Галоўны прыз конкурсу Еўрабачанне

Правілы адбору на "Еўрабачанне" ад Украіны зменяць пасля скандалу з MARUV

47
(абноўлена 16:16 27.02.2019)
Мяркуецца, што гаворка можа ісці аб забароне ўкраінскім артыстам, якія выступалі ў Расіі, удзельнічаць у нацыянальным адборы на конкурс.

МІНСК, 27 лют - Sputnik. Кабмін Украіны даручыў Дзяржкамтэлерадыё і Нацыянальнай грамадскай тэлерадыёкампаніі ўнесці змены ў правілы адбору прадстаўніка краіны на "Еўрабачанне" на пасяджэнні ўрада ў сераду, перадае РІА "Новости".

"Дзяржкамтэлерадыё разам з Нацыянальнай грамадскай тэлерадыёкампаніяй Украіны забяспечыць удасканаленне правілаў адбору прадстаўніка ад Украіны для ўдзелу ў песенным конкурсе "Еўрабачанне" з улікам абставінаў, якія выклікалі грамадскі рэзананс падчас адбору прадстаўніка Украіны на "Еўрабачанне" ў 2019 годзе", - заявіў віцэ-прэм'ер Украіны Вячаслаў Кірыленка.

Украіна абрала прадстаўніка на "Еўрабачанне-2019" шляхам адкрытага адбору, у выніку якога перамагла MARUV. Пасля перамоваў з вяшчальнікам спявачка адмовілася ехаць на конкурс, заявіўшы, што не хоча быць "бітай на палітычнай арэне". Услед за ёй ад удзелу адмовіўся таксама гурт Freedom-Jazz Girls Band, які заняў другое месца, і ўладальніца трэцяй пазіцыі KAZKA.

Супраць удзелу спявачкі MARUV у міжнародным конкурсе выказаўся ўкраінскі віцэ-прэм'ер Вячаслаў Кірыленка. Раней ён адзначаў мэтазгоднасць увядзення забароны на ўдзел для тых украінскіх артыстаў, якія выступалі ў Расіі.

Украінскія артысты нярэдка гастралююць у расійскіх гарадах, у той час, як некаторыя музыканты з Расіі не маюць магчымасці наведваць з канцэртамі тэрыторыю Украіны.

Міжнародны песенны конкурс "Еўрабачанне-2019" пройдзе 14-18 мая ў Тэль-Авіве. Усе прадстаўнікі краін - удзельніц шоу павінны быць вызначаны да 10 сакавіка.

47
Тэги:
Украіна, Еўрабачанне
Тэмы:
Конкурс песні "Еўрабачанне 2019" (86)