MARUV паабяцала заўзець на "Еўрабачанні" за Лазарава

46
(абноўлена 08:59 13.03.2019)
Самой MARUV на "Еўрабачанне" ад Украіны паехаць у гэтым годзе не ўдалося - яна адмовілася быць "бітай на палітычнай арэне".

МІНСК, 13 сак - Sputnik. Украінская спявачка MARUV паабяцала падтрымаць прадстаўніка Расіі Сяргея Лазарава падчас конкурсу песні "Еўрабачанне-2019".

MARUV перамагла ў нацыянальным адборы на "Еўрабачанне-2019" ад Украіны, аднак на конкурс не паехала: ёй выставілі "кабальныя патрабаванні", якія ўключаюць адмову ад канцэртаў у РФ, і ў выніку спявачка адмовілася ад шоу з-за нежадання быць "бітай на палітычнай арэне". У выніку адмовіліся ехаць на конкурс і іншыя фіналісты ўкраінскага адбору, а нацыянальны вяшчальнік адмовіўся ад удзелу ў "Еўрабачанні" гэтага года.
Як стала вядома ў аўторак, за "Еўрабачаннем" MARUV усё ж будзе сачыць. Ва ўсякім выпадку, заўзець за расіяніна Лазарава.

"З-за майго добрага стаўлення да Сярожы буду яго падтрымліваць. І ў нас з ім класная сумесная гісторыя ёсць. Але акрамя гэтага хочацца паглядзець іншыя выступы, падтрымаць тых артыстаў, якія будуць рабіць нешта цікавае", - распавяла артыстка УНІАН.

Лазараў і MARUV сапраўды даўно знаёмыя: спявак быў настаўнікам артысткі падчас яе ўдзелу ў шоу "Х-Фактар" на ўкраінскім тэлебачанні. Дарэчы, падчас скандалу на ўкраінскім адборы словы падтрымкі MARUV выказваў і прадзюсар удзелу Лазарава ў "Еўрабачанні" Філіп Кіркораў.
Таксама MARUV анансавала новыя выступы ў Расіі. Адмаўляцца ад канцэртаў яна без падпісання дамовы на ўдзел у "Еўрабачанні" не абавязаная.

Лазараў другі раз паедзе на "Еўрабачанне" ад Расіі. За перамогу ў шоу ён будзе змагацца з песняй Scream. Сёння букмекеры ставяць Лазарава на другое месца сярод 41 удзельніка конкурсу.

Конкурс песні "Еўрабачанне-2019" пройдзе 14-18 мая ў Тэль-Авіве.

46
Тэги:
Еўрабачанне
Тэмы:
Конкурс песні "Еўрабачанне 2019" (86)