Памёр рэжысёр Барыс Луцэнка
(абноўлена 11:44 05.02.2020)
Народнаму артысту Рэспублікі Беларусь, стваральніку кінастужкі "Раскіданае гняздо" было 82 гады. МІНСК, 5 лют - Sputnik. Памёр беларускі рэжысёр Барыс Луцэнка, гэтую інфармацыю пацвердзілі Sputnik у Рускім драматычным тэатры. У апошнія гады ён працаваў менавіта тут у якасці рэжысёра-пастаноўшчыка.
Барыс Луцэнка паставіў больш за 100 спектакляў у тэатрах па ўсім свеце, у тым ліку, у Літве, Латвіі, Германіі і Швейцарыі. Праявіў свой талент знакаміты рэжысёр і на "Беларусьфільме", дзе зняў фільм "Раскіданае гняздо", тэлеспектаклі "Зацюканы апостал", "Вяртанне у Хатынь" і многія іншыя.
Сярод мноства ўзнагарод і ганаровых званняў, якімі ён ганараваны, спецыяльная прэмія Прэзідэнта Рэспублікі Беларусь "За духоўнае адраджэнне", гран-пры Міжнародных фестываляў, медаль Саюзнай дзяржавы "За супрацоўніцтва". Луцэнка быў акадэмікам Міжнароднай акадэміі тэатра, членам праўлення Беларускага саюза тэатральных дзеячаў, выкладаў у Беларускай дзяржаўнай акадэміі мастацтваў.
Народныму артысту Беларусі было 82 гады, апошнім часам ён шмат хварэў і мала з'яўляўся на публіцы. Цырымонія развітання з выбітным рэжысёрам адбудзецца ў пятніцу ў яго родным Горкаўскім тэатры.
Тэги:
Канадскі пенсіянер ператварыў хаду па снезе ў мастацтва - відэа
(абноўлена 19:46 26.02.2021)
Хаду на снегаступах мужчына ператварае ў сапраўднае мастацтва і здымае фантастычныя ўзоры, якія застаюцца на снезе пасля прагулкі. Паглядзіце, якая прыгажосць - і таксама канчайце сумаваць!Каб не сумаваць ў пандэмію, канадскі пенсіянер адпраўляецца на прагулкі па заснежаных прасторах.
На шпацыр ён абувае снегаступы - мабыць, самае старажытнае прыстасаванне для перамяшчэння па заснежаным покрыве. Дзякуючы шырокай "падэшве", ціск на снег зніжаецца, што дазваляе шпацыраваць, не правальваючыся. А можна ствараць на снезе сапраўдныя творы мастацтва!
Перш, чым "намаляваць" узор на снезе, канадзец рыхтуе праект з дапамогай кампьютэрнай праграмы. У выніку атрымліваюцца па-сапраўднаму маштабныя праекты. Самы вялікі ўзор у дыяметры - 400 метраў!
Працы хутка растаюць, таму мужчына здымае іх з вышыні, каб і вы маглі палюбавацца гэтай прыгажосцю. Глядзіце відэа Sputnik і таксама адпраўляйцеся на шпацыр, снегу ў Беларусі зараз амаль не менш, чым у Канадзе.
Глядзіце таксама:
- Відэафакт: карціны на заснежаным хакейным стадыёне
- Як хакейную каробку ўсім светам будавалі - відэа
- Іспанцы радуюцца снегу, многія бачаць яго ўпершыню ў жыцці - відэа
Тэги:
Знята на смартфон. Хто перамог у конкурсе мабільнай фатаграфіі
(абноўлена 11:44 24.02.2021)
Конкурс мабільнай фатаграфіі Mobile Photography Awards - адзін з найстарэйшых у свеце, ён прайшоў ужо ў дзесяты раз. Адзіная ўмова для ўдзельнікаў конкурсу - фатаграфіі абавязкова павінны быць зроблены з дапамогай смартфонаў або планшэтаў.
