Гісторыю беларускай кнігі паказалі за тры хвіліны

© Sputnik / Анастасия ВолчокВыстава "Беларусь і Біблія"
Выстава Беларусь і Біблія - Sputnik Беларусь
Падпісацца
Анімацыйны фільм "Ад Скарыны пачатак… Пяць стагоддзяў нашай кнігі" ў Саюзе беларускіх пісьменнікаў назвалі "файным падарункам для школьнікаў".

У Дзень ведаў Саюза беларускіх пісьменнікаў вырашыў парадаваць вучняў і дарослых, зацікаўленых гісторыяй беларускага кнігадруку, анімацыйным фільмам, прысвечаным яго стварэнню і станаўленню.

Фільм "Ад Скарыны пачатак… Пяць стагоддзяў нашай кнігі" доўжыцца тры хвіліны, але ахоплівае стагоддзі гісторыі.

"Псалтыр" Францішка Скарыны, Статуты ВКЛ, падпольныя выданні Кастуся Каліноўскага, нашаніўская пара, эпоха беларусізацыі і першая Нобелеўская прэмія па літаратуры – усе гэтыя падзеі знайшлі адлюстраванне ў анімацыйным фільме", - паведамілі ў Саюзе беларускіх пісьменнікаў.

На думку стваральнікаў мультфільма, беларуская кніга аб’ядноўвала нацыю і рухала яе наперад. Анімацыйны фільм быў створаны на замову Саюза беларускіх пісьменнікаў крэатыўным агенцтвам "Малако". Агучыў яго акцёр Купалаўскага тэатра Аляксандр Малчанаў пад рэжысурай Рамана Падалякі.

Стужка навiн
0