На адкрыцці фестываля ў Мінску

Усе на чырвоную дарожку: як у Мінску адкрылі кінафестываль "Лістапад"

54
(абноўлена 09:06 03.11.2019)
Кінафестываль "Лістапад" адкрыўся ў пятніцу ў Мінску, у цырымоніі ў бягучым годзе ледзь ці не ўпершыню быў такі відавочны беларускі акцэнт.

Калі раней на чырвонай дарожцы мінскага фестываля з'яўлялася Арнэла Муці, то ў гэтым годзе гасцей сустракалі інсталяцыяй ад "Беларусьфільма", постарам фільма "Купала" і музычнай зонай, дзе выступалі беларускія гурты, якія выконвалі ролі ў першым нацыянальным маладзёжным серыяле "Ілюзіі".

Гости открытия фестиваля
© Sputnik / Марина Серебрякова
Госці адкрыцця фестываля

На гасцей фестывалю, іх строі і спосабы, якімі арганізатары паспрабавалі задаць настрой, паглядзелі карэспандэнты Sputnik.

Запрошаныя зоркі і аўтамабіль

Каб кожны, хто шпацыраваў у гэты вечар па Нямізе, быў у курсе таго, што праходзіць у кінатэатры "Масква", каля ўваходу размясцілі амаль сапраўдны здымачны павільён. Камера перасоўвалася па рэйках, рэжысёр даваў указанні, хлапушка адлічвала дублі - такім спосабам мінчан зазывалі далучыцца да кінематографа.

У входа в кинотеатр разместили почти настоящий съемочный павильон
© Sputnik / Марина Серебрякова
Ля ўваходу ў кінатэатр размясцілі амаль сапраўдны здымачны павільён

Акцёраў набіралі прама з масоўкі і дазвалялі пасядзець за рулём аднаго з найстарэйшых аўтамабіляў "Беларусьфільма" - машыны, якую здымалі амаль ва ўсіх фільмах ваеннай тэматыкі.

"Мінакі пайшлі! Трымаем сярэдні план. Камера ёсць? Нам патрэбен буйны план. Ну што, было?" - мітусіўся рэжысёр, набіраў акцёраў з "масоўкі" і ўсяляк стараўся зрабіць так, каб любы выпадковы мінак атрымаў сваю хвіліну славы.

"Кіно здымаецца тут, як гэта было апошнія 95 гадоў гісторыі кінастудыі "Беларусьфільм", і як гэта будзе яшчэ шмат гадоў", - нёсся над імправізаванай пляцоўкай і Нямігай добра пастаўлены голас суфлера.

На площадке работала целая съемочная группа
© Sputnik / Марина Серебрякова
На пляцоўцы "працавала" цэлая здымачная група

"Беларусьфільма" на фестывалі нездарма так шмат - у кінастудыі ў гэтым годзе юбілей. Кіно, вядома, здымаюць і за яго межамі, і паглядзець на поспехі маладых рэжысёраў можна будзе ў рамках "Нацыянальнага конкурсу".

Па дарозе да радасці

Слоган фестываля ў гэтым годзе - "Да радасці", гэта алюзія на аднайменны фільм Інгмара Бергмана.

На ўваходзе слоган развіваюць. "Гледачы - вандроўцы, кінатэатр - вакзал, квіткі на кінасеанс - пуцёўка ў іншае вымярэнне, а фільмы - дарогі", - расказваюць гасцям фестываля.

Гостей открытия встречали необычные персонажи
© Sputnik / Марина Серебрякова
Гасцей адкрыцця сустракалі незвычайныя персанажы

Пакуль за сценамі кінатэатра "Масква" - актыўнасці для тых, хто не запомніўся ўнёскам у кінематограф, усярэдзіне - знакамітасці беларускага кіно і набліжаныя да іх - кіраўнік "Беларусьфільма" Уладзімір Карачэўскі, акцёры, кінакрытыкі.

На другім паверсе - кафэ "Ілюзіі". Такое ж было ў аднайменным серыяле "Беларусьфільма". У серыяле выканалі свае кампазіцыі больш 30 беларускіх гуртоў, некаторыя з іх спявалі і тут.

"Я ў гэтым фільме галоўны акцёр, я сцэнарыст і я рэжысёр", - перапяваць ўдзельнікі адной з груп. Для беларускага кіно гэта часам больш, чым метафара, так яно і здымаецца, нічога не зробіш.

Музыкальное сопровождение обеспечивали группы из сериала Иллюзии
© Sputnik / Марина Серебрякова
Музычнае суправаджэнне забяспечвалі гурты з серыяла "Ілюзіі"

Побач другі стэнд - і таксама ад "Беларусьфільма". Тут можна сфатаграфавацца з інтэр'ерам фільма "Авантуры Пранцiша Вырвiча". Потым сутыкнуцца з плакатам фільма пра Купалу. Адным словам, "Беларусьфільм" на адкрыцці фестывалю літаральна быў на кожным кроку.

