Леанід Марчанка: мастацтва, поўнае паветра і святла
(абноўлена 12:19 28.03.2019)
Знакамітаму беларускаму мастаку-графіку мало бы споўніцца сёння 78 гадоў.Леанід Марчанка нарадзіўся ў Бабруйску і спачатку вучыўся ў мастацкай студыі ў родным горадзе, пакуль настаўнік, які заўважыў талент хлопчыка, не параіў яму паехаць у вучэльню імя У. Савіцкага, якая знаходзілася ў Пензе. Там Марчанка вучыўся пяць гадоў, а потым сам стаў выкладчыкам малявання ў школе.
Вырашыўшы працягнуць адукацыю, Леанід Марчанка вярнуўся ў Мінск, дзе паступіў на аддзяленне графікі тэатральна-мастацкага інстытута, але вучыўся там толькі тры месяцы, пасля чаго пайшоў у войска. Скончыць інстытут Марчанку давялося толькі ў 1972 годзе.
Пасля гэтага пачалася паспяховая кар'ера Леаніда Марчанкі як графіка і жывапісца. Літаральна праз два гады ён стаў членам Саюза мастакоў, яго працы, пераважна афорты і літаграфіі, аб'ездзілі шматлікія выставы.
Аматарам мастацтва добра вядомыя яго серыя літаграфій "Жанчыны Палесся", афортаў "Мой край азёрны", "Зямля і людзі" і многія іншыя. Творы Леаніда Марчанкі знаходзяцца ў Нацыянальным мастацкім музеі Рэспублікі Беларусь, Рэспубліканскай мастацкай галерэі Беларускага саюза мастакоў, Віцебскім абласным краязнаўчым музеі, Гродзенскім дзяржаўным гісторыка-археалагічным музеі, Магілёўскім абласным мастацкім музеі імя П. Масленікава, Траццякоўскай галерэі, у прыватных галерэях Польшчы, Францыі, Германіі, Даніі і ЗША.
Акварэльная праца Леаніда Марчанкі пад назвай "Бэз" знаходзіцца ў адным з кабінетаў рэзідэнцыі Прэзідэнта Рэспублікі Беларусь.
У дзень нараджэння мастака Sputnik прапануе пазнаёміцца з яго працамі.
Тэги:
Як жыве сядзіба Бохвіцаў у вёсцы Флер'янава - фота
(абноўлена 18:05 07.08.2020)
Невялічкая вёска Флер'янава знаходзіцца ў Ляхавіцкім раёне Брэсцкай вобласці. Менавіта тут у свае часы квітнела сядзіба Бохвіцаў, куды на мяжы XIX-XX стагоддзя з'язджаліся беларускія і польскія літаратары. Наведваўся сюды і будучы лаўрэат Нобелеўскай прэміі па літаратуры Уладзіслаў Рэймант і пісьменніца Элаіза Ажэшка. Магчыма, гэта і выратавала сядзібу ад разбурэння, якое стала лёсам для шматлікіх гістарычных помнікаў краіны.
Гісторыя сядзібы пачалася ў 60-ых гадах XIX стагоддзя, калі Ян Атон Бохвіц прыехаў сюды пасла года ў астрогу, які атрымаў за ўдзел у паўстанні Кастуся Каліноўскага. Ён вельмі паважаў свайго бацьку Фларыяна, таму змяніў назву маёнтка з Новых Вошкаўцаў на Фларыянава, якое з цягам часу стала Флер'янавым.
Развіццём сядзібы ўвесь час займаўся Ян: у лепшыя часы тут налічвалася 19 пакояў, а асаблівай гордасцю была крокетная пляцоўка і вялікая колькасць экзатычных раслін.
Сёння флер'янаўская сядзіба - гэта цагляны франтон з неагатычнымі вокнамі, які хавае драўляны будынак. У 2012 годзе гэтае месца выкупіў пенсіянер і былы старшыня Генрых Міхайлавіч Траццяк. Зараз разам са сваёй жонкай Ларысай Паўлаўнай ён за ўласныя сродкі аднаўляе сядзібу і праводзіць экскрусіі для рэдкіх гасцей.
У спісе наведвальнікаў аказаўся фотакарэспандэнт Sputnik Альфрэд Мікус. Як зараз выглядае сядзіба Бохвіцаў, глядзіце ў фотастужцы Sputnik.
Глядзіце таксама:
- Як аднаўляюць сядзібу Наркевічаў-Ёдкаў - фота
- Ад знакамітага малочнага брэнда да руінаў: як развальваецца Старая Беліца
- Святыня, якой пашанцавала? Чым зараз жыве Юравіцкі манастыр
© Sputnik Альфред МикусНевялічкая вёска Флер'янава знаходзіцца ў Ляхавіцкім раёне Брэсцкай вобласці.
© Sputnik Альфред МикусМенавіта тут у свае часы квітнела сядзіба Бохвіцаў.
© Sputnik Альфред МикусГэтая сядзіба - адна з нямногіх, што захаваліся на Беларусі ў добрым стане.
© Sputnik Альфред МикусГісторыя сядзібы пачалася ў 60-ых гадах XIX стагоддзя, калі Ян Атон Бохвіц прыехаў сюды пасла года ў астрогу, які атрымаў за ўдзел у паўстанні Кастуся Каліноўскага.
© Sputnik Альфред МикусЁн вельмі паважаў свайго бацьку Фларыяна, таму змяніў назву маёнтка з Новых Вошкаўцаў на Фларыянава, якое з цягам часу стала Флер'янавым.
© Sputnik Альфред МикусРазвіццём сядзібы ўвесь час займаўся Ян: у лепшыя часы тут налічвалася 19 пакояў, а асаблівай гордасцю была крокетная пляцоўка і вялікая колькасць экзатычных раслін.
© Sputnik Альфред МикусУ летнія часы Ян запрашаў сюды тых, хто хоча адпачыць: за грошы можна было пажыць у адным з пакояў.
© Sputnik Альфред МикусНа пачатку XX стагоддзя тут бывалі пісьменнік і будучы Нобелеўскі лаўрэат Уладзіслаў Рэймант, Рэйтаны, Радзівілы і пісьменніца Алаіза Ажэшка.
© Sputnik Альфред МикусДарэчы, Алаіза Ажэшка прыехала ў сядзібу ўлетку 1908 года і засталася тут на год. Яна сябравала з сынам Яна Тадэўшам.
© Sputnik Альфред МикусКаханыя пісалі адзін аднаму кранальныя лісты, якія пасля смерці пісьменніцы былі надрукаваныя ў адным томе з 300 старонак.
© Sputnik Альфред МикусСёння флер'янаўская сядзіба - гэта цагляны франтон з неагатычнымі вокнамі, які хавае драўляны будынак.
© Sputnik Альфред МикусУ 2012 годзе гэтае месца выкупіў пенсіянер і былы старшыня Генрых Міхайлавіч Траццяк. Зараз разам са сваёй жонкай Ларысай Паўлаўнай ён за ўласныя сродкі аднаўляе сядзібу...
© Sputnik Альфред Микус... і праводзіць экскрусіі для рэдкіх гасцей.
© Sputnik Альфред МикусСядзіба захавалася дастаткова добра.
© Sputnik Альфред МикусТраццякі аднаўляюць усё за ўласныя сродкі.
© Sputnik Альфред МикусТурыстаў тут пакуль няшмат, але ўсіх сустракаюць з радасцю.
© Sputnik Альфред МикусСустракаюць і распавядаюць таямнічыя гісторыі сядзібы.
Тэст: ці добра вы ведаеце беларускія фразеалагізмы?
(абноўлена 17:19 06.08.2020)
Прайдзіце тэст Sputnik і даведайцеся, наколькі добра вы ведаеце фразеалагізмы на беларускай мове. Кожная мова мае свой адметны склад устойлівых выразаў, якія яскрава характэрызуюць яе носьбітаў, іх побыт, звычкі і тое, як яны бачылі навакольны свет. Беларускія фразеалагізмы ўвабралі ў сябе трапныя параўнанні, якія часам здаюцца смешнымі, але заўсёды прыводзяць да роздумаў: як узнік той ці іншы выраз. Некаторыя фразеалагізмы траплялі ў гутарку со старонак літаратурных твораў, але большая іх частка – калектыўная творчасць народа, якая перадавалася з вуснаў у вусны на працягу пакаленняў.
Шмат фразеалагізмаў агульныя для ўсіх славянскіх народаў: напэўна, кожны зразумее, што значыць "вісець на валаску" або "Мамаева пабоішча". Вялікая колькасць выразаў трапіла ў беларускую мову з Бібліі – яны амаль слова ў слова перакладаюць лацінскі або грэчаскі тэкст. Але ёсць у беларускага народа і своеасаблівыя, адметныя фразеалагізмы, якія часам могуць не толькі выклікаць неўразуменне, але і здзівіць сваёй вобразнасцю. Прайдзіце тэст, каб даведацца, ці добра вы ведаеце беларускую фразеалогію або ці здольныя адгадаць, што значыць той ці іншы незнаёмы выраз.
Чытайце таксама:
- Тэст: якія беларускія творы схаваліся за эмодзі
- Тэст на ўзрост: ці ведаеце вы значэнне архаізмаў?
- Тэст: ці ведаеце вы беларускія песні?
- Гэта птушка? Гэта грыб? Тэст на веданне беларускай прыроды
- Тэст: адгадайце назвы ўпрыгажэнняў па-беларуску
Тэги:
Лукашэнка аб мітынгах апанентаў, каронавірусе і адносінах з Расіяй
(абноўлена 17:20 09.08.2020)
Прэзідэнт запэўнівае, што не можа назваць гэтую кампанію самай складанай - і нагадвае, што ў 2010 годзе таксама было нялёгка.Прэзідэнт Беларусі Аляксандр Лукашэнка пагутарыў з прэсай на выбарчым участку. Кіраўнік дзяржавы пракаменціраваў дзеянні альтэрнатыўных кандыдатаў, іх праграму, а таксама мітынгі. Закрануў і акцыю Святланы Ціханоўскай у парку Дружбы народаў.
Журналісты ў размове з Лукашэнкам распыталі яго і пра каронавірус і ён прызнаў, што хвароба гэтая непрыемная.
Тэма беларуска-расійскіх адносінаў таксама была ў парадку дня.
"На усходзе ў нас вельмі моцныя дзве дзяржавы. Хочам мы, ці не хочам, мы з Расіяй заўсёды будзем супрацоўнічаць, будзем заўсёды разам, у залежнасці ад таго, наколькі Расія здольная на больш цеснае або менш цеснае супрацоўніцтва", – адзначыў прэзідэнт.
Лукашэнка падкрэсліў, што расійскі прэзідэнт Уладзімір Пуцін запэўніў яго ў намерах будаваць братэрскія адносіны. Кароткую версію размовы прэзідэнта з журналістамі глядзіце на відэа.
Тэги: