Алесь Родзім

Беларускі геній з Берліну: як Алесь Родзім скарыў Еўропу і чаму вярнуўся

194
(абноўлена 10:34 20.08.2019)
Выбітны мастак і "звычайны хлопец з Баранавічаў", імя якога лепш ведаюць за мяжой, чым на радзіме, з нагоды сваёй выставы ў Мінску распавёў пра творчае жыццё ў Германіі і Беларусі.

Пра гэтага чалавека можна смела казаць – "шырока вядомы ў вузкіх колах". Алесь Родзім – беларускі мастак, які быў у ліку творцаў, што напачатку 2000-ых працавалі ў Тахелесе. У вялізным будынку ў самым цэнтры Берліна ён прадстаўляў айчыннае мастацтва – наведвальнікі не маглі стрымаць захаплення, а дома тым часам яго імя ведалі толькі адзінкі. На творчым рахунку Родзіма – выставы ў Парыжы, Брусэлі, Галандыі, Італіі, Расіі і шмат дзе яшчэ, а таксама першы малюнак на асклепках Бярлінскай сцяны.

Алесь Родзім
© Sputnik Альфрэд Мікус
Алесь Родзім жыў і працаваў у Тахелесе - вялізным будынку у самым цэнтры Берліна

З нагоды адкрыцця ў Мінску выставы, на якой большая частка прац – менавіта тыя, што экспанаваліся ў Тахелесе, Алесь Родзім распавёў карэспандэнту Sputnik Алесі Шаршнёвай пра вяртанне дадому, свае адносіны да класічнага мастацтва і грошай. 

"Зімовай раніцай людзі ў балаклавах выкінулі на вуліцу"

Алесь Родзім працаваў у Тахелесе амаль 13 гадоў  - персанальная выстава на шостым паверсе займала каля тысячы квадратных метраў. Прачынаўся а шостай, а ў адзінаццаць ужо прыходзілі наведвальнікі. І так кожны дзень.

Тахелес, дзе давялося ў літаральным сэнсе слова жыць увесь гэты час, ён называе "інтэрнацыянальным мастацкім "хаузам", які аб’яднаў мастакоў з усяго свету". Гэта месца сапраўды было легендарным і прыцягвала творцаў і аматараў мастацтва як магнітам.

Так было да 2010 года, калі афіцыйны ўладальнік – Hamburg Nord Bank – не вырашыў забраць будынак сабе раней за вызначаны афіцыйнымі дакументамі тэрмін. Легальным спосабам зрабіць гэта не атрымалася, таму на дапамогу банкірам прыйшлі людзі ў балаклавах. Так, у снежні мастак аказаўся на вуліцы нават без верхняга адзення. Камп’ютары, фарбы і творчыя працы засталіся ў Тахелесе.  

"Зараз уладам усё роўна"

Падзеі тых часоў Алесь Родзім сёння ўзгадвае ў атачэнні сваіх прац, тым ліку і арыштаваных. Вызваліць іх дапамог нямецкі ўрад.

"Мне прапанавалі застацца ў Берліне, але вырашыў, што Мінск для мяне будзе больш утульным. Тут ўсе знаёмыя – мастакі, музыкі, іншыя творчыя людзі. Тым больш, у нас адна мова, а гэта немалаважна", - падкрэслівае Родзім.

Зараз мастак смела заяўляе, што знайшоў сябе ў Беларусі і "тут хапае паветра для творчай рэалізацыі". Узгадвае шакуючыя перфомансы, якія разам з мастаком-куратарам Зміцерам Юркевічам і з паплечнікамі ладзіў у Палацы мастацтваў, шматлікія "Дахі", прысвечаныя Тадэвушу Рэйтану ў Грушаўцы. Але іх час скончыўся, а патрэба размаўляць з сусветам засталася. Так нарадзілася ідэя выставы у культурніцкай прасторы ОК16 – менавіта там у межах арт-фестывалю "Міфалагемы тысячагоддзяў" можна ўбачыць карціны Родзіма. Па словах мастака, выстава прадстаўляе сабой своеасаблівае сеціва – віртуальнае, якое пануе над намі зараз. Яго стварыла чалавецтва.

На адкрыцці выставы Міфалагемы тысячагоддзяў
© Sputnik Альфрэд Мікус
На адкрыцці выставы "Міфалагемы тысячагоддзяў"

"Гэта цудоўнае месца, у Еўропе такога, пасля зачынення Тахелесу, больш няма. Мне падабаецца, што зараз уладам усё роўна – рабіце, што заўгодна", - кажа Алесь.

Дарэчы, карціна Родзіма "Міфалагемы тысячагоддзяў" – самая буйная жывапісная праца на тэрыторыі Еўропы на сёння. Яе з’яўленне мастак тлумачыць проста – было памяшканне неабходнага памеру.