Пераможцаў Mobile Photography Awards вызначаюць у 18 намінацыях: фотоэссе, архітэктура і дызайн, прырода, партрэты, нацюрморт, прыгоды і іншыя. Ёсць і грашовыя прэміі: уладальнік галоўнага прыза атрымлівае 3000 долараў ЗША, пераможца ў намінацыі - 500.
Арганізатары фотаконкурсу любяць цытаваць майстра фатаграфіі ХХ стагоддзя Анры Карцье-Брэссона, які сказаў: "Твае першыя 10 000 здымкаў - горшыя". З упэўненасцю можна сказаць, што аматарамі мабільнай фатаграфіі такая лічба пройдзена лёгка. Але вось ці здолелі яны скарыстацца гэтай магчымасцю і выпрацаваць свой стыль, які варты захаплення?
Глядзіце таксама:
- Відэафакт: Капчагайскае вадасховішча ў Казахстане пакрылася пластом лёду
- Галавакружная выдатнасць прыцягвае турыстаў у Кітаі - відэа
- Сіні струмень і эльф: камеры МКС знялі рэдкія прыродныя з'явы - відэа
© Photo : Dan Liu / Mobile Photography AwardsЗдымак "ON INLE LAKE" кітайскага фатографа Dan Liu, які стаў пераможцам конкурсу 10th Mobile Photography Awards.
© Photo : Rohan Sajeev / Mobile Photography AwardsЗдымак "Look Back" індыйскага фатографа Rohan Sajeev, які стаў пераможцам у катэгорыі People у конкурсе 10th Mobile Photography Awards.
Здымак "Lake Baikal" іспанскага фатографа Juan Zas Espinosa, які стаў пераможцам у катэгорыі Landscapes у конкурсе 10th Mobile Photography Awards.
Здымак "Cantonese Opera II" кітайскага фатографа Queenie Cheen, які стаў пераможцам у катэгорыі Eyes of the World у конкурсе 10th Mobile Photography Awards.
Здымак "Horse Play" італьянскага фатографа Alessandra Manzotti, які стаў пераможцам у катэгорыі Black & White у конкурсе 10th Mobile Photography Awards.
© Photo : Jian Cui / Mobile Photography AwardsЗдымак "Deer Hidden in the Forest" кітайскага фатографа Jian Cui, які стаў пераможцам у катэгорыі Nature & Wildlife у конкурсе 10th Mobile Photography Awards.
Здымак "Small Town Protest" амерыканскага фатографа Stephanie Calabrese, які стаў пераможцам у катэгорыі Photo Journalism у конкурсе 10th Mobile Photography Awards.
© Photo : Chen Ma / Mobile Photography AwardsЗдымак "Untitled" кітайскага фатографа Chen Ma, які стаў пераможцам у катэгорыі Transportation у конкурсе 10th Mobile Photography Awards.
Здымак "The New Norm" амерыканскага фатографа Leigh Darilek, які стаў пераможцам у катэгорыі Self-Portrait у конкурсе 10th Mobile Photography Awards.
У катэгорыі The Darkness | Noir перамагла праца "Late Night" грэчаскага фатографа George Koutsouvelis.
Здымак "Wash Water Lilies" в'етнамскага фатографа Tuan Nguyen Tan, высока ацэнены ў катэгорыі Travel & Adventure у конкурсе 10th Mobile Photography Awards.
© Photo : Juliet Cope / Mobile Photography AwardsЗдымак з серыі "Hot Dust & The Myth of Being a Man" брытанскага фатографа Juliet Cope стаў пераможцам у катэгорыі The Photo Essay.
© Photo : Jinyi He / Mobile Photography Awards"Reverence" кітайскага фатографа Jinyi He - перамога ў катэгорыі Travel & Adventure.
