Міністр культуры Бондар прыехаў да артыстаў Купалаўскага

Міністр культуры Бондар прыехаў да артыстаў Купалаўскага

30
(абноўлена 11:38 18.08.2020)
Каля тэатра ад раніцы сабралася каля ста чалавек з плакатамі, акцёры заявілі, што калі іх патрабаванні не будуць пачутыя - сыдуць з тэатра.

МІНСК, 18 жні - Sputnik. Міністр культуры Юрый Бондар прыбыў на сустрэчу з калектывам Нацыянальнага тэатра імя Я. Купалы. Напярэдадні быў звольнены яго дырэктар і экс-міністр культуры Павел Латушка, які заступіўся за ўдзельнікаў акцый пратэсту.

Калектыў тэатра, у сваю чаргу, выказаў салідарнасць з дырэктарам і стаў на яго абарону.
Каля тэатра раніцай сабраліся некалькі дзясяткаў гараджан. На будынку вывесілі бела-чырвона-белыя сцягі. У чаканні міністра яны скандавалі "Латушка, ты герой", "Адзін за ўсіх і ўсе за аднаго" і "Жыве Беларусь". Дэманстрантаў падтрымлівалі аўтамабілісты.

Актеры заявили, что уйдут из театра, если их требования не будут услышаны
Акцёры заявілі, што сыдуць з тэатра, калі іх патрабаванні не будуць пачутыя

Неўзабаве да грамады выйшлі артысты тэатра Раман Падаляка і Міхаіл Зуй, якія заявілі, што патрабуюць адстаўкі міністра і вяртання на працу Латушкі. У адваротным выпадку акцёры збіраюцца звольніцца.

"Заявы ўжо напісаныя, засталося толькі аднесці іх у аддзел кадраў. Сваім звальненнем мы спыняем працу тэатра", - заявіў Раман Падаляка.

Гэта права наймальніка

На сустрэчы з калектывам Бондар заявіў, што прыбыў не за тым, каб абмяркоўваць агульнапалітычныя пытанні, а абмеркаваць як тэатр будзе працаваць далей.

На пытанне аб звальненні Латушкі ён адказаў, што паважае яго меркаванне, але ён - дырэктар дзяржаўнай установы і павінен гэта ўлічваць пры выказванні сваёй пазіцыі. Скасаванне кантракту з былым дырэктарам тэатра - права наймальніка - міністэрства, і гэтыя нормы былі прапісаны ў кантракце былога дырэктара.

Актеры подняли вверх свои заявления, поняв, что министр на диалог не настроен
© Sputnik
Акцёры паднялі ўверх свае заявы, зразумеўшы, што міністр на дыялог не накіраваны

Юрый Бондар заявіў, што прыйдзе новы дырэктар, які разгледзіць заявы, пададзеныя супрацоўнікамі.

Калектыў адрэагаваў на выказванні міністра няўхвальна. З залы раздаваліся незадаволеныя выкрыкі. Сустрэча завяршылася вельмі хутка - міністр размаўляў з калектывам не больш за 10 хвілін. Артысты не захацелі далей працягваць размову і сталі падымаць угору свае заявы.

Около сотни минчан пришли к Купаловскому поддержать актеров и сотрудников
© Sputnik
Каля сотні мінчан прыйшлі да Купалаўскага падтрымаць акцёраў

Як стала вядома карэспандэнту Sputnik, заявы ўжо падалі 50 чалавек з асноўнай трупы тэатра.

30
Тэги:
Юрый Бондар, Міністэрства культуры РБ, Купалаўскі тэатр
Тэмы:
Купалаўскі тэатр: гісторыя і сучаснасць (61)
Багач

Багач на парозе: завяршаем гаспадарчую працу і назіраем за надвор’ем

852
(абноўлена 10:03 14.09.2020)
Этнограф Ларыса Мятлеўская распавядае аб народных традыцыях, звязаных са святам ураджаю.

Згодна з беларускім народным календаром сёння святкуецца Малая Прачыстая або Багач — так называюць заключнае свята збору ўраджаю.

На вёсцы ў гэты дзень усе жыхары збіраліся талакой, перш за ўсё рабілі Багач — лубок з зернем, у сярэдзіну якога ўстаўлялася свечка. Кожны вясковец па жменьцы прыносіў зерне новага ўраджаю для Багача. У адну з хат запрашалі святара, а пасля набажэнства лубок з жытам або пшаніцай і запаленай свечкай праносілі па вёсцы і абавязкова вакол статка. У працэсіі ўдзельнічалі усе жыхары вёскі.

Пшеничное поле, архивное фото
© Sputnik / Сергей Венявский
Пшанічнае поле

Потым Багач размяшчалі пад абразамі на покуці хаты тых гаспадароў, якіх грамада ў гэтым годзе абрала лепшымі. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

У народзе гэты дзень лічылі не толькі часам падвядзення вынікам.

Пятровіца – 2018
© Sputnik Альфрэд Мікус
Багач - свята ўраджаю

Менавіта на Багач нашы продкі планавалі будучыя работы, таму і з'явіліся такія прымаўкі:"Багач — бярыся за рагач (саху), ідзі пад авёс араць", "Прыйшоў Багач — кідай рагач, бяры сявеньку і сей памаленьку".

Што рабілі нашы продкі

На Багача сяляне імкнуліся адпачыць ад гаспадарчай працы: хадзілі адзін да аднаго ў госці, ладзілі кірмаш і гулянні, падчас якіх хлопцы выглядалі дзяўчат, а дзяўчаты куплялі чырвоныя хусткі і пацеркі ды чакалі жаніхоў.

Слуцкія паясы-2017
© Sputnik Альфрэд Мікус
Абавязкова на Багач ладзілі кірмашы

Гэта было дарэчы, паколькі ў некаторых мясцінах Беларусі вяселлі ладзіліся пераважна ўвосень, да Каляднага посту.

Гаспадыні да гэтага свята пяклі хлеб і пірагі, а таксама гатавалі розныя стравы з гародніны і мяса. У заходніх раёнах Беларусі на Багача забівалі хатнюю скаціну, а гаспадароў, якія шкадавалі гэта рабіць, перасцерагалі, што "жывёлу воўк парве".

Таксама у гэты дзень назіралі за надвор'ем і паводзінамі жывёл. Напрыклад, калі раніцай туман, то хутка пойдуць дажджы, калі ж дзень ясны, то добрае надвор'е пратрымаецца да канца кастрычніка. Калі пасля Малой Прачыстай хатняя жывёла імкнецца на пашу вельмі рана, то і зіма будзе ранняя.

852
Тэги:
народныя прыкметы, Народныя традыцыі, Багач, Беларусь
Нясвіжскі замак

Збіраемся ў падарожжа: што паглядзець у Беларусі гэтай восенню

217
(абноўлена 12:17 18.09.2020)
Sputnik зрабіў падборку славутасцяў краіны – па адной з кожнай вобласці - якія асенняй парой выглядаюць неверагодна прыгожа.

Каб справіцца з восеньскай дэпрэсіяй, псіхолагі рэкамендуюць падарожнічаць. Зрабіць гэта можна нават не выязджаючы за межы Беларусі -  у нашай краіне шмат цікавага і незвычайнага. А ёсць мясціны, якія прыйдуцца да спадобы як аматарам архітэктуры, так і фанатыкам шыкоўных пейзажаў.

Палац Сапег у Ружанах

Мястэчка Ружаны ў Брэсцкай вобласці да 1552 года належала роду Тышкевічаў і ў тыя часы славілася вытворчасцю сукна і дываноў, паясоў, керамікі. У XVII стагоддзі гэтае месца было значным цэнтрам ВКЛ – тут захоўвалася дзяржаўная казна, арсенал, дакументы і архіў рода Сапегаў.

Летам 2008 года тут пачаліся рэстаўрацыйныя працы і археалагічныя раскопкі. Зараз палац выглядае проста неверагодна. Як вынік, можна не толькі наталіць сваё пачуццё прыгажосці, але і зрабіць шыкоўныя фотаздымкі.

Акрамя палаца ў Ружанах ёсць Свята-Троіцкі касцёл, царква Пятра і Паўла, манастыр базіліянаў, барочная сінагога і капліца Святога Казіміра. Шпацыр па мястэчку ў восенькіх пейзажах абяцае быць незабыўным.

Нясвіжскі замак

Абмінуць увагай нацыянальны гісторыка-культурны комплекс, які ўзгадваецца амаль ва ўсіх турыстычных брашурах пра Беларусь, нельга. Але справа не ў тым, што ў Мінскай вобласці больш нямана што паглядзець.

Нясвіжскі замак – гэта не толькі цікавая архітэктура і гісторыя, але і паркі. Іх пачалі ствараць ў часы Мікалая Хрыстофа Радзівіла Сіроткі. Сёння тут налічваецца пяць паркаў – Замкавы, Стары, Японскі, Англійскі і Марысін, агульнай плошчай 66 гектараў. Самы вялікі менавіта Марысін, а назва яго звязаная з легендай пра каханне княжны Радзівіл да беднага шляхціча.

Гэтыя мясціны ўражваюць у любы час і восень не выключэнне.

Сафійскі сабор

Полацкі Сафійскі сабор – знакамітая перліна Віцебскай вобласці. Помнік архітэктуры знаходзіцца на беразе Заходняй Дзвіны. Парк каля сабора невялікі, але будынак на гары выглядае вельмі манументальна.

Да таго ж, тут можна наведаць канцэрт арганнай музыкі, паглядзець экспазіцыю музея, убачыць фрэскі XI стагоддзя – адні з самых старажытных на тэрыторыі Беларусі.

Софийский собор в Полоцке
Sputnik
Сафійскі сабор у Полацку

Акрамя Сафійскага сабора ў Полацку хапае славутасцяў – Спаса-Еўфрасінеўская царква, Крыжаўзвіжанскі сабор, Полацкі краязнаўчы музей, домік Пятра I, шмат помнікаў і памятных знакаў. Атрымаць асалоду ад восеньскай прыроды дапаможа парк, які цягнецца праз цэнтр горада.

Гальшанскі замак

Яшчэ адна рэзідэнцыя роду Сапегаў у гэтым годзе трапіла ў так званы "прэзідэнцкі спіс" – з фонду кіраўніка дзяржавы па падтрымцы культуры і мастацтва будуць вылучаны грошы на працяг рэстаўрацыі, якая пачалася мінулай вясной. Пакуль замак канчаткова не аднавілі, варта паглядзець на знакамітыя руіны, што знаходзяцца на Гродзеншчыне.

Гэтыя мясціны – таямнічыя і часам нават жахлівыя, хаваюць у сабе шмат містычных гісторый і легенд. У розныя часы археолагі знаходзілі тут рымскі дынарый імператара Траяна, жалезныя наканечнікі стрэл гунаў, спаленыя сцены, рэшткі воінаў і іх асабістыя рэчы, напрыклад, нацельны крыж прадстаўніка вайсковай эліты. Нельга не адзначыць і легенду пра Белую Даму, прывід якой дагэтуль жыве ў Гальшанах.

Такім чынам, для аматараў прыгожай прыроды і айчыннай містыкі Гальшаны – самае лепшае месца.

Палац Румянцавых-Паскевічаў

Яшчэ адзін з самых знакамітых пунктаў турыстычных праспектаў для падарожнікаў па Беларусі. На тэрыторыі палацава-паркавага ансамбля знаходзіцца палац Румянцавых і Паскевічаў, капліца-пахавальня, якая таксама зараз аднаўляецца, зімовы сад і неверагодны парк.

Гэтыя мясціны нельга не наведаць восенню: паглядзець на вытанчаныя залы палаца, археалагчную, этнаграфічную і нумізматычную калекцыі, зборы карцін, кніг, абразоў і культавых прадметаў, а пасля гэтага адправіцца ў парк на беразе ракі Сож – уражанняў хопіць на ўсю зіму.

Дворец Румянцевых-Паскевичей - Страна мини
© Photo : Сергей Балай, БелаПАН
Гомельскі палац Румянцавых-Паскевічаў у музеі "Краіна Міні"

Акрамя гомельскай перліны ў абласным цэнтры можна наведаць Свята-Петра-Паўлаўскі кафедральны сабор, цырк, Паляўнічы домік і проста прагуляцца па вуліцах прыгожага беларускага горада.

Палац Пацёмкіна ў Крычаве

З 1776 года гэтыя мясціны належалі фаварыту Кацярыны II князю Пацёмкіну. Амаль за дзесяць год пабудавалі палац па праекце аўтара Таўрычаскага палаца ў Санкт-Пецярбургу Івана Старова, раней тут быў вялізны парк, архітэктуру якога прыдумаў знакаміты садоўнік Уільям Гульд, але зараз засталіся толькі рэшткі.

Будынак унесены ў Дзяржаўны спіс гісторыка-культурных каштоўнасцяў Беларусі, яго адрэстаўравалі і зараз гэта галоўная славутасць невялікага гарадка. Тут праходзяць амаль усе гарадскія мерапрыемствы, у тым ліку балы, музычныя салоны і музычныя вечары.

Чытайце таксама:

217
Тэги:
Палац Румянцавых-Паскевічаў, Нацыянальны гісторыка-культурны музей-запаведнік "Нясвіж", Гальшанскі замак, славутасці, Беларусь, Турызм і адпачынак
Тэмы:
Забытыя і знакамітыя: самыя цікавыя славутасці Беларусі
Дзяржаўны сакратар Саюзнай дзяржавы Рыгор Рапота

Рапота распавёў аб актывізацыі шэрагу "дарожных карт" і адмене роўмінга

3
(абноўлена 09:30 21.09.2020)
Дзяржсакратар Саюзнай дзяржавы Рыгор Рапота распавёў аб далейшым збліжэнні Беларусі і Расіі і актуалізацыі "дарожных карт".

МІНСК, 21 вер - Sputnik. Міністэрствы сувязі дзвюх дзяржаў плануюць вырашыць пытанне з адменай роўмінгу паміж Беларуссю і Расіяй да канца года, пра гэта напярэдадні ў эфіры тэлеканала "Беларусь-1" заявіў дзяржсакратар Саюзнай дзяржавы Рыгор Рапота.

На пачатку мінулага тыдня ў Сочы адбылася сустрэча паміж прэзідэнтам Беларусі Аляксандрам Лукашэнкам і яго расійскім калегам Уладзімірам Пуціным. Як адзначае дзяржсакратар Саюзнай дзяржавы, пасля размовы лідараў краін па шэрагу напрамкаў намецілася актывізацыя ў збліжэнні двух краін. У прыватнасці, з "мёртвай кропкі" ссунуліся пытанні актуалізацыі дарожных карт.

Аднаўленне інтэграцыі

Па словах Рапоты, пасля падрыхтоўкі дарожных карт утварылася нейкая паўза "ў сілу розных абставінаў".

"Толькі зараз па некаторых дарожным картах прапанавана актывізаваць дзейнасць. У нас плануецца у гэтым месяцы пасяджэнне групы высокага ўзроўню і, магчыма, яно надасць дадатковы імпульс у рабоце над гэтымі дарожнымі картамі", - распавёў дзяржсакратар СД.

Ён адзначыў, што дадзеныя планы па інтэграцыі накіраваны на стварэнне яшчэ больш лепшых умоў для расіян і беларусаў у розных галінах, такіх як медыцынскае забеспячэнне, страхаванне, падаткаабкладанне.

"Дарэчы, вельмі важная сфера дзейнасці (падаткаабкладанне - Sputnik), якая павінна палегчыць працу бізнесу перш за ўсё", - сказаў Рапота.

Зараз Саюзнай дзяржаве прапанавана разгледзець гарманізацыю падатковага заканадаўства. Палітык мяркуе, што ў будучыні на гэтым узровень, магчыма, будуць абмяркоўвацца пытанні падатковых манеўраў па нафце і іншых энерганосьбітах.

"Такім чынам рух ёсць. Наколькі хутка ён дасць вынікі мне зараз казать цяжка, але рух пачаўся і, мне здаецца, дасягнута нейкае паразуменне, як рухацца далей. Вырашаць гэтую праблему (падатковыя манеўры і кошты на энерганосьбіты - Sputnik) у любым выпадку прыйдзецца. Гэта разуменне ёсць і гэта прымушае абодва бакі працаваць", - адзначыў Рапота.

Адмена роўмінга

Сярод мерапрыемстваў па выкананні "дарожных карт" значыцца і адмена роўмінга паміж Беларуссю і Расіяй. Нядаўна бакі абмеркавалі гэтае пытанне па відэаканферэнцыі на нарадзе зацікаўленых ведамстваў.

"Міністэрствы сувязі, якія рэалізуюць гэтую задуму, радуюць нас абяцаннямі у гэтым годзе вырашыць гэтую праблему. Ці атрымацца гэта ў гэтым годзе ці крыху пазней, паглядзім. Але праца вядзецца", - паведаміў Рапота.

Праца па адмене роўмінга на тэрыторыі Саюзнай дзяржавы вядзецца з 2017 года. У снежні 2019-га зацверджана адпаведная "дарожная карта". Згодна з дакументам, плата за ўваходныя званкі ў роўмінгу павінна быць адменена не пазней за верасень 2020 года. Наступная нарада паміж міністэрствамі дзвюх краін па пытанні адмены роўмінга плануецца правесці праз пяць дзён.

3
Тэги:
Саюзная дзяржава, Рыгор Рапота