Лагатып конкурсу дзіцячае Еўрабачанне 2019

Беларусь сёння абярэ прадстаўніка на дзіцячым "Еўрабачанні-2019"

10
(абноўлена 10:12 20.09.2019)
Выберуць пераможцу адбору ў прамым эфіры шляхам галасавання тэлегледачоў і членаў прафесійнага журы.

МІНСК, 20 вер - Sputnik. Імя прадстаўніка Беларусі на міжнародным дзіцячым конкурсе "Еўрабачанне-2019" стане вядома вечарам у пятніцу, паведамілі Sputnik у Белтэлерадыёкампаніі.

Дзіцячае "Еўрабачанне-2019" пройдзе ў польскім Глівіцэ 24 лістапада. За перамогу ў шоу будуць змагацца прадстаўнікі 19 краін свету, у тым ліку і Беларусі.

Наша краіна традыцыйна свайго прадстаўніка на дзіцячым "Еўрабачанні" вызначыць шляхам нацыянальнага адбору. Фінальны гала-канцэрт у рамках нацадбору адбудзецца ўвечары 20 верасня.

За права прадставіць рэспубліку на шоу у прамым эфіры будуць змагацца дзесяць выканаўцаў і груп: Лізавета Міснікава, Анастасія Жабко, Марыя Жыліна, Ксенія Галецкая, гурт "Мonkey Tops", Сафія Хролович, Сафія Рустамава, гурт "Зефир", Арына Пехцерава і Марыя Ермакова.

Выберуць пераможцу нацыянальнага адбору галасаваннем тэлегледачоў і членаў прафесійнага журы.

Старт фінальнага гала-канцэрта прызначаны на 22:00, яго пакажуць у прамым эфіры тэлеканалаў "Беларусь 1" і "Беларусь 24".

Беларусь удзельнічае ў дзіцячым "Еўрабачанні" з моманту заснавання конкурсу. Двойчы прадстаўнікі рэспублікі перамагалі на шоу - дзякуючы Ксеніі Сітнік (2005) і Аляксею Жыгалковічу (2007). Таксама два разы наша краіна прымала конкурс - у 2010 і 2018 гадах.

10
Тэги:
Беларусь, конкурс песні, Дзіцячае Еўрабачанне

Культура