Спектакль Орр і Ора

Спектакль "Орр і Ора" пакажуць на сцэне Вялікага тэатра Беларусі

23
(абноўлена 09:54 18.05.2019)
Вядучыя артысты балета прымуць удзел у пастаноўцы - гэта своеасаблівая філасофская прытча, размова пра тое, што хвалюе людзей на працягу стагоддзяў.

МІНСК, 18 мая - Sputnik. Кранальны балет "Орр і Ора" пакажуць на сцэне Вялікага тэатра Беларусі 21 мая, паведамілі Sputnik арганізатары.

Музыку для балета напісаў пецярбургскі кампазітар Міхаіл Крылоў. Паводле яго слоў, гэты спектакль - нейкая філасофская прытча, размова пра тое, што хвалюе людзей на працягу стагоддзяў: пра каханне, уменне дараваць, адказнасць адзін за аднаго.

А аўтарам харэаграфіі і пастаноўшчыкам спектакля выступіла ўладальніца медаля Францыска Скарыны, балетмайстарка Аляксандра Ціхамірава.

"Не існуе ніводнага спектакля, які не расказваў бы пра каханне ў розных яго праявах, таму што гэта адна з тых тэмаў, якія хвалююць і будуць хваляваць чалавецтва заўсёды, пакуль існуе свет. У кожным творы мастакі, паэты, кампазітары, харэографы спрабуюць знайсці адказы на важныя пытанні", - лічыць яна.

Вось і ў гэтым спектаклі аўтары паспрабавалі паразважаць пра тое, што ёсць любоў паміж мужчынам і жанчынай, паміж чалавекам і светам, паміж чалавекам і грамадствам, а таксама што неабходна рабіць, каб свет вакол стаў лепш.

Паўдзельнічаюць вядучыя артысты

Па словах арганізатараў, удзел у пастаноўцы возьмуць вядучыя артысты балета тэатра: у іх ліку Вікторыя Трэнкіна, Мікіта Шуба, Аляксандра Чыжык. Згуляе ў ім і француз па паходжанні Эвен Капітэн: саліст ужо выходзіў на мясцовую сцэну падчас многіх пастановак, аднак выкананне дадзенай партыі будзе для яго дэбютным.

"Шмат каму цяжка пакінуць сям'ю і сяброў, але я па натуры трохі авантурыст, люблю падарожнічаць. Нарадзіўся ў Тулузе, жыў у Парыжы, а цяпер мой дом тут, у Мінску. У дзяцінстве займаўся фехтаваннем, верхавой яздой і не ведаў, кім буду, калі вырасту. Часта глядзеў балет па тэлевізары, і мама параіла запісацца ў танцавальную студыю. Мне так спадабалася, што ўсё астатняе адышло на другі план. Далей хацеў вучыцца рускай тэхніцы, таму што лічу яе самай лепшай у свеце. Знаёмы, які скончыў Беларускі харэаграфічны каледж, параіў прыехаць у Мінск", - падзяліўся артыст.

Убачыць балет "Орр і Ора" гледачам атрымаецца ў аўторак 21 мая на сцэне Вялікага тэатра Беларусі.

Чытайце таксама:

23
Тэги:
Вялікі тэатр оперы і балета РБ, Мінск