў. Гэтым рашэннем аўтары фільма выказалі сваю заклапочанасць падзеямі, што адбываюцца вакол конкурсу.

"Гэта непрыемнае і складанае для нас рашэнне", - прызнаў Галіцкі.

Гэта ўжо другі фільм, аўтары якога выказалі незадаволенасць умовамі адбору фільмаў такім радыкальным чынам. Першай пра рашэнне адклікаць свой фільм заявіла рэжысёр і прадзюсар карціны "Перазімаваць" Ева-Кацярына Махава.

Такая сітуацыя вакол Нацыянальнага конкурсу склалася пасля заявы аб тым, што ў камісію, якая займаецца адборам карцін-удзельніц, увойдзе больш чыноўнікаў і не ўвойдуць прадстаўнікі дырэкцыі кінафестывалю "Лістапад". Намеснік міністра культуры Ірына Дрыга патлумачыла, што такое рашэнне было прынята для таго, каб знізіць напружанне вакол конкурсу, і што ў камісію ўвайшлі сацыёлагі, філосафы і іншыя эксперты. У дырэкцыі адзначылі, што не лічаць такі крок карысным для фестывалю.

Навошта патрэбна цэнзура

З заявай па матывах рашэння Мінкульта, які з'яўляецца адным з заснавальнікаў фестывалю, выступіла гільдыя кінапрадзюсараў. Адкрыты ліст быў апублікаваны ў сетцы.

"Усталяванне міністэрскай цэнзуры над Нацыянальным конкурсам "Лістапад" пагражае знішчыць самую буйную міжнародную кінапляцоўку Беларусі. У фестываляў ёсць свае цвёрдыя правілы, і галоўнае з іх - незалежнасць адбору, скасаваная міністэрскімі чыноўнікамі", - гаворыцца ў звароце Гільдыі кінапрадзюсараў Беларусі.

У тэксце адзначаецца, што аўтары ліста не патрабуюць "нічога немагчымага" і звяртаюць увагу на тое, што ствараюць кіно самі.

"Мы стараемся арганізаваць яго паказ самі, мы імкнемся адлюстроўваць праўду і мы думаем пра гледача. Каб беларускае кіно развівалася, дастаткова проста не перашкаджаць", - напісана ў тэксце дакумента.

У гэтым годзе кінафестываль пройдзе ў 25-ы раз. "Лістапад" будзе доўжыцца з 2 па 9 лістапада. У рамках Нацыянальнага конкурсу можна будзе паглядзець шэсць гульнявых фільмаў і сем дакументальных карцін беларускіх рэжысёраў, а таксама пяць анімацыйных фільмаў.

15
Тэги:
Беларусь, Кіно, "Лістапад" (кінафестываль)
Тэмы:
Мінскі міжнародны кінафестываль "Лістапад": самае цікавае (13)
Альгерд Бахарэвіч

Раман Альгерда Бахарэвіча выходзіць у Шатландыі

12
(абноўлена 13:07 25.09.2020)
Упершыню кніга "Дзеці Аліндаркі" ўбачыла свет у 2014 годзе ў выдавецтве "Галіяфы". Яна атрымала прэмію "Кніга годзе" і заняла трэцяя месца на прэміі імя Ежы Гедройца.

МІНСК, 25 вер - Sputnik. Раман беларускага пісьменніка Альгерда Бахарэвіча "Дзеці Аліндаркі" будзе апублікаваны на англійскай мове, аб гэтым аўтар паведаміў на сваёй старонцы ў фэйсбуку.

Бахарэвіч падкрэсліў, што "дзеці Аліндаркі" - казка для дарослых, якая чытаецца і сёння.

"Памятаю, якім быў першы імпульс да таго, каб узяцца за працу. Я прачытаў, як недзе ў невялікім райцэнтрыку чыноўніца ад адукацыі параіла бацькам аднаго дзіцяці тэрмінова звярнуцца ды лагапеда, бо, відзіце лі, у рабёнка сільны беларускі акцэнт. Пака не позна, нада лячыць... так пачалася гісторыя пра Лёсю і Леччыка ", - узгадаў аўтар гісторыю стварэння кнігі.

Раман будзе надрукваны ў выдавецтве Scotland Street Press з арыгінальнай беларускай вокладкай мастачкі Кацярыны Дубовік. Дата афіцыйнага выхаду кнігі - 30 верасня 2020 года, першая рэцэнзія ўжо надрукаваная ў "The Scotsman".

Упершыню кніга "Дзеці Аліндаркі" была надрукваная ў 2014 годзе ў выдавецтве "Галіяфы". Яна атрымала прэмію "Кніга году" і заняла трэцяя месца на прэміі імя Ежы Гедройца.

Чытайце таксама:

12
Тэги:
Альгерд Бахарэвіч
Палац Радзівілаў у Паланечцы

Сядзібу Радзівілаў выставілі на аўкцыён ў 13-ы раз

9
(абноўлена 12:08 25.09.2020)
У вёсцы Паланечка Баранавіцкага раёна прадаюць сядзібу 250-гадовай даўніны. Пакуль - безвынікова.

МІНСК, 25 вер - Sputnik. Сядзібу князёў Радзівілаў, якую мясцовыя ўлады спрабуюць прадаць ужо некалькі гадоў, выставілі на аўкцыён у трынаццаты раз, паведамілі Sputnik у аддзеле эканомікі Баранавіцкага райвыканкама.

Цяпер будынак знаходзіцца ў аварыйным стане. Кроквы прагнілі, падмурак размыла, частка сцяны абвалілася. Яго ўласнікам на дадзены момант з'яўляецца аддзел па адукацыі райвыканкама.

"Некалькі гадоў таму ў самой сядзібе знаходзілася школа, аддзел ўкладваў туды сродкі. Калі школы не стала, адпала неабходнасць утрымліваць будынак. Чаму вырашылі прадаць? Яно пустуючае, а выкарыстоўваць яго па прамым прызначэнні як аб'ект гісторыка-культурнай каштоўнасці - значыць, трэба праводзіць рэстаўрацыю. На гэта ў нас няма грошай", - патлумачыла Sputnik намеснік начальніка аддзела па адукацыі Баранавіцкага РВК Таццяна Каляда.

Ужо некалькі гадоў аддзел эканомікі райвыканкама спрабуе прадаць закінуты і забытае маёнтак Радзівілаў. Пакуль - безвынікова.

"Нядаўна выставілі яе на аўкцыён ў 13-ы раз. Цяпер цана на аб'ект ідзе з паніжэннем - мінус 80% ад пачатковага кошту - і складае 19 тысяч беларускіх рублёў (крыху больш за 7 тысяч долараў па актуальнаму курсе - Sputnik). Каля будынка добрае размяшчэнне , знаходзіцца паблізу "алімпійкі" (трасы М1 - Sputnik), увесь участак займае 3 га - тут можна нешта новае пабудаваць. Спадзяемся, ў сядзібы з'явіцца ж такі ўладальнік", - сказаў галоўны спецыяліст аддзела эканомікі Аляксандр Франюк.

Паводле слоў спецыяліста, калісьці ўлады разглядалі варыянт зрабіць у сядзібе мастацкую галерэю, але сродкаў на гэта не знайшлося.

"Патэнцыйныя пакупнікі? Тэлефануюць, цікавяцца, але пакуль ніякай канкрэтыкі. Многія не хочуць купляць будынак, паколькі прыйдзецца займацца рамонтам, узгадняць праект з міністэрствам культуры. Гэта вельмі вялікія ўкладанні", - удакладніў Франюк.

Пры гэтым былому фальварку патрэбна рэстаўрацыя, а яе можна праводзіць толькі па ўзгадненні з міністэрствам культуры Беларусі. Начальнік упраўлення па ахове гісторыка-культурнай спадчыны профільнага міністэрства Наталля Хвір паведаміла Sputnik, што пакуль заяўкі на аднаўленне сядзібы яна не атрымлівала.

"Калі ў перспектыве ў маёнтка з'явіцца новы ўладальнік, ён павінен будзе выканаць патрабаванні заканадаўства ў сферы аховы гісторыка-культурнай спадчыны, то бок пасля правесці яго рэстаўрацыю. Знешняе аблічча будынка павінна быць адноўлена ў адпаведнасці з гістарычным выглядам", - адзначыла прадстаўнік ведамства.

Крыху гісторыі

Сядзіба ў Паланечцы з'явілася ў другой палове XVIII стагоддзя, яе пабудаваў дзяржаўны дзеяч ВКЛ Мацей Радзівіл. Прыкладам і натхненнем для праекта стала віла на італьянскай возеры Кома. Сын Мацея, Канстанцін Радзівіл, які атрымаў у спадчыну гэты палац, вырашыў зрабіць комплекс больш модным: прыбудаваў да яго калоны і гермы - галовы грэчаскіх багоў і філосафаў. У час Вялікай Айчыннай у будынку здарыўся пажар, а пасля вайны яго аднавілі і размясцілі тут школу-інтэрнат.

Чытайце таксама:

9
Тэги:
Баранавіцкі раён, Радзівілы
Які сёння дзень: 26 верасня 2020 года

Які сёння дзень: 26 верасня 2020 года

0
(абноўлена 09:56 21.09.2020)
Гэты дзень з'яўляецца дзвесце сямідзясятым па грыгарыянскім календары, да канца года застаецца 96 дзён.

У 1788 годзе нарадзіўся беларускі філолаг Іван Насовіч, аўтар "Слоўніка беларускай мовы". Якія яшчэ падзеі адбыліся 26 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 верасня

  • У 1629 годзе было падпісана перамір'е паміж Рэччу Паспалітай і Швецыяй, якім скончылася вайна 1600-29 гадоў.
  • У 1655 годзе расійскія войскі спалілі Пінск.
  • У 1964 годзе быў утвораны курортны пасёлак Нарач.
  • У 1990 годзе было заснавана Беларускае таварыства архівістаў.

Хто нарадзіўся 26 верасня

  • 1788 год: Іван Насовіч, беларускі філолаг, этнограф і фалькларыст, стваральнік "Слоўніка беларускай мовы".
  • 1910 год: Уладзімір Агіевіч, беларускі літаратурны крытык.
  • 1925 год: Навум Кіслік, беларускі пісьменнік.

Таксама сёння нарадзіліся нямецкі філосаф Марцін Хайдэгер і прэзідэнт Ураіны Пётр Парашэнка.

26 верасня ў народным календары

Сёння праваслаўныя вернікі шануюць памяць Карнілія – рымскага сотніка, які прыняў хрысціянства дзякуючы апосталу Пятру.

У народзе святога Карнілія называлі Карней, і па сугуччы з яго імём казалі, што настаў час прыбіраць апошнія карняплоды з агародаў. Лічылася, што з гэтага дня ўсе расліны спыняюць рост.

Напярэдадні іншага вялікага царкоўнага свята – Узвіжання – казалі: "Узвіжання чакай, а рэпу вырывай".

26 верасня звярталі ўвагу на птушак: калі ўсе гракі ўжо паляцелі ў вырай, хутка выпадзе снег. А калі з дамашняй птушкі пер'е так і ляціць – зіма будзе цёплай, але снежнай.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей