Паэт Якуб Колас

Бульба з кіслым малаком і бланманжэ: якім было меню Якуба Коласа

1559
(абноўлена 11:10 03.11.2020)
Сёння спаўняецца 138 год са дня нараджэння пісьменніка, паэта, перакладчыка і грамадскага дзеча Якуба Коласа. Пра побыт і любімыя стравы класіка беларускай літаратуры чытайце ў матэрыяле Sputnik.

Сябры і калегі ведалі: Колас любіць ежу простую, вясковую. Сын Даніла неаднойчы ўспамінаў, як бацька еў бульбу з кіслым малаком, верашчаку з грыбамі і яечню са скваркамі. Любімыя стравы не змяняліся незалежна ад пары года ці месца жыхарства: яны нагадвалі пісьменніку пра дзяцінства.

Музей Якуба Коласа ў Мінску
© Sputnik Алеся Шаршнёва
Музей Якуба Коласа ў Мінску

"Новая зямля" як кулінарная кніга

Якуб Колас неаднойчы казаў, што расказаць пра сваё дзяцінства лепш, чым у паэме "Новая зямля", не зможа. Твор, які называлі энцыклапедыяй сялянскага жыцця, можна назваць і кулінарнай кнігай, у якой не проста ўзгадваюцца назвы пэўных страў, а прыводзяцца рыфмаваныя рэцэпты. Успомніць хаця б знаёмую ўсім школьнікам частку "Дзядзька-кухар", дзе дасканала апісваецца працэс гатавання клёцак з сокам.

Выданні паэмы Новая зямля Якуба Коласа
© Sputnik Алеся Шаршнёва
Выданні паэмы "Новая зямля" Якуба Коласа

У розных раздзелах узгадваецца вялікая колькасць страў — святочных і звычайных. У нядзелю ўся сям'я збіралася за святочным сталом, дзе елі блінцы, верашчаку, аладкі, тварог са смятанай і цалкі — так называлася яечня, у якой жаўткі не змешваліся з бялкамі.

На Каляды звычайна елі куццю і шмат рыбы — акунькі, мянькі і плоткі. У якасці дэсерту на стале былі ламанцы — пшанічнае цеста з макавым сокам — і кісель з мядовай сутой — растворам мёда. На Вялікдзень на стале заўсёды было шмат мяса — шынка, кілбасы-скруткі, падсвінак, сцёгны, сала, грудзінкі. Акрамя гэтага, маці пякла пірагі і аладкі.

Нямецкі торт ад жонкі Марыі Дзмітрыеўны

Канстанцін Міхайлавіч і Марыя Дзмітрыеўна пабраліся шлюбам у 1913 годзе, яна нарадзіла пісьменніку трох сыноў. "Мілы друг мой", "мая зорка", "мая добрая дружачка", "мая святыня", "яснюсенькая зорка" — так называў Якуб Колас сваю жонку.  Была яна і выдатнай гаспадыняй — віртуозна гатавала мяса і кандытарскія стравы.

Марыя Дзмітрыеўна ўключала ў меню ўсё, што так любіў муж, але і абавязкова выдумляла штосьці арыгінальнае. На салодкае ў доме Коласа заўсёды былі тарты, цукаты і "Цыганская мазурка". Апошняя на самой справе была стравай польскай і ўяўляла сабой цеста з арэхамі і сухафруктамі.

Сыны Коласа ўзгадвалі, што аднойчы пасля застолля гасцям прывезлі ачышчаныя ад шалупінак вароныя яйкі. Прысутныя вырашылі не падаваць віду і з'есці пачастунак. Высветлілася, што гэта было бланманжэ — жэле з малака, цукра і жэлаціну. З таго часу халодны дэсерт стаў своеасаблівай "фішкай" Марыі Дзмітрыеўны.

Да 20-годдзя літаратурнай дзейнасці Янкі Купалы жонка Коласа прыгатавала торт Баумкухен (Baumkuchen, у перакладзе "дрэва-пірог" — Sputnik). Гэты від выпечкі характэрны для Германіі. Яго зрэз нагадвае зрэз дрэва з гадавымі кольцамі. Прыгатаванне такога торта лічыцца вяршыняй кулінарнага майстэрства. Для выпякання выкарыстоўваецца драўляны конус, на які наматваецца шпагат і прыкрываецца навошчанай паперай. Зверху гэтай канструкцыі наматваецца цеста, пасля запякання якога конус дастаюць.

Рускі паэт і перакладчык Сяргей Гарадзецкі, з якім сябраваў Колас, узгадваў, што падчас візіта ў Ташкент да пары Міцкевічаў для яго арганізавалі сапраўдны беларускі стол з грыбамі, беларускімі сырамі і паляндвіцай. Галоўнай стравай была печань ментуза, якую Гарадзецкі вельмі любіў.

Вырошчваў тытунь, рабіў настойкі

З 1944 года Якуб Колас жыў у Мінску, але без жонкі. Яна памерла ў 1945 годзе.  Тут у яго быў свой сад, дзе раслі вішні, грушы, агрэст, маліны і слівы. Канстанцін Міхаілавіч вырошчваў усё самастойна і нават праводзіў сельскагаспадарчыя эксперыменты. Аднойчы пасадзіў разам жыта і ячмень — такі спосаб прачытаў у кнізе XVI стагоддзя, а вынікі сваіх даследванняў адправіў у Нацыянальную акадэмію навук.

Яблыкі ў садзе Якуба Коласа
© Sputnik Алеся Шаршнёва
Яблыкі ў садзе Якуба Коласа

Ёсць у Дзяржаўным музеі і склеп, дзе захоўваліся хатнія нарыхтоўкі — бульба, яблыкі і кансервы. Гэта самая старая пабудова на тэрыторыі сядзібы класіка.

Тыповы гарадскі склеп сярэдзіны ХХ стагоддзя
© Sputnik Віктар Талочка
Тыповы гарадскі склеп сярэдзіны ХХ стагоддзя

Якуб Колас быў апантаным грыбніком, асабліва паважаў баравікі, таму нарыхтоўкі з грыбоў меліся ў хаце заўсёды. Урачы забаранілі пісьменніку есці мяса і вострыя стравы і ён ужываў шмат мочаных яблыкаў, капусты і салёных агуркоў.

Некаторы час паэт вырошчваў на ўчастку тытунь, але потым паліць забаранілі ўрачы, і на такое хобі прыйшлося забыцца.

Сёння ў музеі Якуба Коласа ёсць сталовая, дзе захоўваецца посуд і некаторыя побытавыя рэчы. Напрыклад, набор для крушону — так называецца віно або сумесь вінаў з кавалачкамі садавіны — падарыў Янка Маўр, драўляную бутэльку і кубачкі — Пятрусь Броўка і Пятро Глебка.

Набор для крушону, які Коласу падарыў Янка Маўр
© Sputnik Алеся Шаршнёва
Набор для крушону, які Коласу падарыў Янка Маўр
Падарунак ад Пятруся Броўкі і Пятро Глебкі
© Sputnik Алеся Шаршнёва
Падарунак ад Петруся Броўкі і Пятро Глебкі

Было ў жыцці пісьменніка месца і алкагольным напоям. Напрыклад, у Ташкенце яго сябар Ісаак Драбкін вырабляў незвычайны настой, галоўнымі інгрыдыентамі якога былі спірт і вінаградныя адходы — скуркі, мякаць, костачкі і крыху сока. Колас называў гэты напой "хомут".

Наліўкі
© Sputnik Віктар Талочка
Наліўкі

Некаторыя настойкі пісьменнік рабіў самастойна. Вядома, што "Міхасёўку" па адмысловым рэцэпце сям'і Міцкевічаў зараз працягвае рабіць малодшы сын Міхась і хавае рэцэпт у сакрэце.

1559
Тэги:
беларуская кухня, Дзяржаўны літаратурна-мемарыяльны музей Якуба Коласа, Якуб Колас, Беларусь
Тэмы:
Класічная кухня: што елі і чым частавалі знакамітыя беларусы (10)
По теме
Кухня нашых продкаў: каперсы з капуцынаў і дзікія качкі з белым соусам
Віно і смажаныя кураняты: што яшчэ гатавалі нашы продкі з агрэсту
Кухня нашых продкаў: як гатаваць прываротнае зелле і любімы соус Гётэ
У гародзе лебяда — гаспадыні не бяда, ці як гатаваць пірог з пустазелля
Святочны канцэрт у Мінску з нагоды Дня Расіі

Светлае, сяброўскае свята: у Мінску адзначылі Дзень Расіі

16
(абноўлена 00:27 13.06.2021)
Лепшыя самадзейныя расійскія калектывы выступілі ў цэнтры Мінска, акрамя гэтага, мінчане атрымалі запрашэнне наведаць культурную сталіцу Расіі.

Сотні мінчан і гасцей сталіцы прыйшлі 12 чэрвеня на свята, прысвечанае Дню Расіі. Традыцыйна такія мерапрыемствы нацыянальных культур праходзяць у Мінску на пляцоўцы каля гарадской Ратушы з траўня па верасень. У мінулым годзе з-за пандэміі каронавіруса не было ніводнай такой урачыстасці, і пасля працяглага перапынку Дзень Расіі аднавіў традыцыю правядзення такіх свят у беларускай сталіцы.

Традыцыйна расіяне прывезлі ў Беларусь самабытныя калектывы, якія парадавалі мінчан выканальніцкім майстэрствам.

А пачаліся мерапрыемствы, прысвечаныя Дню Расіі ва Усіхсвяцкім храме Мінска. У крыпце Храма-помніка ў гонар Усіх Святых і ў памяць аб ахвярах, выратаванні Айчыны нашай паслужыўшых, Надзвычайны і Паўнамоцны пасол Расіі і настаяцель храма протаіерэй Фёдар Поўны заклалі капсулу з зямлёй з месцаў спачынку беларускіх воінаў, якія загінулі ў Крымскай вайне 1853-1856 гадоў.

У храме былі сказаны словы не толькі аб брацкай дружбе двух славянскіх народаў, але і пра важнасць гістарычнай памяці.

Святочны канцэрт

На канцэрт з нагоды Дня Расіі мінчане прыйшлі амаль за гадзіну да пачатку - і да пачатку мерапрыемства не было ніводнага свабоднага месца.

Праздничный концерт в Минске по случаю Дня России
© Sputnik / Виктор Толочко
Святочны канцэрт у Мінску з нагоды Дня Расіі

Адкрываючы канцэрт, расійскі пасол Яўген Лук'янаў, пажадаў беларусам міра, дабра і росквіту. Кіраўнік дыпмісіі сказаў, што будзе сціслым у прамовах, каб не затрымліваць пачатак канцэрта і дадаў: "Квітней, Беларусь, и да здравствует Россия!".

Посол России в Беларуси Евгений Лукьянов
© Sputnik / Виктор Толочко
Пасол Расіі ў Беларусі Яўген Лук"янаў

Паўночная ягада з Санкт-Пецярбурга

Прагучалі ў Мінску і прывітальныя словы ад губернатара Паўночнай сталіцы Расіі, якія зачытаў намеснік старшыні камітэта па знешніх сувязях Санкт-Пецярбурга Андрэй Хлуткоў. Ён прадставіў самабытны калектыў - дзяржаўны тэатр песні і танца "Морошка" з Санкт-Пецярбурга.

Заместитель председателя комитета по внешним связям Санкт-Петербурга Андрей Хлутков
© Sputnik / Виктор Толочко
Намеснік старшыні камітэта па знешніх сувязях Санкт-Пецярбурга Андрэй Хлуткоў

Паводле яго слоў калектыў ужо пабываў са сваёй канцэртнай праграмай у Гродна, а заўтра пакажа яе жыхарам Бабруйска. Ён таксама запрасіў мінчан наведаць горад на Няве.

