Тэатральны куфар-2019: што пакажуць студэнцкія тэатры ў БДУ
(абноўлена 17:39 31.10.2019)
У гэтым годзе ў Беларусь на форум прыедуць не толькі суседзі, але і артысты з Непала, Інданэзіі і Францыі. Тэатральныя калектывы з дзевяці краін пакажуць 12 яркіх спектакляў на міжнародным фестывалі студэнцкіх і моладзевых тэатраў "Тэатральны куфар БДУ". У гэтым годзе свята пройдзе ў шаснаццаты раз пад дэвізам "Парушаем раўнавагу!", а акцэнт арганізатары вырашылі зрабіць на пластычных спектаклях у рамках спецыяльнай праграмы "Куфар_Пластылін".
За увесь час існавання ўдзел у тэатральным форуме прымалі 150 тэатраў з 65 краін. На гэты раз сучасны моладзевы тэатр прадставяць артысты з Інданэзіі, Непала, Грузіі, Беларусі, Польшчы, Украіны, Расіі, Францыі і Эстоніі.
Распачнецца тэатральная афіша 19 лістапада ў Ліцэе БДУ, дзе тэатр танца Беларускага дзяржаўнага ўніверсітэта інфарматыкі і радыёэлектронікі пакажа спектакль "Прабелы". Цікавую пластычную пастаноўку "Factum fatum" на гэтай жа пляцоўцы 22 лістапада таксама прадставіць тэатр "Карамн" з расійскага горада Кемерава.
Тэатральны форум не будзе абсалютна пластычным, не застанецца без увагі і драма. Студэнцкі тэатр Таратускага ўніверсітэта 20 лістапада пакажа эксцэнтрычную камедыю "Ураджай" ў пастаноўцы Калева Куду па п’есе беларускага драматурга Паўла Пражко.
Традыцыйна ў "Тэатральным куфары" будуць удзельнічаць і прафесійныя моладзевыя тэатры. Эксперымент па змешванні аматарскіх і прафесійных калектываў працягваецца ўжо трэці год і, па меркаванні ўдзельнікаў і гасцей, дае станоўчыя вынікі.
Спецыяльны госць фестываля – спектакль аднаго з лепшых тэатраў Грузіі Тбіліскага дзяржаўнага тэатра кінаакцёра імя Туманішвілі "Лысая спявачка" па п’есе Эжэна Іанэскі, які можна будзе ўбачыць 24 лістапада ў Палацы культуры прафсаюзаў. Пастаноўка неаднойчы ўдзельнічала ў міжнародных фестывалях, у тым ліку, і знакамітым Эдынбургскім фестывалі мастацтваў.
Яркім відовішчам абяцае стаць традыцыйны праект фестываля "Куфар-in-Motion". У гэтым годзе пастаноўку на працягу тыдня будзе ствараць выбітны педагог-харэограф з Віцебска Уладзіслаў Цвікі. Вынік ён прэзентуе 24 лістапада ў арт-прасторы HIDE.
Хто атрымае галоўны прыз фестываля традыцыйна будуць вырашаць гледачы: яны будуць ацэньваць кожную пастаноўку па 5-бальнай сістэме. А прафесійным меркаваннем падзеліцца дэкан факультэта мастацтваў і гуманітарных навук Універсітэта Дэ Мантфорт (Вялікабрытанія) прафесар Роб Бранен.
Тэги:
Карнавал у Рыа адмянілі з-за пандэміі каронавіруса
(абноўлена 19:25 23.01.2021)
Раней бразільскія ўлады пераносілі карнавал на нявызначаны тэрмін і разлічвалі, што здолеюць правесці мерапрыемства пасля таго, як з'явіцца вакцына ад COVID-19.МІНСК, 25 сту – Sputnik. Штогадовы карнавал у Рыа-дэ-Жанейра, які павінен быў адбыцца ў лютым 2021, адмянілі, паведаміў мэр горада Эдуарду Паіс.
У верасні мінулага года стала вядома, што мерапрыемства адкладаецца. З-за пандэміі школы самбы не паспелі б падрыхтавацца да правядзення карнавалу-2021 у лютым ні фізічна, ні матэрыяльна.
