Кінастудыя Беларусьфільм

Галоўчанка наведаў "Беларусьфільм": калі будзе блакбастар?

15
(абноўлена 10:14 25.03.2021)
Прэм'ер-міністр параўнаў прадукт кінастудыі з прадукцыяй заводаў - як МТЗ прадае трактары, так "Беларусьфільм" павінен прадаваць фільмы.

МІНСК, 25 сак – Sputnik. Кінастудыя "Беларусьфільм" павінна зняць запатрабаваную карціну і здолець яе прадаць, такія планы агучыў прэм'ер-міністр Раман Галоўчанка.

Ён прызнаў, што ў канцы мінулага года з-за пандэміі на студыі склалася няпростая фінансавая сітуацыя. Даходы ад аказання экспартных паслуг рэзка ўпалі. Між тым менавіта гэта ў значнай ступені забяспечвае функцыянаванне "Беларусьфільма", так як кінастудыя мае дастаткова развітую матэрыяльную базу і прымальныя тарыфы.

"Але з-за пандэміі многія праекты не рэалізаваліся. Таму кінастудыя трапіла ў няпростае фінансавае становішча. Урадам былі выпрацаваны меры падтрымкі, якія датычацца прадастаўлення зваротных фінансавых рэсурсаў для бягучай дзейнасці "Беларусьфільма", так і меры дзяржаўнай падтрымкі па субсідзіраванню вытворчасці нацыянальных фільмаў" , - распавёў Галоўчанка.

Задача - выйсці на прыбытак

"Вытворчасць - гэта такое ж прадпрыемства, якое выпускае прадукт, які павінен быць рэнтабельным і запатрабаваным. Як завод МТЗ выпускае трактар, МАЗ выпускае грузавік, так кінастудыя выпускае фільм. Гэта яе тавар, і ён павінен быць рэнтабельным і прадаваным", - заявіў Галоўчанка .

Наведваючы "Беларусьфільм", прэм'ер абмеркаваў з калектывам кінастудыі і тэматыку фільмаў. У тым ліку пагаварылі пра тое, якім павінен быць нацыянальны кінапрадукт.

На сёння студыя мае рэсурсы ўзроўню, які дазваляе здымаць запатрабаваныя фільмы, рэзюміраваў Галоўчанка. Праграма мадэрнізацыі матэрыяльнай базы была скончана ў 2017 годзе, асобныя ўчасткі дапрацоўваліся аж да цяперашняга года.

"Кінастудыя ўкамплектавана патрэбнай апаратурай, творчым калектывам, і гэта дазваляе рабіць якасны кінапрадукт. І самае галоўнае - мы павінны атрымаць у беларускіх кінатэатрах якасную і запатрабаваную беларускую кінапрадукцыю", - сказаў прэм'ер.

А раней былі блакбастары?

У 2020 годзе кінастудыя завяршыла працу над дзвюма карцінамі. Галоўнай інтрыгай быў нацыянальны праект "Купала" рэжысёра Уладзіміра Янкоўскага. Таксама ў 2020 годзе скончылі здымаць прыгодніцкую карціну па матывах серыі кніг пісьменніцы Людмілы Рублеўскай "Авантуры Пранцiша Вырвiча", рэжысёрам быў Аляксандр Анісімаў.

Беларусы пакуль што не маглі паглядзець "Купалу" у кінатэатрах, але фестывальнае жыццё карціны ўжо пачалося. У мінулым годзе скандал вакол фільма разгарэўся пасля таго, як яе няскончаную версію выклалі ў інтэрнэт.

У 2010 годзе выйшла карціна "Брэсцкая крэпасць". Фільм існуе ў двух відах: кінаверсія, якая з'явілася ў пракаце ў 2010 годзе, і 4-серыйная пашыраная тэлеверсія пад назвай "Крэпасць", паказаная на тэлебачанні ў 2011 годзе. Фільм быў сустрэты гледачом цёпла, ён да гэтага часу ўваходзіць у спіс лепшых карцін пра вайну на сайце "Кинопоиск", дзе рэйтынг фарміруецца зыходзячы з ацэнкі гледачоў.

