Будынак МЗС Беларусі

МЗС Беларусі выпусціў "дыпламатычны" стыкерпак да Дня роднай мовы

46
(абноўлена 12:53 20.02.2020)
Карыстальнікі змогуць спампаваць адправіць адзін аднаму ў якасці віншавання консула-супергероя і катэгарычны пратэст.

МІНСК, 20 лют - Sputnik. Міністэрства замежных спраў Беларусі адмыслова да Дня роднай мовы падрыхтавала набор стыкераў для Viber, паведамляецца на афіцыйнай старонцы ведамства ў Фэйсбуку.

Такім чынам стваральнікі прапануюць "дыпламатычна павіншаваць родных і сяброў" з надыходзячым святам. Спампаваць стыкерпак можна бясплатна ў Viber.

Адмысловы стыкерпак МЗС Беларусі да Дня роднай мовы
Адмысловы стыкерпак МЗС Беларусі да Дня роднай мовы

Героі "дыпламатычнага" стыкерпака – малады чалавек і дзяўчыны, якія паднімаюць келіх "За Радзіму!", пратэстуюць і прапануюць перамовы. На адной з выяваў консул у касцюме супермэна адпраўляецца ратаваць свет.

Мяркуючы па каментарах, карыстальнікі пазітыўна ацанілі ідэю дыпламатаў: яны актыўна дзеляцца навіной на сваіх старонках і жадаюць беларускай мове доўгага жыцця.

Беларускае дыпламатычнае ведамства апошнія гады з энтузіязмам удзельнічае ў святкаванні Дня роднай мовы. Напрыклад, у мінулым годзе ў афіцыйным твітэр-акаўнце міністэрства з'явіліся фотаздымкі, дзе супрацоўнікі трымалі карткі са сваімі любімымі беларускімі словамі - "каштоўнасць", "натхненне", "сяброўства" і іншыя. Адмысловы флэшмоб запусціў пасол Беларусі ў КНР Кірыл Руды, які на сваёй старонцы ў твітэры апублікаваў відэа, дзе свае любімыя беларускія словы паказвалі жыхары Азіі. У іх спісе былі "зубр", "бульба" і нават "пушча".

46
Тэги:
Міжнародны дзень роднай мовы, МЗС Беларусі
Бернардынскі кляштар у Нясвіжы

430-гадовы манастыр бернардзінцаў у Нясвіжы прадалі за 10 долараў

9
(абноўлена 15:35 26.10.2020)
Першапачаткова старадаўні аб'ект ацанілі ў некалькі дзясяткаў тысяч долараў, аднак пакупнікоў не знайшлося.

МІНСК, 26 кас - Sputnik. У Нясвіжы прадалі былы корпус кляштара бернардзінцаў, які захаваўся з XVI-га стагоддзя. Ён тройчы выстаўляўся на аўкцыён. У рэшце рэшт кошт пытання склаў адну базавую велічыню (27 рублёў), распавялі Sputnik у Нясвіжскім райвыканкаме.

"На днях мясцовы інвестар набыў аб'ект, у панядзелак мы выдалі яму рашэнне на праектаванне дадзенага будынка. Новы ўласнік плануе стварыць там музей каменных абразоў. Работы ў хуткім часе пачнуцца", - праінфармаваў Sputnik намеснік старшыні райвыканкама Міхаіл Афанасік.

Паводле яго слоў, будынак мае статус гісторыка-культурнай каштоўнасці. Плошча былой святыні складае 1381 кв.м., у трохпавярховым будынку ёсць электрычнасць, ацяпленне, каналізацыя і вада. Манастыр размяшчаецца ў цэнтры горада па суседстве з фарным касцёлам і уваходам у Нясвіжскі палацава-паркавы комплекс.