Праздничный концерт в Минске по случаю Дня России
© Sputnik / Виктор Толочко
Святочны канцэрт у Мінску з нагоды Дня Расіі

"Санкт-Пецярбург таксама гасцінны, як і Мінск", - сказаў ён.

Таксама перад мінчанамі і гасцямі беларускай сталіцы выступіў славуты дзяржаўны акадэмічны рускі народны ансамбль імя Людмілы Зыкінай. У яго выкананні прагучалі песні ваенных гадоў, а таксама душэўныя савецкія шлягеры.

Выставка возле городской Ратуши в Минске, приуроченная Дню России
© Sputnik / Виктор Толочко
Выстава каля гарадской Ратушы ў Мінску, прымеркаваная да свята

Мінчане, якія прыйшлі на канцэрт, казалі, што "любяць і захапляюцца расійскімі артыстамі".

Праздничный концерт в Минске по случаю Дня России
© Sputnik / Виктор Толочко
Святочны канцэрт у Мінску з нагоды Дня Расіі

"Нам заўсёды прыемна бачыць нашых дарагіх расіян у Мінску. Мы ж родныя, у нас адна гісторыя, мы гаворым на адной мове, спяваем адны і тыя ж песні, выхаваны на вялікай літаратуры Пушкіна і Гогаля", - падзялілася ўражаннямі з карэспандэнтам Sputnik карэнная мінчанка Ірына Мікалаеўна.

Праздничный концерт в Минске по случаю Дня России
© Sputnik / Виктор Толочко
Святочны канцэрт у Мінску ля Ратушы

А яшчэ прыйшоўшыя на свята рабілі сэлфі з расійскім паслом Лук'янавым. "Мы цікавімся жыццём Расіі, мы цікавімся расійскімі навінамі", - распавядае Людміла.

Праздничный концерт в Минске по случаю Дня России
© Sputnik / Виктор Толочко
Святкаванне Дня Расіі у цэнтры Мінска

Паводле яе слоў, яна расіянка, але 25 гадоў жыве з мужам у Мінску. Захапляючыся святам, якое праходзіць сёння ў Мінску, яна выказала ідэю арганізаваць беларускі "Цягнік Памяці" па прыкладзе таго, які прыбыў у Беларусь з Расіі.

Праздничный концерт в Минске по случаю Дня России
© Sputnik / Виктор Толочко
Мінчане ў захапленні ад святочнага канцэрта

"Возьмёмся за руки, друзья!"

Пасол Лук'янаў у "кулуарах" свята пагутарыў з прэсай. Вядома, ён успомніў, сваё беларускае юнацтва і выказаўся пра бягучы момант.

"Што для мяне Беларусь? Зараз гэта месца працы. Яшчэ ў студзені я не ведаў пра тое, што прыеду сюды працаваць. (...) тут я правёў сваё малалецтва, вучыўся, і потым успрымаў Беларусь як частку велізарнай краіны - Савецкага Саюза", - расказаў пасол.

Посол России в Беларуси Евгений Лукьянов
© Sputnik / Виктор Толочко
Пасол Расіі ў Беларусі Яўген Лук"янаў

"Цяпер ёсць незалежная Беларусь, і ёсць незалежная Расія. Але куды мы дзенем стагоддзі агульнай гісторыі і культуры, агульныя каштоўнасці?" - задаў рытарычнае пытанне Лук'янаў.

Праздничный концерт в Минске по случаю Дня России
© Sputnik / Виктор Толочко
Квітней, Беларусь, и да здравствует Россия!

"Нас хочуць раскалоць і гэта цалкам зразумела, таму што тады мы былі б слабей, тады паасобку намі можна будзе лягчэй кіраваць, - сказаў дыпламат і працытаваў радкі савецкай песні. - "Возьмемся за руки, друзья, чтоб не пропасть поодиночке!".

