Беларуская актрыса Насця Пляц

Да возера радасці: чаму ўсе захацелі ўбачыць кароткаметражку па Марціновічу

106
(абноўлена 11:29 14.11.2019)
Нам усім вельмі патрэбна сваё "Возера радасці". Але хто б мог падумаць, што нам была патрэбна яшчэ і яго экранізацыя - калумніст Sputnik Алена Васільева пра ўражанні пасля прэм'еры.

Я не памятаю другую кароткаметражку, якую б чакалі як "Возера радасці" Аляксея Палуяна паводле рамана Віктара Марціновіча. Ну добра, можа, "Прыбыццё цягніка" ў пазамінулым стагоддзі.

Я, само сабой, перабольшваю, але "Масква" ўчора была перапоўненая, як быццам там паўторна вырашылі правесці цырымонію адкрыцця "Лістапад" - не перабольшваю.

Фільм ехалі глядзець нават з іншых гарадоў. Рэжысёру Палуяну з Гомеля прывезлі цукеркі. Юнай акторцы Насці навезлі кветак. На імправізаванай чырвонай дарожцы гралі песні з фільма любанскія музыканты.

Калі б кароткаметражка пра дзяўчынку Ясю ўразіла гледача таксама, як тая кароткаметражка пра цягнік, я напісала б рэпартаж з прэм'еры. Але яна не ўразіла, а кранула - і пра такое можна нічога або калонку.

Дзяўчынка Яся і дзяўчынка Наста

Незадоўга да старта праката "Возера радасці" Віктар Марціновіч у сваім "Фэйсбуку" напісаў нешта накшталт - па ўсіх пытаннях аб прэм'еры/квітках/etc. звяртайцеся да рэжысёра Аляксея Палуяна.

"Усё, што можна, я для дзяўчынкі Ясі ўжо зрабіў".

Яся - галоўная гераіня "Возера радасці". У фільме Палуяна яе ролю выконвае юная Наста Пляц - сем дзён назад у яе быў дзень нараджэння, і ўчора ёй неслі кветкі прама на сцэну кінатэатра "Масква".

Да здымак фільма Наста з Беларусі не выязджала - вырасла ў SОS-Дзіцячая вёска. Гісторыя Ясі, ад якой адмовіўся яе бацька, зразумелая Насці, магчыма, лепш, чым поўнай зале кінатэатра.

Вельмі хацелася б абыйсціся ў гэтым тэксце без слоў пра "ролі мастацтва ў жыцці чалавека", але паспрабуй тут абыйсціся. Жыццё Насты Пляц змянілася. Яна ўжо атрымала прыз як лепшая актрыса на прэстыжным міжнародным фестывалі. Цяпер і гледачы ў Мінску прасілі Насту з імі сфатаграфавацца. Наста ўсміхалася і пагаджалася.

Марціновіч у самай справе зрабіў для дзяўчынкі Ясі ўсё, што мог.

Адзін з маіх любімых пісьменнікаў, брытанец Эдвард Сэнт Обін, выдаў пяць раманаў, па матывах якіх пазней знялі серыял з Бэнэдыктам Камбербэтчем. Сэнт Обін тады выдыхнуў і сказаў - ён рады, што цяпер гісторыя пра Патрыка Мелроуза больш не яго гісторыя. Зараз гэта гісторыя Камбербэтча.

А "Возера радасці" зараз гісторыя Насты Пляц.

Фільм Палуяна - вольная інтэрпрэтацыя рамана. Настолькі вольная, што адна з глядачак пасля паказу прызнавалася рэжысёру, што фільм больш падобны на дакументальную карціну, чым на мастацкую.

Чытаць паміж радкоў у фільме амаль няма чаго. Там наогул не вельмі шмат і радкоў, і слоў: усё, што хацеў сказаць рэжысёр - на тварах акцёраў. А яшчэ ў тытрах - гэты фільм Палуян прысвяціў свайму бацьку, які ўчора быў у зале.

