Прывезлі з Нью-Ёрка: у Мінску з’явілася скульптура мастака Восіпа Цадкіна

© Photo : Christie’s AuctionСкульптура Восіпа Цадкіна "Носьбіт дароў"
Скульптура Восіпа Цадкіна Носьбіт дароў - Sputnik Беларусь
Падпісацца
Работу ураджэнца Віцебска набылі на амерыканскім аўкцыёне, цяпер яна будзе стаяць у сталічным скверы.

МІНСК, 29 мая - Sputnik. У Мінску з’явілася скульптура аднаго з найбуйнейшых прадстаўнікоў авангарднага мастацтва XX стагоддзя Восіпа Цадкіна.

Работу "Носьбіт дароў" аўтар першапачаткова зрабіў з дрэва ў 1937 годзе. У цэнтры экспазіцыі – чалавек, у руках якога карабель. Такім чынам Цадкін адсылае гледача да сваёй радзімы і да фамільнай справы яго сям’і – суднабудавання. У 1993 годзе гэтая скульптура з’явілася ў Парыжы каля выхада з Моста інвалідаў.

Белгазпрамбанк, які ўстанавіў скульптуру ў сталічным скверы, набыў яе на н’ю-ёркскіх таргах аўкцыённага дома "Christie’s". Пакуль што яна схаваная ад вачэй шырокай публікі, а афіцыйнае адкрыццё запланаванае на 6 чэрвеня.

Восіп Цадкін – ураджэнец Беларусі і адзін з прадстаўнікоў Парыжскай школы. Яго творы захоўваюцца ў прыватных і музейных зборах па ўсім свеце.

Чытайце таксама:

Стужка навiн
0