"Грашовае пытанне ніколі не стаяла"

Мастацтва Родзіма – неверагодна энергетычнае, шакуючае, неадназначнае. Але сам ён кажа, што без класічнага навучання нічога гэтага не было б.

"Я вырас з класічнага мастацтва. Гэта база, пры дапамозе якой можна тварыць у любым накірунку", - разважае мастак.

Ён скончыў Беларускую акадэмію мастацтваў, вучыўся ў выбітных беларускіх мастакоў – Натана Воранава і Васіля Ахрэмчыка.

Наведвальнікі выставы Міфалагемы тысячагоддзяў
© Sputnik Альфрэд Мікус
Наведвальнікі выставы "Міфалагемы тысячагоддзяў"

"Калі б не валодаў гэтым, не прабыў бы і дня ў Тахелесе, бо там вельмі вялікая канкурэнцыя", - падкрэслівае ён.

І тым не менш, творы яго ў еўрапейскага гледача заўсёды былі запатрабаванымі. Прынты – фотакопіі фармату А3 ці А4 -разыходзіліся як гарачыя піражкі: людзям вельмі хацелася забраць з сабой рэштку гэтай энергетыкі.

Звычайны хлопец з Баранавічаў

Алесь узгадвае, што прадаваў свае творы, але падкрэслівае, што ніколі ў гэтым не было неабходнасці.

Наведвальнікі выставы Міфалагемы тысячагоддзяў
© Sputnik Альфрэд Мікус
Наведвальнікі выставы "Міфалагемы тысячагоддзяў"

"Так атрымлівалася, што грашовае пытанне ніколі не стаяла. Я не вельмі патрабавальны, магу чымсьці ахвяраваць – недаесці, недаспаць, недапіць", - дадае ён.

На думку Родзіма, сучасную моладзь больш хвалюе пытанне заробку, але гэта праблема не толькі беларусаў. На Захадзе мастакі 70% часу зарабляюць грошы і толькі, калі застаецца вольны, займаюцца творчасцю.

"Маёй скіраванасцю па жыцці заўсёды было самавыражэнне. Мастацтва – гэта свядомая камунікацыя. Мне патрэбна штосьці зрабіць і знайсці аўдыторыю, а астатняе – будуць яны плявацца ці хваліць – не вельмі важна", - дадае Родзім.

Узгадвае, як убачыў на сваёй выставе мужчыну з татуіроўкамі на твары – у тыя часы гэта было незвычайна. Той палез абдымацца і не мог стрымаць сваіх эмоцый. Экскурсіі з усіх гарадоў свету, падзякі ад універсітэцкіх прафесароў і нават тэатральныя пастаноўкі на фоне яго карцін – усё гэта было нечакана і вельмі дзіўна для звычайнага хлопцы з Баранавічаў.

Мастак Алесь Родзім
© Sputnik Альфрэд Мікус
Галоўнае для мастака - гэта камунікацыя з аўдыторыяй

Ён маляваў з самага дзяцінства – у шасцігадовым узросце з’явіліся сапраўдныя кампазіцыі.

"Час ад часу я вяртаюся да сваіх прац, якія былі зробленыя, калі я вучыўся ва ўніверсітэце. Многія значныя ідэі з’явіліся менавіта тады. Частка з іх рэалізаваная, частка – яшчэ засталася, таму яшчэ ёсць над чым папрацаваць", - кажа Алесь Родзім.

194
Нясвіжскі замак

Збіраемся ў падарожжа: што паглядзець у Беларусі гэтай восенню

209
(абноўлена 12:17 18.09.2020)
Sputnik зрабіў падборку славутасцяў краіны – па адной з кожнай вобласці - якія асенняй парой выглядаюць неверагодна прыгожа.

Каб справіцца з восеньскай дэпрэсіяй, псіхолагі рэкамендуюць падарожнічаць. Зрабіць гэта можна нават не выязджаючы за межы Беларусі -  у нашай краіне шмат цікавага і незвычайнага. А ёсць мясціны, якія прыйдуцца да спадобы як аматарам архітэктуры, так і фанатыкам шыкоўных пейзажаў.

Палац Сапег у Ружанах

Мястэчка Ружаны ў Брэсцкай вобласці да 1552 года належала роду Тышкевічаў і ў тыя часы славілася вытворчасцю сукна і дываноў, паясоў, керамікі. У XVII стагоддзі гэтае месца было значным цэнтрам ВКЛ – тут захоўвалася дзяржаўная казна, арсенал, дакументы і архіў рода Сапегаў.

Летам 2008 года тут пачаліся рэстаўрацыйныя працы і археалагічныя раскопкі. Зараз палац выглядае проста неверагодна. Як вынік, можна не толькі наталіць сваё пачуццё прыгажосці, але і зрабіць шыкоўныя фотаздымкі.

