Гутарка (Тры Пляткаркі), Бенджамін Компан

Творы шасці беларускіх мастакоў вярнуліся на радзіму

65
(абноўлена 14:56 14.02.2020)
Цяпер ў галерэі "Арт-Беларусь" можна ўбачыць 14 мастацкіх работ, сярод якіх унікальная двухбаковая карціна Абрама Маневіча - яна будзе экспанавацца ў Беларусі ўпершыню.

МІНСК, 14 лют - Sputnik. Творы шасці мастакоў-ураджэнцаў Беларусі вярнуліся на радзіму і цяпер будуць захоўвацца ў галерэі "Арт-Беларусь". Сёння новую частку калекцыі упершыню прадставілі гледачам.

Як паведаміў куратар галерэі Аляксандр Зіменка, усяго было набыта 14 работ, кошт пакупкі не ўдакладняецца. Вядома толькі, што чатыры карціны патрапілі ў калекцыю Белгазпрамбанка з аукцыённага дому MacDougall's Fine Art Auctions у Лондане. Усе астатнія дагэтуль знаходзіліся ў прыватных калекцыях, таму даведацца аб іх кошце немагчыма з-за ўмоу дамовы.

У спісе тых, хто вярнуўся – Гіацынт Альхімовіч, Анатоль Каплан, Бенджамін Компан, Мікалай Цыкоўскі, Пётр Сергіевіч, Януарый Сухадольскі. Усе працы былі створаны ў XIX-XX стагоддзях.

У цэнтры экспазіцыі – работа Казіміра Альхімовіча "Багіня кахання Мілда". Карціна ўсхваляе літоўскую багіню міфалогіі, што дапамагала адзінокім людзям, якія хацелі знайсці адно аднаго.

Багіня кахання Мілда, Казімір Альхімовіч
© Sputnik Алеся Шаршнёва
Багіня кахання Мілда, Казімір Альхімовіч

Яшчэ адна сенсацыя сёлетняга папаўнення – двухбаковая работа Абрама Маневіча "Восень"/ "Пагоркі", якая ўпершыню будзе экспанавацца ў Беларусі.

Восень і пагоркі (двухбаковая праца), Абрам Маневіч
© Sputnik Алеся Шаршнёва
Восень і пагоркі (двухбаковая праца), Абрам Маневіч
Восень і пагоркі (двухбаковая праца), Абрам Маневіч
© Sputnik Алеся Шаршнёва
Восень і пагоркі (двухбаковая праца), Абрам Маневіч

Пасля прэзентацыі некаторыя работы адправяцца на рэстаўрацыю, а потым будуць уключаны ў пастаянную экспазіцыю галерэі.

65
Тэги:
Мінск, Мастацтва, Галерэя "Арт-Беларусь"

Козыраў: "Песняры" выканаюць жывы канцэрт у інтэрнэце

15
(абноўлена 17:09 03.04.2020)
Анлайн-канцэрт у рамках праекта # БЕЗАНТРАКТА праанансаваў кіраўнік БДА "Песняры" Раман Козыраў.

Няпростая пара прыйшла для артыстаў і творчых калектываў: адмяняюцца канцэрты, даводзіцца праядаць "падушкі бяспекі". А калі запасу фінансаў няма, трэба ўжо зараз пачынаць ствараць хіты, каб закласці падмурак на будучыню. Але ёсць яшчэ адна новая іпастась, якую ўжо асвоілі творчыя калектывы - канцэрты анлайн.

"Песняры" таксама ідуць у нагу з часам. Канцэрт у новым фармаце ў бліжэйшы час у рамках праекта #БЕЗАНТРАКТА ўбачаць гледачы Sputnik разам з аўдыторыяй партала Fontanka.ru. Што гэта будзе за канцэрт, якія песні прагучаць і як жывецца ансамблю сёння, у студыі радыё Sputnik распавёў дырэктар і мастацкі кіраўнік Беларускага дзяржаўнага ансамбля "Песняры" Раман Козыраў.

"Паспрабуем выканаць цікавую, насычаную праграму. Каб гэты момант, калі "Песняры" самі прыйдуць у кожны дом, запомніўся нашым любімым гледачам і ў Расіі, і ў Беларусі. Мы перавярнулі старонкі 50-гадовага юбілею калектыву. І гэтым канцэртам адкрываем нашу новую вяху, дзе будуць і новыя песні, і новы стылістычны фармат, і, вядома, класічныя, незабыўныя хіты "Песняроў", - сказаў суразмоўца Sputnik.

Праграму "Гарызонт падзей" з удзелам дырэктара і мастацкага кіраўніка БДА "Песняры" Рамана Козырава глядзіце на Sputnik Беларусь.

15
Тэги:
Музыка, "Песняры"
Тэлевізар, архіўнае фота

Арганізатары "Еўрабачання" прыдумалі замену конкурсу

37
(абноўлена 11:25 01.04.2020)
Спецыяльны канцэрт Europe Shine A Light будзе транслявацца ў эфіры тэлеканалаў, а таксама на YouTube.

МІНСК, 1 кра - Sputnik. Замест адмененага конкурсу песні "Еўрабачанне-2020" арганізатары шоу зладзяць спецыяльны канцэрт, паведамілі ў Еўрапейскім вяшчальным саюзе (ЕВС).

"Еўрабачанне-2020" было адменена з-за сітуацыі з распаўсюджваннем каронавіруса. Такім чынам, у наступны раз конкурс пройдзе толькі ў 2021 годзе - у Нідэрландах, якія павінны былі прыняць шоу у гэтым маі. Аднак ЕВС знайшоў альтэрнатыву правядзенню "Еўрабачання".

"Замест гэтага мы маем намер аб'яднаць Еўропу 16 мая з дапамогай унікальнай тэлевізійнай праграмы ў прайм-тайм. Мы заклікаем усіх вяшчальнікаў, якія павінны былі прыняць удзел у конкурсе "Еўрабачанне" ў гэтым годзе, і членаў Еўрапейскага вяшчальнага саюза ў іншых краінах трансляваць гэта шоу у духу адзінства і аб'яднання", - заявіў супервайзар конкурсу Ён Ола Санд.

Шоу будзе называцца Europe Shine A Light, пройдзе яно у пазаконкурсным фармаце. Мяркуецца, што ў рамках канцэрту свае песні выканаюць прадстаўнікі ўсіх 41 краін, якія павінны былі паехаць на конкурс. Прыняць удзел могуць і зоркі "Еўрабачання" мінулых гадоў.

ЕВС заклікаў усе краіны-ўдзельніцы "Еўрабачання" трансляваць гэты канцэрт. Плануецца і прамы эфір на YouTube.

Больш падрабязна пра фармат і іншыя падрабязнасці канцэрту, які павінен стаць заменай "Еўрабачання-2020", арганізатары абяцалі распавесці пазней.

37
Тэги:
конкурс песні, Еўрабачанне
Тэмы:
Конкурс песні Еўрабачанне - 2020

COVID-19 перахварэюць многія: медыкі звярнуліся да беларусаў відэа

0
(абноўлена 14:50 04.04.2020)
Больш за два дзясяткі ўрачоў з розных медустаноў Беларусі звярнуліся па падтрымку і дапамогу да жыхароў роднай краіны.

Медыкі розных спецыялізацый запісалі відэазварот беларусам: у ім спецыялісты распавялі, як паводзіць сябе ва ўмовах пандэміі COVID-19, каб засцерагчыся ад захворвання самім і зберагчы блізкіх.

"Мы, урачы, звяртаемся да вас і просім вас аб падтрымцы. Пандэмія каронавіруснай інфекцыі ахапіла практычна ўсе краіны свету, на жаль, гэтага лёсу не пазбегла і наша родная Беларусь", - гаворыцца ў звароце.

Аўтары мяркуюць, гледзячы на вопыт іншых краін, што "перахварэе і заразіцца большая частка насельніцтва". На шчасце, у большасці захворванне пройдзе без якіх-небудзь прыкмет, ці як звычайная прастуда, аднак для некаторых можа стаць смяротным: гэта людзі старэйшыя за 60 гадоў, пацыенты з хранічнымі захворваннямі і самі медработнікі.

"Нават калі ў вас няма прыкмет захворвання, вы можаце быць крыніцай інфекцыі. Менавіта вы можаце заразіць іншых, у тым ліку і сваіх блізкіх (...). І менавіта вы можаце захаваць здароўе сабе і сваім блізкім", - наказваюць урачы.

Грамадзян заклікаюць быць свядомымі і выконваць рэкамендацыі па прафілактыцы заражэння ВРІ. Нагадаем, асноўныя меры засцярогі для абароны ад новай каронавіруснай інфекцыі можна знайсці на сайце Сусветнай арганізацыі аховы здароўя (СААЗ).

У Беларусі, паводле апошніх звестак, зарэгістраваны 351 выпадак каронавіруса COVID-19 (больш за ўсё захварэлых у Мінску - 190). У Віцебскай вобласці, якая апынулася ў цэнтры ўвагі грамадскасці ў сувязі з сітуацыяй, зафіксавана куды менш - 89 выпадкаў. Трэцяя па колькасці выпадкаў - Мінская вобласць, тут іх паўсотні.

0
Тэги:
Беларусь, каронавірус
Тэмы:
Успышка каронавіруса з Уханя