Трэці сезон "Ты супер!" стартуе гала-канцэртам у Крамлі

© Photo : НТВЮныя ўдзельнікі праекта на сцэне "Ты супер!"
Юныя ўдзельнікі праекта на сцэне Ты супер! - Sputnik Беларусь
Падпісацца
Пераможцы і ўдзельнікі першага і другога сезона ў вялікім дабрачынным гала-канцэрце выйдуць на адну сцэну з зоркамі расійскай эстрады.

МІНСК, 29 сту - Sputnik. Тэлекампанія НТБ запускае трэці сезон міжнароднага вакальнага шоу "Ты супер!" для дзяцей, якія засталіся без апекі бацькоў - ён стартуе 5 сакавіка на сцэне Дзяржаўнага Крамлёўскага палаца.

У вялікім дабрачынным гала-канцэрце прымуць удзел дзеці з новага і папярэдніх сезонаў. Разам з удзельнікамі "Ты супер!" на сцэну Крамля выйдуць Ігар Крутой, Ёлка, Стас П'еха, Дыяна Арбеніна, Уладзімір Праснякоў, Зара, Яўген Маргуліс, Алсу і іншыя.

Усе грошы ад продажу квіткоў на дабрачынны канцэрт у Крамлі пойдуць у дабрачынны фонд "Ты супер!", створаны на базе праекта і скіраваны на падтрымку юных талентаў, якія засталіся без апекі бацькоў, і развіццё іх творчага патэнцыялу.

Важным адрозненнем трэцяга сезону стане тое, што ў ім прымуць удзел не толькі 21 новы канкурсант з 5 краін, але і 36 хлопчыкаў і дзяўчынак з мінулых сезонаў.

Нязменным вядучым у новым сезоне застаецца Вадзім Такмянёў, а імёны журы пакуль не раскрываюцца.

© Photo : НТВВядучым новага сезона "Ты супер!" зноў будзе Вадзім Такмянёў
Трэці сезон Ты супер! стартуе гала-канцэртам у Крамлі - Sputnik Беларусь
Вядучым новага сезона "Ты супер!" зноў будзе Вадзім Такмянёў

"Нам падалося важным у гэты раз адысці ад стандартных правілаў праекта і даць магчымасць дзецям з мінулых сезонаў прадэманстраваць тое, чаго яны ўжо дамагліся. Бо многія з іх паступілі ў спецыялізаваныя школы і іншыя адукацыйныя ўстановы, зусім па-новаму раскрыліся. Мы сочым за іх жыццём і дапамагаем рэалізавацца на іншых конкурсах, такіх, напрыклад, як "Дзіцячая Новая хваля" і "Дзіцячае Еўрабачанне". Да іх далучацца новыя не менш таленавітыя ўдзельнікі. Разам яны створаць унікальны трэці сезон "Ты супер!", які ж даўно выйшаў за рамкі тэлевізійнага праекта і стаў пляцоўкай, на якой могуць паказаць свой талент дзеці, у якіх раней не было гэтага шанцу", - кажа генеральны прадзюсар НТБ Цімур Вайнштэйн.

© Photo : НТВНовы сезон праекта дапаможа раскрыць новыя імёны
Трэці сезон Ты супер! стартуе гала-канцэртам у Крамлі - Sputnik Беларусь
Новы сезон праекта дапаможа раскрыць новыя імёны

Нагадаем, за два гады існавання праекта "Ты супер!" шоу дапамагло 174-м таленавітым рабятам раскрыць свае вакальныя таленты і зрабіць першыя крокі ў прафесійную музычную кар'еру. Некаторыя ўдзельнікі здзейснілі сваю мару і знайшлі доўгачаканых бацькоў. У першых сезонах ў праекце ўдзельнічалі рабяты з Расіі і краін СНД і Балтыі: Азербайджана, Арменіі, Беларусі, Казахстана, Латвіі, Малдовы, Таджыкістана, Узбекістана, Украіны, Эстоніі і Паўднёвай Асеціі. Спрабавалі свае сілы вакалісты з Германіі і Сірыі.

Учорашнія ўдзельнікі "Ты супер!" сёння госці розных дзіцячых музычных конкурсаў, у тым ліку і міжнародных. А пераможца другога сезона Дыяна Акундзінава стала самай папулярнай сярод усіх музычных ролікаў на расійскім YouTube, заняўшы першае месца па праглядам у 2018 годзе. Эпізоды праекта на сайце НТБ і на афіцыйным YouTube-канале набралі 300 млн праглядаў.

Міжнародны конкурс "Ты супер!" праводзіцца тэлекампаніяй НТБ і міжнародным інфармацыйным агенцтвам і радыё Sputnik пры падтрымцы Міністэрства асветы Расійскай Федэрацыі.

Стужка навiн
0