Многие следили за прибывающими гостями с лестницы кинотеатра
© Sputnik / Марина Серебрякова
Многія сачылі за гасцямі з лесвіцы кінатэатра

Здаецца, беларускае кіно пачынае ажываць, можа, таму і патрэба ў гучных імёнах на чырвонай дарожцы ўжо не так высокая.

Перед началом кинофестиваля традиционно разбили о штатив камеры тарелку
© Sputnik / Марина Серебрякова
Перад пачаткам кінафестываля традыцыйна разбілі аб штатыў камеры талерку

Перад пачаткам кінафестывалю традыцыйна разбілі аб штатыў камеры талерку, і цяпер наперадзе ў аматараў кіно цэлы фестывальны тыдзень. Калі вы не ведалі, як правесці вялікія лістападаўскія выхадныя, вывучыце афішу "Лiстапада".

54
Тэги:
"Лістапад", Мінск, "Беларусьфільм"
Карціна Хаіма Суціна Ева

Карціны з калекцыі Белгазпрамбанка вярнулі ў галерэю "Арт-Беларусь"

7
(абноўлена 14:25 23.06.2021)
У абноўленай экспазіцыі можна ўбачыць работы Марка Шагала, Хаіма Суціна, Восіпа Цадкіна і многіх іншых, акрамя таго, прадстаўлены шэсць навінак.

МІНСК, 23 чэр - Sputnik. Карціны з калекцыі Белгазпрамбанка з серады, 23 чэрвеня, зноў дэманструюцца ў галерэі "Арт-Беларусь", паведамілі ў прэс-службе банка.

У чэрвені мінулага года ў эфіры тэлеканала "Беларусь 1" паведамілі, што паўтары сотні карцін агульным коштам каля $20 млн "далучылі да справы Белгазпрамбанка". Па словах вядучага Івана Эйсманта, карціны, якія знаходзяцца ў карпаратыўнай калекцыі банка, "рыхтавалі да тэрміновага вывазу з краіны".

Іх канфіскавалі, з тых часоў карціны не выстаўляліся.

"23 чэрвеня галерэя "Арт-Беларусь" зноў прадставіць увазе аматараў мастацтва работы з карпаратыўнай калекцыі ААТ "Белгазпрамбанк". Творы жывапісу, графікі, скульптуры, дэкаратыўна-прыкладнога мастацтва, кніжнага друку - усяго больш за 50 арт-аб'ектаў. Новая экспазіцыя прысвечана гісторыі беларускай культуры перыяду XVI-XX стст", - паведаміла ў сераду прэс-служба банка.

Удакладняецца, што ў абноўленай экспазіцыі можна ўбачыць работы Марка Шагала, Хаіма Суціна, Восіпа Цадкіна і многіх іншых, акрамя таго, прадстаўлены шэсць навінак - работы ўдзельнікаў УНОВИС ( "Утвердители нового искусства»- творчае аб'яднанне, створанае ў 1920-1923 гадах у Віцебскім Народным мастацкім вучылішчы пад кіраўніцтвам Казіміра Малевіча): Яўгеніі Магарыл, Дзмітрыя Саннікава, Яўхіма Рояка, Льва Юдзіна.

Карпаратыўная калекцыя Белгазпрамбанка

У карпаратыўнай калекцыі Белгазпрамбанка было прадстаўлена пяць работ Марка Шагала, сярод іх - чатыры жывапісных палатна. Гэта адзіныя жывапісныя карціны знакамітага мастака, якія ёсць у краіне.

У калекцыі таксама знаходзяцца адзіныя творы Хаіма Суціна ў Беларусі. Адна з работ, "Ева" з'яўляецца самым дарагім творам выяўленчага мастацтва ў Беларусі.

Сярод карцін у карпаратыўнай калекцыі банка - "Партрэт княгіні Ірыны Абаленскай" Савелія Сорына. Віктар Бабарыка, на той момант старшыня праўлення банка, асабіста сустракаўся з княгіняй. Ёй тады было больш за 90 гадоў, Бабарыка спадзяваўся запрасіць яе з Лондана, дзе яна пражывала, у Мінск, каб наведвальнікі выставы змаглі на свае вочы ўбачыць тую, каго адлюстраваў на сваім палатне Сорын.

Чытайце таксама:

7
Тэги:
Восіп Цадкін, Хаім Суцін, Марк Шагал, Галерэя "Арт-Беларусь", Белгазпрамбанк, карціны
Прэзідэнт Беларусі Аляксандр Лукашэнка

Лукашэнка: нацысцкі бліцкрыг сарваўся ля сцен Брэсцкай цытадэлі

16
(абноўлена 09:24 23.06.2021)
У Брэсцкай крэпасці 22 чэрвеня беларускія ўлады правялі цырымонію, прымеркаваную да Дня ўсенароднай памяці ахвяр вайны.

