Народны артыст Беларусі Віктар Манаеў

Народны артыст Беларусі Віктар Манаеў звольніўся з Купалаўскага тэатра

24
У жніўні быў пазбаўлены пасады гендырэктар тэатра Павел Латушка, за якога заступіўся калектыў і напісаў заявы аб сыходзе.

МІНСК, 2 вер - Sputnik. Народны артыст Беларусі Віктар Манаеў звольніўся з Нацыянальнага акадэмічнага тэатра імя Янкі Купалы, пацвердзіў у сераду Sputnik прэс-сакратар тэатра Мікалай Заяц.

Манаев
© Sputnik Алеся Шаршнёва / Сяргей Пушкiн

"Так, пацвярджаю. Ён (Манаеў - Sputnik) звальняецца. Заява падпісана, і гатовы загад", - сказаў прадстаўнік тэатра.

Мікалай Заяц распавёў, што не паспеў пагутарыць з акцёрам да яго звальнення, але мяркуе, што той звольніўся ў знак салідарнасці ў адносінах да сваіх калег.

"У нас ёсць частка людзей, якая ці то па сямейных абставінах не магла напісаць (заявы аб звальненні - Sputnik), ці то знаходзілася за горадам. І яны свае заявы данеслі трохі пазней. Таму гэты спіс (акцёраў, якія звальняюцца - Sputnik) пашыраецца", - растлумачыў прэс-сакратар.

Паводле яго дадзеных, з тэатра таксама звольніліся народны артыст Беларусі Аляксандр Падабед, акцёры Яўгенія Адаменка, Марта Голубева, Дыяна Камінская і Мікалай Кучыц. У трупе засталося 15 чалавек.

Віктар Манаеў правёў на сцэне Купалаўскага тэатра 40 гадоў. Народны артыст Беларусі (2011 год), лаўрэат прэміі Ленінскага камсамола Беларусі, Дзяржаўнай прэміі СССР, Дзяржаўнай прэміі Беларусі.

Што адбылося ў Купалаўскім?

У жніўні быў звольнены гендырэктар Купалаўскага тэатра Павел Латушка. Ён быў пазбаўлены пасады на наступны дзень пасля свайго ўдзелу ў акцыі пратэсту ў Мінску, дзе заклікаў да адстаўкі міністра ўнутраных спраў Юрыя Караева і ўсіх адказных за жорсткае абыходжанне з затрыманымі.

Калектыў тэатра заступіўся за свайго былога кіраўніка. Супрацоўнікі патрабавалі аднаўлення Латушкі на пасадзе і адстаўкі міністра культуры Юрыя Бондара, які прыняў рашэнне аб звальненні.

Работнікі Купалаўскага заявілі пра свой намер звольніцца ў выпадку, калі гэтыя патрабаванні не будуць задаволеныя. Аднак Бондар, які прыбыў у тэатр, заявіў, што іх заявы разгледзіць новы кіраўнік тэатра, ім стаў прадстаўнік Мінкульта Валерый Грамада.

Напярэдадні звальнення Віктара Манаева заявы падпісалі 58 супрацоўнікам тэатра, у ліку якіх мастацкі кіраўнік і рэжысёр Мікалай Пінігін, народная артыстка Беларусі Зоя Белахвосцік, вядучы акцёр і рэжысёр Павел Харланчук.

24
Памёр вядомы беларускі мастак і дзеяч культуры Эдуард Агуновіч

Памёр вядомы беларускі мастак і дзеяч культуры Эдуард Агуновіч

6
(абноўлена 10:31 24.09.2020)
Член Беларускага саюза мастакоў памёр на 83-м годзе жыцця пасля цяжкай працяглай хваробы.

МІНСК, 24 вер - Sputnik. Пайшоў з жыцця вядомы беларускі мастак, дызайнер і заслужаны дзеяч культуры Беларусі Эдуард Агуновіч, пра гэта паведамілі ў Беларускім саюзе мастакоў.

Мастак, член секцыі "Пагоня" Беларускага саюза мастакоў памёр 23 верасня на 83-м годзе жыцця пасля цяжкай працяглай хваробы. "Беларускі саюз мастакоў шчыра дзеліцца смуткам, які напаткаў сям'ю мастака, і прыносіць самыя глыбокія спачуванні сем'ям, сябрам і блізкім", - гаворыцца ў паведамленні пра смерць Агуновіча.

Развітанне з Эдуардам Агуновіч пройдзе 24 верасня з 14:00 да 15:00 ў рытуальнай зале Мінскай абласной клінічнай бальніцы па aдресу: аграгарадок Лясны, 1 (адразу за Бараўлянах). Пры гэтым пахаваны мастак будзе Эдуард Агуновіч будзе ў сябе на малой радзіме ў Рэчыцы.

Эдуард Агуновіч нарадзіўся ў 1938 годзе ў Рэчыцы. У 1959 годзе скончыў Віцебскае мастацка-графічнае вучылішча, у 1966 - Беларускі дзяржаўны тэатральна-мастацкі інстытут, яго дыпломнай працай сталі ілюстрацыі да народнай паэме "Тарас на Парнасе". З таго моманту мастак актыўна тварыў і ўдзельнічаў у рэспубліканскіх, усесаюзных і міжнародных выставах.

Ён шмат працаваў у кніжнай і станковай графіцы: ілюстраваў паэму "Сымон-музыка" Якуба Коласа, паэму "Прыгоды дзеда Міхеда" Антоля Астрэйкі, афармляў раманы Івана Шамякіна і многія іншыя кнігі.

Агуновіч таксама займаўся афармленнем музейных экспазіцый рознага ўзроўню і профілю. Сярод яго работ - Дом-музей Першага з'езда РСДРП у Мінску, Музей Фелікса Дзяржынскага, Музей Савецка-Польскай садружнасці ў вёсцы Леніна Горкаўскага раёна. Таксама мастак удзельнічаў у размяшчэнні экспазіцыі музея Янкі Купалы ў Мінску і яго філіялах, літаратурным музеі Максіма Багдановіча.

Усё жыццё Эдуард Агуновіч падтрымліваў цесную сувязь з роднай Рэчыцай. У 1995 годзе там па яго праекце была пабудавана капліца святой Еўфрасінні Полацкай, якая стала візітнай карткай горада.

6
Тэги:
Смерць публічных людзей, Беларусь
Багач - 2020

Усё па традыцыях: у Дукоры адзначылі Багач

93
(абноўлена 13:36 22.09.2020)
Працаваць на свята багатага ўраджаю строга забаронена, таму госці ад душы танчылі і весяліліся.

Багач у народным календары прымеркаваны да свята збору ўраджаю. Назву сваю ён атрымаў, бо лічылася, што менавіта ў гэтыя дні у добрых гаспадароў у хаце "усяго багата". На святкаванне Багача ў Дукорскім маёнтку патрапіў фатограф Sputnik Альфрэд Мікус.

Багач - 2020
© Sputnik Альфрэд Мікус
Багач - гэта адмысловы лубок з зернем
Багач - 2020
© Sputnik Альфрэд Мікус
На свята жыхары вёскі збіраліся грамадой

Для святкавання Багача ўсе жыхары старадаўняй беларускай вёскі збіраліся талакой і рабілі адмысловы лубок з зернем, у сярэдзіну якога ўстаўлялі свечку. У гэты лубок, які атрымаў сваю назву ад наймення свята, кожны вясковец прыносіў па жменьцы зерня з новага ўраджаю. Лубок з запаленай свечкай праносілі абавязкова па ўсёй вёсцы. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

Багач - 2020
© Sputnik Альфрэд Мікус
Багач абавязкова праносілі па ўсёй вёсцы
Багач - 2020
© Sputnik Альфрэд Мікус
Кожны вясковец дадаваў у лубок зерне з новага ўраджаю

Напрыканцы Багач размяшчалі пад абразамі на покуці хаты гаспадароў, якіх грамада ў гэтым годзе абірала лепшымі.

Падчас святкавання Багача ўсім сялянам увогуле забаранялася працаваць: яны хадзілі ў госці адзін да аднаго, ладзілі кірмашы і гулянні, танчылі і спявалі.

Багач - 2020
© Sputnik Альфрэд Мікус
госці ў Дукоры вучыліся розным майстэрствам
Багач - 2020
© Sputnik Альфрэд Мікус
І хоць працаваць на Багач забаронена, але ж вучыцца ніхто не забараняў!
Багач - 2020
© Sputnik Альфрэд Мікус
Выдатны майстар навучыць каго заўгодна

Не засталіся ў баку ад гэтай традыцыі і госці Дукорскага маёнтка. Пад музыку гуртоў Стары Ольса і PAWA і беларускага народнага ансамбля "Вербіца" яны ад душы есяліліся і скакалі, а таксама вучыліся майстэрству керамікі, разьбы па дрэве, пляценню лапцей, ткацтву і вырабу лялек.

93
Тэги:
Народныя традыцыі, Багач
Бацька Марыі Калеснікавай і яе адвакат Людміла Казак

Адвакат Марыі Калеснікавай затрыманая - ГУУС

0
(абноўлена 09:11 25.09.2020)
У сталічнай міліцыі не раскрылі падрабязнасці затрымання, адзначыўшы толькі, што Людміла Казак затрыманая "за здзяйсненне адміністрацыйнага правапарушэння".

МІНСК, 25 вер - Sputnik. Адвакат члена прэзідыума Каардынацыйнага савета апазіцыі Марыі Калеснікавай Людміла Казак была затрыманая супрацоўнікамі міліцыі за здзяйсненне адміністрацыйнага правапарушэння, паведаміла Sputnik у чацвер афіцыйны прадстаўнік ГУУС Мінгарвыканкама Наталля Ганусевіч.

Раней беларускія СМІ паведамілі пра тое, што жанчына, падобная на адваката Людмілу Казак, была дастаўлена ў Цэнтральны РУУС сталіцы.
"Яна затрыманая за здзяйсненне адміністрацыйнага правапарушэння", - сказала Ганусевіч, і не стала ўдакладняць, дзе менавіта цяпер знаходзіцца адвакат.

"Думаю, сама потым раскажа. Не хачу скампрамэтаваць яе, таму і не кажу", - патлумачыла Ганусевіч.

На гэтым тыдні суд Партызанскага раёна Мінска не змяніў меру стрымання Калеснікавай і пакінуў яе ў СІЗА ў Жодзіна.

Калеснікава з'яўляецца адной з трох абвінавачаных па справе аб закліках да захопу ўлады, двое іншых - яе паплечнікі-адвакаты Максім Знак і Ілля Салей. Абодва зараз знаходзяцца ў СІЗА №1 ГУУС Мінска на вуліцы Валадарскага. Знаку на мінулым тыдні суд адмовіў у змене меры стрымання, пасля чаго ён абвясціў галадоўку.

Крымінальная справа пра заклікі да захопу ўлады па факце стварэння Каардынацыйнага савета Генеральная пракуратура Беларусі ўзбудзіла 19 жніўня. Максімальная санкцыя па гэтым артыкуле прадугледжвае да пяці гадоў пазбаўлення волі.

0
Тэги:
Мінск, Арышт і затрыманне, ГУУС Мінгарвыканкама