Тэатральны пікнік у Купалаўскім тэатры

Купалаўцы зладзілі тэатральны пікнік, на які прыйшоў увесь Мінск

73
(абноўлена 15:50 21.09.2019)
Такім незвачайным мерапрыемствам адзін з смых папулярных тэатраў краіны вырашыў даць пачатак сотаму сезону.

Прымерыць вусы маладога Купалы, паўдзельнічаць ў кастынгу на ролю ў нашумелым спекатклі "Паўлінка і паслухаць выступы вядомых беларускіх музыкаў змаглі госці першага ў Беларусі тэатральнага пікніка. Так – разам са сваімі гледачамі - Купалаўскі тэатр вырашыў адсвяткаваць адкрыццё сотага сезону.

Тэатральны пікнік у Купалаўскім тэатры
© Sputnik Алеся Шаршнёва
Усё распачалося з фота

На адзін дзень тэатр і Аляксандраўскі сквер каля яго пераўтварыліся ў інтэрактыўную пляцоўку з музыкай, тэатральнымі забавамі і іншымі цікавосткамі. Атрымалася не горш, чым на папулярных хіпстарскіх вечарынах сталіцы. А магчыма і лепш.

Тэатральны пікнік у Купалаўскім тэатры
© Sputnik Алеся Шаршнёва
Гасцей не напалохала дрэннае надвор"е

Беларускае надвор’е непрадказальнае, таму на пікнік арганізатары адразу запрашалі прыходзіь з пледамі, каб было цёпла і атмасферна. І нават паабяцалі прыемны бонус: уладальнік самага вялікага пледа атрымае запрашэнне на закрытыя паказы ўсіх прэм’ер цягам сезона.

Тэатральны пікнік у Купалаўскім тэатры
© Sputnik Алеся Шаршнёва
А вы ведаеце, як выглядалі вусы маладога Купалы?

Каб госці змаглі наталіць прагу не толькі інтэлектуальную, але і фізічную, у Аляксандраўскім скверы з’явіўся street-буфет. Адмыслова да мерапрыемства сталічныя кавярны і рэстараны падрыхтавалі тэатральныя сэты – дэсерт з журафінавым морсам "Людзі на балоце", сэндвіч з чорнай гарбатай "Чорная панна Нясвіжа" і штрудзель з безалкагольным глінтвейнам "Ноч на Каляды".

Тэатральны пікнік у Купалаўскім тэатры
© Sputnik Алеся Шаршнёва
Сталічныя кавярні і рэстараны падрыхтавалі адмысловыя тэатральныя сэты

Сапраўдная фішка Купалаўскага – экскурсіі па закуліссі. Без іх не абыйшлося і на гэты раз. Мяркуючы па чэргах і засмучаных ускліках "Ды ў вас тут увесь горад!", ідэя карыстаецца асаблівай папулярнасцю ў гараджан і нават гасцей сталіцы. Кожныя паўгадзіны новая група людзей заходзіла ў тэатр, а жадаючых каля ўваходу менш не станавілася. Усім, хто не трапіў, арганізатары абяцалі ў хуткім часе зладзіць яшчэ некалькі экскурсій.

Тэатральны пікнік у Купалаўскім тэатры
© Sputnik Алеся Шаршнёва
Праводзіць экскурсіі дапамагалі акцёры, напрыклыд, Крысціна Дробыш

Для тых, хто не змог на ўласныя вочы паглядзець на тэатральныя дэкарацыі і касцюмы, частку вынеслі прама на вуліцу – да рэквізіта можна было не толькі дакрануцца, але і прымерыць яго, уявіўшы сябе пекнай паненкай ці маладым уланам.

Тэатральны пікнік у Купалаўскім тэатры
© Sputnik Алеся Шаршнёва
Тэатральны пікнік у Купалаўскім тэатры
Тэатральны пікнік у Купалаўскім тэатры
© Sputnik Алеся Шаршнёва
Тэатральны пікнік у Купалаўскім тэатры

Музычнаму афармленню тэатральнай тусоўкі пазайздросціць любы профільны тэатр сталіцы – тут і гурт ili-ili, Святлана Бень, "Касіяпея" і найлепшыя песні са спектакляў "Паўлінка", "Тэатр Уршулі Радзівіл", "Пінская шляхта", "Местачковае кабарэ" і "Вальтмайстар-акардэон".

Тэатральны пікнік у Купалаўскім тэатры
© Sputnik Алеся Шаршнёва
Тэатральны пікнік у Купалаўскім тэатры
Тэатральны пікнік у Купалаўскім тэатры
© Sputnik Алеся Шаршнёва
Тэатральны пікнік у Купалаўскім тэатры

І нават дождж і вецер не палохалі гасцей і удзельнікаў свята -  у Аляксандраўскім скверы пахмурным днём пануе сапраўдная спёка. Мяркуючы па ўсім, сезон будзе такім жа гарачым, узрушаючым і натхняльным.