© Photo : Mona Jumaan / Mobile Photography Awards"The Beauty of Arches" бахрэйнскага фатографа Mona Jumaan. Перамога ў намінацыі Architecture & Design.
© Photo : John Nieto / Mobile Photography AwardsПраца "Movie Night" амерыканскага фатографа John Nieto - прызёр у катэгорыі Digital Fine Art.
© Photo : Jeff Larason / Mobile Photography AwardsНамінацыя Street Photography. Пераможца - праца "Stuart Street - Boston" амерыканскага фатографа Jeff Larason.
Здымак "Morgan In Pink" амерыканскага фатографа Michelle Simmons, які стаў пераможцам у катэгорыі Portraits у конкурсе 10th Mobile Photography Awards.
© Photo : Roger Clay / Mobile Photography AwardsЗдымак "San Clemente" амерыканскага фатографа Roger Clay, які стаў пераможцам у катэгорыі Water | Snow | Ice.
Здымак "Duo" італьянскага фатографа Fabio Sartori, які стаў пераможцам у намінацыі Macro & Details.
© Photo : Jen Mckenzie / Mobile Photography AwardsЗдымак "Mrs Klimt Had Her Own Sense of Style" аўстралійскага фатографа Jen Mckenzie перамог у катэгорыі Visual FX.
© Photo : Lianyu Lu / Mobile Photography AwardsФатаграфію "Imprisoned Elephant" Lianyu Lu высока ацанілі ў катэгорыі Nature & Wildlife.
Тэги:
Рэдкая з'ява: Балтыйскае мора замерзла ўпершыню за шмат гадоў
(абноўлена 19:53 26.02.2021)
Прыбярэжны лёд у раёне Калінінграда назіралі толькі ў мінулым стагоддзі, кажуць метэаролагі, - тады зімы былі халадней.МІНСК, 28 лют – Sputnik. Балтыйскае мора замерзла ўпершыню за шмат гадоў, сведкамі такога відовішча сталі жыхары расійскага Калінінграда, а таксама польскага горада Мендзыздрое.
Цяпер мора ў некаторых месцах пакрыта тоўстым пластом лёду. Лядовыя палі дасягаюць сотняў метраў у шырыню. На Куршскай касе яно распасціраецца далёка за гарызонт.
Гэта рэдкая з'ява для дадзенага рэгіёна, які характарызуецца мяккім кліматам. Як паведамляюць метэаролагі, прыбярэжны лёд у раёне Калінінграда назіралі больш за 20 гадоў таму, калі зімы былі халадней.
Для калінінградскага рэгіёна і польскай тэрыторыі гэта хутчэй экзотыка. Звычайна так званы лядовы прыпай утвараецца ў паўночных раёнах Балтыйскага мора - ля ўзбярэжжа Швецыі і Фінляндыі.
Анамальныя халады ў Еўропе
"Сібірскія маразы" ударылі па Грэцыі. Тэмпература паветра там апусцілася да –20℃. Выпала анамальна вялікая колькасць снегу. Улады звярнуліся да грамадзян з заклікам па магчымасці заставацца дома. З-за снегападу некаторыя буйныя трасы былі зачыненыя.
©
REUTERS / VITALY NEVAR
Людзі стаяць на беразе часткова замерзлага Балтыйскага мора ў Піянерскім (Калінінградская вобласць)
Вялікі снег выпаў і ў Турцыі, у тым ліку ў раёне праліва Басфор. У Стамбуле Сабор Святой Сафіі і Блакітная мячэць таксама апынуліся ў снезе.
Снегапады прайшлі і ў Крыме, на паўвостраве зараз халадней, чым звычайна на 10 градусаў.
Чытайце таксама:
- У Афрыцы выпаў снег
- Моцныя снегапады ў еўрапейскіх краінах: у рэгіёнах паралізаваны рух транспарту
- Відэафакт: ледзяны "вулкан" з'явіўся ў казахскім стэпе
Тэги: