Музей у Строчыцах

Што паглядзець у беларускіх музеях падчас Еўрапейскіх гульняў

47
(абноўлена 14:55 20.06.2019)
Куды схадзіць, калі не хочацца танчыць і есці шашлык разам з усімі.

Для тых, хто не плануе бавіць час на фестывальнай ці фан-зоне Еўрапейскіх гульняў, Sputnik падрыхтаваў падборку самых цікавых мерапрыемстваў ад беларускіх музеяў – усе яны знаходзяцца ў Мінску ці на навелікай адлегласці ад сталіцы.  

Купальскае кола у Музеі народнай архітэктуры

Беларускі дзяржаўны музей народнай архітэктуры і побыту, што каля вёскі Азярцо, пачынае фестываліць разам з гасцямі і ўдзельнікамі Еўрапейскіх гульняў. Тыя, каму не хапіла квіткоў на цырымонію адкрыцця, могуць адправіцца на фестываль "Купальскае кола".

Святкаваць Купалле тут пачнуць 21 чэрвеня і скончаць ажно 23 чэрвеня. Фестываль прысвечаны дню летняга сонцастаяння, калі дасягаюць самага вялікага росквіту жыватворныя сілы зямлі. Арганізатары абяцаюць рэканструяваць аўтэнтычнае Купалле: пад традыцыйныя купальскія песні тут будуць плесці вянкі і косы, распальваць вогнішча і вадзіць карагоды.

Вялікая колькасць пляцовак і забавак будзе працаваць пад музыку. На трох сцэнах выступяць гурты "Мярэжа", "Варган", "Калыханка", "Кудмень" і многія іншыя.

Пазнаёміцца з беларускай культурай і традыцыямі можна і праз музейны занятак пра лён. Арганізатары абяцаюць паказаць, як сцябло расліны пераўтвараецца ў валакно, як фарбаваць ніткі і з якіх дэталяў складаецца ткацкі станок.

Усе дні Еўрапейскіх гульняў у музеі будзе працаваць экспазіцыя "Забытыя асілкі зямлі беларускай", якая адкрылася яшчэ 17 чэрвеня. Выстава распавядае гісторыю беларускіх ветраных млыноў.

Свята Сонца ў Дудутках

Пафестываліць можна яшчэ ў адным музейным комплексе пад Мінскам – у гэтыя выхадныя "Дудуткі " запрашаюць на так званы бразільскі карнавал па-беларуску – чацвёрты купальскі фолк-фэст "Свята Сонца".

Фестываль, як і ў мінулыя гады, аб'яднае некалькі рознапланавых лакацый. На двух пляцоўках пройдзе двухдзённы open-air канцэрт, дзе выступяць 24 калектывы, сярод якіх беларускія "NAVIBAND", "Стары Ольса", "PAWA", "IRDORATH", "Тарас на Парнасе" і многія іншыя.

Традиционный купальский фестиваль Свята Сонца-2018 в Дудутках – огненное шоу
© REUTERS / Vasily Fedosenko
Фаер-шоу на "Свята Сонца -2018" у Дудутках

Таксама ў рамках фестывалю запланаваны конкурс вогненных тэатраў, кірмаш рамеснікаў, інтэрактыўныя, спартыўныя і этна-пляцоўкі – усяго 15 лакацый.

Госці свята змогуць не проста набыць сувеніры, а паўдзельнічаць у іх стварэнні, пазнаёміцца са старадаўнімі беларускімі традыцыямі свята Купалле, навучыцца плесці вянкі і варажыць.

Акрамя фестывальнай праграмы, разлічанай на 22-23 чэрвеня, у музеі можна проста пазнаёміцца са старадаўнім побытам і прафесіямі. Тут можна пакаштаваць стравы беларускай кухні, пакатацца на конях і паглядзець на заасад.

Эпатажнае мастацтва на Арт-Мінску

Калі не хочацца нікуды ехаць, можна прайсціся па музеях беларускай сталіцы – тут таксама ёсць на што паглядзець. Напрыклад, з 29 мая па 30 чэрвеня праходзіць фестываль "Арт-Мінск", які аб’ядноўвае 16 выставачных залаў і галерэй, у экспазіцыі якіх прадстаўленыя самыя розныя стылі і накірункі сучаснага беларускага мастацтва.

