Святкаванне Хэлоўіна, архіўнае фота

Альтэрнатыўны Хэлоўін: фільмы жахаў на беларускай мове

96
(абноўлена 12:51 27.10.2020)
Сусветна вядомыя трылеры і фільмы жахаў на беларускай мове шукайце ў падборцы Sputnik.

Для тых, хто замест шумнай тусоўкі на Хэлоўін вырашыў абраць дамашнюю вечарыну з камп’ютарам, Sputnik падрыхтаваў падборку замежных фільмаў жахаў і трылераў на беларускай мове.

"Плецены чалавек"

Падзеі адбываюцца на выспе Самэрзайл, куды паліцэйскі Эдуард Мэйлус прыязджае шукаць зніклую дачку сваёй былой нявесты.

Ён сустракае на сваім шляху шмат перашкодаў і таямнічых загадак. Містыкі дадае і той факт, то жыхары выспы – мясцовае племя – рыхтуюцца да паганскага свята Дзень Смерці ды Уваскрашэння.

Фільм – выдатная магчымасць паслухаць, як неверагодны Нікалас Кейдж размаўляе па-беларуску, хаця б у пераагучцы.

"Заклён"

Фільм заснаваны на рэальнай справе даследчыкаў Уорэнаў. Гісторыя 1971 года распавядае пра сужэнцаў Кэралін і Роджара, які пераязджаюць у паўразбураную вясковую хату ў Род-Айлэндзе. Пасля некалькіх жахлівых падзей у гэтае месца прыязджаюць паранармальныя следчыя, якія знаходзяць цэлы раён, багаты на сатанінскіх духаў.

Паглядзець па-сапраўднаму страшны фільм з элементамі гумару можна ў агучцы Грыні Заслаўскага, Алесі Скідан, Арцёма Мельніка, Дар’і Мілеевай, Мар’яны Вітэра і Мікалая Цімафеева.

"Апошняе маўчанне"

Нямецкі трылер з элементамі драмы ад рэжысёра Барана Бо Одара спачатку адпраўляе гледача ў спякотны летні дзень, за 23 гады да асноўнага дзеяння стужкі. На полі знаходзяць забітую дзяўчынку Пію, а праз шмат гадоў на гэтым жа месцы знікае яшчэ адна прыгажуня. Разабрацца з таямнічымі знікненнямі падлеткаў спрабуюць адстаўны следчы і яго малады калега.

"Цік-так"

Амерыканская закручаная кінагісторыя распавядае пра хітрую дзяўчыну Рэйчал. Яна, як гэта часта бывае, выходзіць замуж за мужчыну сталага веку і хоча паскорыць мужаву смерць. Непрадказальны фільм трымае гледача ў напружанні і палохае, бо ахвяры нечакана становяцца забойцамі, а цела нябожчыка ўвогуле знікае. Выдатны выбар для тых, хто хоча паказытаць нервы.

Хэллоуин, тыквы
© CC0 / freestocks.org
Хэлоўін

"Імперыя ваўкоў"

Абмінуць увагай фільм з Жанам Рэно ў галоўнай ролі ніяк нельга. Літаратурнай асновай стужкі з’яўляецца раман Жана-Крыстофа Гранжэ. Малады паліцэскі Поль шукае забойцу дзяўчат у турэцкім квартале Парыжа. Высвятляецца, што ўсё не так проста і ў аснове крымінальных падзей – псіхіятрычны эксперымент, ахвярай якога становіцца маладая жанчына Ганна, з якой злачынцы хочуць зрабіць зусім новую асобу.

Чытайце таксама:

96
Тэги:
кіно, Хэлоўін
Тэмы:
Лепшыя беларускія фільмы (29)
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

10
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

10
Тэги:
музей, Якуб Колас

Не тое, што вы падумалі: дзіўную скульптуру ўсталявалі ў Германіі відэа

46
(абноўлена 14:22 13.05.2021)
Драўляная статуя, якую ўсталявалі на Рынкавай плошчы нямецкага горада Таргаў, абурыла многіх мясцовых жыхароў. Па задумцы кампазіцыя павінна быць падобная на спаржу. Але калі ўважліва паглядзець - то гэта не зусім "каралева гародніны". Глядзіце відэа.

Сродкі масавай інфармацыі звярнуліся за каментарамі да стваральніка скульптуры "Спаржа" Маркуса Шольца. Ён заявіў, што ў яго кампазіцыі нічога дзіўнага няма, яна павінна заахвоціць жыхароў Таргаў "заставацца ўстойлівымі і быць у добрым настроі" ў часы пандэміі каронавіруса.

Супярэчлівую па задумцы працу майстра прыбіраць з плошчы не сталі. Магчыма, улады гарадка паверылі мастаку. А можа, проста паставіліся да увасобленай ідэі з гумарам.

Ды і спаржа ў Германіі сапраўды вельмі папулярная. У краіне налічваецца амаль 2 тысячы фермерскіх гаспадарак, якія вырошчваюць гэту гародніну. У сярэднім кожны жыхар Германіі з'ядае каля 2 кг спаржы ў год.

Яе адварваюць ці рыхтуюць на пару. "Каралеву гародніны" немцы яшчэ і экспартуюць. Штогадовы абарот складае каля паўмільярда еўра.

Глядзіце таксама:

46
Тэги:
статуя, відэа, Германія, Скульптура
Першая Ласточа адправілася з Мінска ў Маскву з першага пуці станцыі Мінск-Пасажырскі

Хуткасныя цягнікі "Ласточка" за 2 тыдні перавезлі 22 тысячы пасажыраў

7
(абноўлена 17:11 14.05.2021)
Рэйсы Мінск-Масква карыстаюцца высокім попытам, вагоны беларуска-расійскага экспрэса запаўняюцца на 100%

МІНСК, 14 тра - Sputnik. Хуткасныя цягнікі "Ласточка", якія курсіруюць паміж Мінскам і Масквой, за два тыдні перавезлі 22 тысячы пасажыраў, паведаміла прэс-служба РЧ.

Квіткі на праезд у цягніку паміж сталіцамі Беларусі і Расіі выкупляюцца загадзя. Праязныя дакументы на бліжэйшыя рэйсы ўжо набылі 34,5 тысячы чалавек. Паездкі сталі карацей: замест 9 гадзіны маршрут займае менш сямі. Па Беларусі "Ласточка" рухаецца з хуткасцю 140 кіламетраў у гадзіну, па Расіі - 160.

Новы рэйс Мінск - Масква быў адкрыта 30 красавіка. Цягнікі ходзяць па "люстраным" раскладзе: ранішнія з Беларусі і Расіі адпраўляюцца ў 06:20 і прыходзяць у 13:10, вячэрнія стартуюць у 16:00 і прыбываюць а 22:55.

Для харчавання пасажыраў падрыхтавана меню з трыма рацыёнамі. Паветра і ўзровень вільготнасці кантралююць бартавыя сістэмы. Вагоны падзелены на тры класы абслугоўвання: бізнес, эканом і базавы. Для пасажыраў з абмежаванымі магчымасцямі прадугледжаны спецыяльныя месцы.

Чытайце таксама:

7
Тэги:
Масква, Мінск, пасажыр, "Ласточка", цягнік