Акрамя палаца ў Ружанах ёсць Свята-Троіцкі касцёл, царква Пятра і Паўла, манастыр базіліянаў, барочная сінагога і капліца Святога Казіміра. Шпацыр па мястэчку ў восенькіх пейзажах абяцае быць незабыўным.

Нясвіжскі замак

Абмінуць увагай нацыянальны гісторыка-культурны комплекс, які ўзгадваецца амаль ва ўсіх турыстычных брашурах пра Беларусь, нельга. Але справа не ў тым, што ў Мінскай вобласці больш нямана што паглядзець.

Нясвіжскі замак – гэта не толькі цікавая архітэктура і гісторыя, але і паркі. Іх пачалі ствараць ў часы Мікалая Хрыстофа Радзівіла Сіроткі. Сёння тут налічваецца пяць паркаў – Замкавы, Стары, Японскі, Англійскі і Марысін, агульнай плошчай 66 гектараў. Самы вялікі менавіта Марысін, а назва яго звязаная з легендай пра каханне княжны Радзівіл да беднага шляхціча.

Гэтыя мясціны ўражваюць у любы час і восень не выключэнне.

Сафійскі сабор

Полацкі Сафійскі сабор – знакамітая перліна Віцебскай вобласці. Помнік архітэктуры знаходзіцца на беразе Заходняй Дзвіны. Парк каля сабора невялікі, але будынак на гары выглядае вельмі манументальна.

Да таго ж, тут можна наведаць канцэрт арганнай музыкі, паглядзець экспазіцыю музея, убачыць фрэскі XI стагоддзя – адні з самых старажытных на тэрыторыі Беларусі.

Софийский собор в Полоцке
Sputnik
Сафійскі сабор у Полацку

Акрамя Сафійскага сабора ў Полацку хапае славутасцяў – Спаса-Еўфрасінеўская царква, Крыжаўзвіжанскі сабор, Полацкі краязнаўчы музей, домік Пятра I, шмат помнікаў і памятных знакаў. Атрымаць асалоду ад восеньскай прыроды дапаможа парк, які цягнецца праз цэнтр горада.

Гальшанскі замак

Яшчэ адна рэзідэнцыя роду Сапегаў у гэтым годзе трапіла ў так званы "прэзідэнцкі спіс" – з фонду кіраўніка дзяржавы па падтрымцы культуры і мастацтва будуць вылучаны грошы на працяг рэстаўрацыі, якая пачалася мінулай вясной. Пакуль замак канчаткова не аднавілі, варта паглядзець на знакамітыя руіны, што знаходзяцца на Гродзеншчыне.

Гэтыя мясціны – таямнічыя і часам нават жахлівыя, хаваюць у сабе шмат містычных гісторый і легенд. У розныя часы археолагі знаходзілі тут рымскі дынарый імператара Траяна, жалезныя наканечнікі стрэл гунаў, спаленыя сцены, рэшткі воінаў і іх асабістыя рэчы, напрыклад, нацельны крыж прадстаўніка вайсковай эліты. Нельга не адзначыць і легенду пра Белую Даму, прывід якой дагэтуль жыве ў Гальшанах.

Такім чынам, для аматараў прыгожай прыроды і айчыннай містыкі Гальшаны – самае лепшае месца.

Палац Румянцавых-Паскевічаў

Яшчэ адзін з самых знакамітых пунктаў турыстычных праспектаў для падарожнікаў па Беларусі. На тэрыторыі палацава-паркавага ансамбля знаходзіцца палац Румянцавых і Паскевічаў, капліца-пахавальня, якая таксама зараз аднаўляецца, зімовы сад і неверагодны парк.

Гэтыя мясціны нельга не наведаць восенню: паглядзець на вытанчаныя залы палаца, археалагчную, этнаграфічную і нумізматычную калекцыі, зборы карцін, кніг, абразоў і культавых прадметаў, а пасля гэтага адправіцца ў парк на беразе ракі Сож – уражанняў хопіць на ўсю зіму.

Дворец Румянцевых-Паскевичей - Страна мини
© Photo : Сергей Балай, БелаПАН
Гомельскі палац Румянцавых-Паскевічаў у музеі "Краіна Міні"

Акрамя гомельскай перліны ў абласным цэнтры можна наведаць Свята-Петра-Паўлаўскі кафедральны сабор, цырк, Паляўнічы домік і проста прагуляцца па вуліцах прыгожага беларускага горада.

Палац Пацёмкіна ў Крычаве

З 1776 года гэтыя мясціны належалі фаварыту Кацярыны II князю Пацёмкіну. Амаль за дзесяць год пабудавалі палац па праекце аўтара Таўрычаскага палаца ў Санкт-Пецярбургу Івана Старова, раней тут быў вялізны парк, архітэктуру якога прыдумаў знакаміты садоўнік Уільям Гульд, але зараз засталіся толькі рэшткі.