Чытайце таксама:

16
Тэги:
канцэрт, сталіца, Расія, Дзень Расіі, Мінск, свята

Як у Мінску адсвяткавалі Дзень Расіі - фота

15
(абноўлена 23:25 12.06.2021)
  • Дзень Расіі ў Мінску
  • Дзень Расіі ў Мінску
  • Дзень Расіі ў Мінску
  • Пасол Расіі ў Беларусі Яўген Лук'янаў
  • Дзень Расіі ў Мінску
  • Дзень Расіі ў Мінску
  • Дзень Расіі ў Мінску
  • Дзень Расіі ў Мінску
  • Дзень Расіі ў Мінску
  • Святочныя мерапрыемствы з нагоды Дня Расіі бліжэй да вечара перанесліся ў цэнтр беларускай сталіцы
  • На плошчы каля гарадской Ратушы была арганізавана мастацкая і фотавыстава
  • Удзельніцы святочнага канцэрта рэпеціруюць перад выхадам на сцэну
  • Госцем свята стаў пасол РФ у Беларусі Яўген Лук'янаў
  • Святочны канцэрт каля Ратушы
  • Пасол Расіі, адкрываючы канцэрт, пажадаў беларусам міра, дабра і працвітання
  • Пасол Расіі ў Беларусі Яўген Лук'янаў
  • Святочны канцэрт у Мінску з нагоды Дня Расіі
  • У канцэрце прынялі ўдзел самадзейныя ансамблі нацыянальных дыяспар народаў Расіі
  • Цудоўны настрой панаваў у гэты вечар у цэнтры Мінска, і гледачы, не саромеючыся, пускаліся ў скокі
  • Іншыя ж уважліва назіралі за выступленнямі артыстаў
  • Выступленне артыстаў на канцэрце да Дня Расіі ў Мінску
  • Мінчане, якія прыйшлі на канцэрт, казалі, што любяць і захапляюцца расійскімі артыстамі
Дзень шматнацыянальнай Расіі - адно з самых маладых дзяржаўных свят у суседняй краіне, па традыцыі, яго з размахам адзначаюць і ў Беларусі. У фотагалерэі Sputnik глядзіце, як прайшло святкаванне ў гэтым годзе.

Дзень шматнацыянальнай Расіі адзначаецца ў суседняй краіне з 1992 года, калі Вярхоўны савет Расійскай Федэрацыі выдаў пастанову аб прысваенні святочнага статусу даце прыняцця Дэкларацыі аб дзяржаўным суверэнітэце Расійскай Федэрацыі. Сучасная назва - Дзень Расіі - свята атрымала ў 1998-м годзе.

Традыцыйна гэты дзень святкуюць і ў Беларусі - народнымі гуляннямі, святочнымі канцэртамі і афіцыйнымі мерапрыемствамі. У гэты раз урачыстасці пачаліся апоўдні ва Усіхсвяцкім храме Мінска цырымоніяй размяшчэння ў крыпце храма зямлі з месцаў гібелі беларусаў у Крымскай вайне 1853-1856 гадоў з удзелам расійскага пасла ў Беларусі Яўгена Лук'янава.

Працягнулі святкаванне адкрыццё выставы расійскіх і беларускіх мастакоў у арт-прасторы Cafe de fleur на плошчы Свабоды, а затым у Мінскай ратушы пачаўся шматгадзінны канцэрт расійскіх ансамбляў нацыянальных дыяспар, вечарам на сцэне іх змянілі тэатр песні і танца "Морошка" з Санкт-Пецярбурга і дзяржансамбль "Россия" імя Людмілы Зыкінай.

Чытайце таксама:

15
  • Дзень Расіі ў Мінску
    © Sputnik / Виктор Толочко

    У гэты раз святкаванне Дня Расіі адкрыла ўрачыстая цырымонія ва Усіхсвяцкім храме Мінска, сюды даставілі зямлю з месцаў гібелі беларусаў у Крымскай вайне.

