Актрыса Лашана Лінч

Агентам 007 стане цемнаскурая актрыса

9
(абноўлена 12:43 15.07.2019)
Кодавае імя культавага агента брытанскай разведкі дастанецца жанчыне, пакуль Джэймс Бонд будзе адпачываць на Ямайцы.

МІНСК, 15 ліп - Sputnik. Брытанская цемнаскурая акторка Лашана Лінч атрымае кодавае імя "Агент 007" у новым фільме з "бандыяны", паведамляе таблоід Daily Mail.

Паводле сцэнару, пакуль Джэймс Бонд праводзіць свой адпачынак на Ямайцы, брытанская выведка MI6 прысвойвае кодавае імя новаму агенту-жанчыне.

Паводле інфармацыі брытанскага таблоіда, у 25-ай па ліку карціне пра прыгоды Джэймса Бонда з'яўленне жанчыны-агента адбылося пад уплывам аднаго з суаўтараў карціны Фібі Уолер-Брыдж, якая вядомая як феміністка.

Дэніэл Крэйг іграе ролю Джэймса Бонда з 2006 года, раней з'яўляліся чуткі, што ён адмовіцца ад чарговай ролі брытанскага агента.

Лашану Лінч у гэтым годзе гледачы маглі бачыць у ролі пілота Марыі Рэмба ў фільме "Капітан Марвел".

9
Тэги:
кіно

Культура