У "Возеры радасці" згулялі і прафесійныя акцёры, і жыхары вёскі, у якой ішлі здымкі. Калі працавалі над сцэнай вяселля і папрасілі мясцовых жыхароў паўдзельнічаць у масоўцы, прыйшоў чалавек восемдзесят - прыгожыя і з падарункамі. Аказалася, гуляючы па вёсцы, заклік рэжысёра паўдзельнічаць у здымках вяселля трохі трансфармаваўся - людзі вырашылі, што гэта сам Палуян гуляе вяселле. І проста прыйшлі яго павіншаваць.У масоўцы яны ў выніку таксама зняліся.

Да радасці

Афіша "Возера радасці" з'явілася неўзабаве пасля таго, як з кінатэатра "Масква" знялі іншую афішу - "Да радасці". "Да радасці" - адсылка да фільма Інгмара Бергмана, у гэтым годзе гэтыя словы сталі слоганам "Лiстапада". А цяпер там, дзе паказвалі сусветнае кіно, ідзе беларускі кароткі метр.

На прэм'еру прыйшла ці ледзь не ўся мінская багема - журналісты, кінакрытыкі, акцёры, а таксама сябры журналістаў, сябры кінакрытыкаў і акцёраў. Я не ведаю, у чым прычына - у абаяльнасці Насты, у шчырасці фільма ў цэлым, у прозвішчы Марціновіча ў тытрах?

"Я вырашыла, трэба прыйсці. Гэта ўсё ж такі падзея. Не ведаю, з'ява ці што. Але падзея", - дзеліцца са мной знаёмая ў чаканні, калі адчыняцца дзверы ў залу.

Сам Марціновіч на паказ прыехаць не змог, але запісаў відэазварот. У ім ён распавёў, як чакаў гэтай прэм'еры. А потым успомніў, як будысцкі манах сказаў яму - вы, Віктар, увесь час чагосьці чакаеце.

Само "Возера радасці" - таксама шмат у чым пра чаканне.

Так, дарэчы, адзінае, чаго не хапае фільму - гэта нават не Марціновіча ў дзень прэм'еры, а самога "Возера радасці". Яно ў фільме так і не з'яўляецца, таму мне падаецца важным нагадаць усім, хто хацеў убачыць яго ў фільме:

"Возера Радасці тут, дзесьці зусім побач. Трэба проста не здавацца і веславаць".

106
Тэги:
Мінск, Беларусь, Кіно

Брэсцкі канструктывізм: экскурсія для знатакоў стылю

14
(абноўлена 09:43 10.07.2020)
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Валанцёры распавядаюць аб брэсцкім канструктывізме з дапамогай налепак у кавярнях горада
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак у стылі канструктывізму ў Брэсце
  • Будынак гісторыка-культурнага значэння
  • На адну з экскурсій па мадэрнісцкім Брэсце запрасілі Міхала Пшчулкоўскага
Неабыякавыя берасцейцы стварылі праект папулярызацыі гарадской забудовы ў стылі канструктывізму. Для знатакоў міжваеннай архітэктуры яны падрыхтавалі анлайн карту, а гараджане могуць паўдзельнічаць у выратаванні помнікаў.

"Брэсцкі канструктывізм" - так у горадзе над Бугам называюць архітэктуру, пабудаваную тут у 1920-30-х гадах. Спецыялісты адносяць яе да агульнаеўрапейскага стылю мадэрнізму, які ў свой час адмовіўся ад старых традыцый.

Гэты стыль ўключае ў сябе функцыяналізм, канструктывізм, манументалізм і іншыя стылістычныя напрамкі. У Брэсце яго можна пазнаць па некалькіх характэрных рысах. Гэта выкарыстанне простых кубічных формаў, пераменная вышыня будынкаў, стужачныя вокны і плоскія дахі.

У канструктывісцкім духу берасцейцы будавалі не толькі жылыя дамы. Храмы, адміністрацыйныя будынкі, турма, установы аховы здароўя і адукацыі - новы стыль удала ўпісаўся ў гарадскую тканіну. Да прыкладу, амаль увесь паўднёва-заходні бок галоўнай гарадской плошчы - запар помнікі эпохі 1920-30-х.

