Студэнты-археолагі знайшлі на Віцебшчыне каля 5 тысяч артэфактаў

Студэнты-археолагі знайшлі на Віцебшчыне каля 5 тысяч артэфактаў

57
(абноўлена 16:03 16.07.2019)
Упершыню гарадзішча ў вёсцы Цясты даследавалася ў пачатку 1980-х гадоў, і з таго часу археалагічныя раскопкі тут не рабіліся.

МІНСК, 16 ліп - Sputnik. Студэнты-гісторыкі БДУ знайшлі на раскопках у вёсцы Цясты на Віцебшчыне каля пяці тысяч артэфактаў І тысячагоддзя нашай эры, распавялі ў прэс-службе ўніверсітэта.

Сярод знаходак - рыбалоўныя гаплікі, нажы, шылы, сякеры, прасніца, прадметы ўзбраення і іншыя. Знойдзены таксама бронзавыя і жалезныя ўпрыгожванні: бранзалеты, шпількі, бляшкі, пранізкі.

Обнаруженные артефакты І тысячелетия нашей эры
© Photo : пресс-служба БГУ
Знойдзеныя артэфакты І тысячагоддзя нашай эры

"Закладзены раскоп на плошчы 80 квадратных метраў дазволіў археолагам знайсці прадметы, якія адлюстроўваюць бытавую культуру плямёнаў балтаў", - распавялі ва ўніверсітэце.

Сярод знаходак таксама шмат керамікі. Частка посуду адносіцца да днепра-дзвінскай археалагічнай культуры і датуецца I-IV стагоддзямі нашай эры. Ёсць у знойдзенай калекцыі фрагменты позняй керамікі. Каму канкрэтна яна належала, устанавіць не ўдалося.

Среди находок - рыболовные крючки, ножи, украшения и не только
© Photo : пресс-служба БГУ
Сярод знаходак - рыбалоўныя гаплікі, нажы, упрыгажэнні і не толькі

Раскопкі працягваюцца, археолагі спадзяюцца знайсці таксама печ-домніцу, а яшчэ жыллё і гаспадарчыя аб'екты. Канкрэтную перыядызацыю знойдзеных артэфактаў дапамогуць устанавіць далейшыя навуковыя даследаванні.

Кіруюць раскопкамі старшы навуковы супрацоўнік Інстытута гісторыі НАН Беларусі, дацэнт кафедры археалогіі і спецыяльных гістарычных дысцыплін БДУ Паліна Курловіч, выкладчык кафедры Уладзімір Плавінскі і дацэнт Вольга Ліпніцкая.

57
Тэги:
Археалогія
Тэмы:
Беларуская археалогія: самыя цікавыя знаходкі (39)
Выстава ў 2019 годзе

Як наведаць выставу Манэ Я Шышкін Я Малевіч" анлайн

17
(абноўлена 14:36 08.04.2020)
Аўтары праекта збіраюць грошы на стварэнне віртуальнай экскурсіі па самай народнай выставе беларускага мастацтва.

МІНСК, 8 кра - Sputnik. Арганізатары выставы "Я Манэ Я Шышкін Я Малевіч" плануюць зрабіць экспазіцыю даступнай у рэжыме анлайн. Зараз ідзе збор грошай на рэалізацыю праекта.

Выстава адкрылася ў Мінску ў чацвёрты раз, у ёй прынялі ўдзел 563 мастака. Унікальнасць праекта заключаецца ў тым, што прыняць у ім удзел можа любы жадаючы: не толькі прафесіяналы, але і аматары, і пачаткоўцы.

У гэтым годзе, як і ў многіх беларускіх ўстаноў культуры, у сувязі с пандэмія каронавіруса, выстава пакутуе ад недахопу наведвальнікаў. Менавіта таму і з’явіася ідэя стварыць віртуальную версію праекта.

"Мы вельмі хочам, каб выставы не прайшла незаўважанай і гатовыя стварыць віртуальную версію з мноствам інтэрактыўных магчымасцяў, паглядзець якую можна будзе ў любую кропцы свету"Я Манэ Я Шышкін Я Малевіч", - паведамілі арганізатары.

17
Тэги:
Мінск, "Я Манэ Я Шышкін Я Малевіч" (выстава)
Ахоўныя маскі

У Купалаўскім тэатры будуць шыць ахоўныя маскі

18
(абноўлена 09:43 07.04.2020)
Ахоўныя маскі для твару купалаўцы перададуць на патрэбы 10-й гарадской клінічнай бальніцы Мінска.

МІНСК, 7 кра - Sputnik. Пашывачны цэх Купалаўскага тэатра вырабіў 500 ахоўных масак для твару, паведамілі Sputnik у прэс-службе тэатра.

Дадзены праект атрымаў назву "Нетэатральная маска". У бліжэйшы час плануецца вырабіць яшчэ большую колькасць масак і перадаць іх на патрэбы 10-й гарадской клінічнай бальніцы Мінска.

Выраб масак арганізаваны за кошт па-за бюджэтных сродкаў тэатра і пры спонсарскай падтрымцы партнёраў тэатра. Усе жадаючыя – юрыдычныя асобы, гледачы і проста аматары тэатральнага мастацтва – могуць падтрымаць рэалізацыю гэтай ідэі пра ахвяраванні.

У прэс-службе распавялі, што падмурак для праекта стаў вопыт калег з іншых краін – Тэатра імя Наталлі Сац і Дзяржаўнага акадэмічнага тэатра танца з Казахстана, тэатра імя Юліюша Астэрвы з Польшчы, Опернага тэатра ў Бургасе з Балгарыі і іншых.

Чытайце таксама:

18
Тэги:
Купалаўскі тэатр, каронавірус
Тэмы:
Купалаўскі тэатр: гісторыя і сучаснасць
Кожнаму дасталася часцінка Жыватворнага агню

Набажэнствы напярэдадні Вялікадня пакажуць па тэлебачанні

0
(абноўлена 09:04 09.04.2020)
Усяго на каналах Белтэлерадыёкампаніі будуць паказаныя 11 набажэнстваў - як для каталікоў, так і для праваслаўных.

МІНСК, 8 кра - Sputnik. Прамыя трансляцыі велікодных набажэнстваў каталіцкай і праваслаўнай цэркваў пакажуць у эфіры беларускага тэлебачання, расказалі Sputnik у прэс-службе Белтэлерадыёкампаніі.

На фоне распаўсюджвання каронавіруса многія, у тым ліку вернікі, хочуць засцерагчы сябе. Для выконваючых сацыяльнае дыстанцыяванне і самаізаляцыю арганізаваны прамыя трансляцыі велікодных набажэнстваў - і ў каталікоў, і ў праваслаўных.

Так, у чацвер 9 красавіка ў сем гадзін вечара на тэлеканале "Беларусь 3" пачнецца прамая трансляцыя набажэнства ў Вялікі чацвер з архікафедральнага касцёла Найсвяцейшай Панны Марыі ў Мінску. У пятніцу 10 красавіка ў 23:20 на гэтым жа тэлеканале пройдзе прамая трансляцыя Крыжовага Шляху з Рымскага Калізея з удзелам Папы Рымскага Францыска.

Вечарам 11 красавіка, а 21:45, у эфіры "Беларусь 1" і "Беларусь 24" пакажуць трансляцыю набажэнства на Вялікдзень з архікафедральнага касцёла Найсвяцейшай Панны Марыі ў Мінску. У нядзелю 12 красавіка ў 16:20 на "Беларусь 3" будзе транслявацца велікоднае пасланне і благаславенне "Гораду і свету" Папы Рымскага.

Прамая трансляцыя літургіі на праваслаўную Вербніца будзе паказана па "Беларусь 3" у нядзелю ў 09:50.

Трансляцыю Чыну амавення ног у праваслаўны Вялікі чацвер пакажуць апоўдні 16 красавіка. У пятніцу 17 красавіка на тым жа тэлеканале ў прамым эфіры будзе ісці Вячэрня з вынасам Плашчаніцы з Мінскага Свята-Духава кафедральнага сабора.

У наступную пятніцу ў 19:00 у эфіры "Беларусь 3" адбудзецца трансляцыя ютрані з чынам пахавання Плашчаніцы з Мінскага Свята-Духава кафедральнага сабора. У нядзелю ў 13:15 па "НТБ-Беларусь" пройдзе прамая трансляцыя з храма Гроба Гасподняга ў Ерусаліме з сыходжаннем Жыватворнага агню.

Нарэшце, 18 мая а 23:45 па "Беларусь 1" і "Беларусь 24" будзе паказаная прамая трансляцыя святочнага богаслужэння з Мінскага Свята-Духава кафедральнага сабора.

0
Тэги:
Беларусь, Вялікдзень
Тэмы:
Сустракаем Вялікдзень