Галоўным жа шэдэўрам ў спісе кінастудыі застаецца савецкі двухсерыйны мастацкі фільм рэжысёра Элема Клімава "Ідзі і глядзі". Ён зняты ў жанры ваеннай драмы па сцэнарыі Алеся Адамовіча і самога Клімава сумеснымі намаганнямі кінастудый "Беларусьфільм" і "Масфільм".

У гэтым годзе назва студыі магла прагучаць на "Оскары". Беларусь вылучыла на прэмію драму Вадзіма Перэльмана "Урокі фарсі". Фільм апавядае пра падзеі 1942 года ў акупіраванай Еўропе, у галоўных ролях - Ларс Айдзінгер і Науэль Перэс Біскаярт. Аднак амерыканская кінаакадэмія зняла фільм з конкурсу.

Чытайце таксама:

15
Тэги:
фільм, трактар, МТЗ, завод, прадукцыя, кінастудыя, прадукт, міністр, прэм'ер, блакбастар, "Беларусьфільм", Раман Галоўчанка
Заслужаны артыст Беларусі Леанід Барткевіч

Памёр Леанід Барткевіч - саліст залатога складу "Песняроў"

30
(абноўлена 13:15 13.04.2021)
Пра смерць заслужанага артыста БССР Леаніда Барткевіча паведаміла Sputnik яго жонка. Яму быў 71 год.

МІНСК, 13 кра - Sputnik. Савецкі і беларускі эстрадны спявак Леанід Барткевіч быў салістам ВІА "Песняры" з 1970 па 1980 год, а таксама з 1999 па жнівень 2003 года.

Леанід Барткевіч належаў да плеяды музыкантаў, чый голас быў знаёмы мільёнам прыхільнікаў творчасці "Песняроў". Гэта ён выконваў "Александрыну", "Вераніку", "Белавежскую пушчу", "Бярозавы сок", "Купалінку".

Леанід Барткевіч нарадзіўся ў 1949 годзе ў Мінску. Музыкай пачаў захапляцца яшчэ ў дзяцінстве: быў салістам у хоры хлопчыкаў Палаца піянераў, граў на гітары, скончыў музычную школу па класе трубы.

Падчас вучобы ў архітэктурным тэхнікуме быў салістам мясцовага аркестра, а пасля - вакалістам ансамбля "Залатыя яблыкі".

Працаваў архітэктарам у "Белндігіпрасельбуд". Дарэчы, на аснове дыпломнага праекта Барткевіча быў пабудаваны мінскі кінатэатр "Кастрычнік".

У 1970 годзе лёс звёў Барткевіча з Уладзімірам Мулявіным, які паклікаў таленавітага юнака выступаць у "Песнярах".

Праспяваўшы некалькі твораў, напісаных Мулявіным, Леанід быў прыняты ў склад легендарнай групы. З гэтага моманту пачалася яркая творчая біяграфія Барткевіча. З ансамблем Леанід пабываў на гастролях у ЗША. "Песняры" сталі першымі ўладальнікамі "Залатога дыска СССР".

Чаму Барткевіч сыходзіў з "Песняроў"

У 1980 годзе артыст паступіў у Расійскі інстытут тэатральнага мастацтва (ДІТІС) на курс эстраднага рэжысёра Іакіма Шароева. З-за вучобы Барткевіч вымушаны быў сысці з "Песняроў". У 1983 годзе ён стаў салістам Беларускага тэлебачання і радыё. У 1989 годзе разам з жонкай, алімпійскай чэмпіёнкай па спартыўнай гімнастыцы Вольгай Корбут і сынам Рычардам пераехаў у ЗША. Там ён пражыў амаль дзесяць гадоў.

Пасля вяртання ў Беларусь Леанід Барткевіч працаваў у ансамблі "Песняры" да самай смерці Уладзіміра Мулявіна.

Затым Барткевіч з некалькімі калегамі стварыў свой ансамбль з такой жа назвай. Ён перастаў існаваць у 2008 годзе, а ў 2009 артыст аб'яднаўся з музыкамі Анатолем Кашапаравым і Алегам Моўчанам ў новы ансамбль "Песняры".

