Рэп-выканаўца Ціма Беларускіх

Ціма Беларускіх выступіць на "Славянскім базары"

52
(абноўлена 09:46 15.03.2019)
Артыст прыме ўдзел у бясплатным open-air разам з іншымі зоркамі айчыннай эстрады.

МІНСК, 15 сак - Sputnik. Папулярны беларускі выканаўца Ціма Беларускіх выступіць на "Славянскім базары" ў Віцебску, паведаміў тэлеканал АНТ.

Паўночная сталіца прыме "Славянскі базар" з 8 па 17 ліпеня. Фестываль, абяцаюць арганізатары, пройдзе ў абноўленым і пашыраным фармаце.

Так, у рамках "Базару" пройдзе бясплатны open-air з удзелам папулярных айчынных артыстаў і калектываў, сярод якіх Ціма Беларускіх, Naviband, "Без білета" і іншыя. Сваё майстэрства прадэманструюць і каманды КВЗ. У праграму фестывалю ўключаны таксама лядовае шоу, джазавыя вечары, начныя кінапаказы і многае іншае. Арганізатары абяцаюць прывезці ў Віцебск магутны склад зорак, у тым ліку лаўрэатаў прэміі "Грэмі".

Па іншым сцэнары пройдзе і конкурс маладых выканаўцаў - будзе адразу фінал, які прыме Орша. У гэтую суботу ў Рызе адбудзецца аб'яднаны еўрапейскі адбор, у якім бяруць удзел адразу шэсць краін. Беларусь вызначыцца са сваім прадстаўніком таксама ў гэты дзень.

Продаж квіткоў на "Славянскі базар" пачаўся 22 лютага.

52
Тэги:
Славянскі базар у Віцебску

Культура