Арт-Мінск 2019
© Sputnik Алеся Шаршнёва
На фота работа Андрэя Пяткевіча пад назвай "Сало - сила, спорт - могила"

Галоўная экспазіцыя знаходзіцца ў Палацы мастацтваў – тут прадстаўлены творчасць 240 мастакоў і больш за 800 твораў мастацтва. Фестываль, які на пачатку арганізатары планавалі як эксперымент, праходзіць у другі раз. У рэалізацыі дапамагаў арт-крытык, куратар і дырэктар галерэі "Ельцын Цэнтр" Ілля Шыпілоўскіх.

Сальвадор Далі ў Мастацкім музеі

Гасцям Беларусі пашчасціла – зараз тут працуе адразу некалькі міжнродных праектаў. Адзін з іх – міжнародны выставачны праект "Сальвадор Далі". Жыхароў горада ён ужо не здзіўляе, бо пачаў працаваць яшчэ 16 сакавіка. На адкрыццё нават прыязджаў сябар мастака, італьянскі арт-дылер і калекцыянер Беніяміна Леві.  Ён працаваў з Далі ў 1960-ых гадах і зараз з’яўляецца галоўным экспертам па бронзе мастака.

Леві стаў сапраўдным прапагандыстам творчасці Далі
© Sputnik Алеся Шаршнёва
Леві стаў сапраўдным прапагандыстам творчасці Далі

Прадстаўленыя ў Нацыянальным мастацкім музеі экспанаты ўжо бачылі наведвальнікі больш чым ста музеяў і выставачных пляцовак усяго свету. Па дадзеных арганізатараў, выставы наведалі больш за 12 мільнаў чалавек.

Георгій Скрыпнічэнка ў Нацыянальным гістарычным музеі

Пасля прагляду мастацтва еўрапейскага Далі, можна правесці параўнанне і пазнаёміцца з творчасцю Далі беларускага – менавіта так на радзіме называюць мастака Георгія Скрыпнічэнку. Яго карціны можна ўбачыць у Нацыянальным мастацкмі музеі, але засталося не так шмат часу: выстава пачала працаваць 6 чэрвеня і закрыецца ўжо 24 чэрвеня.

Георгій Скрыпнічэнка – першы і самы паслядоўны прадстаўнік беларускага сюррэалізма. На выставе можна ўбачыць творы, якія раней не экспанаваліся, а таксама спецыяльную падборку графічных работ. Прадстаўленыя экспанаты – з сямейнай і прыватных калекцый.

Эмі Уайнхаўс у галерэі Міхася Савіцкага

Да 31 жніўня ў Мастацкай галерэі Міхася Савіцкага будзе працаваць легендарная выстава Яўрэйскага музея Лондана "Эмі Уайнхаўс: Сямейны партрэт", прысвечаная культавай спявачцы, чые нашчадкі былі родам з Беларусі.

У экспазіцыі – унікальныя гітары, сямейныя фотаздымкі, статуэткі Грэмі і нават калекцыі любімага адзення.

Нашумелую выставу паказваюць у Беларусі толькі аднойчы – потым яе расфарміруюць, а экспанаты вернуць сям’і спявачкі і іншым уладальнікам. Дагэтуль экспанаты ўжо бачылі ў Мельбурне, Брусэлі, Сан-Францыска і іншых гарадах свету. Турнэ завяршаецца ў Мінску, таму што ў 1890 годзе прапрадзед Эмі перабраўся з Мінску ў Лондан.

На вялікім брытанскім фестывалі можна будзе нават паслухаць канцэрт-трыб’ют Эмі Уайнхаўс. Ён пройдзе ў Верхнім горадзе 23 чэрвеня.

47
Тэги:
Афіша, Еўрапейскія гульні-2019, Мінск
Тэмы:
Куды пайсці ў Мінску (52)
Ніл Гілевіч за працоўным сталом, 1977 год.

Ніл Гілевіч: апошні народны паэт Беларусі

2843
(абноўлена 09:44 30.09.2020)
Сёння народнаму паэту Беларусі магло бы споўніцца 89 гадоў. Sputnik успамінае біяграфію паэта і цікавыя факты з яго жыцця.