За ўсю сваю кар'еру Леанід Барткевіч атрымаў нямала ўзнагарод. У 1973 годзе ён стаў лаўрэатам I прэміі Усесаюзнага конкурсу савецкай песні, у 1979 атрымаў званне заслужанага артыста Беларусі. Песняр не раз станавіўся лаўрэатам міжнародных фестываляў і конкурсаў.

25 траўня яму магло б споўніцца 72 гады.

Sputnik выказвае спачуванні родным і блізкім Леаніда Леанідавіча.

Чытайце таксама:

30
Тэги:
Беларусь, Sputnik, БССР, артыст, "Песняры", Леанід Барткевіч

Бразільцы будуюць яшчэ адну статую Хрыста - і яна будзе вышэй ранейшай

8
(абноўлена 16:52 12.04.2021)
  • Узвядзенне новай статуі Ісуса Хрыста ў бразільскім горадзе Энкантада
  • Праца над новай статуяй ідзе ўжо два гады
  • Новая статуя Хрыста будзе вышэй знакамітай статуі Хрыста-Збавіцеля ў Рыа-дэ-Жанейра
  • Кошт праекта - каля трохсот пяцідзесяці тысяч долараў
  • Вышыня статуі будзе складаць 43 м з пастаментам, размах рук - 36 м
  • Таксама плануецца ўстанавіць ліфт, які будзе дастаўляць турыстаў на назіральную пляцоўку на вышыні 40 м у раёне грудзей Хрыста
Новую статую Хрыста, якая будзе вышэй знакамітай статуі Хрыста-Збавіцеля ў Рыа-дэ-Жанейра, будуюць у горадзе Энкантада на поўдні Бразіліі.

Будаўнікі ўжо ўсталявалі галаву Збавіцеля - глядзіце цудоўныя фота грандыёзнай высотнай будоўлі на Sputnik Беларусь.

Праца над новай статуяй, якая будзе трэцяй па вышыні статуяй Хрыста ў свеце, ідзе ўжо два гады. Кошт праекта - каля трохсот пяцідзесяці тысяч долараў.

Вышыня статуі будзе складаць 43 м з пастаментам, размах рук - 36 м. Таксама плануецца ўстанавіць ліфт, які будзе дастаўляць турыстаў на назіральную пляцоўку на вышыні 40 м у раёне грудзей Хрыста.

Цікава, што самы высокі манумент Ісуса Хрыста пабудаваны ў Інданэзіі (52,55 м), другі па велічыні - у Польшчы (52,5 м).

Чытайце таксама:

8
  • Узвядзенне новай статуі Ісуса Хрыста ў бразільскім горадзе Энкантада
    © AFP 2020 / Silvio Avila

    Узвядзенне новай статуі Ісуса Хрыста ў бразільскім горадзе Энкантада.

  • Праца над новай статуяй ідзе ўжо два гады
    © AFP 2020 / Silvio Avila

    Праца над новай статуяй ідзе ўжо два гады.

  • Новая статуя Хрыста будзе вышэй знакамітай статуі Хрыста-Збавіцеля ў Рыа-дэ-Жанейра
    © AFP 2020 / Silvio Avila

    Новая статуя Хрыста будзе вышэй знакамітай статуі Хрыста-Збавіцеля ў Рыа-дэ-Жанейра.

  • Кошт праекта - каля трохсот пяцідзесяці тысяч долараў
    © AFP 2020 / Silvio Avila

    Кошт праекта - каля трохсот пяцідзесяці тысяч долараў.

  • Вышыня статуі будзе складаць 43 м з пастаментам, размах рук - 36 м
    © AFP 2020 / Silvio Avila

    Вышыня статуі будзе складаць 43 м з пастаментам, размах рук - 36 м.

  • Таксама плануецца ўстанавіць ліфт, які будзе дастаўляць турыстаў на назіральную пляцоўку на вышыні 40 м у раёне грудзей Хрыста
    © AFP 2020 / Silvio Avila

    Таксама плануецца ўстанавіць ліфт, які будзе дастаўляць турыстаў на назіральную пляцоўку на вышыні 40 м у раёне грудзей Хрыста.

Тэги:
Бразілія, Энкантада, горад, Рыа-дэ-Жанейра, статуя Хрыста, статуя
Будынак КДБ Беларусі

КДБ пацвердзіў інфармацыю аб затрыманні Кастусёва і Фядуты

8
(абноўлена 17:57 13.04.2021)
СМІ ужо другія суткі абмяркоўваюць прапажу лідэра найстарэйшай апазыцыйнай партыі і вядомага палітолага, праваахоўныя органы заявілі аб затрыманні толькі ў аўторак.

МІНСК, 13 кра – Sputnik. Камітэт дзяржаўнай бяспекі пацвердзіў затрыманне беларускага палітолага, былога члена каманды Аляксандра Лукашэнкі, Аляксандра Фядуты, а таксама кіраўніка БНФ Рыгора Кастусёва, паведаміла БелТА са спасылкай на ведамства.

У паведамленні гаворыцца, што Фядута і Кастусёў затрыманы ў рамках расследавання распачатай крымінальнай справы ў парадку артыкула 108 КПК Беларусі па непасрэдна ўзніклым падазрэнні ў здзяйсненні злачынства.

Поўная інфармацыя па гэтай сітуацыі будзе прадастаўлена пасля правядзення неадкладных следчых дзеянняў і аператыўна-вышуковых мерапрыемстваў.

Прапажа Фядуты

Як паведамляў Sputnik, заява аб згубе Фядуты паступіла ў аддзел МУС Расіі па Прэсненскім раёне Масквы ў ноч на панядзелак. На той момант ён не выходзіў на сувязь больш за суткі.

Хто такі Аляксандр Фядута?

Фядута ў 1994 годзе быў у камандзе Аляксандра Лукашэнкі, займаў пасаду начальніка ўпраўлення грамадска-палітычнай інфармацыі Адміністрацыі прэзідэнта. У 2005 годзе напісаў першую палітычную біяграфію прэзідэнта Беларусі.

У 2010 годзе ў перыяд выбарчай кампаніі быў у камандзе кандыдата ў прэзідэнты Уладзіміра Някляева, разам з ім ствараў грамадзянскую кампанію "Гавары праўду!" (у 2014 годзе скончыў працу ў ёй).

Фядута быў затрыманы 20 снежня 2010 года і змешчаны пад варту, да красавіка 2011 года знаходзіўся ў СІЗА КДБ, а потым яго вызвалілі пад падпіску аб нявыездзе. Праз месяц Фядута быў прысуджаны да двух гадоў пазбаўлення волі ўмоўна з выпрабавальным тэрмінам у два гады па справе аб масавых беспарадках 19 снежня 2010 года.

Лідэр партыі БНФ

Рыгор Кастусёў з'яўляецца старшынёй партыі "Беларускі народны фронт". Раней у сацсетках БНФ з'явілася інфармацыя аб тым, што ён знаходзіцца ў мінскім СІЗА КДБ "па крымінальнай справе". Сваякі даведаліся аб затрыманні пасля таго, як ім патэлефанавалі з Камітэта дзяржбяспекі.

Паводле інфармацыі СМІ, затрыманне адбылося напярэдадні ўвечары ў Шклове (Магілёўская вобласць).

Рыгор Кастусёў у палітыцы больш за 30 гадоў. У партыю "Беларускі народны фронт" ён уступіў у 1989 годзе, з 2009 года займаў пасаду намесніка старшыні партыі, а ў 2017 годзе палітык узначаліў БНФ. У 2010-м вылучаўся кандыдатам у прэзідэнты, пасля выбараў з-за ўдзелу ў акцыі пратэсту быў затрыманы праваахоўнымі органамі, аднак асуджаны не быў.

Чытайце таксама:

8
Тэги:
орган, палітолаг, партыя, СМІ, Аляксандр Фядута, Рыгор Кастусёў, затрыманне, інфармацыя, КДБ РБ
Тэмы:
Пратэсты пасля выбараў у Беларусі