Лукашэнка вылучыў грошы на рэстаўрацыю Гальшанскага замка

Падпісацца
З прэзідэнцкага фонду па падтрымцы культуры і мастацтва дадуць грошы на рэалізацыю шасці праектаў.

МІНСК, 6 вер - Sputnik. Прэзідэнт Беларусі Аляксандр Лукашэнка напярэдадні падпісаў распараджэнне аб выдзяленні сродкаў на ажыццяўленне праектаў у сферы культуры і рэстаўрацыі помнікаў архітэктуры, паведамілі ў прэс-службе кіраўніка дзяржавы.

Лідскі замак - Sputnik Беларусь
Беларусь містычная: самыя знакамітыя замкі з прывідамі

З прэзідэнцкага фонду па падтрымцы культуры і мастацтва дадуць грошы на рэалізацыю шасці праектаў.

Так, вылучаць сродкі на аднаўленне сядзібы мастака і кампазітара Напалеона Орды, размешчанай ва ўрочышчы Чырвоны Двор у Іванаўскім раёне. З фонду таксама прафінансуюць фарміраванне экспазіцыі Музея беларускай маляванкі, створанага на базе музея-запаведніка "Заслаўе".

Частка сродкаў будзе накіравана на фрагментарную рэстаўрацыю і кансервацыю замка ў Гальшанах, кансервацыю разбуранага касцёла ў Мсціславе, рэстаўрацыю капліцы-пахавання князёў Паскевічаў, якая знаходзіцца ў Гомелі, а таксама аднаўленне фрэсак полацкай Спаса-Праабражэнскай царквы.

У прэс-службе ўдакладнілі, што гэта дапаможа захаваць помнікі архітэктуры і пашырыць іх турыстычны патэнцыял.

Чытайце таксама:

Стужка навiн
0