Прадзюсар і сцэнарыст Андрэй Курэйчык у мультымедыйным прэс-цэнтры Sputnik

Андрэя Курэйчыка намінавалі на прэмію "Залаты арол"

51
Расійская нацыянальная ўзнагарода ўручаецца дзеячам кіно з 2002 года.

МІНСК, 16 сту - Sputnik. Беларускі драматург Андрэй Курэйчык быў намінаваны на кінапрэмію "Залаты арол" за сцэнар да фільма "Рух уверх".

У аснове сюжэту карціны - перамога савецкай зборнай па баскетболе на Алімпіядзе 1972 года ў Мюнхене. Разам з Курэйчыкам за сцэнар да гэтай карціны на прэмію таксама намінаваны Мікалай Кулікоў.

"Рух уверх" у гэтым годзе стаў глядацкім лідарам. Яго глядзела рэкордная колькасць не толькі расіян, але і гледачоў СНД у кінатэатрах. Яго вылучэнне на нацыянальную расійскую прэмію для мяне стала не толькі чаканым, але і правільным", - распавёў Курэйчык.

У намінацыі "За лепшы сцэнар" таксама прадстаўлены сцэнарысты карцін "Гісторыя аднаго прызначэння" і "Лёд".

"Я вельмі рады апынуцца ў кампаніі такога ўзроўню і таленту. Там прадстаўленыя выдатныя сцэнарысты, цудоўныя рэжысёры, само знаходжанне ў гэтай кампаніі выклікае ў мяне самыя выдатныя эмоцыі", - запэўніў беларускі сцэнарыст.

Ён дадаў, што беларусы рэдка трапляюць у галоўныя намінацыі расійскіх кінапрэмій. Курэйчык падкрэсліў, што ён застаецца беларускім аўтарам, але сам факт таго, што ў яго атрымалася стаць сааўтарам аднаго з самых камерцыйна паспяховых праектаў апошняга дзесяцігоддзя, для яго прыемны. Тым больш, што ў экспертны савет уваходзяць многія рэжысёры, сцэнарысты, на якіх сталеў сам Курэйчык.

Драматург дадаў, што беларусам варта пісаць свой "Рух уверх", чым яму і хацелася б заняцца ў гэтым годзе.

У 2018 годзе "Залатога арла" за лепшы фільм атрымала карціна "Салют-7", у 2017 годзе - "Рай" Андрэя Канчалоўскага, у 2016 лепшым стаў фільм "Пра каханне".

У снежні фільм "Унутры сябе", для якога Курэйчык выступіў супрадзюсарам, стаў лепшай гульнявой карцінай па версіі журы Нацыянальнай кінапрэміі Беларусі.

51
Тэги:
Кіно, Расія, Андрэй Курэйчык
По теме
Курэйчык пра "Лістапад": робяць выгляд, што вялікага пласта кіно не існуе