Кінапраектар, архіўнае фота

Сталі вядомыя намінанты на "еўрапейскі "Оскар"

7
(абноўлена 09:26 12.11.2018)
У лік намінантаў European Film Awards расійскія або беларускія стужкі не патрапілі.

МІНСК, 12 ліс - Sputnik. Сталі вядомыя намінанты прэміі Еўрапейскай кінаакадэміі ў намінацыі "Лепшы фільм", паведамілі арганізатары European Film Awards.

European Film Awards - "еўрапейскі "Оскар", адна з самых прэстыжных на кантыненце ўзнагарод у сферы кінематаграфіі.

У нядзелю былі названыя намінанты прэміі 2018 года. Так, за званне лепшага фільма будуць змагацца карціны "На мяжы светаў" (Швецыя / Данія), "Халодная вайна" (Польшча / Францыя / Вялікабрытанія), "Догмэн" (Італія / Францыя), "Дзяўчынка" (Бельгія / Нідэрланды) і "Шчаслівы Лазар" (Італія / Францыя / Германія / Швейцарыя).

Такім чынам, у лік намінантаў не патрапілі ні расійскія, ні беларускія кінастужкі. Нагадаем, фільмы з Беларусі і Расіі будуць змагацца за атрыманне прэміі "Оскар" - ад рэспублікі ў лік намінантаў патрапіла стужка "Хрусталь" Дар'і Жук, ад РФ - "Сабібор" Канстанціна Хабенскага.

Прэмія Еўрапейскай кінаакадэміі (European Film Awards) уручаецца з 1988 года.

Чытайце таксама: 

7
Тэги:
фільм, кіно
Каментары