Зноў Лазараў: у Расіі вызначыліся, хто паедзе на "Еўрабачанне-2019"
(абноўлена 09:39 08.02.2019)
Спявак прымаў удзел у конкурсе ў 2016 годзе і заняў трэцяе месца, пры гэтым выйграў па выніках галасавання гледачоў.МІНСК, 8 лют - Sputnik. Расію на конкурсе "Еўрабачанне-2019" прадставіць Сяргей Лазараў, пра гэта спявак заявіў у эфіры тэлеканала "Расія-1".
Таксама Лазараў выказаў спадзяванне, што яго падтрымае на конкурсе ўся краіна.
"Я вельмі спадзяюся на падтрымку ўсёй краіны і тых людзей, якія будуць глядзець конкурс у Еўропе і змогуць падтрымаць, прагаласаваць за мяне", - сказаў ён.
Прадзюсіраваць выступ будзе Філіп Кіркораў. Ён таксама (у суаўтарстве з грэчасім кампазітарам) напісаў песню, з якой выступіць расійскі выканаўца. Яе назва пакуль не абвяшчаецца.
Раней Кіркораў ужо меў досвед працы з Лазаравым - у 2016 годзе, калі спявак ўжо ездзіў на "Еўрабачанне", якое праходзіла ў Стакгольме. Тады Лазараў з кампазіцыяй You Are the Only One заняў трэцяе месца, але перамог у глядацкім галасаванні.
"Я на той момант зрабіў максімум, мы атрымалі прызнанне гледачоў", - пракаментаваў папярэдняе выступ выканаўца.
Пры гэтым ён адзначыў, што, нягледзячы на такі вынік, "заўсёды ёсць, да чаго імкнуцца", хоць і прызнаўся, што адчуваў пэўныя сумненні, ці трэба паўторна ўдзельнічаць у конкурсе.
"Вось гэта сумнеў у мяне дзесьці засеў, што трэба паехаць і перамагчы. Было пяцьдзесят на пяцьдзесят, ехаць ці не", - сказаў спявак.
Ён паабяцаў гледачам прадэманстраваць "абсалютна іншага Сяргея Лазарава", якога яшчэ не бачылі ў Еўропе, і дадаў, што не едзе "за рэваншам".
Міжнародны конкурс эстраднай песні "Еўрабачанне-2019" пройдзе з 14 па 18 мая ў Тэль-Авіве. Права прымаць у сябе конкурс Ізраіль пасля перамогі Нета Барзілай на конкурсе ў Партугаліі ў 2018 годзе.
Тэги:
Абрад "Ваджэнне і пахаванне Стралы" па традыцыі прайшоў у вёсцы Стаўбун
(абноўлена 15:49 01.06.2020)
Абрад "Ваджэнне і пахаванне Стралы" традыцыйна ладзілі на Беларусі на Ушэсце - свята, якое прыпадае на саракавы дзень пасля Вялікадня. Сёння ён праводзіцца толькі у некалькіх вёсках Веткаўскага і Чачэрскага раёна на Гомельшчыне.
Напрыклад, у 2005 годзе гэтаму абраду ў вёсцы Казацкія Балсуны надалі статус нематэрыяльнай культурнай спадчыны краіны.
На гэты раз фотакарэспандэнт sputnik Альфрэд Мікус патрапіў на ваджэнне Стралы ў вёсцы Стаўбун. З-за эпідэміялагічнага становішча сюды не запрашалі вялікай колькасці гасцей і правялі абрад толькі ў коле блізкіх людзей.
Глядзіце ў фотастужцы Sputnik, як на Беларусі захоўваюць традыцыю аднаго з самых таямнічых і архаічных абрадаў.
Глядзіце таксама:
- Як прайшоў абрад "Ваджэнне і пахаванне Стралы" ў вёсцы Валасовічы – фота
-
Традыцыя жыве: на Палессі зноў зладзілі "Юраўскі карагод"
© Sputnik Альфрэд МікусАбрад "Ваджэнне і пахаванне Стралы" зараз праводзіцца толькі ў дзвюх беларускіх вёсках. Знаходзяцца яны на Гомельшчыне.
© Sputnik Альфрэд МікусУ гэтым годзе фотакарэспандэнт Альфрэд Мікус патрапіў у вёску Стаўбун.
© Sputnik Альфрэд МікусАбрад праводзіцца на Ушэсце - саракавы дзень пасля Вялікадня. Галоўная мэта таямнічых дзеянняў - каб вясновыя навальніцы з дажджамі і агністымі стрэламі маланак не нашкодзілі людзям, а былі павернуты ў поле і садзейнічалі паспяванню ўраджаю.
© Sputnik Альфрэд МікусЖанчыны водзяць карагоды, спяваюць песні і паступова рухаюцца ў бок поля, каб сваімі песнямі адвесці пагрозу пажараў ад пасеваў і накіраваць на іх энергію сонца і дождж.
© Sputnik Альфрэд МікусУ Веткаўскім раёне ёсць вёскі, дзе толькі адна-дзве спявачкі на Ушэсце спяваюць стрэльныя песні, пасылаючы ў неба гэты таямнічы незвычайны кліч-мальбу.
© Sputnik Альфрэд МікусГалоўнай "стрэльнай" песняй лічылася тая, у якой утрымліваўся зварот-маленне да нябеснай стыхіі.
© Sputnik Альфрэд Мікус"Як пушчу стралу дай уздоўж вёскі, ох і вой люлі, дай уздоўж сяла... упоперак вуліцы".
© Sputnik Альфрэд МікусАбавязкова на полі трэба было пакачацца па зямлі і закапаць тое, што лічылася сімвалам стралы.
© Sputnik Альфрэд МікусСімвалам Стралы ў кожнай вёсцы былі свае рэчы - манеты, упрыгажэнні, каласкі.
© Sputnik Альфрэд МікусУ некаторых вёсках закапвалі ляльку з травы і анучы, якая сімвалізавала вясну.
© Sputnik Альфрэд МікусЛічыцца, што карані ў свята паганскія, а стралою раней называлі маланку - сімвал Перуна.
© Sputnik Альфрэд МікусАкрамя Гомельшчыны абрад праводзілі раней на поўначы Украіны і захадзе Браншчыны.
Кожная гаспадыня зрывала сем каласкоў, адносіла іх да хаты і ў якасці абярэгу захоўвала ў Чырвоным куце за абразом.
© Sputnik Альфрэд МікусТрадыцыя згасае, абрад ужо цалкам нідзе не праводзіцца, але ён яшчэ важны жыхарам сам сабою і гучаннем вясновых песень і карагодаў.
© Sputnik Альфрэд МікусБыццам бы яны напаўняюць жыццё сэнсам, вучаць падпарадкоўвацца законам прыроды і адчуваць сябе яе неад'емнай часткай.
© Sputnik Альфрэд МікусПасля абрада ў вёсцы ладзілі застолле, дзе збіраліся ўсе яго удзельнікі.
Дзіцячыя вершы: пра прыроду, сям'ю і школу
(абноўлена 12:44 30.05.2020)
Чытайце вершы дзя дзяцей на беларускай мове ў падборцы Sputnik. Тут толькі самае лепшае і натхняльнае. У Міжнародны дзень абароны дзяцей Sputnik прапануе падборку лепшых дзіцячых вершаў на беларускай мове. У вершах сучасных паэтаў і класікаў паўстае выява дзяцінства, агульная для ўсіх: сябры, жывёлы і птушачкі, любімая сям'я, новыя адкрыцці і школьныя бязладзіцы.
Наведаць чароўную краіну дзяцінства і ўспомніць любімыя вершы можна таксама па спасылцы, а калі вам падабаюцца загадкі, Sputnik ужо рабіў падборку нескладаных пытанняў, якія можна задаваць самым маленькім.
Вершы пра маму, бацьку і сям'ю нікога не пакінуць абыякавымі. Пачытайце таксама беларускія народныя прыказкі пра дзяцей – абяцаем, некаторыя з іх вас сапраўды здзівяць.
Чытайце таксама:
- Пра пачуцці па-беларуску: топ-10 вершаў пра каханне
- Хмялее чмель, чмялее луг: 10 лепшых вершаў пра лета
- Зямля мая, ты – кніга непрачытана: вершы пра Беларусь
- Вершы пра беларускую мову: родная мова, цудоўная мова
- Тэст: пазнай беларускага паэта па радках з яго верша
Лукашэнка: "майдана" у Беларусі не будзе - відэа
(абноўлена 18:00 01.06.2020)
На сустрэчы з кіраўніком Камітэта дзяржбяспекі прэзідэнт папярэдзіў усіх, хто яго чуе: "майдана" у Беларусі не будзе. Глядзіце заяву кіраўніка дзяржавы на відэа.Прэзідэнт Беларусі Аляксандр Лукашэнка сказаў, што дасведчаны аб існаванні планаў зладзіць "майданчык" напярэдадні або ў дзень прэзідэнцкіх выбараў.
"Майдана ў Беларусі не будзе", - заявіў ён на сустрэчы са старшынёй Камітэта дзяржаўнай бяспекі Валерыем Вакульчыкам.
Лукашэнка адзначыў, што дзяржаўная бяспека - аснова асноў, і вядучая роля па абароне незалежнасці і суверэнітэту рэспублікі належыць КДБ і прэзідэнту асабіста.
"Мы ведаем мэты, якія пераследуюць тут асобныя людзі. Гэтыя мэты нам ясныя. Зладзіць нам "майданчык" напярэдадні прэзідэнцкіх выбараў або ў дзень прэзідэнцкіх выбараў. Так яны планавалі. Хачу на гэтай сустрэчы вас папярэдзіць і ўсіх, хто нас пачуе, усіх гэтых майданутых хачу папярэдзіць, што "майдана" у Беларусі не будзе", - сказаў Лукашэнка.
На сустрэчы ён падкрэсліў, што дэстабілізацыі абстаноўкі ў краіне не дапусціць. Ён таксама пракаментаваў асобныя публікацыі ў СМІ.
"Не трэба нас параўноўваць, як нядаўна газета суседняй краіны папісвала, што тут у нас з'явіліся новыя Пашынян, новыя Зяленскі і ў нас ледзь не сітуацыя не тое як у Арменіі, не тое як ва Украіне", - сказаў Лукашэнка і выказаў упэўненасць, што ў Беларусі няма такіх лід араў, як прэм'ер Арменіі і ўкраінскі прэзідэнт, з якімі ён ужо паспеў блізка пазнаёміцца.
Лукашэнка выказаў здагадку, што некаторыя хочуць прадаць за капейку ўсё, што створана ў краіне, не толькі уладай, але і народам, і адзначыў, што гэтага нельга дапусціць.
Тэги: