Латушка аб сваім прызначэнні ў тэатр: рэвалюцыі не будзе

Латушка аб сваім прызначэнні ў тэатр: рэвалюцыі не будзе

73
(абноўлена 09:07 31.03.2019)
Павел Латушка расказаў аб пастаноўках па Дуніну-Марцінкевічу і Шэкспіру, жыцці ў Францыі і сваёй усмешцы.

МІНСК, 31 сак - Sputnik. Дырэктар Купалаўскага тэатра Павел Латушка не будзе ладзіць там рэвалюцыю. Такое абяцанне ён даў у эфіры тэлеканала АНТ, адзначыўшы, што тэатр ствараўся сто гадоў таму назад - у наступным годзе як раз будуць святкаваць юбілей.

Экс-пасол Беларусі ў Францыі і цяперашні дырэктар Купалаўскага тэатра распавёў, як калісьці хадзіў у смокінгу вакол тэатра, чакаючы прыбыцця статуэтак першай Нацыянальнай тэатральнай прэміі, пра працу ў Францыі і нават пра усмешку.

Без рэвалюцыі, але з Шэкспірам і Дуніным-Марцінкевічам

"Тэатр добра наведваецца, спектаклі папулярныя. Мы хацелі б, каб пра тэатр больш гаварылі і ведалі ў Беларусі. Мы будзем святкаваць працай - працуючы над стварэннем і прадстаўляючы гледачу новыя спектаклі", - сказаў Латушка.

У новым сезоне на сцэне з'явіцца і беларуская класіка - "Ідылію" Дуніна-Марцінкевіча, і сусветная класіка - "Кароль Лір" Шэкспіра.

Латушка прызнаў, што мастацкі кіраўнік тэатра Мікалай Пінігін - лідар Купалаўскага.

"Творчая асоба, адзін з лепшых рэжысёраў сучаснай Беларусі. Ён будзе першым, хто вызначае, які спектакль паставяць", - запэўніў Латушка.

Але, паводле яго слоў, ёсць і фінансавы аспект, і калі для пастаноўкі запатрабуюць зааблочную суму, тут-то і павінен падлучыцца дырэктар.

Як міністр чакаў статуэткі

Адным з праектаў Латушкі на пасадзе міністра культуры стала Нацыянальная тэатральная прэмія. Успамінаючы пра яе, кажа прама - далася цяжка.

"Я памятаю першае ўзнагароджанне, як шмат было перажыванняў. Калі павінна была прайсці першая цырымонія ўзнагароджання, статуэткі "Паўлiнкi"не прыехалі. Я хадзіў у смокінгу вакол тэатра і не ведаў, што рабіць. Ці адказны быў міністр за тое, каб своечасова прыехалі статуэткі? Так. Ці пракантраляваў? Не пракантраляваў. Але нам удалося знайсці выхад, і статуэткі былі ўручаны", - успамінае Латушка.

Не трэба нічога даказваць

"Мы па праву з'яўляемся часткай сусветнай культурнай прасторы. Мы там ёсць, гэта дадзена нам Богам", - сказаў Латушка, кажучы аб прыналежнасці Беларусі да сусветнай і еўрапейскай культуры. Ён адзначыў, што ў гэтым няма супрацьпастаўлення Беларусі камусьці.

Сам Латушка з лістапада 2012 займаў пасаду Надзвычайнага і Паўнамоцнага пасла Беларусі ў Францыі. Вызвалены ад гэтай пасады ён быў толькі ў пачатку 2019 года, так што пра месца Беларусі ў Еўропе дасведчаны добра, ён шмат зрабіў для таго, каб павысіць пазнавальнасць нашай краіны ў Францыі.

"Францыя - даволі складаны партнёр. У цэлым ён станоўча ставіцца да Рэспублікі Беларусь, але не мае матывацыі да супрацоўніцтва", - прызнаў Латушка.

Праблему ён бачыць у адсутнасці вялікай колькасці дакладнай інфармацыі пра Беларусь. І сваю дзейнасць засяродзіў як раз на тым, каб распаўсюдзіць яе як мага больш шырока сярод бізнес-колаў і грамадскасці.

Журналістка АНТ узгадала, што пра беларусаў ёсць і стэрэатыпы. Кажуць, напрыклад, што нашы людзі мала ўсміхаюцца - вось зусім як сам Латушка.

"Мяне з гэтай усмешкай мама замучыла", - не вытрымаў дырэктар тэатра і засмяяўся.

73
Тэги:
Купалаўскі тэатр, Павел Латушка
Тэмы:
Купалаўскі тэатр: гісторыя і сучаснасць (53)

Козыраў: "Песняры" выканаюць жывы канцэрт у інтэрнэце

16
(абноўлена 17:09 03.04.2020)
Анлайн-канцэрт у рамках праекта # БЕЗАНТРАКТА праанансаваў кіраўнік БДА "Песняры" Раман Козыраў.

Няпростая пара прыйшла для артыстаў і творчых калектываў: адмяняюцца канцэрты, даводзіцца праядаць "падушкі бяспекі". А калі запасу фінансаў няма, трэба ўжо зараз пачынаць ствараць хіты, каб закласці падмурак на будучыню. Але ёсць яшчэ адна новая іпастась, якую ўжо асвоілі творчыя калектывы - канцэрты анлайн.