Увосень арганізатары мерапрыемства выказвалі надзею на тое, што са з'яўленнем вакцыны ад каронавіруса, знакамітае шоу ўсё ж атрымаецца правесці летам.
"Я ніколі не хаваў сваёй страсці да карнавалу і выразнага бачання эканамічнай важнасці гэтай культурнай падзеі для нашага горада. Аднак цяпер няма сэнсу меркаваць, што мы зможам правесці карнавал у ліпені", - напісаў у сваім Twitter Паіс.
Падрыхтоўка, якую патрабуе шоў, на дадзены момант немагчыма, растлумачыў мэр і дадаў, што ў наступным годзе, пасля праходжання вакцынацыі, Рыа-дэ-Жанейро зможа "адсвяткаваць жыццё і нашу культуру з усёй інтэнсіўнасцю, якую заслугоўваем".
Карнавал у Рыа-дэ-Жанейра традыцыйна праводзіцца з пятніцы па аўторак перад Вялікім постам.
Бразілія стала адной з самых пацярпелых ад каронавіруса краін у свеце. Па апошніх дадзеных, захварэлі на COVID-19 больш за 8,6 мільёна жыхароў краіны, памерлі 214 тысяч чалавек. Краіна знаходзіцца на другім месцы ў свеце па колькасці смяротных зыходаў у хворых на каронавірус і на трэцім па колькасці заражэнняў.
Чытайце таксама:
- У Вялікабрытаніі яшчэ адна мутацыя каронавіруса - зараз з Бразіліі
-
Вакцыны супраць новых штамаў каронавіруса будуць распрацоўваць ў Брытаніі
-
Імунолаг: новы "брытанскі" штам каронавіруса выцесніць папярэдні
Тэги:
Як выглядае абноўлены музей "Пяты форт" у Брэсце
(абноўлена 16:59 23.01.2021)
Работы па рэстаўрацыі і музеефікацыі праводзіліся з чэрвеня па снежань 2020 на сродкі Саюзнай дзяржавы Расіі і Беларусі.БРЭСТ, 25 сту – Sputnik, Святлана Яцанюк. У Брэсце урачыста адкрыўся абноўлены музей Пяты форт - філіял мемарыяльнага комплексу "Брэсцкая крэпасць-герой".
©
Sputnik Светлана Яценюк
Пяты форт - філіял мемарыяльнага комплексу "Брэсцкая крэпасць-герой"
Падчас рэстаўрацыйных работ былі ачышчаны ад моху і бруду фасады казармы і гаржавы капанір. Сцены вычышчанага форта абаранілі спецыяльным кансервавальным складам, каб не разбуралася цэгла. Пра тое, што гэта Пяты форт, цяпер кажа і рымская лічба V на ўваходзе ў левай частцы гаржавой казармы.
©
Sputnik Светлана Яценюк
Музей распавядае і пра ўдзел крэпасці ў Першай сусветнай вайне
Акрамя рэстаўрацыі ў рамках праекта была створана новая экспазіцыя. Яна размясцілася ў гаржавой казарме і займае шэсць казематаў. Музей расказвае пра гісторыю фартыфікацыі на беларускіх землях, пра мадэрнізацыю Брэст-Літоўскай крэпасці, аб будаўніцтве фартоў і аб удзеле крэпасці ў Першай сусветнай вайне. Таксама ёсць залы з элементамі рэканструкцыі: яны наглядна паказваюць, як выглядалі памяшканні форта - жылыя казематы, канцылярыя, цэйхгаўз, умывальня.
©
Sputnik Светлана Яценюк
У рамках праекта была створана новая экспазіцыя
На адкрыццё Пятага форта прыбылі міністр культуры Беларусі Анатоль Маркевіч, прадстаўнікі гарадской улады, кіраўніцтва Мемарыяльнага комплексу "Брэсцкая крэпасць" і іншыя ганаровыя госці. Як распавёў загадчык музея Пяты форт Аляксандр Каркатадзе, за 20 гадоў існавання гэтага аб'екта ў якасці музея яго ў агульнай складанасці наведала крыху больш за 100 тысяч чалавек.
©
Sputnik Светлана Яценюк
Загадчык філіяла "Музей 5-ы форт" Аляксандр Каркатадзе на фоне сцяны з рымскай лічбай V
У мэра горада Аляксандра Рагачука ёсць надзея і мэта ў разы павялічыць наведванне гэтага аб'екта.
"Патэнцыял Пятага форта - не тыя 100 тысяч, якія за 20 гадоў тут пабывалі. Я вам гарантую 100 тысяч у год", - выказвае ён сваё меркаванне.
©
Sputnik Светлана Яценюк
Мэр горада разлічвае на 100 тысяч наведвальнікаў у год
Мэр горада паабяцаў узяць на сябе абавязацельствы па добраўпарадкаванні прылеглай тэрыторыі. Ужо ідзе будаўніцтва дарогі да музея. І будзе наведзены парадак ля ўваходу. Таксама Аляксандр Сцяпанавіч адзначыў, што да музея ў будучыні пусцяць грамадскі транспарт, так як цяпер сюды даволі праблематычна дабрацца без машыны.
Тэги:
Рэжым НС адмянілі ў Вашынгтоне, павышаныя меры бяспекі захоўваюцца
(абноўлена 17:51 25.01.2021)
Частка кардонаў і блокпастоў знята, але тэрыторыя вакол Белага дома па-ранейшаму абгароджана двухмятровым плотам.МІНСК, 25 сту – Sputnik. Рэжым надзвычайнай сітуацыі, які быў уведзены ў Вашынгтоне перад інаўгурацыяй прэзідэнта Джо Байдэна, адменены.
Раней на падыходах да ўрадавых устаноў была выбудавана сістэма блокпастоў з-за пагрозы паўтарэння масавых беспарадкаў у акрузе сталіцы. На цэнтральных вуліцах працавалі пункты надгляду ФБР, устаноўлены бетонныя загароды, некаторыя вуліцы былі перакрыты.
Цяпер жа дарогі ў цэнтры горада адкрылі для праезду, запрацаваў увесь грамадскі транспарт. Зноў усталявалі палаткі з фаст-фудам, а недалёка ад Белага дома пачаўся гандаль атрыбутыкай з вобразамі Джозэфа Байдэна і Камалы Харыс.
Частка байцоў Нацгвардыі ўжо пакінула горад. Як паведамілі сакрэтныя службы, якіх-небудзь сур'ёзных інцыдэнтаў у дні пасля інаўгурацыі не было.
Аднак тэрыторыя вакол самога Белага дома па-ранейшаму абгароджана высокім плотам. Ачэплены і будынак міністэрства фінансаў і Лафает-сквер.
Інаўгурацыя 46-га прэзідэнта ЗША
Цырымонія інаўгурацыі Джозэфа Байдэна прайшла ў Вашынгтоне 20 студзеня. Па традыцыі яе правялі на прыступках Капітолія.
У сталіцы ЗША ў гэты дзень былі прыняты беспрэцэдэнтныя меры бяспекі. Амаль увесь цэнтр горада быў перакрыты для руху транспарту. Улады асцерагаліся правакацый і аднаўлення мітынгаў прыхільнікамі Трампа.
Да забеспячэння бяспекі ў 30 амерыканскіх штатах былі прыцягнуты падраздзяленні Нацыянальнай гвардыі ЗША, толькі ў Вашынгтон і прыгарады перавялі больш за 25 тысяч байцоў.
Нагадаем, што 6 студзеня ў дзень афіцыйнага зацвярджэння вынікаў прэзідэнцкіх выбараў пасля закліку з боку Дональда Трампа яго прыхільнікі прарваліся ў будынак Капітолія. Падчас беспарадкаў у Вашынгтоне загінулі пяць чалавек, многія атрымалі траўмы. Пасля гэтага ў горадзе быў уведзены рэжым надзвычайнай сітуацыі.
Чытайце таксама:
- Працэс імпічменту Трампу прапануюць пачаць у сярэдзіне лютага
- Дадатковыя абмежаванні ўведзены ў ЗША перад інаўгурацыяй Байдэна
- Антыамерыканская анархія: выбары ў ЗША не абышліся без разгону пратэстаў
Тэги: