Воплі Відоплясова выступяць у Мінску да Дня закаханых

"Воплі Відоплясова" выступяць у Мінску да Дня закаханых

11
(абноўлена 11:32 03.12.2018)
У свежую праграму ўвайшлі лепшыя хіты і новыя песні, якіх беларусы яшчэ не чулі, абяцаюць таксама паўнавартаснае шоу з аркестрам.

МІНСК, 3 сне - Sputnik. Вядомы ўкраінскі гурт "Воплі Відоплясова" выступіць з канцэртам у Мінску ў лютым, паведамілі Sputnik арганізатары.

Калектыў падрыхтаваў адмысловую праграму да Дня ўсіх закаханых. "15 лютага на сцэне сталічнага Prime Hall музыканты зладзяць па-сапраўднаму рок-н-рольны феерычны канцэрт", - абяцаюць ініцыятары мерапрыемства.

У свежую праграму ўвайшлі не толькі хіты, але і новыя песні, якіх беларусы яшчэ не чулі. Абяцаюць таксама паўнавартаснае шоу з аркестрам, відэаінсталяцыямі, уражлівым светлавым суправаджэннем.

Многія песні гурта "Воплі Відоплясова" сталі амаль народнымі за больш чым 30-гадовую гісторыю. Дарэчы, некаторыя з іх перакладзены на беларускую мову, у сталіцы яны заўсёды выконваюцца менавіта на ёй (будучы канцэрт не выключэнне).

"Такія нятленныя хіты, як "Вясна", "Танцi", "Дзень народження" ведаюць сотні тысяч людзей ва ўсім свеце", - перакананыя арганізатары.

"Воплі Відоплясова" сталі першымі рокерамі, якiя выконваюць песні на ўкраінскай мове. На іх рахунку 10 поўнафарматных альбомаў, тысячы канцэртаў і выступаў на буйных фестывалях у краінах СНД.

Канцэрт пройдзе 15 лютага ў 20:00 на сталічнай пляцоўцы Prime Hall. Квіткі ўжо ў продажы, іх кошт - ад 40 рублёў за танцпляц да 90 за месца на сектары.

11
Тэги:
Мінск, Воплі Відоплясова (гурт), канцэрт
Гуканне вясны

Тэст: што азначаюць беларускія фразеалагізмы?

1143
(абноўлена 16:02 04.12.2020)
Прайдзіце тэст і даведайцеся, ці зможаце вы правільна падабраць аналаг беларускаму фразеалагізму ў рускай мове.

Фразеалагізмы, якія існуюць у розных мовах свету, часам вельмі падобныя і нават агульныя, калі яны, напрыклад, узятыя са Святога Пісання. Але ў кожнага народа ёсць свае, адметныя трапныя выразы, якія пазначаюць адное і тое ж паняцце, але з дапамогай розных лексічных сродкаў, іншага асацыятыўнага раду.

Прайдзіце тэст на Sputnik і паспрабуйце суаднесці беларускія фразеалагізмы з рускімі.

Вучыце мову разам з намі:

1143
Тэги:
тэст, Беларуская мова
Тэмы:
Вучым беларускую мову
Оскар

Драму Перэльмана "Урокі фарсі" вылучылі на "Оскар" ад Беларусі

35
(абноўлена 18:11 01.12.2020)
Фільм апавядае пра падзеі 1942 гады ў акупаванай Еўропе, у галоўных ролях - Ларс Айдзінгер і Науэль Перэс Біскаярт.

МІНСК, 1 сне - Sputnik. Карціна "Урокі фарсі", знятая рэжысёрам Вадзімам Перэльманам, вылучана на "Оскар" ад Беларусі ў намінацыі "Лепшы фільм на замежнай мове", паведаміла прэс-служба кампаніі "Белыя ночы".

Публіка ўбачыла фільм упершыню на Берлінскім кінафестывалі ў праграме Berlinale Special. Па дадзеных кампаніі Hype Film, якая займаецца продажам правоў на карціну, яе плануюць паказаць больш, чым у 50 краінах свету.

"Фільм Вадзіма Перэльмана "Урокі фарсі" вылучаны на "Оскар"ад Беларусі. Карціна створана ў капрадукцыі Расіі, Германіі і Беларусі, дзе праходзілі здымкі драмы", - распавялі ў прэс-службе.

Пра што фільм "Урокі фарсі"

Па сюжэце, падзеі кіно адбываюцца ў 1942 годзе ў акупаванай Еўропе. Галоўны герой - вязень канцлагера, бельгіец з яўрэйскімі каранямі Жыль Крэм'е - прыкідваецца персам, каб пазбегнуць смяротнага пакарання. У гэтым яму дапамагае антыкварная кніга персідскіх казак, якую ён вымяняў у апошнія хвіліны перад расстрэлам на бутэрброд.

Тым часам повар у канцлагеры, Клаўс Кох, марыць пра тое, як пасля вайны паедзе ў Іран да брата і адчыніць там свой рэстаран. Коху для дасягнення сваёй мэты трэба ведаць фарсі, калегі па канцлагеры, даведаўшыся пра персідскае паходжанне Жыля, адпраўляюць зняволенага вучыць повара новай мове.

"Наша карціна дзіўна актуальная часу. Гэтая глыбокая гісторыя напоўнена трагедыяй, іроніяй, зараджэннем надзеі і дружбы ў самых неверагодных абставінах. Я асабліва шчаслівы магчымасці шырока паказаць наш фільм міжнароднай аўдыторыі", - так адклікаецца аб карціне яе рэжысёр Вадзім Перэльман.

93 цырымонія ўручэння прэмій Амерыканскай кінаакадэміі пройдзе 25 красавіка 2021 года.

35
Тэги:
Беларусь, Оскар (прэмія)