Імя Ніл паходзіць ад Нінел, Ленін наадварот. Так будучага паэта назвалі бацькі – сяляне, натхнёныя ідэямі камунізму. Пасля Ніл Гілевіч прызнаваўся, што і сам быў верыў у гэтыя ідэі, але галоўным натхненнем яго творчасці заўсёды была беларуская зямля.

Раннія гады і пачатак творчасці

Ніл Сымонавіч Гілевіч нарадзіўся 30 верасня 1931 года ў вёсцы Слабада Лагойскага раёна ў сялянскай сям'і. Яго бацька, Сымон Пятровіч Гілевіч, з'яўляўся старшынёй сельсавету, маці, Кацярына Міхайлаўна, займалася гаспадаркай. Акрамя Ніла ў сям'і нарадзілася яшчэ дзевяць дзяцей, двое з якіх памерлі ў маленстве.

Паэт Ніл Гілевіч
© Sputnik / Виктор Толочко

Да вайны Ніл Гілевіч паспеў скончыць тры класы слабодскай сямігадовай школы, а пасля вызвалення Беларусі пайшоў адразу ў пяты клас у вёску Гайна, якая знаходзілася па суседстве. Падчас вучобы юнак працаваў у калгасе паштальёнам.

Пісаць вершы Ніл Гілевіч пачаў, калі яму было дзевяць гадоў. А першы надрукаваны твор з'явіўся ўжо пасля вайны, у 1946 годзе: верш "Яблынька" апублікаваў часопіс "Бярозка".

Пасля апошняга, сёмага класа паступіў у Мінскае педагагічнае вучылішча, якое скончыў у 1951 годзе. У апошні год вучобы адначасова выкладаў нямецкую мову ў школе, а потым паступіў на філалагічны факультэт БДУ.

Літаратурная праца і палітычная дзейнасць

Першая кніга паэзіі Ніла Гілевіча "Песня ў дарогу" выйшла ў 1957 годзе, а ў 1959-м, калі ён скончыў аспірантуру і пачаў працаваць на кафедры беларускай літаратуры, свет убачыў зборнік "Прадвесне ідзе па зямлі". Адначасова з працай на кафедры, Ніл Гілевіч з'яўляўся літаратурным кансультантам у газеце "Звязда". З 1961 па 1968 год, калі ён атрымаў званне дацэнта, выходзяць яшчэ чатыры зборрнікі: "Неспакой", "Бальшак", "Перазовы" і "Лісце трыпутніку". У 1978 годзе Ніл гілевіч становіцца прафесарарам. Да гэтага часу ў друку ўжо з'явіліся зборнікі "А дзе ж тая крынічанька", "Запаветнае", "Актавы". На працы ва ўніверсітэце Ніл Гілевіч піша шмат кніг па літаратуразнаўству і фалькларыстыцы, а таксама ўкладае фальклорныя зборнікі, займаўся перакладчыцкай дзейнасцю. Паэт пераклаў на беларускую мову творы звыш 400 славянскіх паэтаў і пісьменнікаў.

У 1979 годзе свет убачыў гумарыстычны і сатырычны зборнік паэта "У добрай згодзе".

У 1976 – 1990 годах Ніл Гілевіч з'яўляўся членам прэзідыума, а ў 1980 – 1989-х — першым сакратаром праўлення Саюза пісьменнікаў БССР, а таксама старшынёй і адным са стваральнікаў Таварыства беларускай мовы. У гэтыя гады выходзіць зборнік п'ес "Начлег на буслянцы" (1980), а таксама вершаваны раман "Родныя дзеці" (1985), паэтычныя зборнікі "Святлынь" (1984), "Як дрэва карэннем" (1986) і "Повязь" (1987).

Асноўнымі матывамі паэзіі Ніла Гілевіча з'яўляюцца любоў да роднага краю і яго гістарычнай спадчыны, тэмы спалучэння пакаленняў праз час і жахі ваенных гадоў.

Акрамя навуковай і літаратурнай працы займаўся Ніл Гілевіч і палітыкай. 3 1985 года ён працаваў дэпутатам Вярхоўнага Савета БССР, а з 1990 з'яўляўся старшынёй яго пастаяннай камісіі па адукацыі, культуры і захаванні гістарычнай спадчыны.

У дзевяностыя гады Ніл Гілевіч выдае кнігі паэзіі "Жыта, сосны й валуны" (1990), "Талісман" (1994), "На высокім алтары" (1994), "Вечны матыў" (1994).

Апошнія гады

У двухтысячныя настрой вершаў паэта змяняецца, што лёгка прасачыць па вершах, якія склалі зборнікі "…І плямы на табе няма" (2003), "На флейце самоты" (2004). У канцы 2013 года выйшла апошняя кніга з 23-томнага збору твораў пісьменніка.

Ніл Гілевіч быў узнагароджаны ордэнамі Дружбы народаў, Працоўнага Чырвонага Сцяга, а таксама шматлікімі медалямі, ганаровымі граматамі і прэміямі. За пераклады літаратурных твораў урад Балгарыі ўзнагародзіў Гілевіча ордэнам Кірыла і Мяфодзія 1-й ступені (з 1987 года ён з'яўляўся членам праўлення Усесаюзнага таварыства савецка-балгарскай дружбы. Ад Югаславіі Ніл Гілевіч атрымаў ордэн Югаслаўскай зоркі са стужкай. Таксама Ніл Гілевіч з'яўляўся апошнім паэтам Беларусі, які атрымаў званне народнага.

Шматлікія вершы Ніла Гілевіча былі пакладзеныя на музыку. Яе напісалі такія славутыя кампазітары, як І. Лучанок, А. Багатыроў, Я. Глебаў, Э. Зарыцкі і іншыя.

Пайшоў з жыцця народны паэт Беларусі 29 сакавіка 2016 года ў Мінску. Пахаваны на Кальварыйскіх могілках побач з магілай жонкі Ніны Іванаўны.

2843
Тэги:
Ніл Гілевіч, Беларусь
По теме
"Твой сад цвіце": 63 гады таму пайшоў з жыцця Якуб Колас
Янка Купала: таямніцы жыцця, кахання і смерці
Горкі і Багдановіч размаўлялі на "свойскай" мове
Караткевіч быў сціплым пісьменнікам, які любіў людзей
Бунтарка, бяглячка, паэтка: біяграфія Цёткі
Лепшыя дакументальныя фільмы краін СНД выберуць на фестывалі Еўразія.DOC

Лепшыя дакументальныя фільмы краін СНД выберуць на фестывалі "Еўразія.DOC"

20
(абноўлена 18:07 28.09.2020)
Чаму дакументальныя фільмы часцей здымаюць пра рэвалюцыі і чаму можа навучыць сёння Вялікая Айчынная вайна.

МІНСК, 28 вер - Sputnik. Лепшыя дакументальныя фільмы краін СНД рыхтуюцца выбраць на фестывалі "Еўразія.DOC".

Анлайн-прэс-канферэнцыя ўдзельнікаў адкрыцця пятага Фестывалю дакументальнага кіно краін СНД "Еўразія.DOC" прайшла ў мультымедыйным прэс-цэнтры Sputnik Беларусь у фармаце тэлемосту Мінск - Смаленск - Ерэван.

Пераможцамі стануць шэсць карцін, якія выберуць з 152 пададзеных заявак. Галоўнай тэмай фестывалю стала Перамога ў Вялікай Айчыннай вайне. Аднак, на думку арганізатараў, яна пераклікаецца з тымі падзеямі, якія адбываюцца ў свеце сёння.

У склад судзейскай камісіі заяўлены старшыня Рэспубліканскага грамадскага аб'яднання "Белая Русь" Генадзь Давыдзька. Ён адзначыў, што цяпер самы час пераасэнсаваць, з якога "матэрыялу" былі зробленыя былыя героі.

"Тэма вайны, як ніколі, на 75-гадовым рубяжы стала раптам найактуальнай. Мы знаходзімся на грані вайны і мы пераасэнсоўваем тую вайну. І нам вельмі трэба разумець, з якога "матэрыялу" былі зроблены тыя героі, як яны думалі, чаму яны ахвяравалі. Любы час патрабуе ахвяр. Часам, камфортным трэба ахвяраваць, утульнасцю, а часам, аказваецца, жыццём", - сказаў Генадзь Давыдзька.

Крыху пра аўтараў

Тэма вайны, так ужо атрымалася, часта адлюстравана на фестывалі "Еўразія.DOC". У першы год існавання ключавой яго тэмай сталі каляровыя рэвалюцыі. У гэты раз - Вялікая Айчынная вайна.

Свет не стаіць на месцы, ён заўсёды развіваецца, таму фестываль заўсёды застаецца актуальным, растлумачылі арганізатары.

Свет развіваецца праз канфлікты, а дакументалісты ніколі не будуць здымаць спакойнае кіно. Такое меркаванне выказаў дэкан Вышэйшай школы тэлебачання МДУ імя Ламаносава Віталь Траццякоў.

"Светлае, ціхае і спакойнае жыццё, палітычна якая пазначаецца як стабільнасць (такая гісторыя чалавецтва) - гэта кароткія прамежкі паміж канфліктамі. Кожны асобны чалавек імкнуцца да лепшага, жадае лепшага для сваёй асабістай жыцця. Але кінадакументалістам ня трэба спакой, яны не распавядаюць аб шчаслівых сем'ях , аб шчаслівых днях, як правіла", - растлумачыў ён.

Праўда жыцця

За пяць гадоў фестываль прайшоў няпросты шлях, яго аўтары і арганізатары пераадолелі нямала складанасцяў. Але ён па-ранейшаму паказвае жыццё.

"Чалавек, грамадства, актуальныя праблемы - гэта ўсё стала тэмамі для фільмаў нашага фестывалю. Асабліва гісторыі чалавечых адносін і сам чалавек стаіць асобным блокам", - перакананы праграмны дырэктар фестывалю "Еўразія.DOC", прэзідэнт прадзюсарскага цэнтра "Студыя Трэці Рым" Валерый Шахаўцоў.

Пераможцаў фестывалю назавуць ўжо 2 кастрычніка. У лік фіналістаў увайшлі аўтары з Беларусі, Расіі і іншых краін СНД, а таксама Сербіі і Латвіі.

Поўную версію прэс-канферэнцыі глядзіце ў нашым відэа.

20
Тэги:
Мінск, Еўразія.doc

Пра што дамаўляліся Лукашэнка і губернатар Браншчыны

0
(абноўлена 17:45 30.09.2020)
Губернатар вобласці адзначыў, што пра падзеі ў Беларусі на Браншчыне ведаюць не па чутках, бо рэгіёны знаходзяцца па суседству. У рэспубліцы шмат у каго ёсць знаёмыя і сваякі. Глядзіце на відэа, аб супрацоўніцтве ў якіх сферах дамаўляюцца Беларусь і Браншчына.

Губернатар Бранскай вобласці Аляксандр Багамаз сустрэўся з прэзідэнтам Беларусі Аляксандрам Лукашэнкам. Бакі абмеркавалі магчымыя напрамкі эканамічнага супрацоўніцтва, у тым ліку будаўніцтва.

Лукашэнка прапанаваў прыгледзецца да беларускага патэнцыялу ў гэтай сферы і вылучыць пляцоўку, якую беларусы забудавалі бы "пад ключ". Лукашэнка адзначыў - у Расіі цяпер дэфіцыт працоўнай сілы ў гэтай галіне.

Яшчэ адзін напрамак супрацоўніцтва - калійныя ўгнаенні. У рэгіёне развіваецца сельская гаспадарка, адзначыў мастакам, і угнаенняў з кожным годам трэба ўсё больш.

На тэрыторыі суседняй з расійскім рэгіёнам Гомельскай вобласці як раз будуецца новая шахта. Губернатар прапанаваў стварыць сумесны гандлёвы дом, які б прадаваў ўгнаенні ў расійскія рэгіёны.

"Нашы суседзі - гэта Курск, Арол, Варонеж. Усе мы адчуваем сёння праблему з пастаўкамі мінеральных угнаенняў, калійных угнаенняў", - адзначыў губернатар.

Асноўнай падзеяй у сферы рэгіянальнага супрацоўніцтва Беларусі і Расіі стаў сёмы Форум рэгіёнаў. Па яго выніках было падпісана кантрактаў на суму звыш 700 мільёнаў долараў.

0
Тэги:
Бранская вобласць, Беларусь