Одна из волонтеров проекта Марина Завражная
© Sputnik Артем Кирьянов
Адна з валанцёраў праекта Марына Заўражная распавядае, што да нядаўніх часоў валанцёры знаёмілі берасцейцаў з канструктывізмам на "Мадэрнісцкіх шпацырах". Пакуль экскурсіі вырашылі адкласці з-за эпідэміялагічнага становішча.

Сёння ў Брэсце налічваецца больш за два дзясяткі будынкаў у гэтым стылі. Знайсці іх і пазнаёміцца з гісторыяй славутасцяў можна на анлайн карце праекта. Таксама валанцёры распрацавалі алгарытмы выратавання помнікаў архітэктуры ў выпадку пагрозы іх захаванасці.

14
  • Будынак у стылі канструктывізму ў Брэсце
    © Sputnik Артем Кирьянов

    Мабыць, самы незвычайны прыклад брэсцкага канструктывізму - кірха на сучаснай вуліцы Карла Маркса. Яе пабудавалі ў 1938 годзе для евангелісцка-аўгсбургскай абшчыны горада з 198 вернікаў. У савецкі час тут працаваў кінатэатр "Змена", а цяпер будынак займае рэкламнае агенцтва.

  • Будынак у стылі канструктывізму ў Брэсце
    © Sputnik Артем Кирьянов

    Адзін з найбуйнейшых помнікаў канструктывізму - будынак былой швейнай фабрыкі "Надзея". Будаваўся ён як дом Яніны Урбановіч. Берасцейцы кажуць, па форме дом чымсьці нагадвае знакаміты хмарачос- "прас" у Нью-Ёрку. Пасля рамонту тут з'явіліся офісы ў стылі лофт.

  • Будынак у стылі канструктывізму ў Брэсце
    © Sputnik Артем Кирьянов

    На паўднёва-заходнім баку плошчы Леніна ў стылі канструктывізму пабудаваны не толькі будынак цяперашняга аблвыканкама. Упраўленне КДБ, адміністрацыя Ленінскага раёна, бальніца хуткай дапамогі - цэлая вуліца стала вялікім помнікам стылю.

  • Будынак у стылі канструктывізму ў Брэсце
    © Sputnik из личного архива Юрия Рубашевского

    У стылі канструктывізму планавалі перабудаваць і галоўны каталіцкі храм Брэста. Але з-за вайны планам было не наканавана спраўдзіцца. Так што Крыжаўзвіжанскі касцёл застаўся ў ранейшых формах позняга класіцызму.

  • Будынак у стылі канструктывізму ў Брэсце
    © Sputnik Артем Кирьянов

    Традыцыі "брэсцкага канструктывізму" жывыя і сёння: архітэктары выкарыстоўваюць традыцыйныя мясцовыя формы пры ўзвядзенні новых будынкаў у цэнтры горада.

  • Будынак у стылі канструктывізму ў Брэсце
    © Sputnik Артем Кирьянов

    Усе помнікі архітэктуры брэсцкага канструктывізму і іх гісторыя сабраныя на адной анлайн карце.

  • Будынак у стылі канструктывізму ў Брэсце
    © Sputnik Марта Мартынюк

    На жаль, гэты "цацачны" асабняк 1937 года ў рэдкім стылі стрымлайн мадэрна выратаваць не ўдалося. Будынак павольна руйнаваўся з-за будаўніцтва па суседстве тэатра лялек. Помнік архітэктуры састарэў, яго пазбавілі статусу гісторыка-культурнай каштоўнасці і знеслі год таму.

  • Будынак у стылі канструктывізму ў Брэсце
    © Sputnik Артем Кирьянов

    У гэтым доме з характэрным для канструктывізму стужачным шкленнем сёння працуе знакаміты брэсцкі майстар Мікалай Кузьміч.

  • Будынак у стылі канструктывізму ў Брэсце
    © Sputnik Артем Кирьянов

    "За польскім часам" берасцейцы атрымалі нават спартыўны манеж у стылі канструктывізму. У ынаш час ён застаецца дзеючым, а час ад часу тут адбываліся гарадскія выставы-кірмашы.