"Песняры" таксама ідуць у нагу з часам. Канцэрт у новым фармаце ў бліжэйшы час у рамках праекта #БЕЗАНТРАКТА ўбачаць гледачы Sputnik разам з аўдыторыяй партала Fontanka.ru. Што гэта будзе за канцэрт, якія песні прагучаць і як жывецца ансамблю сёння, у студыі радыё Sputnik распавёў дырэктар і мастацкі кіраўнік Беларускага дзяржаўнага ансамбля "Песняры" Раман Козыраў.

"Паспрабуем выканаць цікавую, насычаную праграму. Каб гэты момант, калі "Песняры" самі прыйдуць у кожны дом, запомніўся нашым любімым гледачам і ў Расіі, і ў Беларусі. Мы перавярнулі старонкі 50-гадовага юбілею калектыву. І гэтым канцэртам адкрываем нашу новую вяху, дзе будуць і новыя песні, і новы стылістычны фармат, і, вядома, класічныя, незабыўныя хіты "Песняроў", - сказаў суразмоўца Sputnik.

Праграму "Гарызонт падзей" з удзелам дырэктара і мастацкага кіраўніка БДА "Песняры" Рамана Козырава глядзіце на Sputnik Беларусь.

16
Тэги:
Музыка, "Песняры"
Тэлевізар, архіўнае фота

Арганізатары "Еўрабачання" прыдумалі замену конкурсу

38
(абноўлена 11:25 01.04.2020)
Спецыяльны канцэрт Europe Shine A Light будзе транслявацца ў эфіры тэлеканалаў, а таксама на YouTube.

МІНСК, 1 кра - Sputnik. Замест адмененага конкурсу песні "Еўрабачанне-2020" арганізатары шоу зладзяць спецыяльны канцэрт, паведамілі ў Еўрапейскім вяшчальным саюзе (ЕВС).

"Еўрабачанне-2020" было адменена з-за сітуацыі з распаўсюджваннем каронавіруса. Такім чынам, у наступны раз конкурс пройдзе толькі ў 2021 годзе - у Нідэрландах, якія павінны былі прыняць шоу у гэтым маі. Аднак ЕВС знайшоў альтэрнатыву правядзенню "Еўрабачання".

"Замест гэтага мы маем намер аб'яднаць Еўропу 16 мая з дапамогай унікальнай тэлевізійнай праграмы ў прайм-тайм. Мы заклікаем усіх вяшчальнікаў, якія павінны былі прыняць удзел у конкурсе "Еўрабачанне" ў гэтым годзе, і членаў Еўрапейскага вяшчальнага саюза ў іншых краінах трансляваць гэта шоу у духу адзінства і аб'яднання", - заявіў супервайзар конкурсу Ён Ола Санд.

Шоу будзе называцца Europe Shine A Light, пройдзе яно у пазаконкурсным фармаце. Мяркуецца, што ў рамках канцэрту свае песні выканаюць прадстаўнікі ўсіх 41 краін, якія павінны былі паехаць на конкурс. Прыняць удзел могуць і зоркі "Еўрабачання" мінулых гадоў.

ЕВС заклікаў усе краіны-ўдзельніцы "Еўрабачання" трансляваць гэты канцэрт. Плануецца і прамы эфір на YouTube.

Больш падрабязна пра фармат і іншыя падрабязнасці канцэрту, які павінен стаць заменай "Еўрабачання-2020", арганізатары абяцалі распавесці пазней.

38
Тэги:
конкурс песні, Еўрабачанне
Тэмы:
Конкурс песні Еўрабачанне - 2020
Канікулы для школьнікаў усё ж такі прадоўжылі

Канікулы для школьнікаў усё ж такі прадоўжылі

0
(абноўлена 09:05 05.04.2020)
Напярэдадні кіраўніку дзяржавы па гэтай тэме зрабіў даклад міністр адукацыі.

МІНСК, 5 кра - Sputnik. Прэзідэнт Беларусі Аляксандр Лукашэнка вырашыў прадоўжыць школьныя канікулы, паведамілі ў суботу ўвечары ў Telegram-канале "Пул першага".

Магчымасць падаўжэння школьных канікул у пятніцу анансаваў прэзідэнт. Як прызнаваўся сам Лукашэнка, яму не падабаецца такая ідэя, аднак вісець над бацькамі ён патрэбным не лічыць.

Як стала вядома ў суботу, кіраўнік дзяржавы вырашыў прадоўжыць школьныя канікулы яшчэ на тыдзень. Прэзідэнту па тэме дакладваў міністр адукацыі Ігар Карпенка, сабраўшы усе меркаванні і звароты.

Многія бацькі не хацелі адпускаць дзяцей у школу пасля канікулаў з улікам эпідэміялагічнай сітуацыі. Дастатковая іх колькасць напісалі заявы пра тое, што дзеці не будуць хадзіць на заняткі, яшчэ да пачатку канікул.

Паводле агучанай Міністэрствам аховы здароўя ў суботу статыстыцы, у Беларусі зарэгістравана 440 выпадкаў інфікавання каронавірусам. Пяць чалавек памерлі.

0
Тэги:
Беларусь, каронавірус, дзеці, школа
Тэмы:
Успышка каронавіруса з Уханя