МІНСК, 11 мая - Sputnik. Першы ў Беларусі флейтавы цэнтр адкрыўся ў Мінску, паведаміла на прэс-канферэнцыі ў мультымедыйным прэс-цэнтры Sputnik адна са стваральніц, педагог і майстар па рамонце флейтаў Святлана Піліпенка.

"Сёння мы атрымалі ключы ад памяшкання і будзем прыводзіць гэтае месца ў належны стан. Думаю, што туды будуць прыходзіць не только флейтысты, але і людзі, якія проста цікавяцца музыкай і гэтым музычным інструментам", - распавяла яна.

Мяркуецца, што ў флейтавым цэнтры можна будзе не толькі паўдзельнічаць у розных адукацыйных мерапрыемствах, але і знайсці неабходную музычную літаратуру, пазаймацца на флейтах ці адрамантаваць іх. Для прафесійных флейтыстаў плануецца арганізаваць штотыднёвы майстар-курс па доглядзе і рамонце музычных інструментаў.

Стваральнікі ўпэўненыя, што з’яўленне такога месца абумоўлена "жыццёвымі патрэбамі, бо флейтысты жадаюць ведаць усё пра свой род дзейнасці".  

Па словах флейтысткі Вялікага тэатра Беларусі Даяны Гантарэнка, беларускай сталіцы было неабходна месца, дзе змогуць сабрацца флейтысты, граць па аднаму ці цэлымі калектывамі, ладзіць канцэрты і абменьвацца вопытам.

Поўную версію гутаркі глядзіце на ютуб-канале Sputnik.

МІНСК, 20 кас - Sputnik. Кіраўнік Савета па правах чалавека пры прэзідэнце РФ (СПЧ) Валерый Фадзееў у інтэрвію інфармацыйнаму агенцтву РІА "Новости" выказаўся аб мерах у дачыненні да журналістаў, прынятых беларускімі ўладамі падчас мітынгаў. З журналістамі неабходна супрацоўнічаць, "тлумачыць і паказваць, што адбываецца", лічыць Фадзееў.

"Безумоўна (затрыманні журналістаў ідуць насуперак з разуменнем свабоды слова). Калі ў людзей ёсць смартфоны, распаўсюджванне такой інфармацыі спыніць немагчыма. Гэта проста памылка кіраўнікоў Беларусі", - заявіў кіраўнік Савета па правах чалавека.

Затрыманні журналістаў у Беларусі

З пачатку пратэстных акцый па дадзеных Беларускай асацыяцыі журналістаў у краіне затрымалі больш за 300 прадстаўнікоў СМІ (у тым ліку замежных). Выпадкаў жа парушэнняў у дачыненні да рэпарцёраў зафіксавана больш за 400, уключаючы затрыманні, штрафы, канфіскацыю прафесійнай тэхнікі.

У поствыбарчы перыяд прадстаўнікі СМІ таксама сутыкнуліся са зменамі ва ўмовах працы. На пачатку кастрычніка МЗС Беларусі ануляваў усе акрэдытацыі замежных журналістаў, у сувязі з чым супрацоўнікам СМІ неабходна перарэгістравацца. Цяпер за асвятленне пратэстных акцый неакрэдытаваных спецыялістаў могуць аштрафаваць ці заключыць пад варту на тэрмін да 15 сутак.

Ускладнена праца не толькі замежных СМІ, беларускія рэпарцёры таксама сутыкаюцца з цяжкасцямі падчас асвятлення акцый. Апошні на сённяшні дзень суд прайшоў 19 кастрычніка: некаторым журналістам, затрыманым на суботнім студэнцкім маршы, далі па 13 і 15 сутак. У іх ліку быў і карэспандэнт РІА "Новости", аднак яго адпусцілі пасля праверкі дакументаў.

Абмеркаванне сітуацыі на вышэйшым узроўні

Адміністрацыйныя працэсы з удзелам журналістаў стаяць на парадку дня з самага пачатку пратэстных акцый у Беларусі. Галоўны рэдактар RT і МІА "Россия сегодня" Маргарыта Сіманьян асабіста абмяркоўвала з прэзідэнтам Беларусі Аляксандрам Лукашэнкам гвалтоўныя меры з боку сілавых структур у дачыненні да журналістаў.

Раней выказаліся ў дачыненні абмежаванняў працы СМІ і ў Нью-Ёрку: няўрадавы "Камітэт абароны журналістаў" са штаб-кватэрай у Амерыцы заклікаў не ўмешвацца ў працу калегаў.

Таксама затрыманні абмяркоўваліся на ўзроўні міністэрстваў: выступіў са зваротам кіраўнік МЗС РФ Сяргей Лаўроў, выказаўся пасол Расіі Дзмітрый Мезенцаў, нямецкае знешнепалітычнае ведамства пракаментавала сваю пазіцыю на сустрэчы з беларускім паслом Дзянісам Сідарэнкам.