Акцёр Рыгор Сіятвінда ў прэс-цэнтры Sputnik

Акцёр Рыгор Сіятвінда: у фільме "Прышэлец" я - бесчалавечнае зло!

9
(абноўлена 13:14 01.11.2018)
У новым фантастычным фільме, які выходзіць на экраны 8 лістапада, стваральнікі разважаюць пра заганы шоу-бізнесу і пра тое, чаму небяспечна "ўтрымліваць гледача любой цаной", а таксама раскажуць, ці ёсць каханне на Марсе.

МІНСК, 1 ліс - Sputnik. Новы фільм рэжысёра Аляксандра Кулікова "Прышэлец" - выдатная нагода паглядзець на чалавецтва збоку, лічыць выканаўца адной з галоўных роляў Рыгор Сіятвінда.

"Гэта такая фантастычная гісторыя пра тое, як чалавек аказваецца на Марсе ў адзіноце. І як бы яго вачыма можна ўбачыць чалавецтва збоку, з вышыні Марса", - распавёў Сіятвінда ў МПЦ Sputnik Беларусь.

Фільм "Прышэлец", які беларускія гледачы змогуць убачыць у кінатэатрах з 8 лістапада, зняты на стыку трох жанраў, якія дапаўняюць адзін аднаго: фантастыка, прыгоды, драма. Гэта гісторыя аб заваяванні нязведанай чалавекам планеты. Карціна поўная нечаканых сюжэтных паваротаў, звязаных з пераадоленнем перашкод героем і камандай Цэнтра кіравання палётамі, якая спрабуе яго выратаваць.

"Чалавецтва дайшло да такой стадыі, калі ў сваім вопыце мае шмат і добрага, і дрэннага. І ў фільме ёсць розныя моманты, калі можна і жахнуцца, і здзівіцца, і захапіцца адначасова", - удакладніў Сіятвінда.

Я - бесчеловечное зло, - утверждает Сиятвинда. И с этим сложно согласиться
© Sputnik / Елена Васильева
"Я - бесчалавечнае зло", - сцвярджае Сіятвінда. І з гэтым складана пагадзіцца

Стваральнікі фільма ўпэўненыя, што яго глыбокі падтэкст і моцны драматычны складнік прымусяць гледача захоплена назіраць за тым, што адбываецца на экране і востра суперажываць персанажам.

"Я як раз увасабляю ва ўсёй гэтай гісторыі зло, звязанае з шоу-бізнесам, бесчалавечным па сваёй натуры", - ахарактарызаваў акцёр сваю ролю вядучага ток-шоу.

Ён прызнаўся, што ў гэтай працы яму вельмі дапамог яго асабісты вопыт у якасці вядучага праграмы "Раніца на НТБ" з Вольгай Шэлест: "Тады мы размаўлялі ў эфіры на розныя тэмы, але галоўнай нашай задачай было не адпускаць гледача любой цаной! І пра гэта нам пастаянна нагадвалі ў прыладу, якая была ўстаўлена ў вуха. І вось гэтае "любой цаной" - шлях небяспечны. Калі вы паглядзіце фільм, вы ўбачыце, да чаго ён можа прывесці".

Акцёр пахваліўся, што ўжо паспеў сам убачыць карціну і яна шмат у чым супала з яго чаканнямі: "Я не расчараваны, мне не сорамна за сваю працу, і калегі цудоўныя!".

Рыгор лічыць, што фільм зможа сабраць шырокае кола гледачоў: "Па маім адчуванні, ён усё ж такі разлічаны для дарослых, але юнацтва там таксама для сябе многае знойдзе".

Удакладняючы жанр карціны, акцёр адзначыў, што "гэта спроба пагаварыць пра рэальнасць на фантастычнай аснове". Фільм нельга аднесці да навукова-папулярных, таму што ў яго няма ні дакументальнай, ні гістарычнай асновы, так як людзі яшчэ не лёталі на Марс, куды адправіўся герой "Прышэльца".

Паглядзець карціну Рыгор рэкамендуе таму, што "нягледзячы на касмічную тэму і месца дзеяння, карціна прымушае падумаць аб Зямлі. Ну і ні адна гісторыя не абыходзіцца без кахання, на Марсе яно таксама ёсць", - заінтрыгаваў Сіятвінда.

Поўную версію прэс-канферэнцыі Рыгора Сіятвінды глядзіце на YouTube-канале Sputnik.

9
Тэги:
Мультымедыйны прэс-цэнтр Sputnik Беларусь, Прэм'ера, Кіно
Альгерд Бахарэвіч

Раман Альгерда Бахарэвіча выходзіць у Шатландыі

12
(абноўлена 13:07 25.09.2020)
Упершыню кніга "Дзеці Аліндаркі" ўбачыла свет у 2014 годзе ў выдавецтве "Галіяфы". Яна атрымала прэмію "Кніга годзе" і заняла трэцяя месца на прэміі імя Ежы Гедройца.

МІНСК, 25 вер - Sputnik. Раман беларускага пісьменніка Альгерда Бахарэвіча "Дзеці Аліндаркі" будзе апублікаваны на англійскай мове, аб гэтым аўтар паведаміў на сваёй старонцы ў фэйсбуку.

Бахарэвіч падкрэсліў, што "дзеці Аліндаркі" - казка для дарослых, якая чытаецца і сёння.

"Памятаю, якім быў першы імпульс да таго, каб узяцца за працу. Я прачытаў, як недзе ў невялікім райцэнтрыку чыноўніца ад адукацыі параіла бацькам аднаго дзіцяці тэрмінова звярнуцца ды лагапеда, бо, відзіце лі, у рабёнка сільны беларускі акцэнт. Пака не позна, нада лячыць... так пачалася гісторыя пра Лёсю і Леччыка ", - узгадаў аўтар гісторыю стварэння кнігі.

Раман будзе надрукваны ў выдавецтве Scotland Street Press з арыгінальнай беларускай вокладкай мастачкі Кацярыны Дубовік. Дата афіцыйнага выхаду кнігі - 30 верасня 2020 года, першая рэцэнзія ўжо надрукаваная ў "The Scotsman".

Упершыню кніга "Дзеці Аліндаркі" была надрукваная ў 2014 годзе ў выдавецтве "Галіяфы". Яна атрымала прэмію "Кніга году" і заняла трэцяя месца на прэміі імя Ежы Гедройца.

Чытайце таксама:

12
Тэги:
Альгерд Бахарэвіч
Палац Радзівілаў у Паланечцы

Сядзібу Радзівілаў выставілі на аўкцыён ў 13-ы раз

10
(абноўлена 12:08 25.09.2020)
У вёсцы Паланечка Баранавіцкага раёна прадаюць сядзібу 250-гадовай даўніны. Пакуль - безвынікова.

МІНСК, 25 вер - Sputnik. Сядзібу князёў Радзівілаў, якую мясцовыя ўлады спрабуюць прадаць ужо некалькі гадоў, выставілі на аўкцыён у трынаццаты раз, паведамілі Sputnik у аддзеле эканомікі Баранавіцкага райвыканкама.

Цяпер будынак знаходзіцца ў аварыйным стане. Кроквы прагнілі, падмурак размыла, частка сцяны абвалілася. Яго ўласнікам на дадзены момант з'яўляецца аддзел па адукацыі райвыканкама.

"Некалькі гадоў таму ў самой сядзібе знаходзілася школа, аддзел ўкладваў туды сродкі. Калі школы не стала, адпала неабходнасць утрымліваць будынак. Чаму вырашылі прадаць? Яно пустуючае, а выкарыстоўваць яго па прамым прызначэнні як аб'ект гісторыка-культурнай каштоўнасці - значыць, трэба праводзіць рэстаўрацыю. На гэта ў нас няма грошай", - патлумачыла Sputnik намеснік начальніка аддзела па адукацыі Баранавіцкага РВК Таццяна Каляда.

Ужо некалькі гадоў аддзел эканомікі райвыканкама спрабуе прадаць закінуты і забытае маёнтак Радзівілаў. Пакуль - безвынікова.

"Нядаўна выставілі яе на аўкцыён ў 13-ы раз. Цяпер цана на аб'ект ідзе з паніжэннем - мінус 80% ад пачатковага кошту - і складае 19 тысяч беларускіх рублёў (крыху больш за 7 тысяч долараў па актуальнаму курсе - Sputnik). Каля будынка добрае размяшчэнне , знаходзіцца паблізу "алімпійкі" (трасы М1 - Sputnik), увесь участак займае 3 га - тут можна нешта новае пабудаваць. Спадзяемся, ў сядзібы з'явіцца ж такі ўладальнік", - сказаў галоўны спецыяліст аддзела эканомікі Аляксандр Франюк.

Паводле слоў спецыяліста, калісьці ўлады разглядалі варыянт зрабіць у сядзібе мастацкую галерэю, але сродкаў на гэта не знайшлося.

"Патэнцыйныя пакупнікі? Тэлефануюць, цікавяцца, але пакуль ніякай канкрэтыкі. Многія не хочуць купляць будынак, паколькі прыйдзецца займацца рамонтам, узгадняць праект з міністэрствам культуры. Гэта вельмі вялікія ўкладанні", - удакладніў Франюк.

Пры гэтым былому фальварку патрэбна рэстаўрацыя, а яе можна праводзіць толькі па ўзгадненні з міністэрствам культуры Беларусі. Начальнік упраўлення па ахове гісторыка-культурнай спадчыны профільнага міністэрства Наталля Хвір паведаміла Sputnik, што пакуль заяўкі на аднаўленне сядзібы яна не атрымлівала.

"Калі ў перспектыве ў маёнтка з'явіцца новы ўладальнік, ён павінен будзе выканаць патрабаванні заканадаўства ў сферы аховы гісторыка-культурнай спадчыны, то бок пасля правесці яго рэстаўрацыю. Знешняе аблічча будынка павінна быць адноўлена ў адпаведнасці з гістарычным выглядам", - адзначыла прадстаўнік ведамства.

Крыху гісторыі

Сядзіба ў Паланечцы з'явілася ў другой палове XVIII стагоддзя, яе пабудаваў дзяржаўны дзеяч ВКЛ Мацей Радзівіл. Прыкладам і натхненнем для праекта стала віла на італьянскай возеры Кома. Сын Мацея, Канстанцін Радзівіл, які атрымаў у спадчыну гэты палац, вырашыў зрабіць комплекс больш модным: прыбудаваў да яго калоны і гермы - галовы грэчаскіх багоў і філосафаў. У час Вялікай Айчыннай у будынку здарыўся пажар, а пасля вайны яго аднавілі і размясцілі тут школу-інтэрнат.

Чытайце таксама:

10
Тэги:
Баранавіцкі раён, Радзівілы
Рамонт дарожнага пакрыцця, архіўнае фота

На Партызанскім праспекце на некалькі дзён абмяжуюць рух аўтамабіляў

0
(абноўлена 15:25 25.09.2020)
Рамонт дарогі пройдзе з 26 па 28 верасня, для зручнасці вадзіцеляў ўсе працы будуць выконвацца ноччу.

МІНСК, 26 вер - Sputnik. Рух аўтамабіляў будзе абмежаваны на Партызанскім праспекце на ўчастку ад вуліцы Варвашэні да МКАД, паведамілі ва УДАІ ГУУС Мінгарвыканкама.

На адной з галоўных вуліц горада праводзіцца замена асфальтавага пакрыцця. Рух будзе абмежаваны з 26 па 28 верасня.

Па няцотным баку праспекта нельга будзе праехаць з 01:30 26 верасня да 06:00 27 верасня, па цотным баку - з 21:00 26 верасня да 06:00 27 верасня, а таксама з 21:00 27 верасня да 05:00 28 верасня.

Таксама з-за рамонту праспекта 26 і 27 верасня замест тралейбусаў па маршруце №3 будуць хадзіць аўтобусы, паведамілі на прадпрыемстве "Мінсктранс".

0
Тэги:
Мінск