Будынак унесены ў Дзяржаўны спіс гісторыка-культурных каштоўнасцяў Беларусі, яго адрэстаўравалі і зараз гэта галоўная славутасць невялікага гарадка. Тут праходзяць амаль усе гарадскія мерапрыемствы, у тым ліку балы, музычныя салоны і музычныя вечары.

Чытайце таксама:

209
Тэги:
Палац Румянцавых-Паскевічаў, Нацыянальны гісторыка-культурны музей-запаведнік "Нясвіж", Гальшанскі замак, славутасці, Беларусь, Турызм і адпачынак
Тэмы:
Забытыя і знакамітыя: самыя цікавыя славутасці Беларусі

Як праект "Ты супер!" мяняе жыцці і хто можа стаць пераможцам?

8
(абноўлена 09:34 17.09.2020)
Дзякуючы міжнароднаму конкурсу сотні таленавітых дзяцей ужо змаглі заявіць пра сябе свету. Глядзіце на відэа, што кажуць аб праекце яго ўдзельнікі.

Стартуе чацвёрты сезон шоу "Ты супер!". Праект аб'ядноўвае дзяцей, якія засталіся без апекі бацькоў, і праводзіцца тэлекампаніяй НТБ разам з міжнародным інфармацыйным агенцтвам і радыё Sputnik, якія ўваходзяць у склад МІА "Россия сегодня".

Пераможцы мінулых сезонаў звярнуліся да ўдзельнікаў і арганізатараў конкурса. Яны пажадалі дзецям поспеху і добрых выступленняў і распавялі пра тое, як "Ты супер!" змяніў іх жыцці.

У новым сезоне ў праекце возьмуць удзел 58 канкурсантаў 7-18 гадоў з дзевяці краін свету. Яны ўжо паспелі пазнаёміцца адзін з адным, глядзіце на відэа, хто будзе ўдзельнічалі ў вакальным шоу.

8
Тэги:
НТБ (тэлеканал), Конкурс "Ты супер!"
Тэмы:
Конкурс НТБ и Sputnik "Ты супер!"
Акадэмік Расійскай акадэміі навук Вадзім Пакроўскі

"Гэта вельмі рэдкія выпадкі": акадэмік РАН пра пагрозу COVID на працягу 90 дзён

0
(абноўлена 09:18 18.09.2020)
Інфармацыю пра тое, што чалавек, які перахварэў на каронавірус, вылучае каронавірус яшчэ 90 дзён, пракаментаваў акадэмік РАН, загадчык аддзела НДІ эпідэміялогіі Расспажыўнагляду Вадзім Пакроўскі.
"Это очень редкие случаи": академик РАН об угрозе COVID в течение 90 дней

Часцей за ўсё чалавек, які перахварэў на каронавірус, перастае вылучаць вірус ужо праз 10-15 дзён пасля праявы сімптомаў, але тэрмін можа павялічвацца аж 90 дзён. Пра гэта распавяла кіраўнік Расспажыўнагляду Ганна Папова на прэзідыуме Расійскай акадэміі навук. Зрэшты, для большасці людзей сур'ёзнай пагрозы на самай справе няма, а пасля вакцынацыі чалавек бяспечны для навакольных, заявіў акадэмік РАН, загадчык аддзела НДІ эпідэміялогіі Расспажыўнагляду Вадзім Пакроўскі ў эфіры радыё Sputnik.

"У страха вочы вялікія, усе сталі думаць, што кожны вылучае вірус 90 дзён. Не, гаворка ідзе пра некалькі выпадкаў падазроных. Таму іх спецыяльна апісваюць як вельмі цікавыя", - сказаў ён.

Паводле яго слоў, у выступе Паповай не было ўпэўненасці, што гаворка ідзе менавіта аб выдзяленні віруса, а не толькі яго генаў.

"У некаторых вакцынах яшчэ выкарыстоўваецца аслаблены жывы вірус, але, па-мойму, такіх вакцын ад каронавіруса няма. Таму той, хто атрымаў вакцыну, абсалютна бяспечны", - дадаў Пакроўскі.

Нагадаем, раней у Міністэрстве аховы здароўя РФ паведамілі, што на рэгістрацыі цяпер знаходзяцца пяць вакцын ад COVID. Вытворчасць прэпарата будзе паступова нарошчвацца, масавую вакцынацыю плануецца пачаць ужо ў снежні.

Каментар акадэміка РАН, загадчыка аддзела НДІ эпідэміялогіі Расспажыўнагляду Вадзіма Пакроўскага слухайце ў аўдыёзапісы на радыё Sputnik Беларусь.

0
Тэги:
каронавірус, Распажыўнагляд
Тэмы:
Каронавірус COVID-19