  • Валанцёры распавядаюць аб брэсцкім канструктывізме з дапамогай налепак у кавярнях горада
    © Sputnik Артем Кирьянов

    Валанцёры распавядаюць аб брэсцкім канструктывізме з дапамогай налепак у кавярнях горада.

  • Будынак у стылі канструктывізму ў Брэсце
    © Sputnik Артем Кирьянов

    Эпоха брэсцкага канструктывізму памятае і прысуд Веры Харужай. У гэтым будынку ў 1927 году падпольшчыцу асудзілі на шэсць гадоў катаргі.

  • Будынак у стылі канструктывізму ў Брэсце
    © Sputnik Артем Кирьянов

    Турысты могуць пазнаёміцца з архітэктурай мадэрна і па выдадзенай праектам брашуры. Усе помнікі міжваеннай эпохі сабраны ў адным выданні - па ім лёгка арыентавацца падчас прагулкі па горадзе.

  • Будынак у стылі канструктывізму ў Брэсце
    © Sputnik Артем Кирьянов

    Дом у стылі канструктывізму пабудаваў для сябе і галоўны прадстаўнік брэсцкай школы мадэрна Юзэф Бараньскі. Архітэктар меў асабістую гербавую пячатку і валодаў правам праектаваць будынкі любой складанасці. Яму належаць шматлікія знакавыя для горада збудаванні: філармонія, корпус чыгуначнага каледжа і касцёл на Граеўцы ў форме паравоза.

  • Будынак гісторыка-культурнага значэння
    © Sputnik Артем Кирьянов

    Амаль усе помнікі гэтай эпохі ў Брэсце ўключаныя ў спіс гісторыка-культурнай спадчыны. На выпадак пагрозы захаванасці будынкаў валанцёры падрыхтавалі тры алгарытмы дзеянняў, якія дапамогуць выратаваць помнікі архітэктуры.

  • На адну з экскурсій па мадэрнісцкім Брэсце запрасілі Міхала Пшчулкоўскага
    © Sputnik Артем Кирьянов

    На адну з экскурсій па мадэрнісцкім Брэсце запрасілі Міхала Пшчулкоўскага - буйнога польскага спецыяліста па архітэктуры канструктывізму. Натхніўшыся тэмай, адна з валанцёраў праекта напісала ўласную навуковую працу аб брэсцкім мадэрне.

Тэги:
спадчына, архітэктура, Брэст
Дзяржаўны акадэмічны ансамбль танца Беларусі на адкрыцці XXVII Міжнароднага фестывалю мастацтваў Славянскі базар у Віцебску

Гледачы не змогуць дарыць кветкі артыстам на "Славянскім базары"

20
(абноўлена 14:12 10.07.2020)
Доступ да сцэны ў гэтым годзе будзе зачынены, каб пазбегнуць распаўсюджвання каронавіруса - такую рэкамендацыю дало Міністэрства аховы здароўя.

МІНСК, 10 ліп - Sputnik. Гледачы не змогуць дарыць артыстам кветкі падчас канцэртаў на фестывалі "Славянскі базар", паведамілі Sputnik ў дырэкцыі фестывалю.

"У нас ёсць рэкамендацыі ад Міністэрства аховы здароўя па абмежаванні доступу да сцэны. Мы са свайго боку будзем іх выконваць і просім гледачоў зразумець неабходнасць гэтых мер у гэтым годзе", - паведамілі суразмоўцы агенцтва.
Арганізатары фестывалю прынялі рашэнне запусціць акцыю "Букет дабра". Яе сутнасць складаецца ў тым, што гледачы змогуць пералічыць грошы, на якія хацелі набыць букеты для артыстаў, на дабрачынны рахунак для дапамогі дзецям.

"Каб мінімізаваць напружанасць з абодвух бакоў, з боку гледачоў і артыстаў, зараз прапрацоўваем пытанне аб адкрыцці дабрачыннага рахунку. З той мэтай, каб гледачы, якія з любоўю ставяцца да любімых артыстам, не дарылі кветкі і тым самым не стваралі сітуацыю, калі яны будуць спрабаваць прайсці на сцэну, а туды доступ забаронены, такім чынам аддзячылі сваіх артыстаў і прынеслі рэальную карысць тым, каму яна цяпер патрэбна", - распавялі агенцтву ў дырэкцыі фестывалю.

Цягнікі на фестываль

Як і раней, Беларуская чыгунка пусціць дадатковыя цягнікі з Мінска ў Віцебск падчас фестывалю "Славянскі базар". Першы састаў адправіцца 16 ліпеня са станцыі Мінск-Пасажырскі ў 12:28 і прыбудзе на месца ў 16:08.

"Пасля завяршэння канцэртнай праграмы госці" Славянскага базару "на гэтым жа цягніку змогуць вярнуцца ў Мінск. З Віцебска ён будзе адпраўляцца ноччу ў 01:12 і прыбываць у сталіцу Беларусі раніцай у 05:42", - паведамілі ў прэс-службе БЧ.

Дадатковыя цягнікі будзе курсіраваць штодня з Мінска з 16 па 19 ліпеня, з Віцебска з 17 па 20 ліпеня. Як паведамілі ў БЧ, расклад іх рух складзена з улікам праграмы правядзення фестывалю. Тэматыка мерапрыемства будзе адлюстравана і ў афармленні цягніка.

Фестываль "Славянскі базар" правядуць у Віцебску 16 па 19 ліпеня ў новым фармаце. З-за пандэміі каронавіруса мерапрыемствы пройдуць на свежым паветры ў Летнім амфітэатры і на вулічных пляцоўках.

20
Тэги:
Славянскі базар у Віцебску, Міністэрства аховы здароўя Рэспублікі Беларусь, Віцебск
Супрацоўнік навукова-даследчай лабараторыі рыхтуе прэпарат, архіўнае фота

Выпрабаванні першай расійскай вакцыны ад каронавіруса завершаны

6
(абноўлена 11:40 12.07.2020)
Клінічныя выпрабаванні прэпарата праходзілі ў Сечанаўскім універсітэце і паказалі яго бяспеку.

МІНСК, 12 ліп - Sputnik. Даследаванні першай у свеце вакцыны ад COVID-19, якія праводзіліся на добраахвотніках у расійскім Сечанаўскім універсітэце, завершаны. Пра гэта РІА "Новости" паведаміў дырэктар Інстытута трансляцыйныя медыцыны і біятэхналогій Сечанаўскага ўніверсітэта Вадзім Тарасаў.

Нагадаем, клінічныя выпрабаванні гэтага прэпарата на добраахвотніках пачаліся 18 чэрвеня. У нядзелю раніцай стала вядома, што яны паспяхова завершаны.

Добраахвотнікаў падзялілі на дзве групы: першай далі адну дозу вакцыны, другі - дзве. Як распавёў дырэктар Інстытута медыцынскай паразіталогіі, трапічных і трансмісіўных захворванняў Сечанаўскага ўніверсітэта Аляксандр Лукашоў, у першыя дні пасля вакцынацыі ў іх выявілі павышэнне тэмпературы цела, іншых негатыўных рэакцый не было зафіксавана.

"На гэтым этапе была паказана бяспека вакцыны.... Бяспека вакцыны пацверджана. Яна адпавядае бяспецы тых вакцын, якія цяпер прысутнічаюць на рынку", - распавёў Лукашоў.

Выпісаць добраахвотнікаў плануецца ўжо ў хуткім часе: 15 і 20 ліпеня, медыкі распачнуць назіранне за іх станам.
Далейшы план распрацоўкі вакцыны будзе вызначаны ў адпаведнасці са стратэгіяй распрацоўніка, як патлумачыў Лукашоў, на яго сярод іншага ўплывае эпідсітуацыя.

Адзначым, што гэта не адзіная вакцына, якая праходзіць выпрабаванні ў РФ: цэнтр "Вектар" пачне выпрабаванні вакцыны ад COVID на людзях у ліпені.

Чытайце таксама:

6
Тэги:
каронавірус, Вакцынацыя, Расія
Тэмы:
Каронавірус COVID-19