  • Дзень Расіі ў Мінску
    © Sputnik / Виктор Толочко

    Пасол Расіі ў Беларусі Яўген Лук'янаў і настаяцель Усіхсвяцкага храма ў Мінску, протаіерэй Фёдар Поўны

  • Дзень Расіі ў Мінску
    © Sputnik / Виктор Толочко

    У крыпце Усіхсвяцкага храма ў Мінску будзе знаходзіцца зямля з Севастопаля, дзе ў 1853-1856 гадах загінулі беларусы, якія ваявалі ў Крымскай вайне.

  • Пасол Расіі ў Беларусі Яўген Лук'янаў
    © Sputnik / Виктор Толочко

    Расія і Беларусь павінны абараняць нашу гістарычную памяць і нікому не дазваляць запляміць, замараць або "зафоташопіць" нашы перамогі, перакананы пасол РФ у Беларусі Яўген Лук'янаў.

  • Дзень Расіі ў Мінску
    © Sputnik / Виктор Толочко

    Протаіерэй Фёдар Поўны правёў для расійскага дыпламата экскурсію па Усіхсвяцкім храме.

  • Дзень Расіі ў Мінску
    © Sputnik / Виктор Толочко

    У цырымоніі разам з дыпламатамі і святарамі прынялі ўдзел ветэраны, а таксама беларусы Крыма.

  • Дзень Расіі ў Мінску
    © Sputnik / Виктор Толочко

    Кіраўнік расійскай дыпмісіі ў Мінску асабіста ўстанавіў у крыпце капсулу з зямлёй з месцаў гібелі беларусаў у Крымскай вайне.

  • Дзень Расіі ў Мінску
    © Sputnik / Виктор Толочко

    Усіхсвяцкі храм з'яўляецца адным з велічных храмаў беларускай сталіцы. Алтар храма асвяціў Свяцейшы Патрыярх Усяе Русі Кірыл некалькі гадоў таму падчас свайго патрыяршага візіту ў Мінск.

  • Дзень Расіі ў Мінску
    © Sputnik / Виктор Толочко

    Сімвалічна, што закладка капсулы ў памяць аб загінуўшых беларусах пры першай асадзе Севастопаля адбылася менавіта ў Дзень Расіі, адзначыў настаяцель Усіхсвяцкага храма протаіерэй Фёдар Поўны.

  • Святочныя мерапрыемствы з нагоды Дня Расіі бліжэй да вечара перанесліся ў цэнтр беларускай сталіцы
    © Sputnik / Виктор Толочко

    Святочныя мерапрыемствы з нагоды Дня Расіі бліжэй да вечара перанесліся ў цэнтр беларускай сталіцы.

  • На плошчы каля гарадской Ратушы была арганізавана мастацкая і фотавыстава
    © Sputnik / Виктор Толочко

    На плошчы каля гарадской Ратушы была арганізавана мастацкая і фотавыстава.

  • Удзельніцы святочнага канцэрта рэпеціруюць перад выхадам на сцэну
    © Sputnik / Виктор Толочко

    Удзельніцы святочнага канцэрта рэпеціруюць перад выхадам на сцэну.

  • Госцем свята стаў пасол РФ у Беларусі Яўген Лук'янаў
    © Sputnik / Виктор Толочко

    Госцем свята стаў пасол РФ у Беларусі Яўген Лук'янаў.

  • Святочны канцэрт каля Ратушы
    © Sputnik / Виктор Толочко

    Святочны канцэрт каля Ратушы наведалі некалькі сотняў мінчан і гасцей сталіцы.

  • Пасол Расіі, адкрываючы канцэрт, пажадаў беларусам міра, дабра і працвітання
    © Sputnik / Виктор Толочко

    Пасол Расіі, адкрываючы канцэрт, пажадаў беларусам міра, дабра і працвітання.