73
Тэги:
Купалаўскі тэатр, Мінск
Тэмы:
Купалаўскі тэатр: гісторыя і сучаснасць (61)
Карціна Хаіма Суціна Ева

Карціны з калекцыі Белгазпрамбанка вярнулі ў галерэю "Арт-Беларусь"

8
(абноўлена 14:25 23.06.2021)
У абноўленай экспазіцыі можна ўбачыць работы Марка Шагала, Хаіма Суціна, Восіпа Цадкіна і многіх іншых, акрамя таго, прадстаўлены шэсць навінак.

МІНСК, 23 чэр - Sputnik. Карціны з калекцыі Белгазпрамбанка з серады, 23 чэрвеня, зноў дэманструюцца ў галерэі "Арт-Беларусь", паведамілі ў прэс-службе банка.

У чэрвені мінулага года ў эфіры тэлеканала "Беларусь 1" паведамілі, што паўтары сотні карцін агульным коштам каля $20 млн "далучылі да справы Белгазпрамбанка". Па словах вядучага Івана Эйсманта, карціны, якія знаходзяцца ў карпаратыўнай калекцыі банка, "рыхтавалі да тэрміновага вывазу з краіны".

Іх канфіскавалі, з тых часоў карціны не выстаўляліся.

"23 чэрвеня галерэя "Арт-Беларусь" зноў прадставіць увазе аматараў мастацтва работы з карпаратыўнай калекцыі ААТ "Белгазпрамбанк". Творы жывапісу, графікі, скульптуры, дэкаратыўна-прыкладнога мастацтва, кніжнага друку - усяго больш за 50 арт-аб'ектаў. Новая экспазіцыя прысвечана гісторыі беларускай культуры перыяду XVI-XX стст", - паведаміла ў сераду прэс-служба банка.

Удакладняецца, што ў абноўленай экспазіцыі можна ўбачыць работы Марка Шагала, Хаіма Суціна, Восіпа Цадкіна і многіх іншых, акрамя таго, прадстаўлены шэсць навінак - работы ўдзельнікаў УНОВИС ( "Утвердители нового искусства»- творчае аб'яднанне, створанае ў 1920-1923 гадах у Віцебскім Народным мастацкім вучылішчы пад кіраўніцтвам Казіміра Малевіча): Яўгеніі Магарыл, Дзмітрыя Саннікава, Яўхіма Рояка, Льва Юдзіна.

Карпаратыўная калекцыя Белгазпрамбанка

У карпаратыўнай калекцыі Белгазпрамбанка было прадстаўлена пяць работ Марка Шагала, сярод іх - чатыры жывапісных палатна. Гэта адзіныя жывапісныя карціны знакамітага мастака, якія ёсць у краіне.

У калекцыі таксама знаходзяцца адзіныя творы Хаіма Суціна ў Беларусі. Адна з работ, "Ева" з'яўляецца самым дарагім творам выяўленчага мастацтва ў Беларусі.

Сярод карцін у карпаратыўнай калекцыі банка - "Партрэт княгіні Ірыны Абаленскай" Савелія Сорына. Віктар Бабарыка, на той момант старшыня праўлення банка, асабіста сустракаўся з княгіняй. Ёй тады было больш за 90 гадоў, Бабарыка спадзяваўся запрасіць яе з Лондана, дзе яна пражывала, у Мінск, каб наведвальнікі выставы змаглі на свае вочы ўбачыць тую, каго адлюстраваў на сваім палатне Сорын.

Чытайце таксама:

8
Тэги:
Восіп Цадкін, Хаім Суцін, Марк Шагал, Галерэя "Арт-Беларусь", Белгазпрамбанк, карціны
Прэзідэнт Беларусі Аляксандр Лукашэнка

Лукашэнка: нацысцкі бліцкрыг сарваўся ля сцен Брэсцкай цытадэлі

18
(абноўлена 09:24 23.06.2021)
У Брэсцкай крэпасці 22 чэрвеня беларускія ўлады правялі цырымонію, прымеркаваную да Дня ўсенароднай памяці ахвяр вайны.

БРЭСТ, 23 чэр – Sputnik. Немцы 80 гадоў таму хацелі прайсці па нашай зямлі ўрачыстым маршам, заявіў напярэдадні прэзідэнт Беларусі Аляксандр Лукашэнка ў Брэсцкай крэпасці, перадае карэспандэнт Sputnik.

Паводле яго словаў, 22 чэрвеня 1941 года для ўсіх беларусаў дзень памяці і смутку, які падзяліў жыццё на да і пасля.

"На нашу зямлю рушыла ўзброеная бязлітасная армада, якая несла гібель і рабства. Фашысты не шкадавалі ні старых, ні немаўлят. Гэта потым, пасля 9 траўня 45-га, немцы назавуць той чэрвеньскі дзень ракавым для сваёй нацыі", - сказаў Лукашэнка.

Паводле яго слоў, гітлераўскія забойцы хацелі прайсці пераможным маршам, як яны гэта зрабілі ў краінах Еўропы. Фашысты, падкрэсліў Лукашэнка, нават запланавалі пераможны парад на Краснай плошчы ў Маскве.

"Але тут, ля сцен брэсцкай цытадэлі, літаральна ў першыя гадзіны вайны нацысцкі бліцкрыг сарваўся", - сказаў беларускі прэзідэнт.

"Сарваўся, калі ў апошнія хвіліны свайго кароткага жыцця воін надрапаў на сцяне: "Я паміраю, але не здаюся! Бывай, Радзіма!" - падкрэсліў Лукашэнка.

Ён адзначыў, што, на жаль, сёння невядомы імёны многіх абаронцаў крэпасці, і мы не ведаем, дзе яны загінулі і пахаваны. А не так даўно, у красавіку, памёр апошні вядомы абаронца цытадэлі Пётр Кацельнікаў. Лукашэнка асабліва падкрэсліў, што ў памяці народа імя Кацельнікава будзе жыць заўсёды, як і імёны яго баявых таварышаў лейтэнанта Кіжаватава, капітана Зубачова, маёра Гаўрылава і тысяч іншых савецкіх герояў.

"Гэта яны не дазволілі фашыстам узяць цвярдыню над Бугам за восем гадзін. Праз тры тыдні баі пачыналіся ўжо на далёкіх подступах да Смаленска, а Брэсцкая крэпасць працягвала ваяваць", - сказаў на заканчэнне прэзідэнт.

Памяць герояў вайны ўдзельнікі цырымоніі ў Брэсцкай крэпасці ўшанавалі хвілінай маўчання.

Чытайце таксама:

18
Тэги:
улада, Цытадэль, Брэсцкая крэпасць, бліцкрыг, Аляксандр Лукашэнка
Адпачынак на рацэ Прыпяць

За ўсю гісторыю метэаназіранняў: тэмпературны рэкорд чэрвеня пабіты ў Беларусі

0
(абноўлена 17:10 23.06.2021)
Тэмпературныя рэкорды сіноптыкі звычайна фіксуюць у ліпені і жніўні, але ў 2021-м годзе першы летні месяц здзівіў усіх.

МІНСК, 23 чэр - Sputnik. У аўторак у Беларусі быў зафіксаваны тэмпературны рэкорд 35,9 градусы, паведаміў начальнік службы метэаралагічных прагнозаў Белгідрамета Аляксандр Бяганскі.

Тэмпературныя рэкорды месяца былі ўсталяваны ў аўторак на шэрагу станцый па ўсходзе Беларусі: на большай частцы Гомельскай, Магілёўскай і па ўсходзе Віцебскай і Мінскай абласцей.

"Учора максімум быў зафіксаваны 35,9 градусы на метэастанцыі "Кастрычнік" (Гомельская вобласць). Гэта была самая высокая тэмпература па краіне за ўсю гісторыю назіранняў у чэрвені - парадку 120-130 гадоў", - сказаў Sputnik Бяганскі.

Ён удакладніў, што гаворка ідзе пра самы гарачы чэрвень, абсалютныя гадавыя рэкорды не перавышаны, так як яны значна вышэй. "Мы пакуль на іх не прэтэндуем. Максімумы характэрны звычайна для ліпеня і жніўня, усе рэкорды звычайна прыпадаюць на гэтыя перыяды", - дадаў начальнік службы.

З 23 па 25 чэрвеня з-за спякоты беларускія сіноптыкі ўсталявалі чырвоны ўзровень небяспекі. У большасці рэгіёнаў слупок тэрмометра падбіраецца да адзнакі +34 градусы.

Белгідрамет прагназуе, што спёка ў Беларусі захаваецца да канца тыдня, але дададуцца дажджы з навальніцамі. У апошнія выхадныя чэрвеня тэмпература пачне зніжацца.

Чытайце таксама:

0
Тэги:
Лета, сіноптыкі, Беларусь, тэмпературны рэкорд, Гідраметэацэнтр Рэспублікі Беларусь