Новага гаспадара для будынка шукалі некалькі гадоў, электронныя таргі праводзіліся тройчы. Першапачаткова манастыр хацелі прадаць за 126 тысяч долараў, затым кошт знізілі да 70 тысяч. У рэшце рэшт, планка апусцілася да адной базавай, аб'ект набыў адзіны пакупнік - мясцовы інвестар.

Манахі-бернардзінцы пабудавалі манастыр у 1589 годзе. У 1864-м царскія ўлады скасавалі яго і сталі выкарыстоўваць як храм. У 1900-х тут былі ваенныя казармы, з 1956 па 2002 год тут знаходзіўся штаб навучальнага палка сувязі.

Чытайце таксама:

9
Тэги:
Нясвіж
(0:00 / .00Mb / )

Паўфінал чацвёртага сезона "Ты супер!" - відэа

6
(абноўлена 10:01 26.10.2020)
Папулярны музычны праект "Ты супер!" праводзяць сумесна тэлеканал НТБ і Міжнароднае агенцтва і радыё Sputnik. Глядзіце на відэа паўфінал вакальнага конкурсу.

У цяперашнім сезоне "Ты супер!" удзельнічаюць новыя выканаўцы і фіналісты мінулых сезонаў. Усяго ў конкурсе бяруць удзел 58 дзяцей з Расіі, Грузіі, Азербайджана, Абхазіі, Кыргызстана, Беларусі, Эстоніі, Украіны і Малдовы.

У журы праекта - вядомыя расійскія зоркі: Дыяна Арбеніна, Аляксей Вараб'ёў, спявачка Ёлка і кампазітар Ігар Крутой.

Нагадаем, у першым выпуску шоу прыняла ўдзел беларуска Даша Чарнова, якая да гэтага два разы прымала ўдзел у конкурсе. Адораная выканаўца распавяла і пра тое, як складаецца яе творчая кар'ера.

Міжнародны вакальны праект для дзяцей, якія засталіся без апекі бацькоў, "Ты супер!" праводзяць тэлеканал НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

6
Тэги:
"Ты супер", НТБ (тэлеканал)
Беларускія грошы

Амаль 500$: сярэдні заробак па Беларусі ў верасні склаў 1264,5 рубля

0
(абноўлена 17:11 26.10.2020)
Самыя высокія даходы ў краіне традыцыйна ў Мінску: жыхары сталіцы ў сярэднім зарабілі амаль 1800 рублёў.

МІНСК, 26 кас - Sputnik. Намінальны налічаны сярэдні заробак работнікаў у Беларусі ў верасні склаў 1264,5 рубля. У лідарах традыцыйна Мінск: тут работнікі атрымліваюць у сярэднім 1780,8 рублёў, паведамляе БЕЛТА са спасылкай на Нацыянальны статыстычны камітэт.

У Мінскай вобласці сярэдні заробак у верасні быў на ўзроўні 1239,8 рублёў, у Гомельскай - 1131,4, Гродзенскай - 1102,4, Брэсцкай - 1088,8, Віцебскай - 1061,1, Магілёўскай - 1036,6.

Рэальны заробак (разлічаны з улікам росту цэн на тавары і паслугі) у цэлым па краіне ў студзені-верасні вырасла на 8% у параўнанні з тым жа перыядам мінулага года. Дарэчы, у жніўні сярэдні заробак па краіне складала 1276,4 рублёў, у ліпені - 1287,5.

У чэрвені больш за ўсё атрымлівалі ў сферы інфармацыйнага абслугоўвання - 5503,3 рублёў, паветранага транспарту - 2816,8, дапаможнай дзейнасці ў сферы фінансавых паслуг і страхавання - 2663,2. Менш за ўсё зараблялі працаўнікі цырульняў і салонаў прыгажосці (593,3 рубля), сфера забаў і творчыя работнікі (679,6 руб.), сацработнікі і супрацоўнікі па догляду ў спецыялізаваных установах (703,9 рублёў).

0
Тэги:
Беларусь, заробак