  • Пасол Расіі ў Беларусі Яўген Лук'янаў
    © Sputnik / Виктор Толочко

    "Квітней, Беларусь, и да здравствует Россия!" - прывітаў гасцей і ўдзельнікаў святочнага канцэрта пасол Расіі ў Беларусі Яўген Лук'янаў.

  • Святочны канцэрт у Мінску з нагоды Дня Расіі
    © Sputnik / Виктор Толочко

    Святочны канцэрт у Мінску з нагоды Дня Расіі.

  • У канцэрце прынялі ўдзел самадзейныя ансамблі нацыянальных дыяспар народаў Расіі
    © Sputnik / Виктор Толочко

    У канцэрце прынялі ўдзел самадзейныя ансамблі нацыянальных дыяспар народаў Расіі.

  • Цудоўны настрой панаваў у гэты вечар у цэнтры Мінска, і гледачы, не саромеючыся, пускаліся ў скокі
    © Sputnik / Виктор Толочко

    Цудоўны настрой панаваў у гэты вечар у цэнтры Мінска, і гледачы, не саромеючыся, пускаліся ў скокі.

  • Іншыя ж уважліва назіралі за выступленнямі артыстаў
    © Sputnik / Виктор Толочко

    Іншыя ж уважліва назіралі за выступленнямі артыстаў.

  • Выступленне артыстаў на канцэрце да Дня Расіі ў Мінску
    © Sputnik / Виктор Толочко

    Выступленне артыстаў на канцэрце да Дня Расіі ў Мінску.

  • Мінчане, якія прыйшлі на канцэрт, казалі, што любяць і захапляюцца расійскімі артыстамі
    © Sputnik / Виктор Толочко

    Мінчане, якія прыйшлі на канцэрт, казалі, што любяць і захапляюцца расійскімі артыстамі.

Тэги:
Sputnik, Беларусь, свята, Расія, фота, Дзень Расіі, Мінск
Паломнікі ў Меке

Не больш за 60 тысяч: Эр-Рыяд дазволіць хадж-2021 толькі прышчэпленым пілігрымам

14
(абноўлена 19:37 12.06.2021)
У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

МІНСК, 13 чэр – Sputnik. У Саудаўскай Аравіі дазволяць 60 тысячам падданых і рэзідэнтаў краіны, якія зрабілі прышчэпку супраць каронавіруса (COVID-19), здзейсніць у бягучым годзе хадж, дадзенае паведамленне распаўсюдзілі сёння дзяржСМІ каралеўства.

Паведамленняў аб тым, што мусульмане з іншых краін могуць здзейсніць паломніцтва да святых месцаў ісламу, пакуль не было. Звычайна на хадж збіраюцца некалькі мільёнаў мусульман. Беларускія мусульмане раней, да пандэміі каронавіруса, таксама рэгулярна наведвалі Меку.

"У святле таго, што ўвесь свет становіцца сведкам развіцця пандэміі каронавіруса і з'яўлення яго новых мутацый, (...) прынята рашэнне абмежаваць рамкі правядзення рытуалаў хаджа. Агульная колькасць паломнікаў - падданых і рэзідэнтаў краіны любой нацыянальнасці - будзе складаць 60 тысяч", - гаворыцца ў распаўсюджаным паведамленні.

Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каронавіруса ў адпаведнасці з патрабаваннямі каралеўства. У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

Паводле апошніх звестак, у каралеўстве з насельніцтвам 34,2 млн чалавек ад пачатку пандэміі былі зарэгістраваны 463 703 выпадкі COVID-19, 7 537 пацыентаў памерлі ад наступстваў заражэння.

З 2010 года хадж да святынь ісламу здзейснілі не менш за 150 мільёнаў чалавек. У 2020 годзе з-за пандэміі паломніцтва ў Меку ўпершыню ў сучаснай гісторыі было абмежавана, дазволілі толькі тысячы мусульман, і толькі падданым Саудаўскай Аравіі.

Чытайце таксама:

14
Тэги:
Мека, Іслам, хадж, Эр-Рыяд
Тэмы:
Каронавірус COVID-19