Вынікі галасавання на дзіцячым "Еўрабачанні" абвесцяць беларускія школьнікі

© Photo : пресс-служба "Белтелерадиокомпании"Сцэна дзіцячага Еўрабачання
Сцэна дзіцячага Еўрабачання - Sputnik Беларусь
Падпісацца
Амаль палова краін-удзельніц пагадзіліся на тое, каб вынікі іх галасавання абвяшчалі юныя беларусы.

МІНСК, 22 ліс - Sputnik. Вынікі галасавання ад дзевяці краін-удзельніц дзіцячага конкурсу песні "Еўрабачанне-2018" абвесцяць беларускія школьнікі, паведамілі Sputnik у прэс-службе Белтэлерадыёкампаніі.

Дзіцячае "Еўрабачанне-2018" пройдзе ў Мінску 25 лістапада. Акрамя рэкорднай колькасці краін-удзельніц, конкурс гэтага года адрозніваецца і выдатнай задумкай: вынікі галасавання абвясціць змогуць беларускія школьнікі.

"Па традыцыі вынікі галасавання ад кожнай краіны абвесцяць спецыяльна запрошаныя вяшчальнікі 10-14 гадоў. Па правілах конкурсу краіна-гаспадыня гасцінна прапанавала для гэтага хлопчыкаў і дзяўчынак з Беларусі, і амаль палова краін-удзельніц скарысталіся такой магчымасцю", - адзначылі ў прэс-службе медыяхолдынга.

Падобны выпадак для дзіцячага "Еўрабачання" ўнікальны, адзначылі арганізатары шоу. Так рэспубліка зможа паказаць свету таленавітых беларускіх дзяцей.

Прэзідэнт Аляксандр Лукашэнка - Sputnik Беларусь
Радыё
Лукашэнка пра дзіцячае "Еўрабачанне": нават калі не прыйду, усё роўна ўсё ўбачу

"Нягледзячы на свой юны ўзрост, многія з вяшчальнікаў маюць вялікі вопыт здымак у праектах Белтэлерадыёкампаніі, удзельнічалі ў нацыянальных адборах дзіцячага "Еўрабачання" і кастынгу вядучых гэтага года, займаюцца ў тэатральных студыях і кінашколах, ведаюць некалькі замежных моў і складаюць песні", - дадалі ў медыяхолдынгу.

Рабяты ўжо рыхтуюцца, рэпеціруюць і ўдасканальваюць вымаўленне на мове той краіны, якую будуць прадстаўляць пры абвяшчэнні вынікаў галасавання.

Як удакладнілі арганізатары конкурсу, ад Беларусі балы назаве Арына Роўба, ад Албаніі - Данііл Лазука, Партугаліі - Надзея Сідарава, Нідэрландаў - Вінцэнт Мірановіч, Мальты - Мілана Бародка, Італіі - Ян Мусвідас, Аўстраліі - Ксенія Галецкая, Македоніі - Арына Пехцерава, а Францыі - Любава Марчук і Даніла Раценка.

Пераможцу дзіцячага "Еўрабачання" гэтага года будуць вызначаць члены журы краін-удзельніц, а таксама гледачы: балы ад прафесіяналаў і ад гледачоў, атрыманыя на афіцыйным сайце шоу, будуць падсумаваныя. Як галасаваць на дзіцячым "Еўрабачанні-2018" - чытайце на Sputnik.

Стужка навiн
0