БРЭСТ, 23 чэр – Sputnik. Немцы 80 гадоў таму хацелі прайсці па нашай зямлі ўрачыстым маршам, заявіў напярэдадні прэзідэнт Беларусі Аляксандр Лукашэнка ў Брэсцкай крэпасці, перадае карэспандэнт Sputnik.

Паводле яго словаў, 22 чэрвеня 1941 года для ўсіх беларусаў дзень памяці і смутку, які падзяліў жыццё на да і пасля.

"На нашу зямлю рушыла ўзброеная бязлітасная армада, якая несла гібель і рабства. Фашысты не шкадавалі ні старых, ні немаўлят. Гэта потым, пасля 9 траўня 45-га, немцы назавуць той чэрвеньскі дзень ракавым для сваёй нацыі", - сказаў Лукашэнка.

Паводле яго слоў, гітлераўскія забойцы хацелі прайсці пераможным маршам, як яны гэта зрабілі ў краінах Еўропы. Фашысты, падкрэсліў Лукашэнка, нават запланавалі пераможны парад на Краснай плошчы ў Маскве.

"Але тут, ля сцен брэсцкай цытадэлі, літаральна ў першыя гадзіны вайны нацысцкі бліцкрыг сарваўся", - сказаў беларускі прэзідэнт.

"Сарваўся, калі ў апошнія хвіліны свайго кароткага жыцця воін надрапаў на сцяне: "Я паміраю, але не здаюся! Бывай, Радзіма!" - падкрэсліў Лукашэнка.

Ён адзначыў, што, на жаль, сёння невядомы імёны многіх абаронцаў крэпасці, і мы не ведаем, дзе яны загінулі і пахаваны. А не так даўно, у красавіку, памёр апошні вядомы абаронца цытадэлі Пётр Кацельнікаў. Лукашэнка асабліва падкрэсліў, што ў памяці народа імя Кацельнікава будзе жыць заўсёды, як і імёны яго баявых таварышаў лейтэнанта Кіжаватава, капітана Зубачова, маёра Гаўрылава і тысяч іншых савецкіх герояў.

"Гэта яны не дазволілі фашыстам узяць цвярдыню над Бугам за восем гадзін. Праз тры тыдні баі пачыналіся ўжо на далёкіх подступах да Смаленска, а Брэсцкая крэпасць працягвала ваяваць", - сказаў на заканчэнне прэзідэнт.

Памяць герояў вайны ўдзельнікі цырымоніі ў Брэсцкай крэпасці ўшанавалі хвілінай маўчання.

Чытайце таксама:

16
Тэги:
улада, Цытадэль, Брэсцкая крэпасць, бліцкрыг, Аляксандр Лукашэнка
(1:25 / 10.42Mb / просмотров видео: 3318)

Як выглядае алімпійская вёска ў Токіа за месяц да пачатку гульняў відэа

0
(абноўлена 15:58 22.06.2021)
Арганізатары Токіа-2020 паказалі прадстаўнікам прэсы алімпійскую вёску за месяц да пачатку гульняў. Глядзіце на відэа экскурсію па яшчэ пустым жылым раёне спартсменаў.

За месяц да цырымоніі адкрыцця Алімпійскіх гульняў у Токіа арганізатары паказалі журналістам алімпійскую вёску. Яе плошча - пяць тысяч квадратных метраў, а размясціцца ў ёй могуць да 18 тысяч спартсменаў і супрацоўнікаў.

У алімпійскім мястэчку пабудавалі 23 шматкватэрныя дамы. У склад вёскі таксама ўваходзяць банк, сталовая, кафэ, пошта і універсальны магазін. На тэрыторыі таксама ёсць клініка і спецыялізаваны амбулаторны цэнтр па лячэнні ліхаманкі.

Будаўніцтва жылога квартала і іншай інфраструктуры ў агульнай складанасці абыйшлося звыш 430 млн еўра. Пасля Алімпіяды гарадок стане жылым мікрараёнам, а кватэры прададуць у прыватную ўласнасць.

Алімпійская вёска афіцыйна адкрыецца 13 ліпеня. Чакаецца, што ўдзельнікі Гульняў прыбудуць на аб'екты за пяць дзён да спаборніцтваў і з’едуць на працягу двух дзён пасля іх завяршэння, у той час як спартсмены-паралімпійцы могуць прыбыць за сем дзён да спаборніцтваў.

Спартсменам у перыяд Алімпіяды прыйдзецца штодня здаваць тэсты і перасоўвацца толькі на спецыяльным транспарце. Акрамя таго, алімпійцам прыйдзецца ўвесь час насіць ахоўныя маскі, якія дазволена здымаць толькі падчас ежы, трэніровак, спаборніцтваў і сну.

Алімпійскія гульні 2020 года, адкладзеныя ў мінулым годзе, павінны пачацца 23 ліпеня, нягледзячы на ​​серыю пратэстаў насельніцтва Японіі супраць правядзення гульняў падчас пандэміі каронавіруса.

Глядзіце таксама:

0
Тэги:
экскурсія, Алімпійская вёска, відэа, Токіа