Пісьменнік Святлана Алексіевіч

Кніга Святланы Алексіевіч увайшла ў спіс 100 лепшых твораў XXI стагоддзя

29
(абноўлена 09:22 23.09.2019)
"Час сэканд-хэнд" заняла трэцяе месца ў рэйтынгу 100 лепшых кніг, якія былі апублікаваныя ў XXI стагоддзі.

МІНСК, 23 вер - Sputnik. Кніга Святланы Алексіевіч увайшла ў спіс 100 лепшых твораў XXI стагоддзя, які склала брытанскае выданне The Guardian.

"Час сэканд-хэнд" беларускай пісьменніцы, лаўрэата Нобелеўскай прэміі заняла трэцяе месца ў спісе. Гэта пятая, завяршальная кніга з цыклу "Галасы утопіі".

Другое месца выданне аддало раману "Галаад" амерыканкі Мэрылін Робінсан, за які яна атрымала Пулітцэраўскую прэмію. Гэта раман у лістах, якія 76-гадовы пастар перад смерцю піша свайму юнаму сыну. Не толькі споведзь пажылога чалавека, але і ўспаміны аб Амерыцы першай паловы XX стагоддзя.

Першае месца брытанцы прысудзілі сваёй суайчынніцы Хілары Мантэл - за раман "Ваўчыная зала". Ён прынёс ёй Букераўскую прэмію. Дзеянне адбываецца ў дваццатых гадах XVI стагоддзя пры двары Генрыха VIII. Гэта гісторыя ўзыходжання Томаса Кромвеля на вяршыню палітычнага Алімпу таго часу і стварэння новай Англіі.

29
Тэги:
Кнігі, Беларусь, Святлана Алексіевіч

Культура